هِیوا
داود_پیرعلیلو
آنادیلیمیز:آنانین اوغلونا دئدیگی سؤزو، اوغلان گلیر گئجه بالابگیمه دییر. بالابگیم دینمه‌ییر. نئچه گون او سؤزون اوستوندن گئچیر گؤرورلر بالابگیم داها،آیریلیق سؤزو دانیشمیر. ائیله سانیرلار کی، اوشاقلارینی الدن وئرمکدن قورخوب داها آیریلیق سؤزو سالمایاجاقدیر. یئنه باشلاییرلار اذیت وئرمگی فارسلار دئمیشکن “روز از نو، روزی از نو”. بالابگیم گؤرور اولمایاجاقدیر، اؤزو دادگا‌ها گئدیر، کبینیم حلال جانیم آزاد! دییب، طلاق آلیر. او بؤیله دوشونور کی، اوشاقلاری دا بؤیویوب گلیب آنالارینی تاپاجاقلار.
خالاسینین ایکی الی اولور بیر ده باشی. قاباغیندا داها او کنیز ساخلادیغی بالا بگیم یوخدور، گئدیب. بالابگیم گئدیب قارداشینی تاپیر و قارداشی بالا بگیمی ائوینه آپاریر. باجی گؤرور قارداشی ائولنیب، ایکی دنه ده گؤزل اوشاغی وار. قارداشی خانیمینا دییر:
– منیم آنام یوخدور بالابگیم هم منیم آنامدیر هم ده باجیم، هم ده دار دنیادا بوتون ائلیم‌دیر. منه قویان حرمتی باجیما قوی، باجیم دونیادا چوخ عذاب چکیب بیر تهر ائله کی، داها ناراحتچیلیق حسّی ائتمه‌سین.
اوچ- دؤرد آی قارداشینین خانیمی بالا بگیمه برک خدمت ائدیر. او زمان گوزَم بؤرک اولاردی، یون آرخالیق توخویاردیلار، یون جوراب توخویاردیلار، بالابگیم ده هامیسینی اؤگرنیب، ایشله‌ییب ائوده توخونمالارینی توخویوب ییغیر وئریر قارداشینا. قارداشی دا آپاریر بازاردا ساتیر، پوللارینی گتیریب بالابگیمه وئریر. قارداشی اؤزو ده کرپیج کوره‌سینده ایشله‌ییب ائولرینین خرجینی چیخاردیر. بالابگیم گؤرور قارداشی بونون توخودوقلاری‌نین پولونو اؤزونه وئریر، قارداشی ائوینده قالدیغینا گؤره، هردن بازارا گئدیب ائو اوچون، یئمک اوچون قیویر- زیویر آلیب گتیریر. اما قارداشینین خانیمینا دئییر کی، ائوه نه آلدیغینی قارداشینا دئمه‌سین. نئچه آی اوستونده کئچندن سونرا یاواش- یاواش قارداشینین بالدیزلاری، قارداشی خانیمینی اؤگره‌دیرلر بونا گؤره کی، سنی بیز بالا بگیمه وئرمه‌شیک، اونون قارداشینا وئرمیشیک، ایندیه قدر بو هاردا ایدی؟ هاردان تاپیلیب گلدی؟ سن اونا کنیزدن زاددان دگیلسن.
بئله سؤزلر ایله قارداشی خانیمینین قولاغینی دولدورورلار. او دا یاواش- یاواش باشلاییر بونونلا ترسینه ائشمگی. داها بالابگیمه حرمت قویمور. بالابگیم اما قارداشینا دئمیر قضیه نی، قورخور بیردن قارداشی ناراحات اولار ائوینده آغزی آجیلیق دوشر. بیر نئچه آی دا بئله گئچینیرلر. قارداشینین قونشولوغوندا بیر حیط وار ایدی، اونو اجاره وئریردیلر. بالابگیم اونو ائشیدیب قارداشینا دییر:
– آی قارداش بیر سؤز دئسم آجیغینا گلمز ؟
قارداشی دییر:
– باجی باشینا دولانیم. نیه آجیغیما گلیر؟! سؤزونو دئنه.
بالابگیم قارداشینا دییر، قونشولاری حیطینی اجاره وئریر اورانی بالا بگیمه اجاره ائیله‌سین. بلکه بالابگیم او ائودن چیخیب قارداشینا بیلدیرمه‌سین کی، خانیمی اونا حرمتسیزلیک ائدیر. قارداشی بالابگیمدن سوروشور:
-آی باجی نیه نه اولوب؟ منیم بیر باجینی ساخلاماغا، او دا سنین کیمی باجینی لیاقتیم یا چیخاریم یوخدور؟ یوخسا سنه منیم خانیمیم حرمتسیزلیک ائدیر؟ منه دئمه‌دن ایسته‌ییرسن ائودن گئده‌سن؟ دئ گؤروم نه اولوبدور؟
باجیسی هیچ دئمه‌دن بیر بونو دییر:
– قارداش، من ایسته‌ییرم اؤزوم اولام، آیریسینا زحمت وئرمه‌یم، اوتانیرام.
آمما قارداشی اینانمیر. گئدیب خانیمنینا دییر:
-سن منیم باجیما نه دییبسن؟ او ایسته‌ییر گئدیب اؤزونه ائو توتوب تک یاشایا.
خانیمی آغزینی آچیر گؤزونو یومور، باشلاییر بالا بگیمی پیسلمگه، او بئله‌دیر، او ائله‌دیر… آخرده قارداشی گؤرور کی بو، بالابگیمی یولا وئرمییب، اونا گؤره بالابگیم ایسته‌ییر حیط توتوب گئده آیری اوتورا. گلیب باجیسینا دییر:
– باجی هرنه‌یی من ایچ ائیله‌دیم، گؤردوم سنی منیم خانیمیم یولا وئرمیر.
یئنه بالابگیم هیچ نه دئمیر، فقط سؤزو بواولور کی،
-من راحت دگیلم، اوتانیرام، ایسته‌ییرم بوندان آرتیق دا سیزه اذیت وئرمه‌یم. قارداش، سن اگر باجینی اورکدن ایسته‌ییرسن او حیطی منه توت. سنین ائوین ایله دووار بیردیر، گؤزون ده اوستومده اولار. بیر کس ده سؤز چیخاردا بیلمز. آخر قارداشینین بوینونا قویور، او حیطی بونا اجاره ائیله‌سین. قارداشی حیطی اجاره ائدیب، باجیسینین ائوینی ییغیب اورا دؤشویور.
بالابگیم بیراز راحتلشیر. اما اوشاقلاری‌نین فکری بالابگیمی لاپ یاندیریر.
اوشاقلاری‌نین هره‌سینه گوزَمدن بیر آرخالیق توخوموشدو، یاتاندان یاتانا اونلاری قاباغینا قویوب اونلاری اوخشاییر، آغلاییر و آغلایا- آغلایا یوخو توتور.
بیرگون بالابگیم عمیسی قیزی گیله قوناق گئدیر. اونلارین بیر قونشوسو وار ایدی، او دا اوردا ایدی. اوردا بالابگیم ایله تانیش اولور. عمی قیزیسیندان سوروشور:
-سنین بو عمی قیزین ائله بیل سوبایدیر؟
اودا بالابگیم-ین باشینا گلدیگینی قونشولارینا نقل ائدیر. قونشولاری دییر:
-منیم بیر قارداشیم وار، خانیمی اولوبدور، اما بئش اوشاغی وار، ائوی ده اوزاق بیر کندده دیر، بیلمیرم سنین بو عمی قیزین اوندان یاشا بیلر؟ قبول ائیله‌سه بونو اونا عقد ائدک “.
عمی قیزیسی دییر:
-قوی بالابگیمه دییم، اگر قبول ائیله‌سه لاپ دا یاخشی اولار، تَکلیکدن قورتولار، ائو- ائشیک صاحبی اولار.
قونشولاری گئدندن سونرا بالابگیم-ین عمیسی قیزی بالا بگیمه دییر:
– آی عمی قیزی قضیه بئیله‌دیر، قونشوموز سنی قارداشینا آلیب عقد ائیلمک ایسته‌ییر. سن بوسؤزه نه دییرسن؟
بالابگیم اونون سوزونو قبول ائتمه‌دن دییر:
آی عمی قیزی قضیه بئیله‌دیر، قونشوموز سنی قارداشینا آلیب عقد ائیلمک ایسته‌ییر. سن بوسؤزه نه دییرسن؟
بالابگیم اونون سوزونو قبول ائتمه‌دن دییر:
-آی عمی قیزی، منیم ایکی قیز اوشاغیم وار. ساباح اونلار بؤیویر دییر سن بیزی آتامیزین لال- کار اولماغینا گؤره آتیب گئتمیسن آیری اَره.
عمی قیزیسی دییر:
نوشته شده توسط admin در دوشنبه, ۰۶ دی ۱۴۰۰ ساعت ۱:۰۰ ب.ظ
