سوت قاتیق
اکبرسعادت
آنادیلیمیز:بیزیم اولکهده سوت مصرفی چوخ آزدیر. یعنی آلمان، فرانسه و هلند کیمی مترقی اولکهلرین تقریبا دورده بیری. بیزلر ان یاخشی فرضده ایلده نهایتده ۸۰ لیتر سوت ایچیریک و هر هلندلی ایلده ۴۸۰ لیتر سوت و لبنیات مصرف ائلیر. ائله بونا گوره سوموک خستهلیکلری، دیش و آغیز خستهلیکلری و بویومه اختلاللاری بیزیم مملکتده اروپا اولکهلریندن چوخ چوخدور.
چوخلاری بئله دوشونور کی سوت و لبنیات مصرفی هامییا بیر حدده لازمدیر بیر حالداکی بئله دئییل. یاخشی اولار بیلهسیز کی ۵ یاشدان آز اوشاقلارین لبنیاتا احتیاجی گوندهلیک ۱٫۵ واحددیر، یئنی یئتمه اوغلانلارین گوندهلیک ۳ واحد، یئنی یئتمه قیزلارین گوندهلیک ۲٫۵ واحد، سوت وئرن خانملارین گوندهلیک ۳٫۵ الی ۴ واحد، حامله خانملار گوندهلیک ۲٫۵ واحد و کیشیلرین و خانیملارین گوندهلیک احتیاجی ۲ واحددیر.
البته یاخشی اولار اضافه کالریدن قاچماق اوچون آز یاغلی سوتدن استفاده اولونسون. قاتیقین متفاوت خاصیت لری ائلیه بیلر اشخاص اوستونده مطلوب تأثیرلری اولا . بوخاصیت لر ایللر دیرکی مورد تحقیق و بررسی دیر آمما هنوز چوخلاری بیلمیرلرکی قاتیق نه فایدالار اونلار ایچون واریدیر .
قاتیق سیزین ساقلیقی زی چوخالدا بیلیر ، پس تلاش ائدیز گلن نوبت سوپرمارکت مراجعه ائدن زمان حتما قاتیقی آلیش لیستی نیزده قرار وئریز تا اونون مزیت لریندن بهرمند اولاسیز . قاتیقین برجسته فایدالاری اونون جالب فرآیندینه مربوط اولور . قاتیق همن سوت دیرکی حاوی بیرنوع باکتری لر دیرکی بدنین مطلوب عملکردینه لازم و ضروری دیلر .
بو یاخشی باکتری لر ، زیان آور باکتری لرین رشد ائتماقیندان پیشگیری ائدیرلر و مانع اولورلارکی عفونت چرک و آیری مریض چیلیق لر ایجاد اولالار . اگر بدنین یاخشی باکتری لری مطلوب سطح ده قرار توتالار ، بدنین ایمنی سیستمی تقویت اولار .
همچنین بو یاخشی باکتری لر معده نین رفلاکسین دان (تورش ائتماق ) پیشگیری ائدیرلر بعضی جدید تحقیق لر گستریرکی یاخشی باکتری لر کی قاتیق دا موجود دیر مجاری ادراری نین عفونت لرین دن پیشگیری ائدیرلر . زمانیکی شخص انواع آنتی بیوتیک لردن استفاه ائدیر ، سبب اولور کی بو یاخشی باکتری لر بین دن گئده لر اگر قاتیق مصرف ائده سیز بو باکتری لرین سطحی نرمال حد ده قالار لار .
قاتیق دا بیر نوع خاص ماده لر وارکی اونون لاکتوز قندین نسبت به سوت آزالدیر و قاتیقی بیر یاخشی جایگزین سوت یئرینه قرار وئریر . اشخاص کی نسبت به لاکتوز حساس دیلار و لاکتوزلی غذالار اونلاری نان سازگار دگیل ائلیه بیلیرلر قاتیقی جایگزین ائده لر .
بو سببی نن کی قاتیق لبنی فرآورده لردَن تهیه اولور از نظر کلسیم غنی دیر دیش لر و سوموک لرین ساقلیقی ایچون چوخ مهم بیرماده دیر .
کلسیم اشخاص ایچون کی سوموک لری نین تراکمی آشاقی دیر و یا سوموک لرین پوک اولماسی نامبتلا دیلار بیرحیاتی ماده دیر . بوماده نین متعادل میزانی بدنی سلامت ساخلیوب و اونو وزن آزالتماق ایچون مستعد ائدر .
همچنین قاتیق بیر مناسب منبع دیر پروتئین ایچون . پروتئین بدنَه انرژی وئریر و سیزه کمک ائدیرکی گونون عرضینده شاداب ، سلامت و سرزنده اولاسیز.
بدن ده کی چوخ سیستم لر ، ئوزلرین ترمیم ائتماق ایچون پروتئین احتیاج لاری وار ، مخصوصا ماهیچه لر . همچنین پروتئین معده نی دولدوروب و باعث اولورکی سیز طولانی زمان احساس توخ اولماق ائدیب و آجیخ میاسیز .
اگر قاتیق ایچینه انواع میوه لر ، توت لار ، خشکبار ، شکلات و آبنبات علاوه ائده سیز ائلیه بیلیرسیز بیر خوشمزه دسر تهیه ائده سیز و اونی ناسالم دسر لری نن جایگزین ائده سیز.
قاتیقین آلماقی زمانی دقت ائدیز ! چونکی هرنقدر بیر محصول طبیعی اولا ، اونون خاصیت لری چوخ تر دیر . قاتیق لارین آراسیندا چربی سی و شکری آز اولان ، آیری نوعلاردان مناسب تردیر . بعضی کارخانه لر قاتیقی چربی سیز ده تولید ائدیرلر .
گرک توجه ائده سیز کی قاتیق حتما پاستوریزه سوت دن تهیه اولموش اولا ، هر نوع پاستوریزاسیون فرآیندی کی تخمیر دن سونرا انجام اولا ، باعث اولورکی قاتیقین یاخشی باکتری لری بین دن گئدیب و اونون خاصیت لری آزالاان چوخ استفاده اولونان میوه لر آراسیندا یئر آلان پرتاغال، هم غذایی دیری هم ده بازار دیری باخئمئندان اولدوقجا دیرلی بیر میوه دیر. c ویتامینی باخیمیندان دا غنی بیر میوه دیر.
ویتامینیc باخیمیندان اولدوقجا غنی بیر میوه اولان پرتاغال، B و E ویتامین لری ایله انسان بدنینده اهمیت لی فایدا لاری تأمین ائتمکده دیر. قیش آی لاریندا خصوصا قریب و سویوق دیمه کیمی خسته لیق لرین یاخچی لاشما سورجینی سورعت لندیرمک اوچون مصرف اولان پرتاغال، میوه سی خاریجینده سویو و یارپاغیلا دا فایدا وئرن بیر بیتکی دیر.
فسفر، ماقیزیوم و پتاسیوم مینِرال لاری باخیمیندان غنی بیر ایچری یه صاحیب اولان پرتاغال، بدنی و دیفاعی سیستم ینی گوج لندیرمک ده بدنه انرژی وئررک خسته لیق حالیندا یاخچی لاشما سورجینی سورعت لندیریر.
میوهلر،بسین(مغذی)وآنتی اوکسیدان موادلاردان دولو اولاراق ؛بدنین ایمنی سیستئمینی گوجلندیریر(تقویت) ،بواوزدن؛کولون،باغیرساق،آغ جیگر،یئمک بوروسو (مری) ،معده و بوغازسرطانین اوز وئرمهسین یوزدهسینی (درصد) آزالدار.اما میوهنین نه زامان توکتیمیده(مصرف) اونملیدیر.دئمهلیدیر، بدن طرفیندن،میوهنین بسین موادلارینین آلینماسی (جذب)اوچون؛میوهنین توکتیمی غذادان اونجه اولورسا داها یاخشی اولور.
یئترسیز بسلنمه(سوتغذیه) سورونو اولان خستهلر وقوجالار،ویتامین وبسین موادلارین آزلیغیندان زور دادیرلار بواوزدن،بونلارا غذادان سونرا، میوه یئمهیی تووصیه ائتمیرلر.
میوهلر وگؤیهرنتیلر(سبزیجات) ،سیندیریم سیستئمین حرکتلرینی سورعتلندیریر بواوزدن میوهنین بسین وفیبرلی موادلاری بدنده آز زامان قالیر وسورعتله مدفوع ویا سودوک شکیلینده بدندن بوشالیر، یعنی بسین موادلارین آلینما زامانی آزالیر و بو بسین موادلار سورعت له بدندن بوشالیر.
فیبرسیز یئمک رژیمی،سیندیریمسل سورونو(مشکلات گوارشی) اولانلارا تووصیه اولونور. دئمهلی دیر؛بوش معده ایله اسیدلی میوهلرین توکتیمی(مصرف) تووصبه اولونمور(پورتغال).آرتیرمالیدیر، میوه توکتیمی تمام گئجه گوندوز ساعاتلاریندا تؤوصیه اولونور اما میوه توکتیمی، یئمک وعدهلریندن قاباق اولورسا داها یاخشی ویارارلی اولور.
نوشته شده توسط admin در چهارشنبه, ۰۸ اردیبهشت ۱۳۹۵ ساعت ۵:۴۲ ق.ظ