سنسیزله میشم

هارای
آزالیب طاقتیم ای گول,گینه سنسیزله میشم
وصف حالیم دیله گلمیر,ائله کفسیزله میشم
نی کیمی فریاد ائدیرم،قولاغیم سس ده قالیب
کار اولوب هئچ نه ائشیتمیر،ائله سسیزله میشم
کاش بو گئجه داغ هیجیرنده یانان شمعیم اولان
چوخداندی تمنا ائلیرم،گل کی شمع سیزله میشم
دائم سر کویوندا گزیب کونلومو زوار ائله دیم
وادی عشقده آواره یم ایندی،داخی یئرسیزله میشم
چیخ قارشیما،گیزلتمه او گول چهره نی مندن
پیر کنعان کیمی چوخداندی خبر سیزله میشم
اولماسین کویوندا محرم بو رقیب لر گوزلیم
هارایین دادینه چات،گور نئجه تک سیزله میشم
***
آلیشیب اودلارا پروانه تکین گینه بیچاره کونول
سن اگر اولماسان ای گول قالار آواره کونول
قانه باتمیش بو کونول گور نئجه آتش ده یانیر
چالیشیر سیره چیخا بلکه ده گولزاره کونول
وصله یئته جکدیر بیلیرم هر جور ائله سن ده
اما بیر گون ده گلر تنگه اولار پاره کونول
عشق زلیخایه باخاندا بئله بیلدیم کی چکر
یوسیف کیمی بیر عاشیقی ده داره کونول
بلبل ده چمنلرده یانار گول اگر خار ایله اولسا
تحسین ائدرم بلبلی گر وئره اغیاره کونول
باغلانیب دیر ائله بیل زولفونه دائم بو کونول
رحم ائت چالینیر مین در و دیواره کونول
یانیرام کیمسه ده سورمور بو هارای حالینی اما
دئمیرم سن ائده سن دردیمه بیر چاره کونول
***
گوزلریمه پاییز جالاییب سان
باشیما بیر خزان گلیب
گئجه لریم یاتیب
ییرقالانیر بو چولاق زامانیمدا
خزان دا آچیلمایان بیر گول کیمی
سئوگیم ده بیر آچیلمایان سیر اولوب
قورخورام بو سیردان
عومروم گؤنشه چاتمایا
ابدی ایشیق سیز قالام…