اولوم یورقونو
کوچوره ن:اکبرسعادت
آنا دیلیمیز:اطراف یاشیل و ساریدیر. گونشلی بیر گونورتا چاغی کیمی. اوغلان شوشنی سیلکهلهدی. ایستی، آغ ایشیق کپنک کیمی قانادلانیب هاوایا قالخدی. پنجرهیه قوندو. چرچیوهده سسسیز رویالین دیللرینده چالینان موسیقییه بنزر بیر مئلودیا سسلندی. یوخولاریندان توخونموش کیمی یونگول، اودلو قانادلار شفقلره آیریلدیلار. پنجره چرچیوهسینین هئچ نه سیزمایان دئشیکلریندن کئچیب اوتاغا دولوشدولار. هاوادان آسیلدیلار. قارانلیقدا پارچالانمیش بدن عضولری کیمی ایشیلدادیلار.
توتون، توتا بیلیرسینیزسه، توتون.باخ بو دوداقلار، بو بورون، بو گوزلر. گورونوب یوخ اولوردولار. هئچ ایزلری ده قالمیردی. یالنیز ماراق قالیردی. اونلارین اویاتدیغی اینانیلماز ماراق. ایستدیگی آنی یاخالامیش اوغلان سوسنی هاوادا توتماقدا داوام ائدیردی. اودلو کپنک قانادلاری کیمی دیلیملنن ساری یاشیلیمتیل ایشیق نینکی یاخشیجا تیخانمیش پنجره چرچیوهلری آراسیندان ائوه، حتی قارینین اوندان دا محکم تیخانمیش اوریینه یول تاپیردی. اوغلان اونون نئجه تئز-تئز نفس آلدیغینی ائشیدیردی. قاری چالیشیردی قلبیندکی قورخونو اولدورسون، وحشی حسلرینی ایچینده بوغسون. یوخ، یوخ، آلدادا بیلمزسن! – ائله کال سسله باغیریردی کی، سانکی اوستونه شیغییان دالغادان خلاص اولماغا چالیشیر، بوغولور، سویون آلتیندا چابالاییر، ال-قول آتیر، حیاتلا ویدالاشماق ایستمیر. – هر دفعه یئنی قیافهده دونورسن. هر دفعه یئنی ماسکا تاخیرسان. آنلایا بیلمیرم. چوخدان تانیدیغیم سسله دانیشیرسان. کیمین سسیدیر بو؟ کیمین اولور-اولسون، نه فرقی وار کی. دیزیمین اوستونده آچدیغیم کارتلار دا سنین کیم اولدوغونو دئییرلر منه. اول-آخیر، گنجلیگیمیزین دوز ایگیرمی دؤرد ساعتی.منی یولدان چیخاردیرسان… ائله دئییل…ائلهدیر. ائله. چیخان کیمی منی توتوب سویوق و قارانلیق یئره آپاراجاقسان. اوستومه تاختا یورغان سرهجکسن. چونکی ایللرله سنی گیجبسر یئرینه قویموشام. بو ایلدن او ایله آتمیشام، لنگیتمیشم. اونلارین حیف ینی چیخاجاقسان مندن. اما یوخ. عبث چالیشیرسان.
خانیم قیز، سیز چیخسانیز، یالنیز و یالنیز گوزل الینیزی اوپهجهیم. بوندان باشقا هئچ نه…آرخادا نیه؟! ایستهسهنیز، بیرجه آنین ایچینده، هامیسینی قایتارارسینیز.بیر آنین ایچینده، – قاری پیچیلدادی.چوخدان مئشنی گزممیسینیز؟بیلمیرم. خاطرلاماق ایستمیرم. قوجا باشیمدا هر شئی آلت-اوستدور.خانیم قیز، – اوغلان دئدی، – باییردا اسرارنگیز یای گونودور. آغاجلارین آلتی یامیاشیل مبهده بنزییر. قیزیلی آریلار خالچا توخویان کیمی او چیچکدن بو چیچهیه قونور. گوزل ناخیشلار سالیرلار. قوجا پالیدین کوغوشوندان کهربا رنگلی بال آخیر. آیاقیالین گزین چمنلری. دیزهجن چول نانهسینه باتین. چمن چیچکلرینی سئیر ائدین. باخین تالایا. یاخشی باخین! سانکی رنگارنگ کپنکلردن عبارت بولود ائنیب اورا. آغاجلارین آلتیندا هاوا سرین و تمیزدیر. درین قویونون بومبوز سویو کیمی. خترین ایستییر، ایچ دویونجا. یای گونو. همیشجاوان یای گونو.من ایسه قوجایام و قوجا اولاراق قالاجاغام. اگر منی دینلهسهنیز، قالمازسینیز. چوخ ماراقلی بیر سوودلشمه تکلیف ائدیرم. ان دوغرو یولو بودور… بیز بیر یئرده شنلنریک: سیز، من و گونشلی آوقوست گونو.
بو نه سازیشدیر؟ منیم عهده مه دوشور؟ بو دقیقهدن باشلایاراق ایگیرمی دورد ساعت خوشبخت و قایغیسیز حیات. مئشهیه قاچیب گیلمئیوه درجییک. بال یالایاجاق، شهره گئدیب هورومچک تورو قدر زریف و آغاپپاق یای پالتاری آلاجاق و قاتارا ایلشجییک.قاتارا؟!قاتارلا بیر ساعتلیق مسافهده یئرلشن بویوک شهره یوللاناجاق، چاتان کیمی ناهار ائدهجک و بوتون گئجنی فاسیلهسیز رقص ائدجییک. سیزه ایکی جوت آیاققابی آلاریق. او قدر رقصه بیر جوت داوام گتیرمز.آه، منیم قوجا سوموکلریم… من یئریمدن چتین ترپنرم. گزمک ندیر؟! سیز قاچاجاقسینیز. اوچاجاقسینیز. رقص ائدهجک، سانکی سما بویو سوزجکسینیز. بیز گویده آخان اولدوزا تاماشا ائدهجک، گونشین غوروبونو ایزلیجییک. سحره یاخین گولون ساحلینده دولاشاجاق، گونش اوفوقده گورونن کیمی هئچ کیمین عمرو بویو یئمدیگی لذتلی سحر یئمیی یئیجییک. گونورتایادک نارین قومون اوزرینده کئف ائدهجک، آخشاموستو بویوک بیر کونفئت قوتوسو آلیب یئنیدن قاتارا ایلشهجک، بلدچی کومپوستئرینین اوچوشان گوی، یاشیل، نارینجی کونففئتتیلرینین موشاییتیله یئنی ائولننلر کیمی هئچ کسه محل قویمادان خوشبختلیک قانادلاریندا اوچا-اوچا کوکنار اتریله دولو مئشهیه گیرهجک و سیزین ائوه یاخینلاشاجاییق… سوکوت.وسسالام، – قاری میزیلداندی. – اما هله هئچ نه باشلانماییب.سونرا سوروشدو:یاخشی بوتون بونلار سنین نیینه لازیمدیر؟ مقصدین ندیر؟گنج خئییرخواه تبسم له گولوم سوندو:خانیم قیز، سیز ایله یاتماق ایستییرم. قارینین بوغازی تیخاندی. قهرلندی:عمرومده بیرجه دفعه ده اولسون هئچ کیمله یاتمامیشام.بئله دئ… قاریمیش قیزسینیز!بونونلا فخر ائدیرم!گنج تأسفله باشینی بولادی:نه دئمهلی، دوغرو ایمیش. سیز سوزون اصل معناسیندا، قاریمیش قیزسینیز.سونرا دینشهدی. ائودن سس گلمهدی.ساکیتجه، سانکی کیمسه ایللرله آچیلمامیش گیزلی سو کرانینی بوروب آچدی، اوندان دامجی-دامجی سو سوزولمهیه باشلادی. قاری آغلاییردی. نیه آغلاییرسینیز؟بیلمیرم، – او هیچقیردی.بیر آزدان قاری سوسدو. اوغلان اونون ساکیتلشمک اوچون کرئسلودا یئللندیگیینی حس ائتدی.یازیق قاری، – دئیه پیچیلدادی.منه »قاری« دئمه!یاخشی، – دئدی. کلاریندا.منیم آدیمی هارادان اویرندین؟ اونو هئچ کس بیلمیر آخی!کلاریندا، نیه سن او واخت بو ائوده گیزلندین؟ او زامان… اوزون ایللر بوندان اونجه…بیلمیرم. یادیمدان چیخیب… نه بیلیم. بلکه ده، قورخودان.ندن قورخوردون آخی؟قریبیدی. حیاتیمین اولینده یاشاماقدان قورخوردوم، سونرا – اولومدن. همیشه ندنسه قورخموشام. اما سن منه دوزونو دئ… منیم او ایگیرمی دورد ساعتیم نه قدر داوام ائدهجک… گول کناریندا گزینتیدن سونرا قاتارلا گئری دونوب مئشه یولو ایله ائویمه گلدیگیمیزدن سونرا، سن ایستدیگینی ائدندن…
گنج اونو تلسدیرمیردی، سوزونو کسمیر، فیکرینی قاریشدیرمیردی.منیمله یاتاندان سونرا؟ – قاری پیچیلدادی.اون میلیون ایل، – دئیه گنج قارینین سوالینی جاوابلاندیردی.او، – قاری گوجله ائشیدیلهجک سسله دئدی. – دوغرودانمی، بو قدر چکهجک؟! اوغلان راضیلیقلا باشینی ترپتدی.چوخدور، جاوان اوغلان. بو نئجه سازیشدیر؟ سن منه ایگیرمی دورد ساعت گنجلیک وئریرسن، من سنه اون میلیون قیمتلی ایللریمی. اونوتما. من ده اوز قیمتلی ایللریمی سنه حصر ائدهجم. سنی هئچ واخت ترک ائتمهیهجم.منیمله یان-یانا اوزانیب قالاجاقسان.بس نئجه؟!ائه جاوان، جاوان. ندنسه، سسین منه چوخ تانیش گلیر.منه دقتله باخ.آچار دئشیگینه تیخانمیش تیخاج چیخاریلدی. همین دئشیکدن اونا گوز زیللندی. گنج تارلاداکی گونباخانلارا و اونلارین گویدکی صاحبینه باخیب گولومسوندو. غریبهدیر، من کورام. اما گورورم. اینانا بیلمیرم.- قاری آغلادی. – دوغرودانمی، قاپینین اونوندکی اویللی اوینچئستئردیر؟! گنج دیللنمهدی:اویللی سنه ایگیرمی بیردن آرتیق یاش وئرمک اولماز. آرادان ایسه یئتمیش ایل کئچیب. هئچ دییشممیسن.گنج حیات جووهری ایله دولو شیشه نی آستانایا بیر قدر ده یاخین قویدو. اوزو کئچیب کناردا دایاندی. باجارارسان؟! – قارینین دیلی توپوق چالدی. – منی ده اوزون کیمی جاوان ائده بیلرسن؟ اوغلان راضیلیقلا باشینی ترپتدی:ائه، اویللی، اویللی. دوغرودانمی، بو سنسن؟! قاری گوزلییردی. گنجین خوشبخت و گمراه گورکمینه، گونشین شفقلری آلتیندا پاریلدایان ساچلارینا و یاناقلارینا حسدله باخیردی.داها بیر دقیقه اؤتدو:هه، نه قرارا گلدین؟ – جاوان دئدی.دایان! – قاری دئییندی. – قوی دوشونوم! اوغلان حس ائدیردی کی، قاری تلم-تلسیک یادداشیندان بوتون اولوب-اوتنلری کئچیریر. دارگوزلو الکدن قوم النن کیمی الییر. اما یادا سالیناسی بیر شئی یوخدور – هر شئی توزا و کوله بورونوب. خاطرهلری اوجسوز-بوجاقسیز سحرا کیمیدیر. هئچ بیر یاشیللیق نظره چارپمیر، – دئیه اوغلان دوشوندو.
اوغلانین آغلیندان بو فیکیرلر اؤتن کیمی قاری دیکسیندی:
غریبهدیر، – نهایت، او دونقولداندی. ایندیجه منه ائله گلدی کی، ایگیرمی دورد ساعت گنجلییه هر شئیی قوربان وئرمک اولار. بو هم ده چوخ خئییرخواه ایشدیر.هه، کلاریندا، – گنج دیللندی. – بوندان دوغرو سئچیم اولا بیلمز.
کیلیدلر ترپندی، جفتهلر جیریلدادی و قاپی تایباتای آچیلدی. دامارلاری چیخمیش قوپقورو ال گوروندو، شیشه نی گوتوروب گئری چکیلدی.بیر دقیقه اوتدو.سونرا پولئمیوت آتشی کیمی صورتلی آیاق سسلری ائشیدیلدی. آرخا طرفدن اولان گیریشین ده قاپیلاری سرعتله آچیلدی. پنجرهلرین چرچیوهلری قوپوب اوتون اوستونه دوشدو. سونرا پنجره شوشهلری چیلیکلندی. پنجرهلردن باییرا توز پوسکوردو. نهایت، گئنیش آچیلمیش گیریش قاپیسیندان بوش شوشه قاب باییرا آتیلدی، داشا دییب پارچا-پارچا اولدو. و بودور، ائیواندا او گزیشیر. قوش کیمی ایتی و یونگول. گونش شفقلرینی اونون اوستونه سریب. ائله بیل قارا پردهلرین آرخاسیندان اوچوب صحنهیه قونموش بیر ملکدیر. سونرا همین او ملک سیمالی قیز پیللکنلرله ائندی، اوغلانین الیندن توتدو.تصادفا یول اوتن بیر اوغلان بو صحنه نی گوردو. ائله تعجبله باخدی کی، گوزلری آز قالدی هدقهسیندن چیخا. ائلهجه برلمیش گؤزلری ایله ده اونلاری ترک ائتدی.نیه گوره منه ائله باخیردی؟ – قیز سوروشدو. چوخ، چوخ، لاپ چوخ گوزلسن. گوزگویه باخماق ایستییرم.یوخ، یوخ، لازیم دئییل.شهرده هامینین خوشونا گلهجهیم؟ بلکه، بو منه ائله گلیر؟ منیمله ضرافت ائتمیرسن کی؟ سن گوزللیک مجسسمهسیسن.دئمهلی، من قشنگم. اوزوم بیلیرم. بو گئجه هامی منیمله رقص ائتمک ایستهیهجک. کیشیلر بیر-بیر منی رقصه دعوت ائدهجکلر.هامی بیر نفر کیمی.جیغیردا ویزیلدایان آریلارین و خیشیلدایان یارپاقلارین احاطهسینده دایاندی، گنجین یای گونشی کیمی گوزل صفتینه باخیب سوروشدو:اویللی، من ایستییرم کی، سن همیشه بئله مئهریبان اولاسان. هر شئی بیتندن، بیز بورا دونندن سونرا دا. اوغلان اونون گوزلرینه باخدی، بارماقلارینی یاناقلارینا توخوندوردو.
هه، – دئدی، محببتله سیغاللادی، – هه.اینانیرام. من سنه اینانیرام، اویللی.و اونلار جیغیرلا قاچیب گوزدن ایتدیلر. توز ایسه هاوادان آسیلمیشدی. قاپیلار، پنجرهلر تایباتای قالمیشدی. گونش آسانلیقلا ایچری گیره بیلر، قوشلار اورادا یووالارینی قورار، بالا چیخاراردیلار. یای گوللرینین لچکلری ایسه یاز یاغیشی کیمی اوطاقلارا و هله ده بوش اولان یاتاغا سپلنردی. و یونگول یای کولیی گئنیش و مانعهسیز اوطاقلاری مخصوصی روحلا دولدوراردی. ایلکین و باشلانغیجین ترتهمیز روحو ایله. باشلانغیجین و باشلانغیجدان سونراکی ایلک ساعتین روحو ایله. او زامانین کی حیات آدی بیر ینه اوجو بویدا جیسمین یارانیشیندان باشلاییر. نه زامان کی، اطرافدا یالنیز ساکیتلیک و ساهمان وار، قوجالیق حاقیندا صحبت اولا بیلمز. مئشهنین لاپ درینلیگیندن وحشی دووشانلارین اورک دویونتوسونو خاتیرلادان آیاق سسلری گلیردی. لاپ اوزاقدا قاتار فیت وئریردی. او قاتار شهره چاتماغا تلسیردی…
نوشته شده توسط admin در دوشنبه, ۲۳ فروردین ۱۳۹۵ ساعت ۴:۴۷ ق.ظ