مجازی دونیا…اینترنت

اکبر سعادت
مقدمه
اینترنت،بشرین تئره و بویوک دستاوردلریندن بیری و تکنولوژی دونیاسینین آخیر عضوی ساییلیر.و تقریبا ۴۰ ایل دیر کی اینسان دونیاسینا قدم قویوب، ومختلیف ساحه و عرصه لرده گؤزه گلیر.اینترنت دونیاسی بیر مجازی دونیادیر کی،بیزیم واقعی اولان دونیامیزدان چوخ فرقلی بیر دونیادیر.بو مجازی دونیادا،اینسان،بیر دونیاینان کی دئمک اولار حد و مرزی مشخص دئییل اؤز به اؤز اولور کی متفاوت فرهنگ لردن تشکیل تاپیب. و اونلارنان آشنا اولوب انس تاپیر.
بئله لی بیر اینسان حد و مرزلری سیندیرماق اؤچون اؤز ایشینده،چتین بیر یول گؤرمور.
اینترنت،تکنولوژی دونیاسینین عظمتلی ابزاری،به رغم بو کی متفاوت زمینه لرده اینسان اؤچون فایدا وئریر،نئچه نئچه ضرر و زیانی دا اونون سایه سینده اؤز گورسه دیر.
او اساس دان اینسان بو ابزارین ضرر زیانین دان گرک غافیل اؤلمویا و اؤز دونیاسین بئله نجی بیر دونیایه قاتماسین.
بو حد و مرزسیز دونیادا،جدی و چوخلی آسیب لر، جوان و نوجوان قشرینه ربط اولور کی هر لحظه خطرنن مواجه دیلر.
ها بئله،جنایی،خشونت لی،هیجانلی فیلملرین تاثیری هر لحظه بو خطری اونلاردا تشدید ائلییر…
گاهدان بو ابزارین ائوده اولماسی،خانواده لرین داهاجا مشکلاتینا آرتیریر. و اوشاق لارین ضعف تحصیلی سی ده بو باره ده،چوخلی نیگرانچیلیق لار اؤزه گئتیریر.بعضا دئمک اولور بو بارده بیر سری مشکلات دا یارانیر کی باعث اولور،اولادلارنان والده آراسیندا اولان عاطفه اؤز چئویریب و یاشاییش حسی آرادان گئدیر.
بیر سری آسیب لر کی چوخ اساسی و حیاتی آدلانیر او جمله دن:
۱-فیکری آسیب لر:
اینترنتین خانواده یه نفوذ ائله دیگینین سایه سینده،بیر سری فکری آسیب لر ال اله وئریب و اینسانا مشکل ساز اولور…او جمله دن:عاطفی و فیزیکی رفتارلاردیر که عوضله نیر و بعضا اینتظارسیز جلوه وئریر.
تحقیق لر بونو گورسه دیر کی؛اکثر نوجوان و جوانلار بو ابزاردان، بوش و بی ربط فعالیت لره گؤره ایستفاده ائلییب و مشغول اولولار..
او جمله دن:دوستلوق آراسی قویماق-مختلیف اؤیون لار-بیرلیک ده دانیشماق و…ها بئله آیری موردلر.
بو محیط کی جذاب و ظاهرا صمیمانه آدیندا بیر محیط آدلانیب،باعث اولور شخص زامانین گئچه رین الده ایتیره، و بوش یئرلرده ساعتلارجا وقت گئچیده.اوندان علاوه؛او بیر جوان یا نوجوان کی ساعتلار میز دالیسیندا اوتوروب و او مجازی فضا دا لذت آپاریر،اؤز آتا آناسینین سؤزلرین بی اهمیت بیلیب و او فضانی اورایا ترجیح وئریر.
و بونا گؤره دیر کی اجتماعی رفتارلار اختلال تاپیر.
اجتماعی آسیب لر:
خانواده اعضاسینین سویوق رابطه سی و عاطفه نین آرادان گئتمه سی،مجازی دونیانین اضافه آسیب لری دیر.
نئجه کی بو آرادا بعضا سودجو افرادلار تاپیلیر کی منفی زمینه لری داهاجا آرتیریر.و باعث اولور فرد هویت فرهنگی سین الدن وئره و اؤزونه بیگانه اولا.
اوشاقلاری که دونیایه گؤز آچاندان سونرا،برخی مشکلاتا گؤره کی خانواده ده گؤرونور؛او جمله دن:فضای تفریحینین آز اولماسی و یا هئچ اولمامازلیقی،تحصیلی آموزشی شرایطینین دؤز اولمامازلیقی و… مواجه دیلر باعث اولور کی بیر نوع منزوی بارا گلسین لر.
کی نهایت ده بو انزوا یا چکیلمه ک،جامعه نی ده اؤز تاثیریندن بی ثمر قویمور و ناهنجار رفتارلاری بروز وئریر.
نئجه کی قرار دی بو اوشاقلار اؤز هم نوعلارینان بیرلیک ده جمعی اؤیون لارا مشغول اولا تا اجتماعی رفتارلار دؤز شیکلینده تشکیا تاپا.
اخلاقی آسیب لر:
بو ابزارین گئنیشلی حضوری دونیا عرصه سینده بویوک چالش لر یارادیب.علی الخصوص توسعه تاپمیش کشورلرده.
کی متفاوت فرهنگ لرنن اؤز به اؤز اولولار.
آزادلیقین چوخلوقی بیر قیسسا زاماندا و اینترنت طریقینن اطلاعاتا ال تاپماق بیزیم عصرین بویوک چالش لریندن بیری ساییلیر.
جسمانی آسیب لر:
عصبی فشارلار،تحرکون آزلیقی و اونون سایه سینده وزنین چوخلوقی،انزوا،گوشه گیرلیق او جمله آسیب لردن ساییلیر.
بو بارده بیر پارا مشکلات منفی تاثیرین اینسان بدنینده،یارادیر کی شاید ایل لرجه وقت آپارسین تا کی نرمال حالتینه گئدیب و دوزه لسین.
بئلین شدید آغری سی-آرتروز- بویون و باش آغری لاری بعضا بیرسری بو مشکلات دان دیر.
سؤن سوز:
رسانه،فرهنگ لری قبول ائتمک اوچون،و ارزش لری انتقال وئرمک اوچون بیر مؤثر عامل حسابا گلیر.
اوندان علاوه،بعضا بو وسیله نین غلط ایستفاده سینه گوره،تعامل فرصتین خانواده لردن آلیر و بیر نوع اختلال و بیگانگی وجودا گئتیریر