حیات نغمه سی

حاضیرلایان:اکبرسعادت
بیزده بو سویوق قانلاری نیلیردین ایلاهی
بیر دوره ده کی صدق و صفا قالمیاجاقمیش
بیلمم بئله دورانلاری نیلیردین ایلاهی
آنا دیلیمیز:باش سوز،عزرائیلین گتیردیگى تورپاقدان بارى تعالى انسانین خمیره سینى یوغورور.اونو ایسته نیلن بیر قالیب شکلینه گتیریر. بو قالیب بیر روایته گوره قیرخ گون و بیر روایته گوره قیرخ ایل اولدوغو حالدا قالیر? بو مدت کئچندن سونرا جان (روح) باغیشلانیر و اونو “آدام” آدیله آدلاندیریر.
اینسان دئمک اولور کی بشرییتین و بو خلقتین دوشونن بئینی دیر.
اونا گوره اینسانین مقامی و مرتبه سی دوشونجه عالمینده سرحدسیز سینیرسیز سایلیر .
انسان حیاتیندا دوغوم شادلیقلار یاراتدیغى حالدا اؤلوم حسرت و غم دوغورور.انسان ایکى یوللا دونیادان گئدیر: بیرى یاتدیغى یئرده? یاتاق ایچینده یاشین چوخلوغوندان یا ساغالماز ناخوشلوقدان وجودون سارسیلماسى و اولگونلشمه سى ایله? ایکینجیسى آیاق اوسته? وجودوندا حیات چاغلادیغى و یاشاماغا یارادیغى حالدا اؤلور.
دونیانین اولینى و سونونو بیلن یوخدورو. آنجاق بیر گ?ن قیامت قوپاجاغینا و دونیانین یوخ اولاجاغینا هر کس اینانیر.
قیامتین نه دئمک اولدوغو چوخدا عیان اولماسا? دونیانین آخرى یاخینلاشینجا بوتون رسم رسوملار عکسینه اولاجاقلار: ایت پیشیک ایله یان یانا یاتاجاق? قورد قویون ایله گزجک.
هامى آللاهین قویدوغو قانون ¬قایدالارى اونودوب تکجه پولا فیکیرلشه جک. کیشیلر ساچلارینى اوزادیب? قادینلار قیسالداجاق.قادینلار اوشاق دوغمایاجاق.
کیشیلر قادین پالتارى و قادینلار کیشى پالتارى گئیه جک. بنالار چوخالاجاق? یوللار قیسالاجاق? فساد و اخلاقسیزلیق هر یئرى بورویه جک و …
دئمک بو اینسان طبیعتین دوشونن بئینی حساب اولورو و اینسانا حورمت سیزلیک بیر ذهنه سیغیشمایان سوزدیر. ائله اونا گوره ایگیتلیک اینسانلیقین اعلا مرتبه سی سانیلیر . بو ایگیت_ اینسانین واقتسیر اولومو بیر بویوک تراژدی آدلانیر و گویلرده کی بولوتلاردا بو اینسانین واقسیز کوچمه سینده اوز آغ کوینکلرین سیخیب گوز یاشی توکورلر. بیر گوزه ل یار ایلا باغدا ، بوستاندا، مئشه ده، ده نیز کناریندا، اوچاقدا اوزای گمی سینده،اورست داغینین ذیروه سینده پاریسده بیر خیاواندا، عدنده، هاوانادا، هر یئرده کی ایسته سک ، ائله یه بیلریک برابر اولاق دانیشاق، درد دل ائله یک ، عشقبازلیق ائله یک و حیاتین ان گوزه ل ماهنی لارینا قولاق آساق.آرزولاریمیزا چاتاق و یئنی آرزولار ائده ک.
گورمه دیکلریمیزی گوره ک، ائشیتمه دیکلریمیزی ائشیدک، هر بیر شئیی کی دویمویوب و تجربه ائله مه میشیک ، دویاق.
حتی بیر قوش اولاق و ایلین دورد فصلینده کوچک، بیر یازدان باشقا یازا و و باشقا اولکه یه باش ووراق.
پس هر عقیده و دینده کی واریق انسان اولاق .بیزیم فیزیکی اولومدن سونرا کی دونیامیز بو دونیانین اعمالینا باغلیدیر.عاغیللی اولاق. بئیین لرین بین الخلق شبکه سی بو دونیادا واقعیت تاپاجاقدیر و هم ده بین الخلق شبکه سی اولولرین و دیری لرین بئیین لرینین آراسیندا.عجیبه دونیا اولاجاقدیر.محشر دونیادا هرکسین یایدیقلارى ایشلرین حسابینى وئردیگى یئردیر. بورادا پیس یاخشیدان? گناهکار ثوابکاردان آیریلیر. محشرده ملکلر طرفیندن “میزان” آدلاندیریلان ترازى ایله گناهکار و ثوابکار چکیلیر.
ایمان ایله دونیادان کوچموش ثوابکار بنده لر بهشته گیرمگه حق قازانیرلار. دونیادا فرعونلوق ائدنلر? آللاهین بویوردوقلارینا بویون قویمایان زیانکارلار جهنمه گوندریلیر و حقسیزلیگه اوغرایانلار و ستمه معروض قالانلار محشرده آللاهدان حقلرینین احقاق ائدیلمه سینى ایسترلر.
محشرده آتا¬آنا اوشاقلارینى? اوشاقلار آتا¬آنالارینى? کیشى آروادینى? آرواد کیشىسینى? قارداش قارداشینى یاخینلار بیر-بیرینى? قونشو قونشونو? دوست دوستو? یولداش یولداشى تانیماز.هر کس اوز هایینا قالیر? اوز باشینا چاره آرار
بیر دونیا کی گئدیر تا واقعیت تاپسین و عقل کل بوتون بئیین لرین حاصلجمعی اولاجاق و بوتون ذهنلره حاکم اولاجاق . بو ماوی پلانئتده انقلاب، حرب،قان توکمک ، یوخسوللوق، بیلمه مزلیک… ییغیشیلاجاق. حق حقلی یه یئتیشه جک ، عدالت، برابرلیک و تفاهم واقعیت تاپاجاق.کورلار گوره جک لر، کارلار ائشیده جکلر، چولاقلار یول گئده جکلر،چیرکین لر گوزه ل لیک دویاجاقلار، علاجسیز خسته لر ساغلیق و سلامتلیک دویاجاقلار، قوجالار گنج اولاجاق ، ناکاملار کامینا چاتاجاق.
گوزه ل لیک دونیایا حاکم اولاجاق و یئرین ابدی و دوغرو یازی یولدان یئتیشه جک و بیر اوره کلیک بوتون اوره کلرده گول وئره جک و یاز بیر واحد روح کیمی بوتون انسانلاردا حیاتا دوام وئره جک…!
بیزیم یارادیجیلیق عالمینده ، اوزللیکله آغیز (شفاهی) ادبیاتیندا اینسان طبیعتله قاریشیر، بیرله شیر. تورپاق چوخ اونملی یئر تاپیر.
چون کی ایللر بویو بیزیم آتا آنالاریمیز بو تورپاقلارین سینه لرینده یاشایب، آغیر زامانلاردا دا بو تورپاقلاردا اکیب بیچیب، و باشی اوجا یاشییب دیر
اینسان، دئمک کوریه، گنج، آتا، آنا، جاوان و قوجا کاپاسیته سینده اولورسادا، حیاتی بیر مقدس نعمت کیمی گورونور. یالنیز بو اینساندیر که عاشیقلاریمیزین سازلاریندا واومانیست روحانی لریمیزین نطقلرینده یاشایر و اوز یئرینه مالک اولور.
ائله بیل کی دوننیدی که شیخ محمد خیابانی اوجا سسی ایله اوز توتوب دونیایه و آذربایجان میللتی نین انسانا و کرامته دوغرو فیکرین دئیردی: “بیر شرفلی و آدلیم اینسان که دونیاسینی دئیشیر مین شرفسیز دن یاخشی دیر.
” ائله بو یازینین باشلانیشندا دئدییم کیمی انسانا حورمت او قده ر وارکی بویلا اینسان دونیامیزدان کوچنده، عاشیق فغان ائدیر، شاعیر سوز دئیر: “عاشیق، جانیم عاشیق، چال قوپوزونو/آماندیر آماندیر، یار الدن گئدیر/آلیشدیر ایچیمی نغمه لرینله.