دونیا قالان بیز یالان
حاضیرلایان:اکبرسعادت
فلکدن انتقام ایستر،قوپوب روحومدا طوفانلار،
نه انصاف سیز،نه وجدان سیز اولورموش،یارب،انسانلار
آنادیلیمیز: آداملیغیمیزی او درجه‌ده ایتیرمیشیک کی،بوتون معنویاتیمیزی، آتا-بابالاریمیزین بوتون ائله‌دیکلرینی، نوه‌لریمیزین ائلیه بیله‌جکلرینین هامیسینی بیر قارین چوره‌یه قوربان وئریریک.دئمک اولار کی،ایندی رسانه لر وجوربه جورتبلیغات ساحه سینده چالیشان اقتصادی وفرهنگی ارگانلار،اینسانلارین یاشاییش یوللارینی واولارین بوتون مادی ومعنوی وارلیقلارینی چوخ سرعتلن دئییشیرلروهربیریسی اوز منفعت لرینی قازانان یولارینی،اولارین گچمیش ده اولان وارلیق لارینین یرینه قویوللار.منفی عامللردن بیری ده هر ایل آپرئل آیینین ۱-ده گنجلر آراسیندا بیربیریلرینی آلداتما کیمی خوشا گلمز حاللارین یاشانماسیدیر. بیر بیریلرینی آلداتماق اوچون ایناندیریجی اولسون دئیه موختلیف یالانلار اویدوران گنجلر بو کیمی عمللرین جمعیت اوچون نه درجه‌ده منفی فسادلار تورتدیگینی بلکم ده آنلامیللار. بیر شئیی آنلاماق لازیمدیر کی، هر بیر ناقص عمل دیگر ناقص عمل اوچون شرایط یارادیر. و بو زنجیرواری اولاراق داوام ائدیر. نتیجه‌ده ایسه آیری آیری فردلر و یاخوددا عومومیلیکده جمعیت اذیت چکیر. کیمیسه آلداتماق اونا یالان دانیشماغا سووق ائدیر. کیمسه یالان دانیشماق ایسه همین آدامین حاقینا تجاوز ائتمک دئمکدیر. عمومیتله یالان هم چوخ اییرنج و حرام اولان عمل، هم ده ان بویوک گوناه ساییلیر. چونکی دیگر حرام عمللره آپاران یول یالاندان قایناغلانیر.
هر هانسی بیر اینسانی آلداتماق ایسه اونون حیسسییاتلارینا، شخصیتینه حورمتسیزلیک دئمکدیر. آلدادان طرف زارافات نامینه ده اولسا اؤزونه قارشی اینسانلاردا اینامسیزلیق و اعتبارسیزلیق قازانمیش اولور. دئمه‌لی هر ایکی طرفدن بو عمل منفی حاللار دوغورور.
ایسلامین الله طرفیندن اینسانلارا گوندریلمه‌سی‌نین سببلریندن بیری ده آلداتماغی و یالانی اینسان حیاتیندان سیلیب آتماقدیر. اؤجا الله قورانی-کریمده بئله بویورور: “یالانی آنجاق اللهین آیه‌لرینه اینانمایانلار اویدورورلار. اونلار اصیل یالانچیدیرلار بو جور داورانیشلارین بیر چوخ ضررری واردیر. بونلاری بعضیلرینی سیزه چاتدیرماق ایسته‌ییریک:. آلدادان شخص اینسانلارین اعتبارینی ایتیریر و اعتبارسیز آدام کیمی تانینیر. آلداتماق ایسته‌دیگی آدامی اویدوردوغو یالانلا ایناندیرماغا چالیشیر. و نتیجه‌ده اینسانلار طرفیندن یالانچی کیمی تانینیر.آلدادان شخص آلداتدیغی اینسانلارین قول حاقینا تجاووز ائدیر: “قول حاقی” دا حددیندن آرتیق تهلوکه‌لی مسئله‌دیر. چینکی “قول حاقینی” الله باغیشلامیر، بو اللهین دئییل، بنده‌لرین حاقیدیر. آلدادیلان بنده آلدادان شخصی باغیشلاماسا، او شخص الله طرفیندن ده باغیشلانماز و جنّته گیره بیلمز. قییامت گونو آلداتدیغی‌نین قارشیلیغیندا آلدادانین ثاوابلاری آلداتدیغی شخصه وئریلیر.
آلدادان شخص اللهین غضبینه دوچار اولور: باشقاسینی آلدادان شخص اللهین قانونلارینی پوزدوغو اوچون اونون لعنتی و جهنم عذابی ایله قارشیلاشا بیلر. گونوموزده بو جور اینسانلارا چوخ راست گلمک مومکوندور. اونلار نفسلری‌نین ایستکلرینه تابع اولوب، دونیا حیاتینا کوله اولموشلار. حالبوکی اونلار اللها قوللوق ائتسیدیلر، الله اونلارا بو دونیادا دا ، آخیرت دونیاسیندا دا گوزللیکلر بخش ائدردی. البتده‌کی اوجا الله بو دونیادا موسلمانا دا، کافیره ده رحملیدیر. بو دونیاداکی نعمتلرین ذره قدر قییمتی اولسایدی، کافیره بیر قورتوم سو بئله وئریلمزدی. آخیرت گونونده ایسه اؤجا الله یالنیز موسلمانلارا رحیملی اولاجاق. جنت نعمتلری ایسه یالنیز بو دونیادا اونا ایمان گتیریب و تاغوتلاردان چکیننلر اوچون اولاجاقدیر.اینسان آنلامالیدیر کی، بو دونیا یاشاماق و ذووق اوچون بیر مکان دئییل. بو دونیا ایمتاهان دونیاسیدیر. بو دونیاداکی نعمتلر یالنیز اوندان ایستیفاده ائدیب، ایمتاهانا حاضرلاشماق اوچوندور. چونکی قارشیدا بویوک بیر ایمتاهان وار. بو ایمتاهاندان موفووقیتله کئچه بیلمک اوچون بوتون تاغوتلاری دیل ایله، عمل ایله رد ائدیب، اللها ایمان گتیرمک لازیمدیر.
بونون اوچون ایسه ایلک نووبه‌ده داخیلیمیزده اولان نفس آدیندا تاغوتو رد ائتمک لازیمدیر. داخیلینده‌کی تاغوتو رد ائتمه‌دن ، خاریجی تاغوتلاری رد ائتمک مومکون دئییلدیر. اگر مومکوندورسه ده بو یالنیز دیلده اولاجاق. عملده ایسه هئچ بیر دیَیشیکلیک اولمایاجاقدیر.بو معنادا گلین بیر داها بیزی اللها عبادتدن اوزاقلاشدیران نفسی ایستکلری ترک ائدک. داخیلیمیزده‌کی نفس آدینداکی تاغوتو و خاریجیمیزده‌کی تاغوتلاری ترک ائدک کی، اللها حقیقی معنادا ایمان گتیرک. گلین داخیلمیزده‌کی و خاریجیمیزده‌کی تاغوتلاری ایلاهلشدیریب اونلارا عبادت ائتمه‌یک. گلین یئرین و گؤیلرین حقیقی رببی اولان اللهی ایلاهیلشدیرک و اونا دا عبادت ائدک.نفس ائله بیر تاغوتدور کی، او اینسانی دونیایا و دونیا نعمتلرینه آلوده ائدیر. نتیجه‌ده ایسه دونیا نعمتلرینه هریس اولان اینسان، بو نعمتلره نایل اولماق اوچون یالان دانیشماغا، اوغورلوق ائتمه‌یه، روشوت آلماغا حتی اینسان جانینا بئله قصد ائتمه‌یه مجبور اولور. یاخشی آدامین باخیشی اونا یاخشیلیقدان نه خئیر گتیرمه¬سی چوخ اونملی¬دیر. اصلینده ان یاخشی آدام پیس آدام اولمالی¬دیر. اونون پیسلییندن کیمسه خئیر آپارسا او ان یاخشی آدام اولور. آدام، آدام دوغولمادی، آدام، آداما گوره آدام دوغولدو. آدم یاساقدان دوغولدو، یاساغین علئیهینه اولدو.
تاسف له بوگونه قدر بیز هله دوز یاشاماغی اویره نمه میشیک.بوگونکو عصرین اینسانی بو دئییل.بو باخیم دان هله ده بیز اوزگه لره یاشاییریق.هئچ زامان بونو دوشونه بیلمه دیک کی بیر آز دا اوزوموز اوچون واخت قویوب تکجه اوزوموز اوچون حیات نغمه سین چالاق.
نوشته شده توسط admin در دوشنبه, ۱۲ بهمن ۱۳۹۴ ساعت ۱۲:۳۲ ب.ظ
