اوره ک سوزوموز
کوچوره ن:اکبرسعادت
من سنین ان چوخ سسینی سئودیم
بوخارلی اکثر زامان، بیر اکمک کیمی
اونجه عشقه چاغیران، سونرا دینلندیرن
منه هر زامان دوست، هر زامان سئوگیلی
آنادیلیمیز:بوگونکو دونیادا بیزلر بیر چوخ واقت‌لار گورونموروک، گورولن واقتلارین بیر چوخوندا قینانینیب- سوچلانیریق. قینانماق‌لارین اوستونه اوز دانلاق‌لاریمیزی اَک‌له‌ییب، سوچلولوق دالغاسیندا چیمیریک. اوزوموزو سوچلو گوردویوموز اوچون، سوچلولوق دنیزینین اوزوجولرینه چئوریلمیشیک. هردن ائله واقت‌لار اولور باشقالاری بیزه سوچلامایاندا اوزوموز اوز ایچیمیزده اولان‌لاری سوچلاماغا باشلاییریق. پاییمیز اولدوغو فرقلی‌لیک‌لرده، فرقلی‌لیک‌لری دوشونموین‌لری قویوب، فرقلی‌لیک‌لری یاشادان‌لاری سوچلویوب دانلاییریق. دانلاماق، بوتون سوچلاری بیزه تای‌لارا باغلاماق، یئترسیزلیک‌لری اوزوموزه تای‌لاردان گورمک یایقین گوروشوموزه چئوریلیر. بئله بیر دوروم‌لاردا اوزوموزو دانلاماقدان قورتاریب، یاخشی گوره بیلسک، اویولمه‌لی‌ییک. اویولن‌لری اویمک یئرینه دویمه‌مه‌لی‌ییک. هردن بئله بیر اویمه‌لرین یئری گلیر.
ندن یازاق؟ سورغونون جاوابیندا نه یازا بیله‌ریک. ندن سوزجویون اوزو ان آزی اوچ آنلامدا دیر. بیرینجی‌سی دلیل، یا قانیت دیر. ایکینجی‌سی نییه آنلامیندا دیر. داها دوغروسو جومله‌نین ایچینده سورغو ایشارتی یئرینده ایشله‌نیر. اوچونجوسو ده نمنه‌دن یازماق آنلامیندا دیر.بو سورغونو بیری سوروشسا بیزدن ایلک نظریمیزه گلن اوچونجو معناسی اولاجاق‌دیر. اونون جابیندا بئینیمزه گلن چوخ سوزلر اولا بیلر. هره‌‌نین اونمسه‌دیی بیر قونو واردیر. اونمسه‌نیلن بوتون قونولاری، اوز دیلیمیزده یازی بوشلوق‌لاری واردیر.
دونیادا اولان بوتون رسمی دیل‌لرینن اولچوده، دوروموموز یاخشی دئییل. هر یئردن یازیریق یازاق، هر نه‌دن یازیریق یازاق، اوخوجوموز اولور اولسون اولمور اولماسین یازمالی‌ییق. یازمادیقجا، یازیلمایاجاق. قالدیقجا دا قالاجاق. دئییرلر قالان ایشین اوستونه قار یاغار…
آذربایجان یوخسولوق، فقیرلیق، ایشسیزلیق هله بوگونلرده توپلومسال( اجتماعی) سورونلارلا قارشی قارشیادیر.آذربایجان دا ایش مسئله سی بیر مبهم چالیشه تبدیل اولوب.مسئول لار دا بو مسئله دن چوخ راحت رد اولول لار.اما چاره نه دیر؟
بو آرادا کیمدیر گوناهکار …ایندی کی دوروم دا جوانلارین ان بویوک مشکلات لارین دان بیریسی همن بو ایشیسز لیق دیر.
بیزیم اولکه ده (غربی آذربایجان دا)چوخلی پتانسیل لر وار..چوخلی استعداد لار مکتب لریمیز ده گورونور.اما ندنسه اونلار گوزه گلمیر.
دانشگاهلاریمیزین چوخالماسی اولکه یه بویوک ضررلر آرتیر دی.آنجاق هرکس بیر آینا داراق تحصیل ائله دی ایندی جامعه ده ایش آختاریر.بو آرادا یاش دا یاندی قورونون اودونا.
اوز آرامیز دیر، “البت اوز آرامیز دئدیم، اوزلرینی بیزدن بیلن‌لره دئییرم، اولا بیلر بیرلری بیزیم آرامیزدا اولا، دئیه بیز سندن دئییلیک کی بیزه دئییرسن اوز آرامیز دیر.
بوردا یازی‌لانلاری هر کیم اوخویور، اوز آرامیزدا ساییرام. هله اوز آرامیزین نه اولدوغوندان کئچک.” هر کیمی دیندیریرسن، دورومدان گیلئی‌لی‌دیر. بو گیلئی‌لی‌لیک اوزوموزدن دئییل ها، اوزگه‌لردن دیر.
اوزوموزدن سونرا هر کسی بو دورومو یاراتدیغیندا سوچلو بیلیریک. ایندی گیلئی‌لی‌لیک‌لری ساییرام، یادیمدان چیخان‌لار کسین‌لیک‌له چوخ دیر…
ایشله‌مک یوخ دیر. بو گئنل‌لیک‌ده هر ندن چوخ ایشله‌نیلیر. بیریندن سوروشولمور، نییه ایشله‌میرسن، تکجه دئییلیر ایشله‌ین یوخ دیر. ایشین نه اولدوغو، دارتیشیلان بیر قونو اولا بیلر. هئچ کیم گوزله‌میر.(گوزله‌مک؛ هر نه‌یه ایشله‌نیلیر، باشقالارین حاقلاریندان توتوب، دانیشیق‌لارا کیمی اوزانیر. البت گوزله‌نیلمه‌لرین سینیرلاری قونوشولمالی دیر
ساوادسیزلیق دیر. ساوادلی‌نی نئجه تعریف‌لنمه‌یی‌نه اورتاق گوروش سهل‌دیر، بیر تعریف یوخ دیر. اخلاسیزلیق هر یئی بورویوب دیر. اخلاق نه دیر، اخلاق‌سیزلیق نه دیر. هاردا اخلاق‌لی اولماق اولار، هاردا اخلاسیز، هله اوستونده دانیشیلماییب دیر….
هامی بیزدن دانیشیر، بیزی دوشونمه‌مک‌دن، آنجاق بیز؛ کیمه دئییلدیـیینی، بیری آچیقلامیر: بیز دئدیـییمیز، هاردان اورتایا گلیر.
باهالیقدان دانیشیلیر، باهالیغی سالان‌لاردان، اوزوموزه گلنده الیمیزده اولانی باشاردیقجا باها ساتیریق، البت ساتدیق‌لاریمیزین یئرین دورلدورماق اوچون. یارادیجیلیق اولمادیغیندان دانیشیریق. یارادیلان‌لاری گؤرمه‌یه ماراقلی اولموروق.ماراغیمیزی چکن‌لر قیسادیلمیش‌لار اولور. شکیل اولسا لاپ یاخشی اولار. گوردوک دوشونه بیلک، هئچ بیر دوشونمه‌دن..
پوپولیستی ایش‌لری قیناماقدان دانیشیریق، ایلگی‌لندیـییمیز قونولار پوپولار قونولار اولور. گونده‌مه گیرمه‌مک‌دن دانیشیریق. ایل‌لر بویو گوندمده اوزوروق. گوندمده اولماساق، یوخ کیمی ساییلاریق دئیه، گوندمده اولان‌لاری، گوندمده اولماغی قینایاراق، ده‌ستکله‌ییریک…
حوصله‌سیزلیک‌دن دانیشیریق. یوخلوقدان دانیشیریق، هامی‌میز اوز یئریمیزده اولاراق!!!!!
سایا بیله‌جه‌ییمیز یوزلرجه بونلارا تای قونولار واردیر. اؤز آرامیزدا یازیشیریق، “اوزگه‌لر وارسالار اگر ائشیتمه‌‌سین‌لر” آخی نه وئرمیشیک، کی نه ایستی‌ییریک! آخیر سوز دئمه ک اولار کی، آذربایجان هر لحاظ دان بویوک بحران ایچینده دیر. بو بحران گیدرک گنیشلیر، بونا گوره آذربایجان قیسا مدت ده بویوک سورونلارلا قارشی قارشیا قالاجاق. آذربایجان جوانلاری ایشسیزدیر، بئکار دیر، بحران ایچنده سیاسی و اجتماعی مسئله لری واردیر. اگر تئزلیکله بیر چاره تاپیلماسا باشقا مسئله لر ده اورتیا چیخاجاقدیر. جوانلار چالیشلرین دیله گتیرمک اوچون آزاد تریبون ایستییر. توتماق، ورماق، زندان، بهتان، افترا و اصیلسیز بیانات ورماق، مسئله نی داها دا چتینلشتیریر. راحت و خطرسیز یول آذربایجان میلتینین یولونو آچماق و اولارین ایستکلرینه قولاق آسماق دیر.
آذربایجان میلتی اوز اوزونو اداره ائتمک اوچون بوتون فاکتورلارا صاحیبدیر. بونون یانیندا آذربایجان میلتی ایران دا یاشیان باشقا میلتلرله دوسلوق و قارداشلیق ایچینده بیر آرادا یاشاماق ایستیر، بو استقامت ده بوتون خلقلرین حق و حقوقونا سایغیلیدیر، اونا گوره ده اوز حق وحقوقونا سایغی و حرمت ایستیر.
شیرین‌لیک‌له باشلانان یاشاییشا، اولوم‌لر له آیریلیق‌لار آجی‌لار قاتیر. آجی‌لارین تکجه آجیشدیرمیرلار، هردن بئزدیریرلر. اوزوندن بئزیرسن، اوزگه‌دن بئزیرسن. آجی‌لار تکجه ایتیرمک‌لر اولمور.
هردن خیـیانت‌لر اولور، گووه‌نسیزلیک‌لر اولور. گووه‌نسیزلیک‌لر اورتایا گلدیک‌ده یاشاییش‌لا باریشانمیرسان. زامان سوووشدوقدا اویره‌نیرسن، یاشاییشین بیر بولومودور بوتون یاشادیق‌لاریمیز. آجی‌لار، اولوم‌لر، گووه‌نسیزلیک‌لر؛ شیرین‌لر، دوغوم‌لار، گووه‌نلیک‌لرله آنلام تاپیر.
بیزیم ایچیمیزده بیر چوخ‌لارینین دانیشماغا سؤزلری واردیر. بیزیم ایچیمزده ائله‌لری وار ایسته‌سه‌لر بئیین‌لرینده اولان‌لارینی باشقالارینا چاتدیرا بیله‌لر، دونیایا دانیشا بیله‌جک‌لری قدر چاتدیراجاق‌لاری واردیر. بئیین‌لرینده‌کی‌لرین اوستونه هر زامان دا آرتیریلیر.
بیزلردن نییه یازمیرلار، باشارمادیق‌لاری اوچون یوخ، بلکه باشلامادیق‌لاری اوچون اولور. هردن ده یازماقدان، باشقالارینین پولچوک قوشدوق‌لاری اوچون قورخورلار.
یازماقدا قورخولاجاق بیر شئی یوخ‌دیر. پولچوک قوشانین ایشی پولچوک قوشماق دیر. یازانین دا ایشی یازماق. بئینیزده اولان‌لاری پایلاشماق اوچون، گلدیک‌لری واقت یازین. قویمایین اوچوب گئده. یازدیغینیزدا دا یازیداکی آخساق‌لیق‌لاریزی بیلیب زامان سوره‌سینده آرادان قالدیراجاقسیز.
نوشته شده توسط admin در چهارشنبه, ۰۷ مهر ۱۳۹۵ ساعت ۵:۴۰ ق.ظ
