گول ایله سیماور
اکبرسعادت
آنا دیلیمیز:گونلرین بیر گونونده بیر اوزاق یئرده بیر عمی قیزی له عمی اوغلو وارایدی.بونلار اوشاقلیغدان بیر بیرلرین چوخ ایسته ییردیلر.زامان کئچیب و دوران سوره ندن سونرا بونلار بیر بیرایله ائولندیلر و بونلارین آتا آنالاری بونلارا قیرخ گئجه گوندوز توی توتدولار.
گونلرین بیرگونونده عمی قیزی لا عمی اوغلو یاتمیشدیلارکی بیردن عمی قیزی یئردن قالخاراق یورقانی اوستوندن آتیب و باشقا اوتاغا گئتدی و اوزونو یئددی قلم رنگیله بزه ییب و گئجه قارانلیغیندا یولا دوشدو و گئدیب گئدیب بیر قالاچییا یئتیشدی و قالادادا قیرخ ده نه پهلوان یاشاییردی.قیز گئدیب قابلاری شاراب ایله دولدورراق پهلوانلارا یئتیریردی.آنجاق پهلوانلارین باشچیسینا یئتیرنده شاراب وئره ره ک قوجاغیندا ایله شیردی.نئچه گئجه قیز بو ایشی داواملاشدیراندان سونرا عمی سی اوغلو اوغلو کی آدی گولودو بئینیندن کئچن فیکیری حیس ائله دی و حیس ائده ره ک بیر گون قیزی گودوب و قیزین دالیجاق قالایا کئچدی.اوزونو بیر گونجوده گیزله ده ره ک عمیسی قیزینی گوددو و گوده ره ک گوردوکی عمیسی قیزی قابلاری شاراب لا دولدوروب و پهلوانلارا وئریر.آنجاق پهلوانلارین باشچیسینا یئتیشندن سونرا شارابی وئریب و قوجاغیندا ایلشدی.گول اوز اوزونه فیکیرلشه ره ک دئدی: گره ک من بیرایش گوره م کی تا پهلوانلار طوله یه گلسینلر و من اونلاری بیر بیر اولدورم.گول تئزجه طؤله یه کئچه ره ک آتلارین بندلرین کسیب و آتلار طوله ده های- هارای سالدیلار.پهلوانلارین باشچیسی کیچیک پهلوانا دئدی: تئز او آتلاری باغلاگینان.کیچیک پهلوان طوله یه کئچه رک ایسته دیکی آتلاری باغلاسین گول تئزجه قیلینجینی بئلدن آچاراق کیچیک پهلوانین باشینی کسدی.سانکی پهلوانلارین باشچیسی گوردوکی کیچیک پهلواندان خبراولمادی.پهلوانلار بیر- بیر طوله یه کئچه ندن سونرا گول اونلارین باشینی کسیب و بیر یئره توپلادی.پهلوانلارین باشچیسی گوردوکی طؤله یه گئدن پهلوانلار قاییدمادیلار و پهلوانلارین باشچیسی آیاغا قالخاراق طوله یه کئچدی و طوله یه کئچه ندن سونرا گول قیلینجینی چیخارداراق بویوک پهلوانین بوینونون آردینا چالدی.آنجاق قیلینج ده یندن سونرا بویوک پهلوانین بیرآزجا بوینونون آردی یارالاندی و بویوک پهلوان قیلینجینی چیخارداراق گولون سینه سینه سوخدو و گول حالدان گئده ره ک ییخیلدی.بویوک پهلوان بئله حیس ائتدیکی گول اولوبدور و طوله دن قالخیب گله رک قیز ایله میرت ویرماغا باشلادی.گول نئچه ساهاتدان سونرا هوشا گله رک یارالارینی باغلاییب و قیلینجینی گوتوروب بویوک پهلوانین سوراغینا گئتدی.پهلوان گول گوره ره ک ایسته دیکی آیاغا قالخسین,گول امان وئرمه ییب و قیلینجینی پهلوانین باشیندان چالیب و پهلوانین باشی یاری بولوندو.دئمک له قیز ساحیرایدی؛آنجاق گول سیماورین ساحیر اولماغیندان خبر سیزایدی.گول ایسته دیکی سیماوری اؤلدورسون.سیماور تئزجه دئدی: آی ائششک دور چوله چیخگینان.سیماور بو سوزو دئیندن سونرا گول ائششک اولوب و چوله چیخدی.گول ائششک اولاندان سونرا او قده ر بونا یوک چاتدیلار و بئلی پینه باغلادی.بیرگون گولون باجیسی اوغلو گولو ائششک جیلدینده گوروب و بو خبری آناسینا آپاریب و دئدی: آنا من چولده بیر ائششک گوردوم گوزله ری گول داییمین گوزونه اوخشاییردی.گولون باجیسی گولون سئحر اولماغینی دوشونه ره ک گولو گتیریب و اونا سو و خوره ک وئردی. گول خوره کی یئیه ندن سونرا باجیسی سئحرین طیلیسمسن سیندیراراق دئدی: سن سیماورین قاپیسینین آغزینا گئدیب و قاپینی آچاندان سونرا تئزجه دئیه رسن کی: آی ایت دور چوله چیخگینان.آنجاق یادیندا قالسین کی سن اوندان تئز دئنن. آنا من چولده بیر ائششک گوردوم گوزله ری گول داییمین گوزونه اوخشاییردی.گولون باجیسی گولون سئحر اولماغینی دوشونه ره ک گولو گتیریب و اونا سو و خوره ک وئردی. گول خوره کی یئیه ندن سونرا باجیسی سئحرین طیلیسمسن سیندیراراق دئدی: سن سیماورین قاپیسینین آغزینا گئدیب و قاپینی آچاندان سونرا تئزجه دئیه رسن کی: آی ایت دور چوله چیخگینان.آنجاق یادیندا قالسین کی سن اوندان تئز دئنن.گول قاپییا یئتیشندن سونرا قاپینی آچیب ایچه ری کئچه ره ک سیماور دئدی: آی ایت چوله چیخ گینان.یئنه ده گول ایت اولوب هامارا دوشدو.ائله کی اوشاقلار باشقا ایتی کتده گوردولر,گولو دویونجاق ووردولار.یئنه ده گول باجیسینین ائوینه گلیب و ماجرانی سویله دی.باجیسی گولو ائوه گتیریب و اونا سو و خوره ک وئریب و طیلیسیمی سیندیردی.یئنه ده گول آدام جیلدینه قاییددی.باجیسی گوله دئدی: یئنه ده اوزونو سینا گینان.گول تئزجه سیماورین قاپیسینا گئده ره ک سیماوره آمان وئرمه ییب و دئدی: آی ایت دور چیخ چوله و سیماور ایت اولاراق چوله دوشمه اولدو.سیماور چوله دوشندن سونرا گولون باشینا گلن بلانی هامییا سویله ییردی.بیرگون سیماور گلیب گولون قاپیسیندا یاتدی و گول بونو گورجه یین رحمه گلیب و بویوک پهلوانیندا باشینی قفسین یانینا قویدو.بو سوز بوردا قالسین تا سیزه باشقا یئردن خبر وئریم.
بیردنه گولوش آدیندا پادیشاه وارایدی.ولی مممد پادیشاهین قیزینا وورولموشدو.ولی مممد پادیشاها دئدی:-قیبله عالم ساغ اولسون؛من سنین قیزینا وورولموشام.پادیشاه ماجرانی قیزینا دئیه ندن سونرا پادیشاهین قیزی دئدی:- گره ک سن گول سیماورین ناغیلین منه گتیره سن تا کی من سنینله ائوله نم. ولی مممد ائوه قایداراق آناسینا دئدی: من بیرآزجا فتیر پیشیرکی من گول_سیماورین ناغیلین تاپماغا گئده جه یم.آناسی دئدی: اوغول بو یولو گئده ن ایندیه جک قاییدماییب؛گل بو یولدان ال چک. ولی مممد آناسینین سوزونو قابول ائتمه ییب وآناسینا فتیر پیشیتدیریب یولا دوشدو.بیرآزجا یول گئتمکدن سونرا بیر بییابانا یئتیشیب و گوردوکی اوچ ده نه دیو بیر بیرایله ساواشیرلار. اؤزونو دیولره یاخینلاشدیراراق ایسته دیکی ساواشماغین عیللتین بیلسین.دیولر ولی مممدی گؤره ندن سونرا دئدیلر: آهان!بودو آدام گلدی؛بو بیزیم حاققیمیزی یاخشی بیلر.ولی مممد دئدی:آخی نه اوستونده ساواشیرسیز. دیولر دئدیلر:بو اوچ ده نه شئیین اوستونده ساواشیریق. ولی مممد باخاراق گوردوکی بیرده نه کلیم,تاج و صدف اوستونده ساواشیرلار. ولی مممد دئدی: سیز گئدین او داغین دالینا,هر کس تئز یئتیشسه کلیم اونون؛هر کیم ایکینجی اولسا تاج اونون و اوچونجوسو صدف صاحیبی اولمالیدیر.بونلار داغین دالینا گئده ندن سونرا ولی مممد کلیمی سریب,تاجی باشینا قویوب و صدفی الینه گوتوره ره ک گویه قالخیب و دئدی: حضرته سولیمانین عشقینده من گول سیماورین ائوینین اوستونده اولوم. دیولر قاییداندان سونرا بیر شی گورمه ییب و اوره گ لرینه قان داماراق اولدولار.ولی مممد گول- سیماورین ائوینین اوستونه یئتیشندن سونرا ائوین ایچینه کئچدی.ولی مممد ایچه ری کئچه رک قفس ایچینده بیر قوش گوردو.ولی مممد گوله دئدی: من گلمیشم گول ایله سیماورین ناغیلین اویره نم.گول دئدی: قوناق گلیبسن؛خوره گینی یئگینن و چیخیب گئد؛یوخسا هر کیم بو ناغیلی مندن سوروشوب من اونو بوردا اولدورموشم.یانی ایسته مه میشم سیرریمی چوله آپاران اولسون.ولی مممد دئدی:یاخشی!ناغیلی منه ده سویله یندن سونرا دئمک منیده اولدوره رسن.سیماور ناغیلی ولی مممدده دئمک حالیندا دئییردیکی ,ناغیل سونا یئتندن سونرا سنی اولدوره جه یم.ناغیل سونا چاتاندان سونرا ولی مممد سوروشدوکی او قفس ده کی قوش نه منه دی.گول دئدی: بو همن عمیم قیزیدی و او باش دا, بویوک پهلوانین باشیدیر.ائله کی عمیم قیزی خوره ک یئمیر,من بو باشی چوماقلا وورورام و عمیم قیزی باشلاییب خوره گینی یئییر.آخی عمیم قیزی او پهلوانا وورولموشدو.گول دئدی: داها ناغیل قوتاردی؛ایندیسه واختی گلیب کی سنی اولدوره م.ولی مممد دئدی: ایندیسه منی اولدوره رسن قوی چوله چیخیم اوندان سونرا منی اولدور گینن. گول ایجازه وئره ره ک ولی مممد چوله چیخیب و کیلیمی یئره سریب و تاجی
باشینا قویاراق اوردان اوزاقلاشدی.گول چوخ گوتمه گده ن سونرا باغری چاتلاییب اولدو.
نوشته شده توسط admin در دوشنبه, ۱۸ آبان ۱۳۹۴ ساعت ۵:۲۹ ق.ظ
