اوشاق حاقینا بیلیم لرد
حاضرلایان:اکبرسعادت
آنا دیلیمیز: نقل ائده رلر کی منی دوغدو آنام دئدی : به به نه گوزه لدیر بو بالام دولانیب باشیما پروانه کیمی چکیب آغوشونا ، دردانه کیمی سود ایله قووه وئریبدیر اتیمه دوزوب ایللر بویو چوخ زحمتیمه دئییب آهنگله لای- لای سوزونو یومماییب چوخ گئجه اصلا گوزونو آغلایان واختدا چکیبدیر یانینا سویله ییب آغلاما قوربان جانینا.اوشاغین تربیتی ایندیکی عصرده بیر مهم مسئله لردن ساییلیر.و بیلدیگینیزکیمی اوشاغین بیر پارا ایجتماعی شخصیت لری بو دورده دوزه لیر.اونچون آنالار وآتالار گرک اوز دانیشیقلاریندا و رفتارلاریندا چوخ دیقت خرجه وئریب و آتالیق و آنالیق حاقین یئرینه گئترسین لر.تربیت تکجه اوشاغا” جان جان” دئمک دئیل.نئجه کی بیر پارا اوشاقلار بو مسئله دن چوخ آسیب لر گورورلر.وهمین مووضوع اوشاغا کی ایجتماعی آسیب لرده اوز به اوز اولور،چوخلی ضررلر وورور.اوشاقلار نه دییر؟اوشاق : آتا منه پول وئر ، آتا منه پول وئر ، تئز اول منه پول وئر…..
آتا: گئنه نه سس سالمیسان ، سسین دوشدو باشیما ، سنه دئمه میشم سس سالما ، چیخ گئت گوروم باش بئینیم گئتدی….بو یازیلان جمله لردن جور به جور دوشونجه لر وار…آتا آنا محبتی اوشاق اوچون لازیم دیر.و عکس موضووع دا، گره کلی دیر.یعنی هرآتا آنا اوز اوشاغیندان بیرپارا اینتظارلاری دا وار.آما دوغرو دئییل کی بیز بعضا اوشاقلار اوچون محبت ائتمه نین عوضینده اونلارا شرط قویوب یا چتین ایشلر چکک.طبیعی دیر کی هر اوشاغین،(مختلیف سن لرده)خاص نیازلاری وار.و بو آتا آنا بورجودور.و اونلار اوشاغاین حاقیندا کی بو دونیایا گوز آچیر،مسئول دولار.دوغرودو! بیز گوروروک کی اوشاغین آتاسیندان طبیعی بیر ایسته یی وار یعنی دئمک ایسته ییره م کی اوشاغی تامین ائتمک آتانین بورجودور و بونو ائتمه لی دی و اگر ایمکانی یوخدورسا اوشاغی باشا سالمالیدی کی قیزیم یا اوغلوم بیر پارا دلیل لره گوره، ایسته یین عهده سیندن گله بیلیمیرم. وگورونور کی مسئله اوشاغین سسینین شدتینین یوخاری اولماسی یوخ ، بلکه آتا نین اوشاغا طبیعی حققینین وئرممه سینده ن یارانیر . بعضا والدین اوشاقلارا دئدیکلری سوزدن پئشمان اولارلار. بونا گوره نه یاخشی اولار پئشمانلیغا دوشمه‌مک اوچون اوشاقلارلا دانیشیغیمیزدا آرتیق دقت ائدک.اوشاغا دئدیگیمیز سوزلر اونون اجتماعی، عاطفی و شخصیتی بویومه‌سینده یوخاری تاثیری وار. بیز اونونلا دانیشدیغیمیزدا مناسب کلمه‌لر و مناسب جمله‌لردن استفاده ائله ینده دیرلی اولدوغونو حس ائلر.
اوشاق تربیتی متخصصلری، والدینلری اوشاقلارلا دانیشاندا بعضی کلمه‌لر و عبارتلرین ایشلتمه‌سینی قاداغان ائله‌ییبلر:مارک وورماق:اوشاقلارا تنبل، ازگین، سیرتیق کیمی مارکلاری وورماق، نظره راحت‌ده گلسه بو ایشین ادامه‌سی اولورسا اوشاق، بو خصلتلری اوز شخصیتینده یئر وئرر.گاهدان بو خصلت عایله لرده اورا یئتیریر کی بو سوزو هر یاندا دئییب و اوشاغی سرکوب ائلیرلر.
اومود سوزلوق:»سندن اومودوم کسیلدی«. بو جمله اولدوروجو سوزدور. اونون تاثیرینی فوراگورمه‌سک‌ده اونلارا بیزیم ایسته‌دیگیمیز شخصیته صاحب اولمادیقلارنی آنلادار.
بیر عده عاییله لر وار کی اوشاغی گورورسن کی مقایسه ائلیر:”مثلا فلان کسین اوشاغینا باخ گور نئجه زرنگ دیر” خب بیر طبیعی مسئله دیر که هر اوشاغین بیر خاص زمینه لرده استعدادی وار.قرار دئییل چون فیلان کسین اوشاغی توپ اویناماقدا زرنگ دیر،بیزیم کی ده رزنگ اولسون.و اونون لا برابر قرار دییل بیز اونلاردان اومودوموزو کسک.روانشالارین دئدیگینه گوره بوجور مسئله لر باعث اولور اوشاق لار منزوی و گوشه گیر اولسون لار.و جامعه گریز اولالار. اوشاقلارین، آتا آنانین تاییدینه شدتلی احتیاجلاری وار و بو جمله‌نی ائشیتمک اونلارین نه قدر کفایتسیز اولدوقلارینی نشان وئرر.
من سنه افتخار ائلیرم:نئجه گوزل بیر سوزدور:کاش هر آتا آنا بو جمله نی دوشونسون…و ن گوزل دیر کی بیز بئله نجی بیر سوزلرنن اونلارا اومود وئریب و تشویق ائلیه ک.محققلر بو جمله‌نین ده دئمه‌سینی مصلحت بیلمیرلر. اوشاقلارین تشویقی ضروری بیر شئیدیر آما یوخاریداکی جمله‌نین یئرینه بئله دئمک اولار: »سن اوزونه افتخار ائله‌مه‌لیسن«.
یالاندان وعده وعید وئرمک: گاهدان گورسه نیر کی عایله لر اوشاغا سوز وئریب آمما اونا تحقق وئرمیرلر.مثلا گوروسن دئییل لر کی “اگر درسا باخسان پارکا گئده جه ییک”.
بونلار باعث اولور کی اوشاغین آتا آناسینا بیر مدت دن سونرا اعتمادی آرادان گئتسین و …یا گوروسن دئییل لر:»اویونجاق‌لارینی ییغسان تلوزیونا باخا بیلرسن« بو جور جمله‌لر، اوشاغی شرطی بارا گتیرر. اونون عوضینه بئله دئمک یاخشی اولار: »اویناتمالیلارینی ییغدیقدان سونرا تلوزیونا باخا بیلرسن«. بو جور دانیشماق اوشاغا، یاخشی ایش گورنده جایزه آلا بیله‌جگینی تفهیم ائلر.
آمما !:دئدیگیز جمله‌نین ایچینده »آمما« اولاندا مثبت جمله‌نین تاثیری خنثی اولور. چونکی اوشاق فقط »آمما« کلمه‌سینی و اونون قویدوغو منفی تاثیرینی ائشیدیر.
ساغول بالام:اوشاقلارین ایشلرینی حددن آرتیق تعریفله‌مک اونلاری، نابغه و عاغیللی کیمی لفظلرله خطاب ائله‌مگین منفی تاثیری وار. چونکی بو جور خطابلا،ر اونون اوزوندن اولان انتظارینی چوخالدار و اوزونو او حدده گوره بیلمه‌ینده افسرده اولورلار.
نوشته شده توسط admin در چهارشنبه, ۰۲ اردیبهشت ۱۳۹۴ ساعت ۴:۲۷ ق.ظ
