اوغوز و اغوزخان حماسه سی

ََآنا دیلیمیز:اوغوز خان :اوغوز خان تورک ائلینین آتاسی و حاکمی ایمیش اوغوز خان حاقیندا بیر سیرا دستانلار و افسانه لر و تاریخی سندلر وارکی آراشدیرارکن بو نتیجه یه گلمک اولورکی او (حضرت نوح) نوه سی و یافث.نوح اوغلونون اوغلویدور.تورات کیتابی دا بونو حاقلیر کن.موسولمان تاریخ یازان (رشیدالددین) اوزکیتابی (جامع التواریخ) ده بونا ایشارت ائدیرکی اوغوز نوح اوغلو یاقثین اوغلودور و او تورک لرین بویوک آتاسی دیر. اوغوزون آلتی اوغلو واریدیر اوغوز خانین اوغلانلارینین هر بیرینده ن ۴ قبیله آیریلیر.بو ۲۴ قبیله یه اوغوز قبیله لری دئیلیر.بوگونکو تورک لر ایران.ترکیه.آذربایجان.ازبکستان.ترکمنستان.قزاقستان.قرقیزستان.عراق.بوسنی.بولقار.مجار.فنلاند…اوغوزون نسلیندن سایی لیرلار
اوغوزخان حماسه سی:تورکلرین ان بویوک قهرمانی اولاراق سونول- موش، بیر ماسال و دستان هاواسی ایچینده، چین ه، هینده، آوروپا قاپیلارینا، قوزئی آسیا نین بوزلو اولکه لرینه قدر اوزانان فتح لری آنلادیلمیشدیر. ارگه نه کون دستانی کیمی، اوغوز خان دستانی دا، تورک میلله تی نین تاریخ گلیشمه سی و کاراکترینی آچیخلایان چوخ قووتلی بیر ادبی وصیغه دیر. مته نین» اوغوز خان « آدیلا عادتا قوتسال لاشدیریلدیغی، تورک میلله تی نین اورتاقلاشا مالی اولان بو گوزل دستان قیساجا بئله دیر: گون لردن بیر گون آی خان، بیر ارکک چوجوق دوغور. اوشاق، قارا ساچلی، قارا قاشلی، آلا گوزلو. قیزیل آغیزلی ایدی. پری لردن ده گوزل ایدی. چوجوق، آناسیندان یالنیز بیر یول سوت امدی. بیر داها اممه دی، قونوشمایا باشلادی. چیی ات و ایچکی ایسته دی. قیرخ گون دن سونرا بویودو. یئریدی. اوینادی.
آتا میندی. گئییک آوونا چیخدی. گون لردن، گئجه لردن سونرا، بیر ایگید اولدو. باهادیر اولدو. اوغوز خان» دئییلن بو باهادیر، بیر گون تانری یا یاخاریردی( مناجات ائدیردی). بیردن بیره چئوره سی قاپ قارانلیق کسیلدی. گوکدن بیر ایشیق دوشدو. بو ایشیق، آیدان و گونشدن بیله پارلاقدی. اوغوز خان، ایشیغین ایچینده بیر قیز گوردو. بو قیز، چوخ گوزل ایدی. اوزونده، ایشیق ساچان بیر بنی(خالی) واردی. چوبان اولدوزونا بنزیردی. گولونجه، ماوی گوی ده گولور، آغلایینجا، ماوی گوی ده آغلاییردی. اوغوز خان، بو قیزی گورونجه عقلی باشیندان گئتدی. قیزی سئودی، آلدی. قیز، اوغوز خان ا اوچ ارکک چوجوق دوغوردو. بیرینجیسینه » گون « ، ایکینجیسینه »آی « ، اوچونجوسونه»اولدوز«آدینی قویدولار. اوغوز خان، گون لردن بیر گون، آووا گئتدی. گولون یانیندا بیر آغاج گوردو. آغاجین قوووغوندا بیر قیز اوتوروردو. چوخ گوزل ایدی. ساچلاری بیر ایرماغین آخیشینا، دیش لری اینجییه، گوزلری، گوی اوزونون ماویسینه بنزیردی. اوغوز خان ین عقلی باشیندان گئتدی.
اوره گینه اود دوشدو. قیزی سئودی، آلدی. بو قیز دا اوغوز خان ا اوچ ارکک چوجوق دوغوردو. بیرینجیسینه « گوی » ، ایکینجیسینه»داغ« ، اوچونجوسونه» دنیز«آدینی وئردیلر. بو چاغدا، ساغ یؤنده» آلتین خان«دئییلن بیر خاغان واردی. آلتین خان، اوغوز خان ا ائلچی گؤندردی. چوخ آلتین و گوموش یوللادی. پک چوخ قیز، یاقوت و گوموش سوندو.
اوغوز خانا سایغی گوستردی. اوغوز خان، آلتین خان ین باش اگمه سینی قبول ائتدی. سونرا، قیرخ گون قوزئیه یورودو.» بوز داغی«دئییلن داغا گلدی. چوخ سویوق ایدی. اوتاغینی قوردوردو دان یئری آغاردی. اوغوز خان ین اوتاغینا گونش کیمی بیر ایشیق گیردی. او ایشیقدان؛ گوی توکلو، گوی یئله لی(یال)، بویوک بیر ارکک قورد چیخدی. قورد، اوغوز خان ا دئدی:» ائی اوغوز، آرتیق من اونونده یئرییه جه یم!« بوندان سونرا اوغوز خان، چادیرلاری توپلاتدی. یولا قویولدو. تورک اوردوسونون اؤنونده گوی تویلو، گوی یئلهلی، بویوک ارکک قورد یئریردی. نئچه گون لردن سونرا گوی تویلو، گوی یئله لی، بویوک ارکک قورد دوردو. اوغوز خان دا تورک اوردوسونو دوردوردو.
اونله ریندن»ایتیل«دئییلن ایرماق آخیردی. اوغوز خان، بورادا یاغی ایله ووروشدو. ساواش چوخ چتین اولدو. ایتیل سویو، یاغی قانییلا قیپ قیزیل آخدی. ووروشما-دا اوغوز خان، اوستون گلدی. باسان، تورک اوخلاریندا و قیلیچلاریندا قالدی. گوی تویلو، گوی یئله لی قورد، یئنه اونه دوشدو. اوغوز خانی گونئیین سیجاق اولکه لرینه گوتوردو. اوغوز خان، بورادا دا چوخ یئرلر آلدی. چوخ یاغی یئندی.
تورک خاقانلیغینی بو یؤنده ده چوخ بویوتدو. گئری دوندو. اوغوز خان ین یانیندا، آغ ساققاللی، بوز ساچلی، چوخ بیلگه بیر کیشی واردی. آنلاییشلی و دوغرو بیر آدامدی. اوغوز خان ین دانیشمانییدی. آدی»اولوغ تورک« ایدی. اولوغ تورک، گون لردن بیر گون، دوشونده بیر آلتین یای و اوچ گوموش اوخ گوردو. آلتین یای، گون دوغوسوندان گون باتیسینا دک اوزانیردی. اوچ گوموش اوخ دا قوزئیه دوغرو گئدیردی. اولوغ تورک، اویخودان اویاندی. یوخودا گوردوکلرینی اوغوز خانا آنلاتدی: » ائی خاقانیم، دئدی؛ گوی تانری نین سنه وئردیکلری، خئییرلی اولسون! گوی تانری، دوشومده گؤردوک لریمی یئرینه گئتیرسین! دیله دیگی یئری سنه وئرسین! « اوغوز خان، اولوغ تورک ون سوزلرینی چوخ بیه ندی. بیلگه لیغینی اویدو. اویودونو دینله دی. اوغول لارینی توپلادی. دئدی کی: » ائی اوغوللاریم! گونلوم آو دیله ییر. قوجادیم. گوجومو ایتیردیم. گون، آی و اولدوز، سیز دوغویا وارین. گوی، داغ و دنیز، سیز باتییا گئدین! « بونون اوزه رینه اوغوز خان ین اوچ اوغلو دوغویا، اوچ اوغلو باتییا گئتدی. گون خان، آی خان و اولدوز خان، بول بول آولاندیقدان سونرا، یولدا بیر آلتین یای بولدولار. یایی آلدیلار. بابالاری اوغوز خان ا وئردیلر. اوغوز خان سئویندی. یایی اوچ پارچا ائتدی و: » ائ بویوک قارداشلار، دئدی؛ یای سیزین اولسون! « — گوی خان، داغ خان و دنیز خان، بول بول آولاندیقدان سونرا، یولدا، اوچ گوموش اوخ بولدولار. اوخلاری آلدیلار. بابالاری اوغوز خان ا وئردیلر. اوغوز خان سئویندی.
اوخلاری اونلارا پای ائدیب » ائی کیچیک قارداشلار، دئدی؛ بو اوخلار سیزین اولسون! « — اوغوز خان، بوندان سونرا اولو قورولتای توپلادی. خالقی دا چاغیردی. بویوک دانیشما یاپیلدی. اوغوز خان، یوردونو، اوغول لارینا پای ائتدی. دئدی کی: » ائی اوغول لار، چوخ یاشادیم. چوخ ساواشلار گوردوم. چوخ اوخ آتدیم. قیلیچ ساللادیم. آتا میندیم. یاغیلاریمی آغلاتدیم. دوستلاریمی گولدوردوم. گوی تانری یا بورجومو ادا ائتدیم. سیزلره ده یوردومو وئریرم. یوردوموزون اوزه رینده بوگه لیک و بختییارلیقلا یاشایین. گوی تانری نین بویروغوندان چیخمایین. اسن قالین! « سونرا گوی رنگلی گوزلرینی یومدو.