آذربایجانین اوشاق اویونلاری
گؤزو باغلی: بو اویوندا اوشاقلار ایکی قوروپا بؤلوندوکدن سونرا، هانسی قوروپون اویونچوسو گؤزلرینی باغلاماق ایچین پوشک آتارلار، ایکی ال آغاجی ایله بو اویون باشلانار، آغلاجلارین بیری معین فاصلهده یئره سانجیلیب، قوروپون بیر اویهسینین گؤزونو باغلامادان آغاجی اونا گؤستریرلر، سونرا گؤزونو باغلاییب باشقا آغاجی الینه وئریرلر یئره سانجیلمیش آغاجی تاپسین،گؤزو باغلی اویونچو حرکتده اولاراق رقیب قوروپونون اویهلری اونو چاشدیرماق ایچین بؤرکلری ایله اونو وورارلار، گؤزو باغلی اویونچونون دا قوروپداشلاری،ساغا گئت،سولا گئت دئیه آغاجی تاپماغا اونا یاردیم اولارلار (بعضی ماحاللاردا گؤزو باغلی اویونچونون قروپداشلاری اللرینده آغاج اولاراق یئره اوتوروب گؤزو باغلی یولداشلارینی سانجیلمیش آغاجا دوغرو گئدنده اللریندهکی آغاجی تئز_تئز یئره چالارلار آنجاق اوزاقلاشاندا داها آغاجی یئره چالمازلار اویونچو بیلسین آغاجدان اوزاقلاشیر, بو ایش ایله اونا یول گوستررلر) ، بئلهلیک ایله بوتون قوروپ اویهلری گؤزلری سیرا ایله باغلاناجاق آغاجی تاپسینلار،بو قوروپون اویونچولاری قورتاراندان سونرا،رقیب قوروپو ایسه گؤزلری باغلاناجاق آغاجی تاپسینلار.
***
چیلینگ آغاج: بو اویوندا اوشاقلار ایکی قروپا بؤلونرلر، سونراسی هانسی قروپ چولا باشیندا دایانسین دئیه پوشک آتارلار, بیر قروپ چولا باشیندا چیلینگ_آغاج الینده، باشقا قروپ ایسه بیر معین فاصیلهده اوزاقلاشیب چیلینگی توتماغا حاضیرلاشارلار.
چولا باشیندا اولان قروپون اویهلری، آغاجی چیلینگین آلتیندا یئرلشدیریب اونو گؤیه آتیب، رقیب قروپونا ساری ضربه ووراجاق، چیلینگی اونلار توتسالار بو اویه یاناجاق (اویوندان چیخاجاق)، توتماسالار آلتی یول آتاندان سونرا، باشقا اویهلر بو ایشی دؤنه_دؤنه ائدهجکلر، چیلینگی رقیب قروپو توتارسا، یئرلرینی دَییشیرلر، آنجاق باشاریلی اولمادیلار، چولا باشینداکی
لارین باشچیسی، چیلینگی گؤیه آتیب یئنه رقیب قروپونا ساری ضربه ووراجاق (ضربهلرین ساییسی واردیر، چیلینگی گؤیه آتیب اونا ضربه ووراجاق، هر نئچه دنه ضربه وورسا بو قدر ده قروپا ساری چیلینگی آتاجاق)، هابئله اونلار توتمایینجاق چولادان اوزاقلاشاجاقلار، ضربهلرین ساییسی قورتاراندان سونرا، رقیب قروپو چیلینگی اللرینه آلیب، ” زوو” دئیهرک چولایا ساری قاچاجاقلار، نفسلری چولا چان چاتماسا اویونو اودوزاجاقلار، آنجاق چولا چاتدیرسالار،اویونو ا?دوب قروپلارین یئری دَییشیلر. دئمهلیدیر بو اویونون قوراللاری هر بؤلگه ده فرقلی دیر.
***
گیزلن قاچ: اوشاقلار هالای گلمک یولو ایله موللالار آراسیندا ایکی دستهیه آیریلیرلار. موللالاردان بیرینین گؤزونو یومورلار. گؤزو آچیق موللانین دستهسینده اولانلار قاچیب گیزلهنیرلر. گؤزو یومولو موللانین اوشاقلاری سیغیناجاقدا اوتورورلار. او، گؤزونو آچیر، گیزلنن اوشاقلارین موللاسی ایله اوشاقلاری آختارماغا باشلاییر. هر یئردن کئچدیکده گیزلنن اوشاقلارین موللاسی برکدن خبردارلیق ائدیر. مثلن، »بولاغین یانیندان کئچدیک«، »درهنی او تایا آتلادیق«، »علینین ائوینین یانینداییق« و ای.
آ. بو خبردارلیقدان مقصد گیزلنن اوشاقلارین مؤحکم گیزلنمهسی، گؤزه گؤرونمهمهسیدیر. اگر آختاران موللا گیزلنن اوشاقلاردان بیرینی گؤرسه اویونو اودموش اولور. گیزلنن اوشاقلار اونون گؤزونه گؤرونمهدن قاچیب سیغیناجاغا گلسهلر، اونلاری آختاران موللانین اوشاقلاری آغیز _ آغیزا وئریب برکدن»موللا، هارای، موللا، هارای«!
دئیه قیشقیریشیرلار. آختاران موللا اونلارین سیغیناجاغا گیرمهسینی گؤرمسه، گیزلنن طرف آختاران طرفی اودور.
نوشته شده توسط admin در دوشنبه, ۲۱ اسفند ۱۳۹۶ ساعت ۵:۲۲ ق.ظ