یوخسول لارین بایرام آرزو سی

اکبرسعادت
قویمایین آغاجلار یاپراغی سولسون
قویمایین گوزلره قانلی یاش دولسون
آنا دیلیمیز:یاواش ، یاواش داغلارین قاری اریییر. چوللرده فیرلانان بایرام عطیرلی یئللر قار آلتیندان باش قالدیران بیتگی لری اویادیر. آغاجلارین بوداقلارینداکی تومورجوقلار گونشین شوعالاری آلتیندا قیزینماغا باشلاییب، گولمک تمناسیندادیر.
گونشین قیزیل ساچاقلاری یال ـ یاماجلارداکی قارلاری تالالاندیریر. اوتلار ـ اورکدن خاطیره لر باش قالدیران کیمی ـ تورپاق آلتیندان بویلانیرلار.
آنجاق اورمو بایرامی نئجه قارشیلاماقدادیر؟!
جنت گورکملی اولکه یه آغیر بیر سکوت چوکوب. قارین آلتیندان باش داشی لار گویرمکده دیر. قبیرلرین اوستوندن اوتلار اوتانجاق- اوتانجاق بویلانماقدادیر. یاسلی آنالارین دالغین باخیشلاریندا کده ر قایناشیر.
او خاطیره یاتاغی اولان داخمالارین یئرینده دوشوب قالان چوروموش دیرک لر، اوست- اوسته قالانمیش تورپاقلار، داشلار، کسه ک لر، کوچه لرین پوزولموش گورکمی یایداکی آغیر زلزله فاجیعه سینی خاطیرلادیر.
اورمو ایتیردییی عزیزلرین یئرینین بوشلوغونو دوشونه رک یاز بولودلاری کیمی کوورلمکده دیر.اوشاقلارسئوینج قولچاقلارینی قوجاقلاماق ایسته ییر. باخیشلاری محبت دولو باخیشلاری، اللری مهربان اللرین ایستی لییینی، تئللری ایستی اللرین سیغالینی گؤزله ییر.
یاسلی آتا- آنالاریمیزا محبت چلنگی، مهربانلیق گوللری، و گولوش چیچک لرینی بایراملیق وئرمه لی ییک. اورک لریمیزین ایستی لییی ایله اونلارین باخیشلاریندان آسلانان کده ر بوزلارینی اریتمه لی ییک. آتالاریمیزین اللرینی سیخمالی، دوداقلارینا گولوش گؤیرچین لری قوندورمالی ییق.نوروز بایرامی بیزیم و چوخلو باشقا اولکه لرین ایل دونومونون قوتلاماسی دیر کی تاریخ بویو اسکی زامانلاردان تا بیزیم زامانیمیزا قدر دوام ائدیب. بو قوتلاما بیزیم مدنیتیمیزده ان بویوک و درین یئر توتوب بئله کی تاریخین حادثه لری ایله آرادان گئتمه ییب و هر ایل گئچن ایلدن داها آرتیق ایستیقبال ایله قوتلانیب. ایل بایرامی یازین گلمه سینی موشتولوق وئریر و اوزوینن ائولره، اوره کلره شادلیق گئتیریر.
آمما وطنیمیزین بوگونکو ایقتصادی دوروموندا میلتیمیزین چوخونا بئله بیر شادلیق معنا تاپا بیلمیر. یالنیز اوره کلری سیخینتی، حسرت و نیسگیل ایله دولدورور! آذربایجانین آدلیم شاعیری و طنز یازاری- معجز شبستری- اوزونون حاققیندا بئله سویله ییر: نه ملاکم، نه تجارم، نه خان مردم آزارم/متاعیم شعر دور آنجاق اونون دا یوخ خریداریدیلیم تورکی، سوزیم ساده، اوزوم صهبایه دلداده/منیم تک شاعیرین البت، اولار کاساد بازاری معجز آذربایجانین قدرتلی و گورکملی طنز یازاری ایدی کی یوز نئچه ایل بوندان اول بوتون شعر لرینده او زامانین ایجتماعی وضعیندن و خالقین جهالتیندن تنقید ائدیب. خانلارین و پوللولارین ظولمو و یوخسول عائله لرین پیس وضعیتده یاشاییشلاری اونون شعرلرینین اساسی و اونملی موضوع سودور. او جامعه نین طبقه اختلافینی بو ایکی بیت ده کامیل حالدا شرح وئریب. بو بیت لرده او زامانین جامعه سینی گوستریر کی ایکی طبقه دن تشکیل تاپیب دیر. بیر طرف، خان لار، ملاک لار و تاجیرلر کی جامعه نین رفاه لی و پوللو و ظالیم اقلیت طبقه سی، او بیری طرف ده کی جامعه نین اکثریت یوخسول طبقه سی کی شاعیر اوزو بو طبقه نین نماینده سی دیر.
بایرام گونلری تامام گوزه لیگینن؛ یوخسول عائله لره بیر نیسگیللی زاماندیر و تاسف کی ایندی ایراندا بو طبقه اکثریت دیلر! معجز بو نیسگیلی، بو حسرتی و بو دردی اگر چه طنز صورتینده، آمما نه گوزل سویله ییبدیر! بیر حالدا کی بیز مونترالدا یاشایان ایرانلی لار، ایراندان اوزاق توشمک اوچون، بو دردین آجیسینی آنلیا بیلمیریک.
بئله بیر بایرام گونلرینده،یوخسول لارین آهی بیزه،اوره ک سیخینتی سی گئتیریر.
بئله دییم کی….آمان الله کاسبلیقین الیندن کیبیر عده یه نه گئجه خوش گئچدی نه ده گوندوز.اونلارا نه بایرامی گلیر؟ بیر عوموردو من بو اوددا یانیرام گونوم کولگه لنیب باتیب اولدوزوم هر یئره باخیرام طوفان گورورم. داغلارین باشیندا دومان گورورم .بو وطنده چوخلو تالان گورورم چوخالیب دردلریم سارالیب اوزوم درد الینددن. دالا قالیب یانیرام کاسیب لارین دردلرینی قانیرام تالانچی نی قلبیم تکین تانیرام دوداقیم تیکیلیب باغلانیب گوزوم حق دیلیم کسیلیب دانیشمیر دوداق باشلارا قویولوب مین جوره پاپاق قئچئمی قئریبلار گلمیری ایاق قویسالار دانیشام واریمدیر سوزوم عاطیفین قولوقی دارینی سئچیر قولاق آچان یوخدور حققینی گئچیر اوز الیلن دوروب کفنین بیچیر بئلنچی دردلره من نئجه دوزوم….
بایرام یولدادی،اگر بازارا چیخساز بونی کامل حس ائدرسیز چون،بایرامین خریدلری باشلائیب و جماعتی حرکته گتیریب، هرکس اوزونه و اوشاغینا تازا وسائل آلماخدادی و بو باهالیخدا کاسیب جماعت دن احوال بولن یوخدی.
ای کاش هامیمیزین بو مسائله یه خصوصا بو گونلرده دیقتیمیز اولسون

نوشته شده توسط admin در دوشنبه, ۱۱ اسفند ۱۳۹۳ ساعت ۶:۱۸ ق.ظ