یاخشی‌لیغی ایسته‌ین‌لر
حاضیرلایان:اکبرسعادت
آنادیلیمیز:دونیانین اولینى و سونونو بیلن یوخدورو. آنجاق بیر گون قیامت قوپاجاغینا و دونیانین یوخ اولاجاغینا هر کس اینانیر. قیامتین نه دئمک اولدوغو چوخدا عیان اولماسا? دونیانین آخرى یاخینلاشینجا بوتون رسم رسوملار عکسینه اولاجاقلار: ایت پیشیک ایله یان یانا یاتاجاق? قورد قویون ایله گزجک. هامى آللاهین قویدوغو قانون ¬قایدالارى اونودوب تکجه پولا فیکیرلشه جک. کیشیلر ساچلارینى اوزادیب? قادینلار قیسالداجاق.قادینلار اوشاق دوغمایاجاق.کیشیلر قادین پالتارى و قادینلار کیشى پالتارى گئیه جک. بنالار چوخالاجاق? یوللار قیسالاجاق? فساد و اخلاقسیزلیق هر یئرى بورویه جک و …
بو گونکو دونیانین ایلگی دونیاسی اولدوغو اوچون، ایلگی‌له‌نن کیمسه‌لر گوندمده اؤزلرینی سرگی‌له‌دیک‌لری اوچون، ایلگی‌لنمه‌ین‌لره سرگی‌لنمک ایمکانی وئرمیرلر. گونده‌لیک، هفته‌لیک، آیلیق قازئته‌لردن توتوب، دوشرگه‌لر، تئلویزیون‌لار، رادیو، سینمالار، کیتاب‌لار، میتینگ‌لر، آچیق اوتوروم، کونفئرانس‌لارا دک سرگی‌لنمک نسنه‌لرینی اولوشدورورلار. سرگی‌لنمک نسنه‌له‌ری ایله ایلگی‌له‌نن‌لر واقت‌لارینی بو ایلگی‌لنمه‌یه قویدوقدا، ایشله‌دیک‌له‌رینه واقت قالمیر. ایشله‌ین‌لر ده ایلگی‌لنمه‌یه واقت ائله‌میرلر. بیزیم ماراق‌لی دوروموموز بودور. دونیادا گئدن سرگی‌لنمک‌لردن بیزه پای قالسا، گؤزه گلمز اؤلچو ده قالار. بو گؤزه گلمه‌ین پای‌دا دا، سرگی‌لنمک‌لر ایله ایلگی‌لنمه‌ین‌له‌ره بیر چیمدیک‌لیک ده پای قالمیر. سرگی‌لنمک‌له‌ره یول وئریلیب-وئریلمه‌دیـیینه باخمایاراق، ایلگی‌ده اولان کیمسه‌له‌ری ایزله‌مه‌یه ایمکان واردیر. سرگی‌له‌نن کیمسه‌له‌ری سرگی‌لنمک‌لریینین یئترلی اولوب-اولمادیغینی نظره آلمادان، سرگی‌لندیک‌لرینده اؤزلرینه آز اولسا بئله، ایلگی‌له‌نن‌له‌ره چاتدیریرلار.یان-یؤوره‌میزده بیرلری اولور، ایسته‌ییریک اونلاری چوخلاری ایلا پایلاشاق. بیر آز پاخیل اولساق بئله بیرلرینی پایلاشمایا دا بیله‌ریک. آمما دوشونجه‌لی، سؤزلری اولان بیرلرینی گیزله‌تدیکده، او دوشونجه‌نی گیزله‌دیریک. هر دن ده اولور، سرگی‌له‌دیک‌لریمیزی اؤزوموزدن اولان بیرلری، سوسدورماغی دوشونورلر. ایکی دورومدا(بیزیم پاخیل‌لیغیمیزلا گؤزلرین گؤتورمه‌دیک‌لری) دا ایسته‌دی‌ییمیز کیمسه‌له‌ری پایلاشانمیریق. پایلاشماغی اؤنمسه‌سک ده پایلاشماق اوچون چالیشمالاریمیز یئترلی اولمور. باشی سویوق‌لوق آلیشیدیغیمیز دوروم اولور، الیمیزدن هئچ بیر ایش گلمه‌ین زامان اویانیریق. نئجه دئییب‌لر “دالدان آتان داش توپوغا ده‌یر”. یولداش‌لار، بی‌لر، بایان‌لار؛ آیریلیق‌لار هر ندن یاخین‌دیرلار. الینیز چاتان، یارارلانا بیلن کیمسه‌لردن یارارلانین. ایسته‌دی‌ییز، پایلاشا بیله‌جک بیرلرینی تانی‌ییرسیز گئجیکدیرمه‌دن پایلاشین
بونو آنلامیشام اینسانام، اینسان سان سنده. ندن سئویندیرمیریک بیر- بیرمیزی؟ ندن سینیر(مرز) چکیریک، بیر- بیریمیزین اوزونه؟ ندن دئمیریک دونیا هامیمیزین دیر، گونش هامیمیزین؟ سن آغلایاندا، من ایسه آغلاییرام. گولوشونله گولورم.
هر زامان، سنین گولومسه یینی ایسته ییرم، باشاریلی اولماغینی و یاشاماغینی. سنده اینسانسان، منده. من سنین سئوینجینله سئوینیرم.
دایماایسته د?ـ?م بـو اولـوب کـو، قوهوملوقـدا، دوسـتلوقدا، قلـم داش ل?قـدا، امکداشل?قدا ک?مسه ن?ن اوره یینه توخونمویام.بو دونیا اوره ک سیندیرماغا هئچ ارزشی یوخدور.کئشکه هیچ کس اوره ک سیندیرماسین..بیر کسین قلبین قیرماسین..الله دان آرزی ائده ک کی بیزه بئله بیر حیات وئرسین.بوجور کی عومرو باشا باش اینسانلارین اوره ک لرین اله گئتیره ک.هامینی اوزوموزدن راضی سالاق.
من بو گونه قدر اینسانلاری اوزوم کیمی سئومیشم.بعضی قیسسا باخیش اینسان لار وار کی اوزوندن سونرانی سئوه بیلمیرلر.کیمسه نی بینمیرلر و هئچ بیر کسی ده گوزو گوتورمز.
آما نه یاخشی اولار کی هامینین محبتین قبول ائده ک.هامینین اوره یین شاد ائلیه ک.محبت الله تعالی طرفیندن اینسان اوچون بیر بویوک نعمت دیر.و هر کیمسه کی اونو اوزونده پرورش وئرسه بویوک بیر هنر صاحیبی دیر.
گاهدان نهنگ اینسانلار وار کی بیر شمع کیمی یانیرلار. بئله بیر اینسان لار اولکه میزه لازیم دیر. و نه اولار کی ائله بو همن آدام اوزوموز اولاق.خالقینا تمناسیز خدمت گوسترن اینسان لاردان اولمالییق.کی نه شوهرت دالیسیجا نه مادیات و نه آیری بیر هدفواونلار تکجه خالقی اوچون چالیشیرلار.
دونیانین سونون بو دونیانین سونوندا گورن‌لر یاشاماق سوره‌جینده چتینلی‌یه دوشورلر. هر یانا دونوب اوزلرینی تک گورورلر. دونیانین سونونا اینانمایان‌لار، بو دونیادان اؤته بیر دونیا، دوشونوب یاشاییرلار. اونلار یاشاییش‌لاریندا گله‌جه‌یی فرقلی چیزیرلر. ایلاهی دین‌لر گله‌جک ساوچی‌سی اولوب، اومودلاندیریرلار. هئچ اولماسا اؤزومه تای چوخلارینی بئله تانی‌ییرام. اوته‌کی دونیانین اومودولا یاشایان‌لار، اوزلرینی دوشونورکن، هر ایشی اوزلرینین بیرئیسل چیخارلارینی دوشونورلر. هر بیر یاخشی‌لیغی ده‌یه‌رینی باشقا دونیادا آلدیق‌لارینی دوشوندوک‌ده گله‌جک قازانیرلار.توپلوملارین ایچینده باشقالارینا یاشایان کیمسه‌لر ده اولور. باشقالارینا یاشایان کیمسه‌لر، (توپلوما یاشایان‌لار) توپلوم‌لاری یونلدیب، تاریخه دامغالارینی وورورلار. توپلوم گوج قایناغی اولماغیندان اوترو، اوزلرینه دوشونن کیمسه‌لر، چوخ گوج قازانسین‌لار دئیه، توپلومون ایش‌لرینه قاریشیرلار. بئله آدام‌لار، هئچ زامان یاخشی بیر آد قازانا بیلمیرلر. گوجده اولدوق‌لاری زامان آدلاری هر یئرده دئییلیر، گوجدن دوشدوک‌لری آن هر کسین طرفیندن دیش‌لانیرلار. اوزلرینی اونلارا یاپیش‌دیران‌لار تئز قوپوب ال‌لریندن گلدی‌یی قدر سوز دال‌لاریجا دئییرلر. باشقا جور گله‌جه‌یه یاشاماق، بیر نسیلدن باشقا نسیله دورومو یاخشی‌لاندیریب، اونلارا یاخشی دوروم ساغلاماق‌لار اولور. بو یاشاماغا یاخشی گورمک گره‌کیر. ال‌لریمیزده اولان‌لاری ساخلاییب، اونلارا آرتیریب اوشاق‌لاریمیزا پای وئرمک اولور. بو جور گله‌جه‌یی دوشونن‌لر میللت‌لرینین آغالیق‌لارینی ساغلایا بیلرلر.اینسانلار نه قدر دموکورات اولورلار اولسون‌لار، قودرت قایناغینا چئوریلن زامان، گوروش‌لرینی تام بیلیب، فرقلی سئچیم‌لری انگل‌له‌مه‌یه چالیشاجاق‌لار. اوندا دیر کی آرا قاریشیب، مسسب ایته‌جک. سوز-سوزون دالیسیجا گله‌جک، او بونا بو اونا. بیز اونلارا، اونلار بیزه. سونوندا دا یاخشی‌لیغیمیزی ایسته‌ین‌لر، بیزی ایسته‌مه‌یه‌نه چئوریله‌جک‌لر.
یاخشی‌لیغیمیزی ایسته‌ین‌لرین یادینا بیزه ائله‌دیک‌لری یاخشی‌لیق‌لار دوشه‌جک، دونیانین وفاسی اولمادیغینی تئز-تئز دئییب، دئییب دوراجاق‌لار. اَمک‌دن دانیشیب، بیزی آدام ائله‌دیک‌لرینی دوشونه‌جک‌لر، بیزیم ده “نابئه به حرام”(مام بیلمز، حق سای بیلمز) اولدوغوموزو هر کسه دئیه‌جک‌لر. یاخشی‌لیغا اوغرایان‌لار ایسه، زیندگانلیق‌لارینداکی پولچوک‌لری یادلارینا سالاجاق‌لار، هر بیر اوزلری گورمه‌دیک‌لری ایشی، یاخشی‌لیغی ایسته‌ین‌لرین بویونلارینا ییخاجاق‌لار. اوتوروب-دوروب اونلارین یوخاری یئرلرده اولمادیق‌لارینین ندنینی یاخشی‌لیق‌لارینی ایسته‌ین‌لری بیله‌جک‌لر. یاخشی‌سی بودور، یاخشی‌لیغی ایسته‌ین‌لر بو باشدا، یاخشی‌لیغی بوش توتسون‌لار. برکی‌ینده، قوپماز اولورلار.
نوشته شده توسط admin در چهارشنبه, ۰۵ خرداد ۱۳۹۵ ساعت ۴:۵۸ ق.ظ
