اورمونون تورک طایفالاری

حاضیرلایان:اکبرسعادت
یاشام،یاکاموز کیمین دیر،اینسانلار اونو قارالاماق ایسته ییرلر..
یاشام،باریش دیر،قارداشلیق دیر،بیرلیک دیر،اینسانلار،آیریلیق لا،دوشمنلیک ایسته ییرلر..
یاشام،یاشاماق دئمک دیر،اینسانلار ایسه اؤلومو ایسته ییرلر..
اینسانلار ایسته ییرلر..
آنادیلیمیز:تورکلر ان قدیم دوورلردن موختلیف یئرلرده یاشاییبلار. بیزه بللی اولان فاکتلار گوستریر کی، سون اوچ مین ایلده تورکلر آسیانین ان اوزاق شیمال شرق ساحیلریندن – ساکیت اوکیانین ساحیلریندن توتموش اوروپانین مرکزینه قدرو جنوبدان آفریقانین شیمال ساحه لرینه قدر بویوک بیر اراضیده مسکن سالیب یاشامیشلار
*دول محالی
گونئی حیصه سینده یئرله شن بولگه دول ماحالی آدلانیر بو ماحال صفویه دئورینده بوتون گوندوزلو افشار طایفالاریلا برابر قراائولی آدلانیردی ،بو یئرلر کلبعلیخان افشار طرفیندن اونلارا وئریلدی بو طایفادان اورمو شهرینده تیکن تیکینتی لریندن (مناره مچیدینه ائله جه دهه هدایت مدرسه سینه )ایشاره ائتمک اولار .
دول محالین بویوک اورتا کندی قدیم زامان شیطان آوا کندیمیش سانکی ایندیلیکده دول دیزه کندی بو منطقه نین خان کندی ساییلیر ..
آلیلو طایفاسی اورمیه نین افشار طایفالاریندان ساییلاراق اورمیه نین گونئی سمتینده یئرلشن باراندوز محالیندا مسکن سالیب لار آلیلو طایفالارین بیر بویوک ساحه سی خوراسانین قوزئینده یئرلشن خوراسان افشارلارین تشکیل وئریب لر بو کندلر ایندیلیکده مراد+علی اوخونسا دا اصلینده موراد+آلیلو دیر و ایندیلیکده بو کندین بعضی اهالی لری آلیلو شهرتلری وار و دئمک موراد بو کندین خانی اولاراق و بوتونلیکده موراد آلیلو تانینمیش اولوب سونرالار دا بو آد تحریفجه مراد علی ثبت ائدیلیب دیر ایندیلیکده آشاغی مورادآلی نین ۱۴۳ نفر و یوخاری موردآلی نین ۱۷۵ نفر جمعیتی وار دیر…
*گوندوزلو طایفاسی
بو طایفانین قدیم تانینمیش خانی قوجابی گوندوزلو افشار ،نادر شاهین بویوک سردارلارینداندیر،بو کیشینین نوه سی حاج علیارخان گوندوزلو افشار دا واختی گلدیکجه قدیم مناره مچیدینی تیکیب دیر،گوندوزلو افشار طایفاسی اورمونون قوچاق افشار طایفالاریندان اولوب بو قونویا عایید آقاخان میر پنج افشار شیخ عبیداله محاربه سینده بو محال دا (زرزا و بولباس) کورد ائلات لارین قارشی سیندا ایگیدجه سینه چیخیب اونلارین اورمو شهرینه یوگورمه سینین قارشی سین آلیر.
*باراندوز چای
اورمونون باتی بولگه سینده یئرله شن بو ماحال ایندیلیکده اوچ حیصه یه آییرلانیب (اورتا باراندوز – گونئی باراندوز – قوزئی باراندوز) باراندوز ماحالیندا اورمونون ان بویوک و اونملی افشار طایفالاری یئرله شیب .بونلاریندا ائنملی سی قاسملو افشار طایفاسی دیر بونا اساس کندین آدی دا قاسملو آدلانیب ،سانکی زامان سوردوکجه ائلات کوردلر بو کنده ده قوناق اولاراق ساکین اولوبلار.قاسملو طایفاسینین خانلاری صفویه دئورینده اورمودا حاکیم اولوب و بو شهرده حوکمرانلیق ائدیب لر .بو خانلاردان ،خداداد خان بیلربیی رضاقولوخان بیلربیی و محمد قولوخان بیلربیی و …ایشاره ائتمک اولار بو بولگه نین لاپ بویوک کندی باراندوز دیر.باراندوزون داها اوبیری تانیمیش افشار طایفالاریندان طرزیلو افشارلارا ایشاره ائتمک اولار ایندیلیکده ایکی طرزیلو کندی بو افشارلار عایید دیر شاه عباس دئورینده یاشایان بویوک تورک شاعیری (طرزی افشار) دا بو کند دن اولموش بو شاعیرمیزین آدینا اورمودا نه یاخشی ! بیر خیاواندا وار.البته بیر پارا قایناق لارا گوره باراندوز کندین اهالی سی خلج تورکلریندن ده ساییلا بیلرلر خلج لرینده بونا گوره ده تاریخ افشار آدلی کیتابیندا داها آرتیق تانیش اولا بیله ریک.بو کیتابین یازدیغینا گوره قوطلو (قطلو) کندی اورمونون افشار کندلریندن و اونون خالقی دا افشار دیر هابئله بو کیتابین ۲۲۳ جی صفحه سینده اورمو افشار خانلاریندان اولان عبدالرضا بی قوطلونون دا آدی گلیب.
پروفسور زهتابی ایللر اونجه دو کندده آراشدیرما آپاریب بو کندی قدیم تورک قوتتی لردن بیلیب دیر.بکیشلوچای (بی کیشی لی چای):
اورمونون داها بیر بویوک افشار ماحالی دا بکیشلوچای دیر بو ماحال اورمو شهرین یاپیشیغیندا یئرله شیب طایفا باخیمیندان دا افشارلارین بیر اونملی ساحه سی اولوب ،بیکیشلوچای ین تانینمیش اینسانلاریندان بو یاخین ایللرده سرهنگ کلبعلی خان افشارا ایشاره ائتمک اولار کلبعلی خان یاغی سیمیتقو زامانی اسدآقاخان فیشنگچی نین باشچیلغی آلتدا بره یولونو (۱) قورویوب ساخلاماق ایلا یئری گلدیکجه بویوک ایش گورور ایران دیش ایشلر باخان لیغین اورمودا اولان کلبعلی خان دان آد آپاراراق یازیر:کلبعلی خان سرهنگ بره یولوندا کوردلرین قارشی سیندا دایانیب (۲) دئمک اولار کلبعلی خان بره یولوندا یئری گلدیکجه کوردلرین بورنون اوور.بو ماحال دا بیکیشلو افشلاردان سونرا اورمونون آیری افشار تیره لری ده او جومله دن اینانلی ایله قاسملو طایفاسیدا یئرله شیب .اینانلی افشارلارین بویوک ایگیدی کلبعلیخان افشار اینانلو اورمونون ان بویوک قوچاق لاریندان ساییلیر و اینانلی طایفاسیندان بیرنجی دفعه اورمونون حاکیمی سئچیلیب ائله جه ده تانینمیش عالیم میرزا حسن اورمچی افشار اینانلی دا بکیشلوچای بولگه سیندن اولوب.
بکیشلوچای ماحالینا گوره تاریخ افشار کیتابین ۳۳۶ جی صحیفه سینده بیر کند لشنلو (لشینلی) آدیلا گلیب بدل بی لشنلو افشار دا بو کندین خانی دیر یئرلی اهالی نین دئدیگینه گوره ائله آد آپاردیغیمیز کلبعلی خان سرهنگ ده بو کند دن اولوب.بکیشلو ماحالی اورمونون آیری ماحالارینا تای بئشیی اولاراق چوخ قدیم بیر کئچمیشه مالیک دیر ،ائله بکیشلی ده تاسوفله باسدیران قدیم کول تپه لرده بوندان سوز آچیر.
*تورکمان
تورکمان دا عربلی افشارلاردان قرالرلی افشارلاردان آد آپارماق اولا ایندیلیکده بو کند ایکی بولومه آیریلیب (قرالر آقا تقی – قرالر حاجی قاسیم )یازی نین بیرنجی بولومونده بو کندلرین بوتون افشار اولدوق لارینا ایشاره ائتمیشم.
۱- آذربایجان تورکجه سینده (بره) بندر یوخسا سو لیمانی معناسی داشییر بو سوزلوک اصیل اوغوز تورکجه سی اولاراق فارسجادابندر اولوب .ایندیلیکده ده بکیشلونون یئرلی ساکین لری بو یولو بره یولو آدیلا تانییرلار.
۲- اورمیه در محاربه عام سوز اسناد وزارت اورمو خارجه ص ۳۳۶ نشر شیرازه.شکیل آقاخان امیرتومان اورمو خانلاریندان و هابئله گوندوزلو و دول محالین حاکیم ساییلیردی بو خانین مفصل بیر شجره سی وار آنجاق اورمو آشیق مکتبینده آقاخانی هاوا وار کی اونون قوشانی آقاخانین ساغیلیغینا قوشوب و هابئله دده کاتیبین بیر بیت شعری وار کی تکجه بیر مصرع سی یادیمدا اودا بو کی:::::: دول ماحالی آقاخانا قالمادی…