قورداوغلونون داستانی

شهری آغلایا – آغلایا دئدی: یئری – یئری ایکی دیللی بی ایلقار اولموسان مهری باغچاسی – گولشنی گوللو بی ایلقار اولموسان مهری آلدی مهری :
باشینا دولانیم شهری دی‏ء گؤروم نه خبرین وار سن ائیله‏مه مندن قهری دی‏ء گؤروم نه خبرین وار شهری دئدی :
عشقینده باده ایچیلمیش
قدّیمه خلعت بیچیلمیش آلدانیب ایلقاردان کئچمیش بی ایلقار اولموسان مهری مهری دئدی : گزدیگین ائل – اوبالاردان خبرین یوخ بورالاردان بیر خبر وئر اورالاردان دی‏ء گؤروم نه خبرین وار شهری دئدی :
شهری سؤزلرین قاندیردی باغرینین باشین یاندیردی عشقین جاندان اوساندیردی بی ایلقار اولموسان مهری .
مهری دئدی :
مهری دئیه‏ر یوخ چاراسی یوخدو دردیمین داواسی نولدو باشینین سوداسی دی‏ء گؤروم نه خبرین وار .
ائله کی سؤز قورتاردی مهری الین سالدی شهرینین بوینونا آما شهرینین اوره‏گی دولوب آغلایا- آغلایا دئدی :
اگلشمیشدیم شاد – خرم یئریمده هجران منی باسدی غم آیاقلادی هر طرفدن دوشمن گلدی اوستومه قوی دوشمن گؤزون منه چاغلادی آرادا قورولدو بیر دنه بیر جنگ ناگاهدان سینه‏مه سانجیلدی خدنگ حالیما آغلادی دریادا نهنگ ائشیدن‏لر تمام منه آغلادی شهری منم یالان گلمز دیلیمه اؤزگه قوشو قویمام قونسون گولومه ناحق یئره من گئتمیشم اؤلومه مولام کؤمک اولدو آللاه ساخلادی .
بیردن مهری دئدی آخی عم اوغلو آتالاریمیز وصیت ائدیبلر کی هر زامان ایشینیز دوگونه دوشدو عمه‏نیزین اری تورکمان بگه دئیین. شهری تئز دوروب ایکی آت گؤتوروب شهرین دروازاسینا طرف حرکت ائله‏دی و منتظر اولدو کی عم قیزیسی نئجه کی سؤز وئرمیشدی اورا گلسین آما نه قدر منتظر اولدو گلمه‏دی قلبینده دئدی مهری منی نقشه‏یه سالدی کی اؤزو او بیری دروازادان قورداوغلونون یانینا گئده، منیم اؤلمگیم یاخشی‏دیر خنجری چیخاردیب اوره‏گینین باشینا قویوب دئدی :
چیخدیم دوغرو یوللار اوسته گئنه کؤنلوم قاره‏لندی دهانیمدان بیر اود دوشدو جسم – جانا نار الندی باغبان بسلر باغبانلیغی آباد ائیلر گولشانلیغی نئیلرم بئله ساغلیغی جان جاناندان آرالاندی اوزاق ائله دوشدو گذار گونو گوندن آرتدی آزار آرتدی دردیم اولدو هزار شهری ده بیچاره‏لندی .
بیردن بیر سس گلدی، عم اوغلو!
***
بونلار گئتدیلر تورکمان بگین یانینا، شهری تمام ماجرانی تورکمان بگینه سؤیله‏دی. آما سیزه دئییم قورد اوغلوندان، گؤردو کی مهریدن خبر یوخدو هر یانی آختاردی تاپانمادی قورداوغلو او قدر ناراحات اولدو کی دستور وئردی ۵۰۰ آتلی حرکت ائدیب مهرینی آختارسینلار. بیر گون قورداوغلو داشین اوستونده ایکی کهلیک گؤروب مهری یادینا دوشدو دئدی :
سحر- سحر گؤزل کهلیک سکر داغلار دئیه دئیه توله‏ک ترلان شکار ائیلر چکر داغلار دئیه – دئیه یئریشی قازدان گؤتورموش سنی اون دؤرده یئتیرمیش گورجوستاندان‏نارگتیرمیش تؤکر داغلار دئیه‏دئیه ویرانه قالسین بو باغلار شیدا بولبوللر قان آغلار چکیلدی دوگونلو داغلار قورداوغلو ار دئیه – دئیه .
قورداوغلو بیر مدت یول گلندن سونرا یئتیشدیلر تورکمان ائلاتینین چادرلارینا . قورداوغلو بیر نامه یازیب تورکمان پاشایا گؤندردی کی من عربستاندان گلمیشم اصفهانا مهری دلبرین دالیجا .اونلار قاچیبلار .من سندن همی مهری دلبری همی ده اونون یانینداکی آدامی ایسته‏ییرم اگر وئرمه‏سن تمام آداملارینی قیراجاغام .نامه‏نی آتلی‏لارین بیری تورکمان بگه گتیردی .
تورکمان بگ دئدی چون بونلار منه پناهنده اولوبلار من اونلاری قورداوغلویا وئرمرم .نامه‏نین جوابین یازیب گؤندردی .هر ایکی طرف جنگه حاضر اولدولار. صاباح اولدو هر ایکی طرفدن طبل جنگ چالیندی…
هر ایکی طرفدن نئچه نفر اؤلدو .
آخشام دؤیوشدن ال چکدیلر .چون تورکمان بگین آداملارینین نئچه‏سی قیریلدی. تورکمان بگی اؤزو میدانا گیردی قورداوغلو، تورکمان بگی ایله ووروشدولار. قورداوغلو دئدی :
من قالخیب گلمیشم عربستاندان وئرگیلن مهریمی تورکمانلی پاشا دوشمه‏گیلن شیرین جانین قصدینه وئرگیلن مهریمی تورکمانلی پاشا ترکمانلی پاشا دئدی :
آل سؤزون جوابین آغا قورداوغلو وئرمم مهری یاری گیرمه ساواشا قاییت سن بورادان چوخلو قان اولار وئرمم مهری یاری گیرمه ساواشا قورداوغلو دئدی :
ایگید اولانلارین دئییلر آدی میدان آراسیندا اولار قوواتی نئیلرم دونیادا مالی – دؤولتی وئرگیلن مهریمی تورکمانلی پاشا تورکمانلی پاشا دئدی :
گلمه‏گیلن هر سردارین اوزونه یاندیرما باغریمی غمین کؤزونه ایسته وئریم دؤولت مال – خزینه وئرمم مهری یاری گیرمه ساواشا قورداوغلو دئدی: قورداوغلویام سنی داردان آسارام خدنگ اوخلار سینه‏ن اوسته باسارام ایندی بو میداندا باشین کسرم وئرگیلن مهریمی تورکمانلی پاشا تورکمانلی پاشا دئدی: تورکمانلی پاشایام آد- سانیم وار میدانا گیرمگه آج اسلانیم وار سن‏له جنگ ائتمگه پهلوانیم وار وئرمم مهری یاری گیرمه ساواشا .
آخیردا قورداوغلو دئدی: دئییرم تورکمانلی پاشا
سن گئت ایشینه ، ایشینه باعث اولما ناحاق قانا سن گئت ایشینه، ایشینه تورکمانلی پاشا دئدی:
لاف ائیله‏مه نامرد اوغلو سن گئت ایشینه ایشینه مصری قیلینج الده سؤیلر سن گئت ایشینه ایشینه قورداوغلو دئدی :
گل تؤکدورمه ناحاق قانلار اؤلدو گئتدی نئچه جانلار بس نئجه اولدو پهلوانلار سن گئت ایشینه ایشینه تورکمانلی پاشا دئدی :
بویارام من قیزیل قانا اودو ساللام شیرین جانا گیره‏نمه‏سن بو میدانا سن گئت ایشینه ، ایشینه قورداوغلو دئدی: قورداوغلویام آرتیب زاریم کیمسه‏یه یئتمز آزاریم گل وئرگیلن مهری یاریم سن گئت ایشینه ، ایشینه تورکمانلی دئدی :
تورکمانلی پاشا لاف‏ائتمز نامردلردن سؤز ائشیتمز باشیم گئتسه مهری گئتمز سن گئت ایشینه ، ایشینه .
ائله کی سؤز قورتاردی تورکمانلی پاشا گؤردو قورداوغلویا حریف دگیل، دئدی :آقای قورد اوغلو آتینین قارنی آلتیسی آچیلیب دوش اونو باغلا، قورداوغلو اگیلدی باغلایا تورکمانلی پاشا قیلینجی دوز دایادی بوینونا قورداوغلو دئدی: بس نه ایچون نامردلیک ائدیرسن؟ دئدی: بس سن بیر ایگیدین نشانلی‏سین الیندن آلیرسان اوندا نامردلیک دگیل؟ قورداوغلو دئدی: نئجه بئله اولار؟ دئدی: مهری‏ایله شهری بیری – بیرینه آداخلی عم‏اوغلو – عم قیزی‏دیرلار.
دئدی: او قیز منه کاغاذ یازیب، آل باخ، بو نامه‏سی بو عکسی .
تورکمانلی پاشا، شهری، مهری بیر ده یارادان قولو چاغیریب حقیقتی آراشدیردی ،یارادان قولو اؤلدوردولر قورداوغلو اؤزو قیرخ گون قیرخ گئجه مهری ایله شهری‏یه توی توتدو ،تویدان سونرا چیخیب گئتدی عربستانا.