حاجی صیاد قیزی

کوچورن:اکبرسعادت
آنا دیلیمیز:گونلرین بیر گونونده بیر حاجی صیاد وار ایدی? بیر ماللا دوستو. ماللا حاجینین قیزینا درس دئیه ردی. بیر گون حاجی صیاد ایستر گئتسین مکه یه.
اوغلون آروادین دا آپاریردی. ماللا حاجینی قورار کی? قیزی پرینى آپارماسین? درسدن دالی قالار. حاجی صیاد بیر آدام آختاریردی کی? پرینی اونا تاپیشیرا .
ماللا دئیه ر: حاجی آقا اوزوز بیلرسیز? آمما قویون منیم یانیمدا? اوزوم سندن آرتیق موغایات اولارام.
حاجی دئیه ر عیبی یوخدو. قیزی قویار ماللانین یانیندا. آروادین اوغلون گوتورر گئدر. بئش گون? اون گون کئچر. گونلرین بیرینده مالا ایستر قیزا ساتاشا. قیز دئیه رکی? آغام منی سنه تاپیشیرب. هئچ اوتانمیرسان؟ پیس دی. ساققالیندان اوتان باری.ماللا دئیه ر: اولان دگیل? گرک باشینی منلن بیر ائلیه سن!
قیز گورر ماللا ال چکن دگیل. دورار آفتافا گوتورمک آدینا چیخار ائشیگه? باش آلار گئدر. چوللو-برری بیاباندا یئتیشر چشمه قیراغینا. بیر دانا آغاج وار ایدی. چیخار آغاجا? اوتورموشدو فیکیرلشیردی کی? گوره سن نه ائله ییم? نه ائله مه ییم؟ گوره سن باشیمین قضا-قدری نه دی؟
سن دئمه پادشاه گلیر آتین سویارسین? گورر آت سودان اولکور. باخار سویا گورر آدام شوقی دوشوب سویا. بئله باخاندا آغاجا? گوزل بیر قیز گورر. بیر گویولدن مین گویوله قیزا وورولار.
قیز دئیه ر: قیامت گونو قارداشیم? باخما منه! گوروسن باش آچیغام. قوی گئت ایشینه!
پادشاه دئیه ر: اولماز? گرک دئیه سن کیمسن؟ نه کاراسان؟ نه سن؟ گرک گله سن منلن گئدک.
قیز دئیه ر: گورورسن باش آچیغام. هئچ یانا گئده بیلمه م.پادشاه دئیه ر: ایندى کی باش آچیق گلن مه سن? پالتویومو آتیم? سال باشینا گئدک. قیز بورونر دوشر آشاغایا.
پادشاه اونو آلار آتین ترکینه گتیرر شهره. قیز آچار باشینا گلنی دئیه ر. پادشاه پیغمبرین شریعتی لن? آلاهین بویوردوغویلان ماللا چاغیرار? کبین کسر? قیزی آلار. وورار بیر مدت بونون اوستوندن کئچر. قیز بیر جوت اوغلان دوغار. بیر ایل? ایکی ایل? اوغلانلار اولارلار اوچ-دورد یاش. بونلار بورادا قالماقدا اولسونلار. سنه دئییم کیمدن؟ حاجی صیاددان? ماللادان.
پری قویوب قاچاندان سونرا ماللا گوتورر کاغاز یازار کی? حاجی باشینا خییر! قیزین پیس-پیس ایشلردن چیخیر. گل صاحاب دور! من قاباغین آلا بیلمیرم. حآجی صیاد دا اوغلونا دئیه رکی? اوغول منیم آبریم وار? داها شهره گئده بیلمه رم. گئده سن باجینی اولدوره سن? دونونو قانا بولارسان? گونده ره سن منه? اوندا گلم شهره. یوخسا نه قدر باجین پری دیری دی شهره گلن مه رم.اوغلان گلر شهره? سوراقلاشار بیلر کی? باجیسی گوناهسیز ایمیش. آختارار باجیسین تاپانماز. بیر دانا قوش وورا باجیسینین دونلاریندان بیرین بلر قانا گونده ره ر دده سینه کی? باجیمی اولدوردوم? گل. بیلر کی دده سی ماللانین سوزون قویوب اونون سوزونه باخمایا جاق. هئچ زاد بیلدیرمز.
پری بیر گون اوتورموشدو? دده-ننه سی یادینا دوشر? اورگى توتولار? باشلار آغلاماغا. پادشاه گلر دئیه ر کی? پری نه اولوب؟ نیه آغلیرسان؟ نه فیکیرین وار؟پری دئیه ر: آللاهدان گیزلین دگیل? سندن نه گیزلین.
به? بئله… دده-ننه م یادیما دوشوب.پادشاه دئیه ر: منه ممکن اولماز سنی آپارام. هر زامان دئسن وزیریمی قوشوم گئت گور گل.پادشاه وئرر سله-سوقت توتارلار? کجاوه یوندورارلار. وزیری قوشار دئیه ر: وزیر آپار اوتور دده سی ائوینه? قاییت گل. سونرا گئدرسن گتیررسن.پری اوغلانلارین دا گوتورر وزیریله یولا دوشرلر.
بیر گون چولده دوشموشدولر دینجلمه گه. وزیر قیزا بند اولار. دئیه ر کی? گرک باشینی منلن بیر ائلیه سن! ائله مه سن بیر اوغلونون باشین کسرم.قیز گورر پیس گتیریب. آز دئیه ر? چوخ دئیه ر? اولماز. وزیر دورار گوزونون قاباغیندا بیر اوغلونون باشین کسر. دئیه ر: ایندی نه دئییرسن? باشینی منلن بیر ائله ییرسن یا یوخ؟
پری دئیه رکی? یوخ!وزیر دورار او بیری اوغلونون دا باشین کسردئیه ر: ایندی باشین منلن بیر ائله ییرسن? ائله مه ییرسن اوزونوده اولدورجگم.پری دورار ائشیگه چیخماق ماهاناسینا اوزاقلانار. چرقتین باشینا سالار? اکیلر. وزیر ها گوزلر گورر پری اوتوروب گلمیر. گئدر گورر پری هاردادی: قریبه الیمه رنگ قویدو. قاییدار گلر پادشاها دئیه ر: آپاردیم اوتوردوم. آمما پیس آداما بنزه ییر. هردم دوروردو اویان-بویانا گئدیردی. شهرلرینه اوتوردوم گلدیم. هئچ ائولرین ده تانیمادیم.پری باش آلار گئدر. بیر چوبانا راست گلر.
بویون-قولاغینداکی قیزیللاردان وئرر بیر دانا قویون آلار. چوبانا دئیه ر باشین کسر? قارنین چیخاردار. اونو چئویره ر باشینا اولار بیر کئچلجه. بیر دست کوهنه کیشی پالتاری آلار گئدر اوز شهرلرینه. اویاندا-بویاندا? بازاردا سسلر: آی منی نوکر توتان!.. آی منی نوکر توتان!..
دورار دده سینه راست گلر. حاجی صیادین اورگی قیزی خوشلار. دئیه ر: اوغول? منه نوکر اولارسان؟ دئیه ر: نیه اولمارام. هاردا چورک چیخا? اولارام.
پری سیررینی دده سینه بیلدیرمز. حاجی صیاد پرینی آپارار ائولرینه? دئیه ر: آرواد گل باخ! بیر دانا نوکر تاپمیشام.
آروادی باخار دئیه ر: گوزلری? نئجه منیم قیزیما بنزیر!
پری ائوده باشلار ایشه. حاجی صیادین آروادی گورر بو بئله? نوکرچیلیک باشارمیر. ائله ائو ایشلرین گورور. یاخجی? ائوه زینت وئریر. اوغلان دا باخیردی پری یه دئییردی: ننه? باخ گور نئجه باجیما بنزیر!پری اوزونه چوخ حرمت قازانار. ائوده اوغول تکین اولار.بونلار بورادا قالماقدا? سنه دئییم وزیردن? پادشاهدان.بیر گون پادشاه اوتورموشدو? وزیره دئیه ر: وزیر? قیز چوخ یوباندی? دور گئدک تاپاق گتیرک.دورارلار درویش پالتاریندا گلرلر شهره. دولانیردیلار. بیر کئچلجه بونلاری گورر تانیر. گلر ائوه. حاجی صیادا دئیه ر: آقا? اجازه وئرسن ایکی دانا قوناغیم وار? بو گئجه لیگه بورادا قالارلار.
حاجی دئیه ر: اوغول بولار نه سوزدو؟ ائو اوزونونکی دی. ایکی اولماسین? یوز اولسون.
کئچلجه گلر بیر دیلیلن بونلاری دانیشدیرار. دئیه ر: گلین گئدک گئجه نی منه قوناق اولون.
دئیه رلر: بوشلا چیخ گئت! سن نوکر بابانین بیری? سنین ائوین هاردا ایدی کی? بیزی ده قوناق آپارارسان؟
دئیه ر: سیزین نه ایشیز وار؟ منیم آغاما ارکیم وار.گوتورر وزیریلن پادشاهی گتیرر.
گئجه اوتورموشدولار دانیشیردیلار. پری دئیه ر: آقا? اجازه وئرسن ماللانی دا چاغیراق. ماللالار خوش صحبت اولارلار.
دانیشسین قوناقلاریمیز داریخماسینلار.حاجی دئیه رکی? گئت چاغیر. ماللادا گلر. اوتورارلار? قیز اویاندان-بویاندان صحبت سالار. پادشاه دئیه ر: مثل دن-زاد دان دئیین? درویشلرده صحبت چوخ اولار.
پادشاه دئیه ر: کئچللر یاخجی اوخوماق? شعر بیلرلر? سن دئه قولاق آساق.پرینین دردلری دئشیلر. آچار آغزین دئیه ر:
آدیم پری? حاجی صیاد قیزی یام ،گویده پاریلدایان دان اولدوزویام.گئتدی? گئتدی بیر درده اندیردی?
اوتوران وزیر بیر جوت اوغلوم اولدوردو?دوستوم آغلار? دوشمانیمی گولدوردو.
دئدیم: ای قانیما قان آلان درویش?آتادان? آنادان مهربان درویش!
ماللانین میلابی دوشر ایچینه. وزیرین سویو سوزولموش دوشر ال-آیاغا. دده سی اویاندان قالخار? ننه سی بویاندان? دئیه رلر: اوغول? او سوزلری بیر ده دئه!پری باشلار باشینا گلنی دئیه ر. اوندان? بورکون گوتورر. هامی تانیار. پادشاه دا اوزون گوسترر.
سحر اولار? قیزی آپارارلار حاماما. پادشاه وئرر وزیری? ماللانی آسدیرار. حاجی صیاد وئرر یئددی گون? یئددی گئجه توی-تاباق چالدیرار. ائولر شمع چیراغی? داغلار گوه ن چیراغی.
قیزینی تاپیشیرار پادشاهین الینه. پادشاه گوتوره ر گئدر.