بوستانچی و شاه عباس

آنا دیلیمیز:بیر بوستانچی وارایدی. بو بوستانچی کولفتینی قارپز،یئمیشیله ساخلاردی. هر ایل قارپیز،یئیمیش،خیار اکیردی،تاخیلا وئریب دولانیردی. بیر ایل بوستانچی چوخ یاخشی بهره گتیردی. بوستانچی آروادینا دئدی:
- بو ایل بوستانیمیز چوخ یاخشی بهره گتیریب،قارپیزین لاپ یاخشیسیندان بیر ائششک یوکو توتوب شیخ اوغلو شاه عاباسا آپاراجاغام.
آروادی دئدی :- لاپ یاخشی اولار.بوستانچی قارپیزین لاپ یاخشیسیندان بر خورجون ییغدی،ائششگین بئلینه آشیریب،توش ها توش – اصفهانا یولا دوشمکده اولسون،شاه عباسلا وزیر آلله¬وئری خان دا درویش لباس اولوب یول ایله گئدیردیلر.اونلار کیشینین قاباغینا چیخدیلار.شاه عباس اوندان سوروشدو:- آ کیشی ، یوکون ندی؟؟؟
بوستانچی دئدی:- آغا درویش،قارپیزدی.پادشاه سوروشدو :- هارا آپاریرسان؟؟بوستانچی دئدی:
آغا درویش،بو ایل بوستانیم چوخ یاخشی بار گتیریب.بونو شاه¬عباسا آپاریرام.شاه عباس دئدی :
- رحمتلیگین اوغلو،جاماعات شاه عباسا لعل،جواهر آپاریر،قیزیل آپاریر،سن ده قارپیز آپاریسان؟قارپیز شاهین نه¬یینه لازیمدی؟
بوستانچی دئدی : – آغا درویش،اولارین گوجو لعل جواهیره چاتیر،منیم ده گوجوم آنجاق قارپیزا چاتیر.
شاه دئدی : – ناحاق اذیت چکیرسن، آخی شاه اونو گوتورمز.بوستانچی دئدی :
- آغا درویش،جانین ساغ اولسون،گوتورر گوتورر ، گوتورمز ائششگی یوکینن سوخارام اونون گوزلرینه ، چیخیب گلرم.
آلله¬وئردی وزیر ایسته¬دی کیشینی وورسون،شاه اونون الینی توتدو.کیشیدن ایریلدلار.باشقا کسه یوللا گئری قاییتدیلار.شاه عباس قیرمیزی گئینیب تاختا چیخدی.امر ائله¬دی، ائششگی یوکلو بیر کیشی گله¬جک، اونو ائششگینن یانیما گتیررسوز. بلی،یوللاری کسدیلر،کیشی گلیب چیخاندا، اونو ائششگینن پادشاهین باگاهینا آپاردیلار.
شاه عباس اوندان سوروشدو:- آ کیشی،یوکون ندی؟؟بوستانچی دئدی :- قادان آلیم،شاه ،قارپیزدی.بو ایل بوستانیم چوخ یاخشی بهره گتیریب.بیر بویوک سنه هدیه گتیرمیشم.شاه دئدی :- آ کیشی دلی – زاد اولمامیسان؟
سن منی کیم حساب ائله¬ییرسن؟خالق منه لعل، جواهر گتیرر، سن ده قارپیز گتیررسن؟؟بوستانچی دئدی :- شاه ساغ اولسون، اونلارین گوجو جواهره ، لعله چاتیر منیم ده گومانیم، گوجوم یتیشمیش، قارپیزا چاتیر.شاه دئدی :- قارپیز منه لازیم دئیل، قایتار گئت ،یوخساسنی بوغازوننان اسریرارام.
بوستانچی دئدی :- شاه ، دا نیه آجیغون توتور. گوتورورسن،گوتور، گوتورمیسن، یولدا دئدیگیم اولسون.شاه دئدی :- دیء گوروم یولدا نه دئمیسن ؟بوستانچی دئدی :- شاه هئچ نه،سوز ایدی اغزیما گلدی دئدیم.شاه عباس دئدی :- کیشی،اگر یولدا نه¬دئمیسن، دوزون دئسن، سنن ایشی یوخ،اما اگر دوزون دئمسون واییوندی.بوستانچی او ساعات باشادوشدو کی، درویش بو اوزو ایمیش،دئدی:- شاه ساغ اولسون،یولدا بیر نفر درویش مندن سن سوروشدوغون سوزلری سوروشدو.دئدیه کی شاه قارپیزلاری گوتورمز،منده دئدیم کی گوتورر گوتورر ، گوتورمز ائششکی یوکینن سوخارام گوزینه ، قاییدارام .
پادشاه خزینه¬داره چاغیردی اونا دئدی :- آپار بو کیشی¬نن قارپیزلارین بوشات یرینه قیزیل دولدور وئر اپارسین.
خزینه¬دار بوستانچینی خزینیه اپاردی،قارپیزلاری بوشالدیپ یئرینه قیزیل دولدورده ورده بوستانچی آپاردی.
وزیر الله¬وئردیه خوش گلمدی ، دئدی :- شاه سنسین بو حرکتین هئچ خوشوما گلمه¬دی.او وردیغی بیر شی لرین ارزیشی یوخ اوندان سن خورجونون دولدوردون قیزیلینان؟؟؟؟شاه دئدی :وزیر، او کیشینن گوجو قارپیزیده ، اوندان ده منه نوباریخ گتیریر.من اوندان جواهر ایسته مغیم اغیر سوز اشیتمغیم یئرینده دی .وزیر دئدی :- من گئدیب اوندان قیزیللاری الاجاغام.پادشاه دئدی :الله¬وئردی وزیر،او سن اغیلدا ادام دییر ، او اغیللی ادام دی.ایسدیغون اولماز الامماسان.وزیر دئدی : من آللام . سن تاماشا ایله.
الله¬وئردی وزیر آتینی میندی،باشقا یوللا گئدیب بوستانچی¬نین قاباغینی کسدی دئدی:- کیشی سنه بیر نچه سوالیم واریدی جواب ورمسون قیزیللاری سنن الاجاغام.بوستانچی دئدی: وزیر بویور دیء وزیر دئدی : گوئیده نئچه اولدوز وار ؟؟؟بوستانچی دئدی: ائششگیمین توکونون سایی¬سی قدر.
وزیر دئدی:دوز دئمیرسن/ بوستانچی دئدی:- ائششگین توکونده سای،گو دکی اولدوز لاری دا ، اوندا اگر دوز دئمسم بوینمی وور.
وزیر گوردی اولان ائیش دییر قبول ایلدی.دئدی : بی دوزیده مینی ده گورخ،آلله هارادی؟؟؟بوستانچی دئدی :
- اوکی چوخ آساندی،اششگین اوستونده ادین گتیرمخ جاییز دییر ان آتوننان من مینیم آت اوسته دییم سوالون جوابین.
وزیر اتدان دوشده ، بوستانچی مینده.اوندادی کی بوستانچی خورجونو گوتوروپ آتی بیزلیب وزیره دئدی:وزیر الله¬وئردی خان ، الله باخ او داغین دالیندادی.وزیر قیشقیردی، باغیرده، کیشی دایانمادی.آت دییب گوزدن ایتدی.
شاه دا کی کولافرنگی دن باخیردی او قدر گولدی کی آزقالمیشده باغری چاتدیا.وزیر کی قالمیشتی ائششگین یانیندا،شاه اونا ساری ادام یوللادی اونا دئدیلر کی شاه دئیب اوتانما گلگینن .من قیزیل ورمیشدم آت ورممیشدیم ساغول اونودا سن وردون .