انسان لاردا نیفرت
کوچوره ن:اکبرسعادت
آنا دیلیمیز: بوگون دنیا بیر مرحله ده درکه گئچمیش زمانلار ایله هیچده توتشدور مالی و قیاس ائتمه لی دئییل , بوگون دوغروسی گوز بره لدن و هوش اویدوران بیر گوندور , چونکی علم و صنعت , طب , ارتباط وسائلی , هوا قوه لری , اکین ترقیسی , شهرلر و کندلر آبادلیغی هابئله اوست اوسته حقوق و تساوی , حقوق عصیانلاری , گئچمیش ایله هیچده برابر اولا بیلمز بونون اوچون بوگونکی دنیادا , اتم دنیاسیندا ترقی و ایره لیلیک سئون و قوروتولوش دیله ین هر بیر ملت اوچون هر بیر شئی آسان و هر بیر شئی آز بیر چالیشماق ایله اله گلر .
نیفرت دوغوران آدام‌لارین فضاسینا گیرمک، اینسانی نیفرته سوروکلویور.
نیفرته سوروک‌لنمه‌دن قورتولماق اوچون، نیفرت دوغورولان فضالاردان اوزاق گزمه گره‌کیر. نیفرت دوغوران‌لار، آنالارین قارنی‌لاریندان نیفرتی اوزلریله بو دونیایا گتیرمیرلر. دونیادا یاشادیقلاری سوره‌جده نیفرت اونلاردا جانلانیر.
نیفرتین جانلانماغی، اینسانین روحی بوشلوق‌لاریندان یارانا بیلر. توپلومدا آلینماماق‌لار، گوزله‌نیلنی یئرلرده اولماماق‌لار، نیفرتین یارانماق ندن‌لری اولا بیلرلر.
کیمسه‌لر اوزلرین یئرلرینی گرچک گورمه‌دیک‌لری اوچون اونلار دوشوندوک‌لری یئرلرده دوران‌لاردان نیفرت‌له‌نرلر. اینسان‌لاردا نیفرت یاراندیق‌دا، بوتون یئته‌نک‌لری نیفرتی یاشاتماغا یؤنله‌نیر. بئله بیر اینسانلارین بئیین‌لرینده، پوزماقدان سونرا هئچ بیر شئی یئر آلمیر. بیر ایش گورسه‌لر ده پوزماقدان اوترو گوررلر.
بو آدام‌لار اوزلوک‌لرینده سورون اولماسالار دا، توپلوما یانسادیق‌لاریندا توپلومو نیفرته دوغرو یؤنلده بیلرلر. بونلارین قارشیلاریندا دوران آدام‌لار ایسه ایستر-ایسته‌مز نیفرته دولارلار. بیردن گوررسن، نیفرت توپلومون بوتونلویونو بورویوب.
نیفرتدن قاچماق ، نیفرت‌دوغوران کیمسه‌لرین چئوره‌لریندن اوزاق‌لاشماق دیر. نیفرتی دوغوران‌لار، ایلک باخیشدا نیفرت‌لی گورونمزلر. داها دوغروسو نیفرت‌لی بئله داورانمازلار. یاخین‌لاشدیق‌دا نیفرت‌لرینی باشقالارینین باشینا قوسارلار. نیفرت قوخوسوندان قورتولماغا، بیر عومور غوسل گره‌کر.
نئلسون ماندئلانین اوزللیگی، حاقسیزلیغا اوغرادیغینا رغمن، گوجو یئیهلندیکده، اونا حاقسیزلیق ائدهنلره، اونا قارا گون یاشادانلارا قارا گون یاشاتماق یئرینه، هر کسین حاقی قوروناراق نئجه یاشاماغی اویرتدی.
ماندئللانین پایی اولکهسینه، ساواشین دایاندیریلماغی، اولکهنی بوتون یان دورانلارین بیرلیگی ایله دوزلتمهلهری اولدو. نیفرتی ووجودلاردا آزالداراق، سوندورمهیه چالیشدی.
بوگون؛ اورتا دوغو آدلانان بولگهده، حاقسیزلیغا اوغرایان طرفلر، اوج آلماق آرزیسیلا یاشاییرلار. اللری بیر یئره یئتیشدیردیکده اللریندن گلهنی اسیرگهمیرلر.
بو تکجه قوروپلار آراسیندا یوخ، بلکه تک-تک اینسانلارین آراسیندا دا یارانیر. حاقسیزلیغا اوغرایانلار گوجه یئتیردیکلری زامان، ایللر بؤیو ییغدیقلاری نیفرتی توپلومون اوستونه قوسورلار(بو کلمهنی ایشلتدیکده بوتون اوخوجولاردان عوذور ایسته ییرم، بون کلمهنی ایفاده ائلهیه بیلهجک باشقا کلمه تاپمادیم یازماغا).
بولگهده یاشانانلار، اوز توپلوموموزون ایچینده یاشانانلار هر دن آدامی ائله قورخودورلار کی، گله‌جک نسیللرین یوز ایللر بویو بو نیفرتدن قورتولماغی دوشونمک اولمور. گون گئتدیکجه، نیفرتلر داها چوخ آرتیر. ماراقلیسی بو دور کی، بو نیفرتی یاشادانلار هر دوشونجهنین آیدینلاری توپلوما داشیییرلار. اوزلرینی موطلق گورن آیدین اینسانلار، نیفرتی تکجه اوزلرینده یوخ، بلکه توپلوملاریندان دا یایماغا چالیشیرلار.
او اوزدن ده، ساغ سولو، سول ساغی، میللتلر بیربیرلرینی، شاعیر-شاعیری، مودور-مودورو، یازیچی-یازیچینی، دوشمن اولاراق چئورهلرینه تانیتدیریرلار.
هر دن دوشونورم، تاریخ بویو ایچ-ایچه یاشایان اینسانلار، نئجه بیر-ایکی ایلده قانلارینا یئریکلهییرلر. تکجه تاپا بیلدیگیم جاواب، قودرتی اله آلماق ایستهینلرین اوزوندن اولور. قودرتی یاشاماق اوچون، نیفرتدن یارارلانیرلار. قودرتی اله آلماغا، یاشادیغی یئرلرین یئترسیزلیکلرینی رقیبلرین بویونلارینا ییخیرلار.
بو دورومدان قورتولماغین تکجه یولونو، دوشمن تانیتدیردیقلاری رقیبلرین یوخ اولماغیندا گورورلر.
باتی اولکهلری، بو سورونو اوز آرالاریندا، بئله چوزوبلر: هئچ بیر گوج یئیهلهنن ایستهین گوجلری بیر یوللوق سیلمک اولماز. سیلمهیه چالیشماق، یاشادیقلاری یئرلرین ابدی اولاراق، چاتیشمالاردا یاشادار.
اونلار، اوز آرالاریندا گئرچکلری گوروب، گئرچکلرین اوستونده اوزلوکلرینی اولوشدوردولار.
بو اولوشوم، باتینین آیاغ اوسته قالماغینا ندن اولدو. دوغونو گوجلری آلتینا چکمهیه ندن اولدو. اوزلرینی وارسایییب، اوزگهلرین گئرچکلرینی بیلهرک، وارساییب، اوزگهلره اوزلرینی یوخ سایدیرماغا ندن اولدو.
یالنیش دوشونمهیین، باتینی هر نهیه سبب اولان گورستمهیه چالیشمیرام. اونلارین نئجه اوزلرینین گئرچکلرینی گوردوکلرینی وورغولاماغا چالیشیرام.
بیزلرین اوزوموزو اولدوغوموز کیمی گورمهیه سسلهنیرم. بیری تاپیلیب دئیه بیلر، “قارداش سن اوزون هر نه جور گورمک ایستیرسن گور، کیم دیر سنین قاباغیوی آلان”. هر کسین اوز گوروشو اولاجاق، بیز ایستهسک ده ایستهمهسک ده!
بیزیم بیزلیکده گوروشوموزون اولوشماسینا، بوردا یاشایان هر کسیمین گوروشو گرکلی دیر. دونیانین سونون بو دونیانین سونوندا گورن‌لر یاشاماق سوره‌جینده چتینلی‌یه دوشورلر. هر یانا دونوب اوزلرینی تک گورورلر.
دونیانین سونونا اینانمایان‌لار، بو دونیادان اوته بیر دونیا، دوشونوب یاشاییرلار. اونلار یاشاییش‌لاریندا گله‌جه‌یی فرقلی چیزیرلر. ایلاهی دین‌لر گله‌جک ساوچی‌سی اولوب، اومودلاندیریرلار. هئچ اولماسا اوزومه تای چوخلارینی بئله تانی‌ییرام.
اوته‌کی دونیانین اومودولا یاشایان‌لار، اوزلرینی دوشونورکن، هر ایشی اوزلرینین بیرئیسل چیخارلارینی دوشونورلر. هر بیر یاخشی‌لیغی ده‌یه‌رینی باشقا دونیادا آلدیق‌لارینی دوشوندوک‌ده گله‌جک قازانیرلار.
توپلوملارین ایچینده باشقالارینا یاشایان کیمسه‌لر ده اولور. باشقالارینا یاشایان کیمسه‌لر، (توپلوما یاشایان‌لار) توپلوم‌لاری یونلدیب، تاریخه دامغالارینی وورورلار.
توپلوم گوج قایناغی اولماغیندان اوترو، اوزلرینه دوشونن کیمسه‌لر، چوخ گوج قازانسین‌لار دئیه، توپلومون ایش‌لرینه قاریشیرلار. بئله آدام‌لار، هئچ زامان یاخشی بیر آد قازانا بیلمیرلر. گوجده اولدوق‌لاری زامان آدلاری هر یئرده دئییلیر، گوجدن دوشدوک‌لری آن هر کسین طرفیندن دیش‌لانیرلار.
اوزلرینی اونلارا یاپیش‌دیران‌لار تئز قوپوب اللریندن گلدی‌یی قدر سوز دال‌لاریجا دئییرلر. باشقا جور گله‌جه‌یه یاشاماق، بیر نسیلدن باشقا نسیله دورومو یاخشی‌لاندیریب، اونلارا یاخشی دوروم ساغلاماق‌لار اولور
بو یاشاماغا یاخشی گورمک گره‌کیر. ال‌لریمیزده اولان‌لاری ساخلاییب، اونلارا آرتیریب اوشاق‌لاریمیزا پای وئرمک اولور. بو جور گله‌جه‌یی دوشونن‌لر میللت‌لرینین آغالیق‌لارینی ساغلایا بیلرلر. ایندیلیک‌ده بئله بیر یاشاماق دب اولوب. داها دوغروسو شرقی اولکه‌لرده دب اولوب.
دئمه‌یی، دب اولوب دئسم دوز اولار. بیزه گلیب چاتان‌لاری قورویوب ساخلایا بیلمه‌ییمیز، البت ایسته‌دیگیمیز کیمی، چوخ دا راحات اولمور. وارلیق‌لاریمیزین بیر چوخونو الدن وئرمه‌یه او قدر ده آجیشمیریق، آمما هردن الدن گئدن نسنه، وارلیغیمیز قدر اونملی اولور. الدن وئرمه‌یی، اولمه‌ییمیز اولور.
نوشته شده توسط admin در شنبه, ۲۱ فروردین ۱۳۹۵ ساعت ۶:۳۵ ق.ظ
