من ایتن گون
ایکینجی بولوم
آنا دیلیمیز:منیم ائویمی تانیییرسینیز؟ـ آغا شوخلوق ائدیرسیز؟نئچه دقیقه دن سونرا باشقا یولداشلاریمدان نئچه سینین آد ایله تئلفون نومره لری یادیما گلدی.
اونلارین هامیسینا تئلفون ائتدیم. آنجاق هامیسی پروفسور اشلمیل-ین ائوینه گئتمیشدیرلر. گیج ایله مایماق لیق لا، خیاواندا دایانیب، نه ائتدیگیمی بیلمه ییردیم. آنسیز یاغیش یاغدی. چتیریمی آچماق ایسته دیم:»چتیریم هاردادی؟« بونودا سوروشارلار؟یادیما گلدی. اولا بیلر، بیر یئرده قویموشام! یاواشجا، بیر ائوین قاپی اوستو تالواری-نین (سایبان) آلتینا سیغیندیم. ائله بیل گؤیون تاوانی (سقفی) دلینیب دیر. ایلدیریم باغیریب، پارلاییردی. بو شانسا لعنت! گونون بوتونو هاوا ایستی ایله گونشلی ایدی. ایندی ایسه من ایتمیشدیم، همده چتریمی ایتیرمیشدیم، توفان گلیب دیر.ائله بیل یاغیش کسیلمک ایسته مه ییردی. اؤزومو مشغول ائتمک اوچون تویوق ایله یومورتانین اؤنجه لیک فلسفی قضیه سینین چؤزمه سینه، باشلادیم. هئچ باجاریقلی فیلسوف بو قضیه یه اویغون ایله دوزگون جاواب وئره بیلمه ییب دیر. قاچینماز (لابد)، تقدیریمیش من بو مسئله نی دوشونم. اولابیلر، بیر اویغون جاواب تاپام.سویو گؤیدن دولچا ایله تؤکوردولر، سانیردیم. یاغیش سویو اوست- باشیما دامیب، منی ایسلادیردی. سویوق جانیمین کؤکونو بوروموشدو. بورنومون سویو آخیردی. آسقیریق، آسقیریق دالیجا. بورنومو سیله جک (دستمال) ایله تمیز له مک ایسته دیم. آنجاق سیله جه گیمی ایسه باشقا یئرده ایتیرمیشدیم. او آندا، یاغیشدان ایسلانمیش، تیتره ییب ، کدرلی باخیشینی منه دیکن، بؤیوک قارا بیر ایتی گؤردوم. تئزجه باش بارماغیم، ایت ایسه اؤزیولونو ایتیریبدیری دویدو (حس ائتدی). او ایسه ائوینین آدرسینی خاطیرلامیردی. یازیق ایت! بیله سینه فیشقالادیم. ایت دایانمادان یانیما قاچدی. محبتی اورگیمه یاتدی. اونلا دانیشدیم. ائله بیل آدام دیلی بیلیردی. »یولداش من له سن قایغیداشیق. من شانسی اولمایان، آوارایام. سن ایسه آوارا ایله یازیق ایت سن.قاچینماز، بو گون سنینده دوغوم گونوندور. یقین، سنه ده قوتلاما (جشن) توتوبلار. ایندی ایسه مینم کیمی شانس سیز، آدامین اوره گی سنه یانماق اوچون، بورادا دایانیب تیتره ییر سن. حتمن ییه ن ایسه قاپی- قاپی سنی آختاریر.
اولمایا سنده منیم کیمی آجسان؟«- دئدیم.ایتین ایسلاق باشینا ال چکدیم. ایت ایسه قویروق توولاییب، باشین ترپتدی. »هر نه منیم باشیما گلسه، سنین ده باشینا گله جکدیر. سنی یالنیز بیراخمارام. هر ایکی میز ایسه ائویمیزی تاپاجاییق. سنین ییه نی تاپمازساق سا، سنی ائوه آپارارام. الینی وئر گؤروم.»- دئدیم.ایت ساغ الین قووزاییب، الیمه قویدو. قوشقوسوز (بی تردید)، نه دئدیگیمی آنلاییردی. بیر تاکسی توو ایله یانیمیزدان کئچیب، خیاوانین پالچیغینی اوست- باشیمیزا سپه له دی. نئچه مئتر قاباقدا آنسیز دایاندی. بیری هارای چکدی: »اشلمیل، اشلمیل«. باشیمی قالدیردیم. گؤردوم، تاکسی نین قاپیسی آچیلدی. بیری ائشیگه چیخیب، هارای چکدی: »اشلمیل، بورادا نه ائدیرسن؟ بیرینی گؤزله ییرسن؟«ـ »هارا گئدیرسن؟« دئدیم. ـ »بونو سوروشماق ایسته میر. سیزین ائوه گئدیرم. گئج اولوب، آنجاق گئج گئتمک، گئتمه مکدن یاخشی دیر. هله ندن اؤزون ائوه گئتمه ییب سن؟ بو ایتی هارادان گتیریب سن؟« -دئدی.ذوق لو اولوب، سئوینج له «سنی، تانری یوللاییب دیر! نه گئجه یدی! ائویمین آدرسینی اونوتموشدوم. چانتام تاکسی دا قالیبدیر. چتیریمی ایسه ایتیرمیشم. یاغمورلوغومو ایسه هارادا قالدیغینی بیلمه ییرم.» – دئدیم.یولداشیم، «اشلمیل! دونیادا آشاغی حافیظه لی پروفسور گئرچک دن وارسا، سن اؤزون اونون کسین سیمگه سی سن!» – دئدی.آپارتمان-ین زنگین چالدیغیمدا، یاشام یولداشیم قاپینی آچدی. منی گؤردویو آن، «اشلمیل، ایندی یه جه هانسی خارابادایدین؟ چانتان هانی؟ بوقوناقلارین هامیسی آخشامدان ایندی یه جن سنی گؤزله ییب لر. چتیرین؟ یاغمورلوغون؟ بو ایتی هارادان گتیردین؟»- دئییه چیغیردی.
یولداشلاریم بیزی دؤوره له یب، سوروشدولار:»هاردایدین؟ سنه چوخ نیگران اولدوغوموزدان، قوناقلیق بورنوموزدان گلدی. اولا بیلر، باشینا بیر قادا گلیب دیر، دوشوندوک.« یاشام یولداشیم بیر داها، »بو ایت کیمین دیر؟«- سوروشدو. آزاقدان (بالاخره)، »بیلمیرم! ویلان خیاوانیندایدی. ائوه گتیردیم. ایندیلیک (عجالتا‍ً) آدینی هاپی قویاق!«- دئدیم. حیات یولداشیم (همسرم) آغزینی بوروب، »هاپی! اللرین آغریماسین. پیشیگیمیزین ایت دن آجیغی گلدیگینی بیلیرسن. پاپاغانلار ایسه اونو گؤردوکده، یقین سکته ائدرلر.«- دئدی.
ـ »ینجیدن ایت دئییل. پیشیک ایله آلیشار. یقین قوشلارا دا سئوگی باغیشلار. یاغیش دا تیتره مه ده قویدوغوم اینصاف دئییل دیر. گؤزل حئیواندیر.«- دئدیم.بو سؤزو دئدیگیمده، ایت اورک یاخان ونگیلتی چکدی. پیشیک اوتاغین ایچینه قاچدی. ایتی گؤردوکده آرخاسینی اَییب، اوستونه آتیلدی. ائله بیل گؤزونو چیخارماق ایسته ییردی. پاپاغانلار ایسه قفس لرینده قاناد چالیردیلار. چیغیریب هارای چکیردیرلر. داغیناق بازارکیمی ایدی. گل گؤره سن!اوره یینیز، ماجرانین سونون بیلمک ایسته ییر؟ هاپی، هله ده بیزیم ائوده قالیر.
پیشیک له او بیر- بیرله آلیشیب لار.حیات یولداشیم، هاپی- نی مندن چوخ سئویر. هر زامان ایتی ائشیگه آپاردیغیمدا، ائشیم، »ایندی ائوینیزین آدرسینی اونوتمایاسینیز! ایکی نیزیده دئییرم.«- دئییر.چانتام هئچ زامان تاپیلمادی، سؤز یوخ، چتیر ایله یاغمورلوغودا. مندن اؤنجه کی بوتون فیلسوفلارا تای، تویوق ایله یومورتا چتینلیگی نین چؤزمه سینین خئیریندن واز کئچدیم. یئرینه بیر کیتابین یازماسینی باشلامیشام. آدی «اشلمیل، خاطیره لری»- دیر.البته، ال یازیلاریمی تاکسی دا، رستوران دا، یوخسا پارک اوتوراجاغیندا (نیمکت ده) قویماسام سا، تئزلیک له اونو گؤره جکسینیز. ایندیلیک بو بؤلومو، اؤرنک اولاراق ساخلایین.سون
نوشته شده توسط admin در شنبه, ۲۴ مرداد ۱۳۹۴ ساعت ۶:۵۰ ق.ظ
