آشیق ادبیاتیندا واریانتلی شعرلر

احمد اسدی
اولا بیلر ده هانسی سا آشیغین شعریدیر. آیری محیط ایله مکتبه گئده ¬رک، یاددان چیخما و شعرلرین قاریشماسینا گؤره و یا او اصلی شاعرین آیری یئرلرده تانینماماسینا گؤره، شعری دئیه ¬ن شاعرین آدی زمان کئچدیکجه یادداشلاردان سیلینه¬ رک، آیری شاعرین آدینا مصادره اولوب. هر حالدا چوخلو قافیه-ردیفی عینی اولان شعرلریمیزه تای بو شعرلرده آشیق ادبیاتیمیزین بیر قولودورلار. بیزده هئچ بیریندن گؤز یوما بیلمریک. آشاغیدا گلن شعرلرین هامیسی گؤزل و معنالی شعرلردیلر آما بیر آزجا دقت یئتیریرسک دوللو مصطفی دئیه¬ن شعرین، معنا باخیمیندان داها گوجلو و عرفانی جهتدن داها اوستون اولدوغو گؤزه چارپیر. سیزی بو شعرلری اوخوماغا دعوت ائدیرم.
یئتیشدیم( آشیق دردلی)
بیر زمان اگلندیم سلب پرده ¬ده
کرمه اوغرادیم کانا یئتیشدیم
بیر زمان مکث ائتدیم رحم مادرده
وجود حاصل ائتدیم جانا یئتیشدیم
***
اربا آناسیندان اولوندوم ترتیب
اوستادیم خدادیر ائیله¬دی ترکیب
من آنا قول اولدوم اول منه حبیب
ماء ایدیم شکل انسانا یئتیشدیم
***
حاق معماریم اولدو قورولدو بینام
ال آیاق بارماقلار یاپیلدی تمام
دوققوز آی دوققوز گون اولونسا ختام
واختی ائریشدی بو جهانا یئتیشدیم
***
دردلی حاقدان نطق گلدی دیلیمه
طریقتدن بیر یول کئچدی الیمه
شریعتدن سو باغلاندی گولومه
قطره ایدیم بیر عمانا یئتیشدیم
یئتیشدیم(قوربانی-دیوانیندان)
لامکان شهریندن گلدیم جانا من جانلار اهلی بیر جانانا یئتیشدیم
الدن اله قابدان قابا سوزولدوم
قطره ایدیم بیر عمانا یئتیشدیم
***
بیر گؤزلین الگیندن الندیم
بلی دئدیم بلاسینا بلندیم
یئری گؤیو یاراداندان دیلندیم
گؤهر آختاریردیم کانا یئتیشدیم
***
قوربانی دئر: گؤز گؤزله¬دیم، گؤز آلدیم
سماخ اولدوم، عاقلمنددن سؤز آلدیم
دوز ترپندیم، معروفومو تئز آلدیم
ادب گؤتدوم یول ارکانا یئتیشدیم
یئتیشدیم(قوربانی)
(آشیق سلجوق شهبازی نین دئدیگینه گؤره)
لامکان شهریندن گلدیم جهانا
جانلار اهلی بیر جانانا یئتیشدیم
الدن اله قابدان قابا سوزولدوم
قطره ایدیم بیر عمانا یئتیشدیم
***
حاق کمری باغلایاندان بئلیمه
حقیقتدن سو باغلانیب گؤلومه
معرفتدن بیر ایز دوشوب الیمه
ادب بیلیب یول ارکانه یئتیشدیم
***
قوربانی یم گؤز گزدیردیم گؤز آلدیم
قوللوق ائدیب من اوستاددان سؤز آلدیم
دوز ترپنیب مطلبیمی دوز آلدیم
آخیر گلیب بو مکانه یئتیشدیم.
یئتیشدیم(آشیق آلی)
مین جور و جفایلا یاریما چاتدیم
عؤمرومه نقش اولان سانا یئتیشدیم
اقبالیمی خواب ائویندن اویاتدیم
وصل یارلا بیر زمانا یئتیشدیم
***
ایلقارینا صادق یاریما احسن
یاراشیر شأنینده یوز داستان دئسن
هجران آنلاری ایدی عؤموردن کسن
وصل یارلا من آمانا یئتیشدیم
***
سرو قدّی گول جمالی تماشا
شهلا گؤز یاراشیر او هلال قاشا
تکرارسیز خلق اولوب آیاقدان باشا
کماللی کامله جانا یئتیشدیم
***
بستیدی آلی نین حیات نؤوراغی
بیاض سینه سیدی جنتین باغی
آچیلدی اوزومه وصال اوتاغی
سانکی تخت سلیمانا یئتیشدیم.
یئتیشدیم(دوللو مصطفی)
اورمو دیاریندان من دوشدوم یولا
گزه-گزه بو مکانا یئتیشدیم
فیض آلدیم اوستاددان آلدیم پاییمی
گوهر آختاریردیم کانا یئتیشدیم
***
اویاندیم غفلتدن واردیم عرفانا
آلدیم مطلبیمی اولدوم مستانا
صدق ایله سیغیندیم قادر سبحانا
هدهد اولدوم سلیمانا یئتیشدیم
***
صدف اولدوم دریالاری دولاندیم
ایوب کیمین هر بیر درده دایاندیم
موسی کیمین طور داغیندا ایناندیم
قطره ایدیم بیر عمانا یئتیشدیم
***
حقیقتدن بیر یول دوشدو الیمه
معرفتدن سو باغلاندی گؤلومه
مصطفایام یالان گلمز دیلیمه
ادب آلدیم یول- ارکانا یئتیشدیم