عشق دن کام آلان تاریخ بویو افسانه دیر
حاضیرلایان: اکبرسعادت
آنادیلیمیز:منی چوخ ایسترسن،یئنه منه شیرینشیرین یالان دانیش. یئنه منه شیرین شیرین یالان دانیش. یئنه تولا منی. ائله یالان دانیش کی داهی گؤزلریمه، فولاخلاریما دا اینانماییم. ائله منه نقش اوینا کی فیلم اولسون اسکارآپارسین. فقط شیرین یالان ایستیرم او دوداق لاردان هاردان قالمیشدیق؟ هه دئییردین کی منی چوخ ایسترسن….
جامعهشناسلاری فکره سالان و جامعهمیزی بوروین مشکللرین بیریده جوانلاریمیزین ائولنمگه رغبتسیزلیگی و ائولنمک یاشینین چوخالماسیدیر.بیر عدهنین نظرینه گوره بو مسألهنین اساس عاملی قیزلاردیر. اونلار بئله اینانیرلار کی اجتماعی استقلال و مالی امکانلارین اولماسی قیزلاریمیزی ائولنمگه رغبتسیزلندیریب.
تحقیقلرین گوزلنیلمز نتیجهلری، ائولیلیکلرین داغلیسماسینین اساس سببینی حیرصلنمک یوخ بلکه تحقیر ائلهمک و آلچاتماق اولدوغونو، گوستریر.بیر گزارش کی بو رابطه نی بئله آچیقلاییر:اولکهده ائولنمکلرین بئشده بیری، قم شهرینده دوردده بیری و تهراندا اوچده بیری بوشانماغا چاتیر. ائله کی بوشانانلارین یوزده هشتادی ۳۰ یاشدان کیچیکدیلر.زوجلارین بوشانما آمارینا باخاندا، جوانلارین ائولنمهسینین اساس مسألهسی یاشاییشین ایلک بئش ایلینین ثباتسیز اولماسیدیر کی بونون حلی اوچون فرهنگی و آموزشی برنامهلر قویمالیییق…
اولکهمیزین بویوک شهرلرینده آپاریلان تحقیقلره استنادا ائولنمه آمارینین آزالما سببلریندن بونلاری سایماق اولار: بوشانما، مخصوصاً ائولنمکدن آز فاصله ایله اولان بوشانمالارین چوخالماسی، خیانتین چوخالماسی، اقتصادی عامللر، فردی و اجتماعی فرهنگین دَییشیلمهسی، ایشسیزلیک و ایش امنیتینین اولماماسی.
جامعهده یارانان کاذب احتیاجلار انسانلاری آرتیق و داها آرتیق خرجلهمگه مجبور ائلیر و اقتصادی وضعین یاخشی اولماماسیدا اونلاری بیر جور چیخیلماز یولا سالیر و نتیجهده جوانلار بونلاری گؤرمکله ائولنمکدن چکینیر و عایله دولاندیرماق مسئولیتی آلتینا گئتمیرلر.مناسب حیات یولداشی سئچمک، یاشاییشین اَن مهم انتخابیدیر و بو زمینهده بالاجا اشتباه انسانی بیر عمر پشیمان ائلهیه بیلر. جماعتین چوخو اَن یاخشی تصمیم توتدوقلارینی دوشوندوقلاری زمان، اَن بویوک اشتباهلارینی ائلهدیکلی زمان اولور. بونا گوره حیات یولداشی سئچمک ایستهسز بو ایشی عقل اوزو ایله گورون و یولوزون اوستونده دوزولموش اشتباه قویولارینا دوشمکدن چکینین.
اما بیر پارا معیار لار وار کی حیات یولداشی سئچمک ده چوخ اهمیتیلی دیر:هرکس گوزللیگی سئویب اونا جذب اولاریق. آما حیات یولداشی سئچمکده بو مسألهنین حددن آرتیق نقشی اولسا ایشی اوتوزموسوز. یاخشی اولار ائولنمکدن اول سیزه نهلرین بیرینجیلیکده اولدوغونو بللی ائلهیهسیز.
هرچند گوزللیگین سیزه اهمیتی وار، آما نهلرین گوزللیکدن داها آرتیق اهمیتی وار؟ هانسی معیارلاری گوزللیگه قربان وئره بیلرسیز و گوزللیگی هانسی معیارلارا قربان وئرمگه حاضرسیز؟ بو انسان بو قدر گوزل اولماسایدی یئنهده اونونلا ائولنمگه حاضریدیز؟اجتماعی موقعیت، حیات یولداشی انتخابیندا چوخلو اشتباهلارا سبب اولان مسألهلردندیر. گوزه گلیم موقعیتلر، انسانلارین او بیری خصلتلرینی گیزلهده بیلر. بونا گوره بئله انسانلاری حیات یولداشی سئچمک ایستهینده آرتیق دقت ائلهمهلیسیز. دقت اولونماسا سیز او طرفین »موقعیتی« ایله ائولنیب آما سیزه مجهول اولان «اوزو» ایله بیر دام آلتیندا یاشاماغا مجبور اولاجاقسیز.بونا گوره بئله آداملا ائولننده دوشونمهلیسیز کی او انسانین بو موقعیتی اولماسایدی یئنهده اونونلا ائولنمگه حاضر اولاردیز؟ائولنمگه لازم اولان ملزمهلرین بیریده سئومکدیر، آما سئومک هر شئی دئییل. ائولنمگین انگیزهسی فقط سئومک اولسا، اونون نفرت اوزو ایله داغیلماسینی گوزلهمک اولار.
حیات یولداشی سئچمگین ان قورخولو حاللاریندان بیری سئودالی اولماقدیر. بو حالدا، سیز احساسات و عشقین تاثیری آلتیندا واقعیتلری گورمگه گوجوز چاتماز. عاشق فقط گوزللیکلری گورر. عاشق انسانا دئسن بیر آزدا عقل اوزو ایله باخ، اصلا قبول ائلیه بیلمز. چونکی مغز، بو احساسات ایچینده طبیعی ایشینی گوره بیلمز.بئلنچی موقعیتلرده یاخشی اولار رابطهدن فاصله آچیب سئوگی حرارتینین آزالماسینی گوزلهیهسیز، سونرا عقل اوزو ایله گلهجگیز اوچون تصمیم توتاسیز.بو سوزو چوخ ائشیتمیشیک، سوبایلیق سولطانلیقدیر. هر بیریمیز ده آز-چوخ سوبای یاشامیشیق، یا دا یاشاماق حالینداییق. سوبای اولدوغوموزدا سولطانلیق، ائلهدیـییمیزی ده دویا بیلمهمیشیک (البت یازینین بوراسی ایندی ائولی اولانلار اوچون دیر). سولطانلیق نه دئمک، آدام ائله پیس گونده یاشاییرکی، اوزون سورمهدن، اوزونه اولمویان آغریلاری گتیریتدیریر. عومور بویو سوبای یاشاسا دا، گلهجهیینه زومار آتدیرماغی دوشونمور.سوبالیغین تکلیگی بعضا دوزولمز اولور. ائولی یولداشلار بیر یئره ییغیشاندا اولا بیلر سیز سوبای اولدوغوز اوچون اونلارین جمعینه داخل اولا بیلمیهسیز.
فامیللیقجه گزمگه گئدیرسیز، هامی اوز حیات یولداشی ایله بیردیر آما سیز تکسیز. همکارلاریزین هامیسی ایشدن ائوه قاییداندا اونلاری اهل عیالی گوزلور آما سیزی در-دیوار. بو آندا خطر زنگی چالماغا باشلیر.بو تکلیک حسی، سیزی هر نه تئزراق ائولنمگه سوق وئره بیلر. سیز بو حسین ایچینده اولان زمان،بیری راستیزا گلسه اونو نجات فرشتهسی بیلهجکسیز و آغینا قرهسینه باخمادان ائولنمک قراری وئرهجکسیز.
بو حس چوخ راحت سیزی اشتباها سالا بیلر. بو حس سیزده یارانمیش اولسا یاخشی اولار اونو دوستلار و یا فامئل جمعینده اولماقلا آرادان آپاراسیز و سونرا ائولنمگه اقدام ائلیهسیز….انسان بیری ایله بسه بسلیک ائلهینده تصمیملرینین چوخو اشتباه اولار. چونکی او آندا تکجه هدفی بسهبسلیک ائلهدیگی شخصدن قاباغا دوشمکدیر و بو یولدا چوخ شئیلری قربان وئره بیلر.حیات یولداشین سئچمک ده چوخ احتیاطلی اولماق لازیم دیر…
شاید بیرینین گوزونده یوخاری گوروشمک اوچون خاص بیر انسانلا ائولنهسیز. و یا دوستوزون فلان طایفاداکی بیر شخص ایله ائولنمهسی، سیزی داها یوخاری بیر طایفادان ائولنمگه هوسلندیره. آما ال ساخلایین ! یاخشی اولار بسه بسلیگه آیری یئر تاپاسیز. ائولنمک، بوجور شوخلوقلار گوتورمز.اما اوجور کی من و چوخلاری دوشونوب،اودا بودور کی عشق دن کام آلان تاریخ بویو افسانه دیر.
اگر ائولی دئییلسیز هله ده ال ساخلایین…هله ده ال ساخلایین..آماندی…
نوشته شده توسط admin در چهارشنبه, ۰۷ مرداد ۱۳۹۴ ساعت ۵:۲۷ ق.ظ