یاخشی و ده یرلی اینسان لار

حاضیرلایان:اکبرسعادت
آنا دیلیمیز:فردریش نیچه، سئوینجین آردینجا گئدیب اونو تاپمالی‌ییق، غملر اوزو گلیب بیزی تاپارلار.
موریس مترلینگ: ایلک آددیمدا اوغور قازانسایدیق، آرتیق چابالاییب امک وئرمه‌یین نه آنلامی قالاردی؟
چوخ یاخشی آدام دیر سوزونو دونه‌لرله ائشیدیب‌، ایشله‌دیب‌سیز.
چوخون دا ایشله‌تمه‌سه‌ز، “یاخشی آدام دیر”-ی ایشله‌دیب‌سیز.
سیزجه یاخشی آدامین نه اوزل‌لیک‌لری اولمالی‌دیر. بو اوزل‌لیک گئنل بیر اوزل‌لیک نظره آلینیر.
یانی بو کی دینی گوروش سیاسی دوشونجه بوردا یئر آلمیر. بو زامانداچوخ اینسانلار اوزلرینه گوره، یاشامیرلار وبیر تانینمیش بیرعبارت وارکی دئییر”قوی دئسینلر”یعنی کی بیلیرم گوردویوم ایشین منیم یاشاییشیما بیر فایداسی اولمییاجاق آما چون هامی بوایشی گورور،منده گورورم” قوی دئسینلر”وبیر مثل وار کی بیزیم یرلرده چوخ ایشله نیر “قوی دئسینلرکابی دا کرواندان گلیر” وبو ” قوی دئسینلر” چوخوموزون عقلیمیزی الیمیزدن آلیب ویاشاییشی بیزلره چتین ائلییب ،چوخ ده یرلی وارلیق لاریمیزی ،دب لریمیزی ودوزگون یاشاییش یول لاریمیزی محوائلییب وبیزلری بیربیریمیزین یادیندان چاغاردیب.
یاخشی اولان آداما نئت بیر تعریف، واریمیز دیرمی. گورورسوز! بو گونکو یاخشی آدام‌لار صاباح‌لارین کوتو آدام‌لاری اولورلار.
اولچو‌لر ده تعریف‌وئرن‌لردن اولور.
سنله یاخشی اولسالار یاخشی آدام‌دیرلار. سنله باش-باشا قویسالار کوتوله‌شیرلر.
گورورسن، اوزل‌لیک‌لری ده‌ییشمه‌میش قالان بیری، دونه‌نین یاخشی‌سی، بو گونون کوتوسو یا دا ترسینه دونین کوتویه چالانی بو گونون یاخشی‌سی اولور!.
تاسف له بوگونه قدر بیز هله دوز یاشاماغی اویره نمه میشیک.بوگونو عصرین اینسانی بو دئییل.
بو باخیم دان هله ده بیز اوزگه لره یاشاییریق.هئچ زامان بونو دوشونه بیلمه دیک کی بیر آز دا اوزوموز اوچون واخت قویوب تکجه اوزوموز اوچون حیات نغمه سین چالاق.دئماق اولار کی ،ایندی رسانه لر وجوربه جورتبلیغات ساحه سینده چالیشان اقتصادی وفرهنگی ارگانلار،اینسانلارین یاشاییش یوللارینی واولارین بوتون مادی ومعنوی وارلیقلارینی چوخ سرعتلن دئییشیرلروهربیریسی اوز منفعت لرینی قازانان یولارینی،اولارین گچمیش ده اولان وارلیق لارینین یرینه قویوللار.
یاشاییش دا، ینی اولماق وقاباقا دوغری حرکت ائدیب ومعاصر اولماق یاخجی ولازم دیر،چونکی اگربوجور اولماییب وهیچ بیر ینی یولی قبول ائتمه ساق،اوندا بیرگری ده قالمیش ومنفعل بیر اینسانا چوریلیق،آما بو ینی اولماقدا گرک اؤز کیملیک لریمیز و ده یرلریمیزایتیب باتمایا.
چوخ اینسانلاروارکی اویونجاق کیمین گونده بیر حالا دوشورلروهرگون، قاباق کی گونلرین دانیلّاروگون به گون هرزادلارین الدن وریب وبیراینسانا چوریلیلرکی اونا بیرکیملیک تعریف ائله ماق اولماز.
بیراینسان، او زامان بیر ده یرلی اینسان دیرکی اوزعقلینن اوتوروب دورا و اوزونون وارلیق لارین ساخلییب واولاری آرتیرا.
وارلیق، مادی ومعنوی اولا بیلر.
اینسانین فرهنگی ،دیلی ،دینی،تاریخی ودیگر وارلیق لاری، اونون کیملیگین یارادار و او اینسان ده یرلی دیرکی، بو وارلیق لارین ساخلییب واولارنان اوزینه بیرگوزه ل زینت وره.البته هراینسان گرک جمع ایچینده یاشییب وآیری اینسانلارین بیلگی سیندن وعقلیندن فایدالانا وحتی لقمان حکیم کیمین ادبی ادبسیزدن اویرنه. اینسانین علمی وبیلگیسی ده بو وارلیق لارا آرتسا بووارلیق بیرگنجینه یه چوریلر.
واوندادیرکی بواینسانا بیرعالیم اینسان دئماق اولاروبو اینسانی دوست توتماق اولار.
گوروش ده‌ییشمه‌لریمیز دوغال اولسالار دا یاخشی-پیس‌دن نئت بیر تعریفیمیز، اولمادیغی اورتایا چیخیر.
اینسان‌لار اوز چیخارلاریلا، یاخشی-کوتو عونوانینی باشقالارینا وئریرلر.
(البت بیر سیرا یاخشی، کوتولر ده گئنل‌لیک‌ده آلینیرلار. )
یاخشی آدامین باخیشی اونا یاخشیلیقدان نه خئیر گتیرمه¬سی چوخ اونملی¬دیر.
اصلینده ان یاخشی آدام پیس آدام اولمالی¬دیر.
اونون پیسلییندن کیمسه خئیر آپارسا او ان یاخشی آدام اولور.
آدام، آدام دوغولمادی، آدام، آداما گوره آدام دوغولدو. آدم یاساقدان دوغولدو، یاساغین علئیهینه اولدو. جنتدن قووولدو، آدام اولدو. آدام، آدام اولماق اوچون یاساق یاراتدی. یاساقلارین ایچینده یاساقلاندی. هر کیمسه کی یاساقلارین علئیهینه قالخسا، اونو آداملیق روتبه¬سیندن چیخارتدی.
اونو جنتدن یوخ، دونیادان چیخماغینی ایسته¬دی. آدام دونیادان قوولدو. اوز دونیاسیندا تنها یاشادی.
یاخشی-کوتو‌لوک توپلوم‌لار آراسیندا دا اولور. آنجاق اوردا دئولتلر گوروش‌لری یارادیرلار.
بیر سیرا دئولت‌لرین ده قیرمیزی لیسته‌سینده باشقا توپلوم‌لار اولور. اوندا ایکی دئولتین آرالاری سازالسا دا، آددا دئولته باغلی اولمایان مرکزلر کوتولوک گوروش‌لرینی یورودورلر.
چالیشمالییق کی بوندان بئله یاخشی اولاق و اوزوموز اوچون چالیشاق.قوی خالق نه دئییر دئیسن.
ان یاخشی آداملارا، آداملیغین اونا نه دره¬جه ده خئییر یئتیردیی، چوخ اؤنملی¬دیر.
آدام اوزو اوچون آدام اولمور.
آدام اوزگه-لری اوچون آدام اولور. بو آداملیق اونو تکلیکده بوراخیر. اوز باشینا بوراخیلیر.
خلوتینده، نئجه باشقالارین خیرخیراسیندان یاپیشماغینا دوشونور.
خیرخیریلاردان یاپیشیر. هر کیمسه¬کی قاباغیندا دایانیرسا، محو ائدیر. آدام محو اولور یاخشیلیغین قاباغیندا…!
بویوک اینسانلاردان بیر نئچه بویوک سوز:جبران خلیل جبران : سیزین سونسوز درینلیکلرینیزده ساخلانان وارسیللیق، هئچ بیلمه‌دیگینیز بیر چاغدا کشف اولوناجاقدیر.
گوته :محکم اراده‌سی اولان بیریسی، دنیانی ایسته‌دیگی کیمی ده‌ییشر.
دالای لاما: اوزونو یونتمک اوچون باشیندان باشقالاررینی یونتمک اوچون اوره‌گیندن یارالان.
گراهام بل :بیر ایش گورونجه بوتون دوشونجه‌نیزی او ایشه اوداقلایین، گونش ایشینلاری اوداقلانمایینجا یاندیرانمازلار.