دانیشیق معجزه سی له سؤزلرین گوجو
حاضیرلایان: حسین واحدی
قدیم کیشیلر دئمیشکن، “آز دانیش، ناز دانیش”. بیزده چالیشاق ایندیکی، حیاتیمیزدا دانیشیغیمیزا دوزگون دقت یئتیرک. دانیشیق و اونون یانیندا مثبت دوشونجه بیزه و اطرافیمیزداکیلارا چوخ تاثیر قویور. چوخ ائشیتمیشیق منفی ذهنه صاحب اولانلار باشقالارینین دا موفقیتلرینه مانع اولوبلار. “سندن هئچزاد چیخماز، اودوزارام، چتین دیر و…” بئله بئله سؤزلر همیشه بیزی دالا ساخلاییبدیر. چالیشمیشام بو قیسا یازیدا بعضی مثبت و تاثیرلی جملهلرله بلکه ذهنلریمیزده و دانیشیقلاریمیزدا فرقلی اولماغا ندن اولوب، دونیایا مثبن گؤزلوگو ایله باخماغی ذهنلریمیزده یارادام. من دوشوندوکلریمی قورویورام ( موغایات اولورام) اونلار دانیشیغیما دؤندوکلری اوچون. من داشیقلاریمدان موغایات اولورام، اونلار ائتدیکلریمه دؤندویو اوچون. من ائتدیکلریمدن موغایات اولورام، اونلار آلیشدیقلاریما دؤندویو اوچون.
من آلیشدیقلاریمدان موغایات اولورام، اونلار شخصیتیمی قوردوغو اوچون.
من شخصیتیمدن موغایات اولورام، او منیم آلینیازیما دوزدویو اوچون. باشاریلارا یئتیرمک اوچون لازیم اولان هرنه واریمدیر. بو آندان، اؤز چئورمده (اطرافیمدا) اولانلار ایله ان یاخشی ایلگینی (ارتباطی) قوراجاغام. تانری منیم ان یاخشی سؤزداشیمدیر. یاشامین بوتون چاغلاری موفقیت له دولودور. من ده آچیق- آیدین یارادیجی بیلینج (ذهن) و اعلا روحیه واردیر. هر یاش دا اولسام دا، یاشاییشدا لاپ گؤزل لحظهلر یاراداجایام
من اؤزمو، اؤزوم اولدوغوم کیمی سئویرم
منیم ائویمین دیب- بوجاغیندان دینجلیک یاغیر. منیم ان یاخشی عاییله واریمدی. تانرینین وئردیکلری حدسیزدیر.
من یاشاییش دان لذت آپارماق فورصتینی اؤزومه وئریرم. منیم چئورم تانری برکتلری ایله دولودور. من اؤز یاشاییشیمین معماری یام. بیز اؤزوموزه بنزر آداملاری سئوهریک
الیمده اولانلاردان، دوزگون فایدالانیرام
من، باشقالارینین دا منیم کیمی اولماماق حاقلارینین اولدوقلارینی بیلیرم. من نعمتلریمی ساییرام، اولمایانلاری یوخ. اودوب یوخسا اودوزماق بیزیم ائتدیکلریمیز ایله دوشوندوکلریمیزین نتیجهسیدیر.
باغیشلاییب، یاردیم ائتمک یاشامین سیرریدیر. سلامتلیک، محبت و آزادلیق، اینسانین سعادت نسخهسیدیر. موفق اولمانین اساس شرطی، ائتمک (عمل ائتمک) باجاریسیدیر. آپاران (برنده)، هئچواخت دایانماز. آغری ایله درمان اؤز ایچیمیزدهدیر، چوخ واخت بونو آنلامیریق. من شانسلی، خوشبخت، جاذیبهلی و عظمتلی اینسانام. من بلی دئمک ده تلسمهییب یوخ دئمکده ده دایانمارام. خالقی سئویب یاشاییشیمدان دا لذت آپاریرام. من اودورام [برنده میشوم](اودماقدایام).
من باشقالارین آجیغینی (نفرتینی) سئوگی ایله قارشیلاییرام. قورخو اینسانلارین ان بؤیوک دوشمنیدیر. گرکلیدیر، اونجه اؤزومه و سونرا باشقالارینا غلبه ائدم. هرگون کئچن گونومدن یاخشی اولوب، بیر آددیم قاباغا گئدیرم.
نوشته شده توسط admin در دوشنبه, ۱۸ شهریور ۱۳۹۲ ساعت ۷:۰۱ ق.ظ