قورخما دئه بایرام منیم دیر

اکبرسعادت
سئوگیمیزین اسن سرین یئل ایله
آرزوموزون فیدانلاری گول آچیر
سئودامیزین سازدا هارای تئل ایله
داغ دالیندان اومود گونو نور ساچیر
آنادیلیمیز:قیشدان ایکی آی کئچنده کیچیک چیله نین ده عومرو سونا چاتیر. آمما قیشین سویوغو هله توکنمک بیلمیر. قارینین ایسته یی و تانرینین امریله چیله یه اون گون ده آرتیریر و »قاری ننه نین چیله بئچه سی« آدلاندیریر.
آخیر آیین اون گونو سووشدوقدا هاوالار یومشالیر. آمما جاماعات حاضیرریغینی ایتیرمیر ها. ایین- باشینی برک ساخلاییر. بولودلارین آراسیندان گولن گونشه آلدانمیر.
بو آرادا »کورد اوغلو« غره له نیر. قیش گئیمینی سویونور و سفره چیخیر. یولدا کولک باشلاییر. بیر آرشین قار یاغیر.
آمما کورد اوغلو دا آتا- بابالاردان اویرنمیشدی کی، بئله سویوقلاردا دایانسان، اوتورسان، یاتسان اولرسن. اودور کی، آتیلیب دوشور و بدنینین سویوماسینا یول وئرمیر. فیرتینانی گورن آداملار کورد اوغلونو آختارماغا چیخیرلار.
اونو یاری جان تاپیب ائوه گتیریرلر. بئله لیکله بو اوچ گونو ده »کورد اوغلو« آدلاندیریرلار.
نهایت قیشدان اون یئددی گون قالاندا یئره »نفس« گلیر و دورد گوندن سونرا وعده یئلی اسمه یه باشلاییر. قار- بوز اری ییر. کولک آغاجلارین قوروموش بوداقلارینی قیریب یئره توکور. جاماعات اونلاری ییغیب چرشنبه تونقالینا ساخلاییرلار.
ایلین سونودور. هاوالارین ایلیملی چاغیندا خبر وئرمه دن قیزیب. قیش قوشونو قیریلیب قالیب نئچه ایل بوندان قاباقدا. دونداریجی سویوغو جانلارا یئرلشدیرمَیینجه، یئرین ده سویوغون آلیب. کاش سویوغون آلایدی، سویون دا آلیب. سویونو بوغلاندیرمادان آلیب.
قورخوردو بوغلار گؤیه قالخدیقدا سویوق هاوایا چاتان کیمی دایانا.
باهار گلیر، یاز گلیر، ائللره خبر وئرین! قیش سیز باهار جانا یاتمیر. دئییر یاتیر یاتسین یاتمیر یاتماسین، من گلیرم.
ایستمک زورونداسیز، دئییرسیز ایستمیریک او یول او دا سیز! یولچولوقدان نییاران اولمایین اوچاقلا بیر گونه، قیشا قاییدا بیلرسیز. قیشی سئومیرسیز پاییزا قاییدین.
دونیا سیز ائشیتدییینیز دونیا دگیل. گوردویونوز دونیا دیر. بیر گونده اوچوب هر یئره گئده بیلرسیز، البت بیر آز-ماز مایا ایستر. مایانیز یوخسا، مینین خیاللارا، گئدین ایستَدیگینیز یئره. بونون مایاسی بئینیزدن دیر. ایندیکی دونیا گوردویوموز کیمی دیر.
دونیانین ایندی کیمی یاشاماغیمیز گرَکیر. بوگونو بوگون، صاباحی صاباح. آللاها شوکور بوگونکو دونیادا هر نه یازیلیر.
گئچمیشده ده یازیلیرمیش، بیز گؤرموردوک قیامته ساخلانیلیردی. آما بو گون هر نه یازیلیر. سسی ده یازماق اولور.
یازیلان یازیلاری اوخوماغا، نوحون دا عؤمرو یئتمز. یازیدان دانیشماغیم، یازماق اوچون دگیل ایدی بو دؤنه! یازیلانلاری گوردویوموزده، گیزلی سئوگیلر اورتایا چیخیر.
سئودالانماق، هر کس اوچون اولور، یوخسا مایالیلار اوچون، بیلمیرم.
گونله آی، ایلده ایکی یول سئودالانا بیلرلر. آنجاق یاز سئودالانماسیندا، بولوتلار گویده سئودالانماغی دایاندیرارلار.
اولا بیلسین، یئرین یازا بویلو اولدوغوندان یارانان بولوت، سئودالانماغی دایاندیریرلار. یئرین نه یه سئودالانماغینی هئچ کیم بیلمیر.
بلکه نه یه سئودالاندیغینی اؤیرنسَیدیلر بویلانماغا یول وئرمزدیلر! گونله آی کیمی هر ایل دولانمالیدیلار.
آما دئییرلر سئودالانان بیری، سئوداسی اورتایا چیخیب، سئوداسینا چاتمایانلار، قوجالمیرلار. بارلانمیرلار، دوغمورلار، آلاولانیب، یانیب، قابیق سالیرلار. سئودالارینا یاشایانلار، سئودالارین ساخلاماق ایستَییرلرسه ابدیلَشمک زوروندادیرلار.
قورخما دئه بایرام منیم دیر!!گنج واقت‌لاریمیز بویودویوموز آنلار ائشیدیب، ایشله‌دیریک. اوشاق‌لار اوچون یئنی‌له‌نیر، بویوک‌لر اوچون، یئر اوچون، اوزونه یئنی‌له‌نیر دئیه بیلیریک.
دب‌لری چوخ اوزاق‌لاردان بو گونه سوروک‌لویوب توکه‌نین توکوب، گوتوره‌نین گوتوروب، ساخلایانین ساخلاییب گتیرن دوشونجه‌نین ده داشیما یوکونو بوینونا آلیب، دیله وئریب، دیلده ساخلاییب دیر.
بو آرادا دون ده‌ییشمه‌لر، آنلاشیلمازلیق‌لار یوزمالار اولوب دیر. بایرام‌ اوزو دانیشیر، یاشیـییر یاشادیر. بیزه قالان یاشاییب، یاشاتدیق‌لارینی اوزوموزدن سونراکی‌لارا چاتدیرماق دیر. یاشادیق‌لاریمیزیچاتدیرماساق،یاشامادیق‌لاریمیزی چاتدیرمالی اولاجاییق.
اونملی اولوب-اولمادیغینا کیمسه‌لر قرار وئره‌جک‌لر، آنجاق بیرلرینه دئمکزوروندا قالانداایلیم-ایلیمآختاراجاییق،تاپماییب باشقالارینین یاراتدیق‌لارینی وئره‌جه‌ییک یوخاری باشی اوزوموزله‌شدیریب هئچ منیمسه‌مه‌دیـییمیز قوندارمالاری ساووناجاییق.
بیراز ایسته ییرم وعده یئلی نین دن دانیشام:
آستاجا گلیر هر اوجاغا،اوز یاشیل اورپگینی هیسس ائتدیرمه دن سالیر طبیعته. اینسانلاردا روح یوکسکلیگی یارادیر،سئوینج بخش ائدیر،سئومک سئویلمک ایستگی آشیب داشیر. بیر کیشی ائودن چیخارکن سادجه، او گون ائده جگی ایشلری، بیر قادین ایسه، سحر اویاناندا او گونو نئجه گوزل ائده بیله جگی حاقیندا دوشونور. بلکه بونا گوره باهار فصلینی قادینا قیزا بنزه دیرلر،چونکی حیاتیمیزی گوزللشدیریر باهار.
اما نئیله مک:
هرنه یییئنیدنباشلاماغانئینه مه¬ لیـییک?بوسئوینجیبوتوناینسانلارلاپایلاشمالیـییق?قاریلاقیشآرامیزاآراسالدیغی اینسانلاری ایزلیییب تاپمالیییق. دیری قالدیقلارینا سئوینیب?اولنلریخاطیرلاییب?حایاتیاولدوغوکیمی یاشامالیییق.
بایرام اوزو هر نهیی چاتدیریر. هر بیر باشقا اولایین عزیزلهمهسینین باشقا آدی اولمالیدی.
قویروق دوغور ?سونایاو لور?هالایو ورلورهالایپوزاناویانیر?گونوزدارالیر?گئجهاوزانیب? چیللهسینه چاتیر. کوسالار یولا دوشو ر?کیچیکچیللهگلیر… وعده یئلی(بایرام یئلی)، یازین گلمه‌ییندن خبر وئرر. هاچان اسدی‌یی اؤنملی دیر.
وعده یئلی اسه‌ندن اون‌یئتدی گون سونرا یئنی ایل باشلار. یئنی ایلین باشلانماغینی بو یئلین اسمه‌یی‌ایله اؤلچردیلر. دوغا یئنی‌دن دوغور. بو یئل سازاخلی، قودرتلی یئل دیر. اینسانین جانینا یئری‌یر. دئییرلر حالال ات بو یئلده اوشومز. حارام ات اوشویه‌ر. اینسان دا حارام ات اولدوغوندان اوشویه‌ر.
شهریار بو یئلی بئله گتیریب
بایرام یئلی” چارداخ‌لاری ییخاندا نوروز گولو قارچیچه‌یی چیخانداآغ بولود‌لار کؤینک‌لرین سیخاندا
بیزدن ده بیر یاد ائلیـیه‌ن ساغ اولسون دردلریمیز قوی دیکه‌لسین داغ اولسون یئر اویانان گوندن اعتبارا طبیعتده یئنی بیر دوور، یئنی بیر گون باشلانیر، »نوروز بایرامی« آدلانیر بو یئنی گون. سونراکی دورد ایسه ایلین قارشیدا اولان دورد فصلینین نئجه اولاجاغیندان خبر وئریر.تانری دان هامیزا خیرلی و برکتلی و خوش گونلر آرزی لیرام.ساغ قالین
باهار گولور بولاغ گولور گول گولور
گول گؤزه لیم گولر اولسون حیاتین
گول چیچیین گولوشویله عومور سور
خوش گورویله سئوینجینی آل ساتین