قادین واینتیهار
کوچورن:اکبرسعادت
نییه بیر کیچیک زئرزمی کونجونده
اینتیهار ائدیم کی،
حیات بو قدر گوزل¬کن
لالالار اود قاریشمیش جییر رنگیمدهدیر
آینانین ساریشین ساچلارینا بنزهین
زمیلرین قاراوول آغاجیندان آسیلماق
نهقدر ماراقلی اؤلومدور..
آنادیلیمیز:اینسانا قالان، نئجه یاشماق دیر. نئجه یاشاماق ایسه، دوروموندان آسیلی اولور. هر نه دورومدا اولور اولسون، یئنه، بیر بالاجا نئجه یاشاماق سئچیمی اونا قالیر. یاشاماغی سئچدی‌یی سورج عؤمروندن سوووشور. عؤمرونون بیر قیسمی‌نی، حالسیز‌لیق‌لا اوغراشان‌لارا، یاشام طرزی سئچیمی قالمیر. ایسته‌مه‌دیـیی واقت، یاشام طرزینین سئچیمی سونوج‌لانمادان حایات بیتیر. گئری‌یه قالان سئچیمی اولمایان بیرلری‌نین خاطیره‌لری قالیر دئمک ایستیردیم کی قالمیر. تکجه سئچیم‌لری‌نی بللندیرن‌لرین خاطیره‌لری قالیر. دوغولماق‌لاری‌لا اؤلمک‌لرینی بللندیرن‌مه‌سه‌لر ده، نئجه یاشادیق‌لارینی بللندیریرلر، نئچه ایل یاشادیق‌لارینا باخمایاراق!سؤزجویو؛ بیر اینسانین سونانی یئتمک آنلامینی سرگی‌له‌ییر. اینتیهارا سوروکلوین ندن‌لردن بیر نئچه‌سی بونلاردیرلار: روح خسته‌لی‌یی، دوزن‌سیزلشمه، ایچ‌ه قاپانما، شیزوفئرنی، آلیشقان‌لیق‌لار(ایچگی،داوا، اویوشدوروجو…)، ساواشدا اودوزان ساواشچی‌لار(ژاپونلی سامورایلی‌لار.)بیر چوخ اینسانلار دا دوروملارینا راضی‌لاشانمایاندا، اوزلرینی اولدورمک چوزومونو تئز-تئز گوز اونلرینه گتیریرلر. بئله بیر اینسانلار دوغرودان سونا چاتیب‌لار یوخسا یوخ سورغوسونا اینتیهار ائله‌یندن سونرا جاواب تاپماق اولور. بیر چوخو اولمه‌دیک‌لریله اولوم یئتیشن آنلار باریشانماییب، فایداسیز پئشمان‌لاییرلار. بئله بیر دوروم‌لار توپلومون بوتون قات‌لارینین ایچینده واردیر. لاپ چوخ گنج قیزلارلا قادین‌لاری توشلویور. دوورمو یارادان چئوره‌ده اولان اینسانلار اولور. اوزلرینی اوزگور گورمویوب، باسقی‌دا گورن‌لر، باسقی‌دان قورتولماق اوچون یولو اوزلرینه قیـیماق‌دا گورورلر. هئچ بیر باسقی سونسوز اولمادیغینا گوره، باسقی‌نی باشلاریندان آتلادا بیلن‌لر، یاشامین قالان سوره‌جینده اوز گوون‌لی بیرلری اولوب بوتون‌له‌شیرلر. اینتیهار تکجه اینسانلار اوچون دئییل. جاناوارلار ایچینده ده اینتیهار گورونور. نهنگ‌لر، ایلان‌لارین ایچینده چوخ گورونور. حئیوانلار ندن جانلارینا قصد ائدیرلر سورغوسونا جاواب تاپماق اوچون، اونلارین دیل‌لرین بیلمک گره‌کیر. دونیایا یاخشی باخساق اینتیهاری بیر چوخ یئرینده گوره بیله‌ریک. هر گون دونیادا بیر چوخ دیل‌لر آرادان گئدیب اولورلر. هر بیر آرادان گئدن دیلین دانیشانی، یازانی، سئوه‌نی سئویب، یازیب، دانیشمادیغی چاغدا او دیل آرادان گئدیر. داها دوغروسو دیل یئیه‌لری اوز دیل‌لرینه بیله-بیله قی‌ییرلار. اینتیهارلار تکجه دیل‌لرده یوخ، میللت‌لرده ده اولور. بیر میللت بیله-بیله میللت‌لی‌یینی داغیتسا بیر میللتین اینتیهاری دئمک دیر. بیر دوشونجه‌نین اینتیهاری دئمک دیر. چوغونلوقلا کیشی لرین اینتیحار ائتمه سینه باخمایین ،اینتیهار قادینسال بیر شئی دیر! دیرناق بویالاری کیمی ،اتک کیمی، اصلینده اینتیهارین فورمونداندا بللی دیر قادینا عایید بیر شئی اولدوغو. قادینلار هر ساعات اینتیهار ائدرلر اونلار اوچون بو ایش چوخ سیرادان دیر، دوش پروقراملاری کیمی، ساچلارینی داراماق کیمی، دوداق لارینا روژ سورمک کیمی، سیرادان بیر شئی دیر اینتیهار. بیر قادین ائوده اوتوردوغو یئرده دفعه لرجه اینتیحار ائده بیله ر، آما اولمز، چون قادینلارین اومودلاری، اصلینده تک قورتولوش یول لاری، اینتیهار اولدوغو اوچون اینتیهار ائدرلر، و قورتولارلار. قادینلار اولومسوزدورلر گونده مین دونه اینتیهار ائتسه لر ده اولمزلر. آما کیشی لره باخین ،کیشی لر عومورلرینده ائتسه لر بیر دونه اینتیهار ائدرلر و اولرلر. چون اینتیهار قادینسال بیر شئی دیر.یالنیز قادینلار اینتیحار ائدنده اولمزلر. چونکی کیشی لر اینتیهاری قورتولوش بیلمزلر؛ اینتیهاری بیتیرمک ،قورتارماق، حایاتا سون وئرمک کیمی بیر شئی دوشونرلر و ائتدیک لری زامان سادجه اولرلر.آنام گونده اینتیهار ائدیردی موتفاقدا ،پیشیردییی کوفته لرین آراسیندا قایناییردی باشی. دوغرادیغی آجی سوغان لارین آراسیندا دوغرانیردی دامارلاری، بوز دولابینداکی نوخودلارین آراسیندا دونوردو دویغولاری ،آنام اینتیهار اوزمانی دیر منجه، تجروبه لی بیر اینتیهار شامپیونو. اوگون قونشوموزون قول باقلارینین آراسیندا مین دونه اینتیهار ائتدی آما اولمه دی. چونکی اینتیهار قادینسال بیر شئی دیر، روژ وورماق کیمی بیر شئی .. مثلا من اینتیهار ائتمه یه چوخ ناشیام سئوگیلیمین آغلینداکی قادیندلاردان اوزومو آسارکن بوغولورام و اولومه یاخینلاشیرام. چونکی ناشییام چونکی اینتیهارین یاشی وار، تجروبه سی وار. آنام زامانلا اولمه دن اینتیهار ائتمه یی اویرنه جک سن دئدی، چونکی اینتیهار قادینسالدیر. هر بیر قادین باجارار اولمه دن اینتیحار ائتمه یی. هربیر قادینین یاشامیندا بیر چوخ اینتیهارلار وار. یاشلانماق کیمی،خیانت کیمی ،آلدانماق کیمی،یالان کیمی. او آن هئچ دوزمه دن،حلال لاشمادان، سئودیینه مکتوب یازمادان ،بیریلرینی قوجاقلامادان ایشه کئچرلر و بئین لرینده ذره ذره اینتیهار ائدرلر. دویغولاری،اومودلاری،آرزولاری،اینانجلاری بیرر_بیرر اینتیهار ائدر آنجاق هئچ بیر ژورنالیست، هئچ بیر خبریازاری یازماز قادینلارین گونده لیک اینتیهار ائتدیک لرینی. چونکی اونلارین ایشینه گلمز سایی سی چوخ اولان، عادی له شن اینتیهار خبرلری. آما بیر سحر، بیر کیشی، بیر آپارتمان پنجره سیندن اوزونو آتارسا اونا خبر ده یازیلار تأسف دویغولاری دا یارانار. هرکس اونو دانیشار آنجاق اینتیهارین قادینسال بیر شئی اولدوغونو دانیشمازلار. چونکی اینسانلار اولومو سئورلر اولومسوزلویو یوخ!
او کیشی اینتیهار ائتدییسه دئمک اونون باشینا گلَن لر بوتون اینسانلار اوچون اونملی اولاجاق و اینتیحار سبب لرینی آختاراجاقلار، گونلرجه پیچیلداشیب دانیشاجاقلار. آما قادینلارین اینتیحار سبب لرینی آراشدیرماز کیمسه ،هر کسین یاردیمی توخونار بیر قادین اینتیحار ائتسین دئیه ،کیمسه اوچون اونملی اولماز اینتیحار ائدن دویغولار،اینانجلار، اومودلار،..آما اونسوزدا اونملی دئییل قادینلار اینتیحار ائدسه لر بئله اولومسوزدورلر، چونکی اینتیهارلارینا سبب اولانلارین قافالارینا تاخیلیب قالارلار هر زامان. بیر گون ،بیر کیشی، بیر آپارتمانین پنجره سیندن اوزونو آتدیسا بیلین کی او کیشینین قافاسینا تاخیلمیش اینتیهار ائدن بیر قادین وار و او کیشی او قادینین بوتون اینتیهارلارینین سببی سه ائتدیی اینتیحار قادینسالدیر و اولر، اونداندیر کی اولومو اونملی اولار بوتون اینسانلیق اوچون، بیر گون بیر کیشی اینتیهار ائتدیسه، قافاسینی آراشدیرین لوطفن و قافاسینا تاخیلان قادینین اینتیهار سبب لرینی یازین.
نوشته شده توسط admin در دوشنبه, ۰۹ مرداد ۱۳۹۶ ساعت ۵:۲۲ ق.ظ
