ایراندا قمری تاریخینین گونش تاریخینه تبدیل اولونماسی
عبدالصمد ملکی
۱۲۹۸ هجری شمسی ایلینین اسفند آیینین ایکیسینده اؤلکهمیزین بیرینجی هجری شمسی تاریخی تنظیم اولوندو و اوندان سونرا گونش تاریخی قمری تاریخینین یئرینی توتدو. اونونلا بئله بو دَییشمهنین اجرا اولونماسی بئش ایل زمان آپاردی. تقویمین قمری ایلیندن گونش ایلینه دَییشمگی ایله عینی زماندا آیلارین آدلاریدا دَییشدی. قدیم دؤرلردن او گونهجن اؤلکهمیزین تقویمینده ایلین اون ایکی آیی؛»حمل، ثور، جوزا سرطان، اسد، سنبله، میزان، عقرب، جدی« آدلانسا دا او گوندن سونرا بو آدلار؛ فروردین اردیبهشت، خرداد، تیر، مرداد، شهریور، مهر آبان، آذر، دی، بهمن، اسفند آدلاری ایله عوض اولوندو.
بو طرحی او گونون ملی مجلیسینه ارائه ائدن طهران وکیلی میرزا عبدالحسین خان وحیدالملک ایدی.
وحید الملک اؤز طرحینده یازیب: دولت ادارهلری محاسبهلری بورجلار اساسیندا (اویغور تاریخی اساسیندا) اولدوغو و دولتین بوتون رسمی ایشلهینلریده معاملهلرینی و حقوقلارینیدا همان نسق ایله جاری ائلهدیکلری و غیر رسمی ادارهلر و عموم جماعتین قمری آیلاردان استفاده ائتمکلرینه گؤره، چوخلو اختلافلار یارانیر و دولت ایشلهینلرینین ضررینه قورتولور. بو اختلافین آرادان گئتمهسینه گؤره آشاغیداکی طرحی، قانونی طرح یولو ایله مقدس مجلسه تکلیف ائدیرم:
۱٫ ایللیک معاملهلرده هر ایلین باشلانیشی حمل بورجوندان حسابلاناجاق.۲٫ بوتون آیلیق معاملهلر بورجلار اساسیندا حسابلاناجاق.
توضیح: معامله لردن منظور اجاره، استجاره اجرت، فحلهلرین مزدی، ایشلهینلر، تجاری خدمتلر، صرافیلر و سایر کیمی اونلاردا مبلغ قید اولان قراردادلاردیر.
۳٫ بیرینجی و ایکینجی مادّهلر ۱۳۲۸-جی ایلین حمل آیینین اوّلیندن بوتون »ایران محروسه مملکتلری نده اجرا اولوناجاق«.
مجلس بو طرحه بئله جواب وئردی:
ملی شورا مجلسی/۱۳۲۸-جی ایلین صفر آیینین ۱۲-سی. مبتکرات ادارهسیندن مجلس ریاستی ادارهسینه،مبتکرات کمسیونونون آقای وحیدالملکون طرحینه گؤره راپورتو، مبتکرات کمیتهسینین ۱۳۲۸-جی ایلینین بئشیندهکی صورت جلسهسینه موافق اولاراق.
جناب وحیدالملکون، بوتون عمومی مشترک مبادلهلر و معاملهلرین تاریخ ثبتی و قمری تاریخیندن شمسی و بورجی تاریخینه دَییشمهسینه گؤره طرحی مذاکره اولوندو. او طرح اساساً دقّته لایق طرح اولسا دا عموم جماعتین آراسیندا جریان تاپماسی اوچون عجالتاً بیر سئری اشکاللارلا اوزلشهجک. بونا گؤره کمسیون درین ملاحظهلره اساساً بو طرحین اجراسی اوچون اظهار عقیدهسینی مسکوت قویور و اونون عمومی اجراسینی آیری بیر زمانا موکول ائلیر. آما بوتون دولتی دایرهلرده اجرا اولونماسینی لازم بیلیر. –لسان الحکما.
نوشته شده توسط admin در چهارشنبه, ۲۷ فروردین ۱۳۹۳ ساعت ۴:۱۹ ق.ظ
