تورک و امپراطورلوق

کوچوره ن:اکبرسعادت
آنا دیلیمیز:تورک تاریخینه آنا خط لرله باخیلدیقدا تورک یاشامی فتح لرله باشلامیش و یئنی توپراقلاری یورد ائدرک گلیشمیشدیر. ایلک آنا یورد اولان اورتا آسیا هئچ بیر زامان ترک ائدیلمه میشدیر.
تورک خالقلاری ایلک آنایورد اولان اورتا آسیا دان دونیا جغرافیاسی اوزرینده گئنیش آلانا یاییلمیش و بوگون ۷ تورک جمهوریسینده، چوخلو سربست توپلولوقدا و چئشیدلی دوولتلرین ایدارسینده آزینلیق حالیندا یاشاماقدادیر.
تورک کولتورو ده تاریخ وجغرافیاداکی چوخ بویوتلولوغا پارالئل اولاراق چئشیدلنمیش چئشیدلی سویه و بیریکیملرله زنگینله شرک و فرقلی له شرک آنجاق ایلک قایناقدان گلن ااورتاقلیقلارینی سوردوررک گونوموزه چاتمیشدیر.
بو ندنله تورک داستانلاری دا تاریخی و جغرافی چوخ بویوتلولوغون گتیردییی دیل و کولتور داییره لرینه پارالئل اولاراق چئشیدلنمیشدیر.
دونیالیق اولان تورک،تاتار،مغول اجدادای بیر مملکت،ایکی مملکت اولچوسویله اولچویه گلمز،بلکه بو بویوک اجدادی دونیا مقیاسیندا گوزه آلماق گره ک دیر..
بو گون دونیانین باشاباشیندا اوست اوسته اوچدن ۸ میلیاردا یاخین جمعیت واردیر کی،بو جمعیت یاری سی تورک،مغول و تاتار اجدادیندادیر.
مغول اویماغی دوققوزدر، ( مغول خان ) کی چوخ وارلی و زنگین بیر امپراطور ایدی , دورت اوغلی وار ایدی
قره خان-اورخان- کن و یا گون خان-گز و یا گوز خان
(مغول خان ) ین , اوغلی قره خان کی هامودان بویوک ایدی سلطنته اوتوردی و بیر اوغلی اولدی کی اونون آدین اوغوز قویدی .
(قره خان ) ین , اوغلی اوغوز خان یئتمیش اوچ ایل امپراطورلوق قیلدی , چوخ یئرلری آلدی , مغول امپراطورونا عظمت وئردی و چوخ مومین و رعیت سئون ایدی , او , بوتون قوشون و رعیت , ویئر و یئر ییه لری اوچون عدالت ایله قانونلار یازدی , دنیا تورکلری اوچون وار گوجی ایله چالیشدی , اونلاری بیر لیگه چاغیردی و اونلارا جوربه جور گوزه ل لقبلر وئردی .
اوغوز خان , بیر گون آلتی اوغلی ایله اووا چیخمیشدی , اوغلانلاری چولده اوو , وورارکن اوچ دانا قیزیل اوخ تاپیپ آتالارینین یانینا گتیردیلر و آتا لاری , عدالت یاراتماق اوچون اوچ قیزیل اوخون یاییلارین بویوک اوغلانلارا و اوچ قیزیل اوخی کیچیک اوغلان لارین آدینا ثبت ائدیر , بئلئیکی بوندان سونرا اونلارین علامتی اوچ یاییلیلارو بون لارین تامغاسی اوچ اوخلولار اولور کی بیری ساغ حدودی و او بیر یسی سول یانی توتور .
اوغوز خانین آلتی اوغلی وار ایدی , هر اوغلی بیر بولگه ده شاه ایدی , او , چوخلی ئولکه لر آتیب و چوخلی قانونلار یازاندان سونرا دنیادان گئدیر .
( اوغوز خان ) ین , اوغلی گون خان کی هامیدان بویوک ایدی , آتاسیندان سونرا گوزه ل گوزه ل قانونلار یازیر .
( گون خان ) ین , اوغلی آی خان آتاسینین یئرینده اوتورور .( ای خان ) ین , اوغلی اولدوزخان امپراطوردا اولان ائللرین باش اوجالیغی اولور .( اولدوز خان ) ین , اوغلی منگلی خان آتاسینین یئرینده اوتورور .
( منگلی خان ) ین , اوغلی تشکر خان مغولستاندا یوز اون ایل امپراطور ایدی .
(تشکر خان ) ین ,اوغلی ائل جان کی آتاسیندان قالان امپراطوری چوخ بویوتدی ,و بوتون تورک ,اویغور , تاتار , مغول , و اوغوز ائللرین بیرلشدیردی .
بو زمان , بویوک اوغوز خان دوروندن دوز مین ایل گئچیردی .( اولدوز خانین ) ین , قیزنوه سی آلانقوا , سلطنته یئتیشدی , چوخ دوشونجه لی , و گوزه ل بیر قادین ایدی , اونون دورونده عدالت اولدوقجادا آرتدی و اوچ اوغلان , دوغدی کی اونلارین بویوگی ( بوزنجر ) ایدی کی شاید بای سنجر اولموش اولا , گوزه ل و آنلاقی آناسیندان سونرا امپراطورلوغا ییه لندی , سلطنت و دنیالیق بیر قانونلار قویدی , مغول , تورک , تاتار اویماغینا اینانیشلی و وفادار قالدی .
( بوزنجر ) ین , اوغلی بوغاخان آتاسینین یئرینده اوتوردی و سونرا .
( بوغا خان ) ین , اوغلی توتومنن ایش اوسته گلدی , اونون زمانیندا , چینده خطای – تورکلری ایله مغوللارین اورتاسیندا اینجیک توره ندی , بو اینجیگه ئوزگه لر سئوینرسه لرده آنجاق آزبیر زماندا آغیزلاری یومولدی , ایکی تورک قارداشی باریشدی .
( توتومنن ) ین , اوغلی قایدو خان , آتاسینین یئرینده اوتوردی , خطایلار ایله آتاسی نین اورتاسیندا اولان اینجیک قایدو خانین محبت و سئوگیسیله سویویوبسادا , آنجاق , خطای تورکلری ایکی تورک ملتی بیر بیری ایله داها ساواشماماق اوچون ئوز یئرلرین دن کوچوبلر , و بو کوچمگه خطای تورکلرینین بیر پاراسینین آدی ( جلایر ) یعنی کوچرگی قالمیشدر ( قایدو خان ) ین , اوغلی بای سانغیر آتاسینین یئرینده اوتوردی
( بای سانغیر ) ین , اوغلی تومنه خان آتاسیندان سونرا شاه اولدی کی ایکی اوغلی وار ایدی کی بیرینین آدی قاجولی , و او بیرینین آدی قوبل ایدی , آتالاری بیر گئجه یوخودا گوردوگو اوچون , اوغلانلارین یانینا چاغیردی , اول اونلارا بیرلیک و گئچمیش ده کی کیمی بیر بیر یندن آیریلماماغی درین درین تاپیشیردی , و ایناناندان سونرا شاه لیغی قوبل اوچون و قوماندانلیغی یعنی شاهدان سونرا قوشون باشجیلیغینی قاجولی اوچون بویوردی , همان قویل و یا قوبلای , اوجسوز – بوجاقسیز بویوک تورک امپراطوری اولان چنگیز خان نین دوردونجی باباسی و قاجولی ایسه همان عظمتلی تورک , امپراطوری اولان بویوک امیر تئیمورون سگیزنجی باباسی ایدی .
( تومنه خان ) ین ؛ اوغلی قبل خان کی اونا ائلیغان ( الیغک ) دییردیلر و رعیت و ائل بسله ین ایدی .
( قوبل خان ) ین , اوغلی قویله خان کی آتاسینین یئرینده اوتوردی , چوخ گوجلی و شجاع و اولدوقجا آدلی – سانلی ایدی .
بئلئیکی اوندان گوجلی و قوی بیر قهرمان یوخ ایمیش ؛ ولاپ گوجلی بیر قهرمان آقاج کیمی بوکوب اورتادان سیندیرارمیش , و بون لاردان باشقا , اولدوقجا دوشونجه لی و سیاستلی ایمیش , اورگی صاف , جانی ساغلام اولدوغو اوچون , قیشدا سویوق هوادا اود یاندیریب یای پالتاری ایله یاتارمیش و هیچ بیر سویوق اونا اثر قیلماز ایمیش .
( قویله خان ) ین , اوغلی بورتان بهادر , آتاسیندان سونرا مغول و تاتار باشجیلی اولاراق , حکومته باشلامیش , و اونون زمانیندا , اونون عموسی قاجولی , تانرینین رحمتینه گئتمیش و اونون اوغلی آیرومچی کی اونا برلاس دا دییرمیشلر حکومته باشلامیش و او چوخ باجاریقلی و هنرلی بیر کیشی ایمیش , برلاس ائلی اونا منسوبدر , و تورکجه آیروم کلمه سی هنر و باجاریق و آیرومچی هنرمند دئمکدر .
( برتان بهادر ) ین , اوغلی یسوقای بهادر , اوندان سونرا حکومته یئتیشدی و او زمان دنیادان گئتدی کی آیرومچینین اوغلی سوغوچین دنیادان گئتمیشدر .
( یسوقای بهادر ) بویوک چنگیز خانین آتاسی و سوغوچین بویوک امیر تئیمورون باباسی ایدی کی بونلاردان باشقا دنیانین هر یانیندا تورک , تاتار و مغول سلسله لری قدرت و دوشونجه ایله حکومت سورمکده و گونی گوندن گوجلنمکده ایدیلر , او جمله دن , عرب اسلام امپراطورونون ان بویوک قوشون قوماندانلاری , فتح اولان مملکتلرده حاکم اولانلارین چوخی تورک , تاتار و مغول ایدی کی اسلامدا اولدوقجا ارادتلی و مخلص ایدیلر . اسلام حکومتی هیچ بیر ملته و قوما تورک و تاتار و مغول ملتلری کیمی اینانمامیش ایدی , چونکی بو ملتلری هیچ بیر ایشده و هیچ بیر زمان امانته خیانت و ایناندیقلارینا پوزغونچولوق ائتمه میشدیلر , حالبو کی چوخلی یالانچی مسلمانلار و یالانچی مسلک و مرام چیلار وار ایدی کی آند ایچه ایچه و دوز ییه ییه همیشه خیانت .
جنایت ایشلرینه مشغول ایمیشلر و دفعه لرله خیانت ائدرکن توتولوب داها اوزلرینین سویی گئدیب و سونرا ( عجم ) لقبین آلمیشلار .
بونا گوره هیچ بیر یئرده و هیچ بیر نقطه ده کیمسه اونلارا اینانمازدی , بلکه صداقتلی و دوزگون تورک ملتلری اینان و ایمان ائدردیلر , کی سونرالاراسلام امپراطورلوغون حقلی و اریثی فقط پاک اولان تورک ملتلری اولدی , و بو لیاقت و ترقییه حسادت و جیجیک ائدن خائین کیمسه لر , زمان زمان کینه لرین سویودماق اوچون , تورکه مینلرجه طعنه لر و یامانلار یازدیلار , بئلئیکی اسلام سپه سالاری و اسلام قوماندانی اولان پاک تورک لره
( غلام تورک ) دئدیلر , حالبوکی دنیا بیلیردی کی تورک ملتی اسلام قانو نا ایناندیغی اوچون ئوزون اونا مخلص و وفادار گوستریردی ,آنجاق ایشلری خیانت و اورکلری قره اولانلار , بو خلوص نیئتی و وفادارلیغی بئله گوستریرلرکی , انسان ئوز – ئوزونه دییربسکی بو ( غلام تورک ) همان هربیر ائوده قوللوق ائدن بیر اوغلان و یا قاپودا دوران بیر نوکردر.
تاریخ بویی , بونلارین ایشی حقیقتی تحریف و ترس ائتمک و دوغرونی یالان , و یالانی دوغری گوسترمک ایمیش , یوخسا هیچ بیر دوزگون و صادق و کیمسه رئیس کل قوانی گتیریب ائو قوللوقچیسی کیمی گوسترمز , اونودا اورکدن و خلوص نیئت ایله اینانمیش و مومین بیر رئیس کل قوانی .
بو فقط بیر آززمان خلقی آلدادا بیلر , یوخسا یالان سوزلرین بازاری همیشه لیک اولسایدی داها حقیقتین هیچ بیر زمان اوزی گولمزدی , بونلاردان باشقا بو سوزلر و بو حسادتلر فقط و فقط بورادا اولان ۲۰ میلیون تورکون روحیه سین تضعیف و تحقیر ائتمک اوچوندر , یوخسا اونلار ئوزلری یاخشی بیلیرلرکی اون دورت یوز ایل تمام همیشه بیزیم توکنمز سفرالاریمیزین باشیندا کور و کورپه پیشیکلر کیمی موعولدایبلار .
بوندان چوخ اول , اوروپادا , و آفریقادا , یئر توتان تورک ملتلری اصلا عرب و اسلام ایشلرینده همیشه یئرلی بیر ملت کیمی بوتون سیاسی و نظامی ایشلرینده تاریخلر بویی اوستاد و متخصص اولدوقلاری اوچون اسلام امپراطوری ئوزلرین اونلارین هنر و باجاریغینا محتاج گوروردولر , چونکی یوزایللر بویوجا دنیا نین هریانیندا امپراطورلوقلاریارادیب و حله ده اونلارجا تورک امپراطورلاری حکومت سورمکده ایدیلر .
و بو اسلام امپراطوروندا اولان تورکلر حله میلیونلارجا تورکلردن بیر کیچیک قسمتی ایدی کی متخصص و یا مستشار کیمی نظامی ایش لرین عرب قوشونونا ئوگردیردیلر سونرالار همان امپراطورون لایق واریثی حقا تورکلرین ئوزلری اولدی .
مصرده , احمد طولون تورک ایدی , اسلام امپراطورلوغون اوللرینده بویوک گوج و قدرت ایله حکومت ائتمکده ایدی….