ناراخاتین
آنا دیلیمیز: بیری وارایدی، بیری یوخ¬ایدی، تانری¬نین کرمی چوخ –چوخ¬ایدی. یئنی¬یئتمه ناراخاتین، آتاسی و اؤیر آناسی ایله بیرلیکده یاشاییردی.
ننه¬لیک نارا خاتینین گؤزللیگینه گیجیکلنرک هر گ?ن اونو اینجیدردی. گ?نلردن بیر گ?نو ننه¬لیگ گیجیک دن کیشی سینه »قیزین نارانی گزمک آدینا گؤتور، بیر یولدا آزدیریب ایتیر، اؤزون تک باشینا ائوه قاییت گَل!« دئیه¬ر اونو بو ایشه زورلادی. اول¬ده کیشی بو ایشه راضی اولمادی. آما ننه¬لیک او قدر کیشی¬نین قولاغینا اوخودو کی، کیشی ده راضی¬لشیب، قبول ائله¬دی. بئله¬لیکله بیر گ?ن کیشی گزمک آدینا قیزینی گوتوروب اورمان دا اونو آزدیردیقدان سونرا اؤزو تکجه ائوه قاییتدی. بئچارا قیز، آتاسینی ایتیردیکدن سورا اؤزونو یالقیز گؤردو ایتدیگی یولون اورتاسیندا دیزلرینی قوجاقلاییب آغلاماغا باشلادی. قضادان اینسان دیلینی بیلن بیر پیشیک اوردان کئچرمیش. پیشیک آغلار نارایا راستلادی. نارانین یانینا گلیب آغلاماغی¬نین سببینی سوروشدو.
ناراخاتین باشینا گلن حادیثه¬نی پیشیکه دانیشدی. پیشیک قیزین شرح حالین ائشیدیب نارایا ا?رگی یاندی. پیشیک نارانی دیله توتماغا باشلادی سورا دئدی: -آی قیز نیگران قالما،من سنی یئددی قارداشلار ائوینه آپارارام. اونلار چوخ یاخشی اینسانلاردیرلار، شهرین ده معتمیلری-دیرلر. حوکماً سنه کؤمک ائدرلر. پیشیک یئددی قارداشلارین یاشادیغی ائوه ساری یولا دوشدو، نارادا اونون آردیجا یوللاندی.
پیشیک نارانی یئددی قارداشلارین ائوینه چاتیریب گئتدی. نارا، قاپینی چالدی. یئددی قارداشلارین کیچیگی قاپی¬یا گلدی. ناراخاتین باشینا گلنلری قاپی¬یا گلن اوغلانا دئدی، اوندان کؤمک ایسته¬دی. اوغلان قیزین سؤزلرین ائشیدیب ا?ره¬گی یاندی. نارانی ایچری¬یه او بیری قارداشلاری یانینا آپاردی. قیز کئچیردیگی قضایانی تیکرار او بیری قارداشلارا دا دانیشدی. قارداشلارین¬دا هر بیری¬نین نارایا ا?رگی یاندی. دیگر طرفدن ده هر یئددی قارداش نارادان خوشلاری گلدیگی ا?چون نارا ایله ائولنمک ایسته¬دیلر.
بئله¬لیکله نارا ایله ائولنمک ا?چون یئددی قارداشلارین بیر–بیری ایله سؤزلری اولدو. یئددی قارداشلارین هئچ بیری اؤز ایسته دیگیندن واز کئچمک ایسته مه¬دی. چاره¬سیزلیکدن کیچیک قارداشین مصلحت ایله، نارا اونلارا باجی اولدو. بئله¬لیکله نارا یئددی قارداشلارین ائوینده قالیب اونلارا باجی اولدو. نئچه ایلدن سورا ناراخاتین-ین ننه¬لیگی ائشیتدی؛ نارا، یئددی قارداشلاری باجیسی اولوب.
قیسقانجیلیقیندان آز قالدی پارتلاسین. بیر فئل قوشوب کیشی¬سینه دئدی: – آی کیشی یا نارانی اؤلدور یا دا منی بوشا! نارانین آتاسی بو ایشه راضی اولمادی. آما نارانین ننه¬لیگی او قدر ایصرار ائتدی کی سوندا کیشی راضی¬لشدی. ننه¬لیک کیشی¬سینی راضی ائدیب، نارانی اؤلدورمک ا?چون زهیره یاتیردیغی آلمالاردان وئرر اونو نارانین یا هامان یئددی قارداشلارین ائوینه یولا سالدی. کیشی آلمالاری گوتوروب یولا دوشور. کیشی،گلیب یئددی قارداشلارین ائوینی تاپدیری، قاپی¬نی چالدی. نارا قاپی¬یا گلدی. آتاسینی گؤروب تعجوب ائله¬دی. آتا نارادان عذر ایسته¬دی پئشمان اولدوغونو بیلدیردی.
نارا آتاسی¬نین ایتیردیگینی اونودوب باغیشلادی، ایچری دعوت ائتدی. ناراخاتین¬ین آتاسی ائوده زهیره یاتیریلمیش آلمالاردان نارایا وئریب اونو یئمه¬یه چاغیردی. ناراخاتین زهیرلی آلمالاردان یئمک هَمن یئره ییخیلدی. آتا تئز ائودن چیخیب قاچدی. آخشام چاغی، یئددی قارداشلار ایشدن ائوه قاییداندا ناراخاتینی اؤلموش ظن ائدیب، نارانی صاندیقا قویاراق،چایا تاپشیردیلار. شاهین سارای-یندان کئچن چای، صاندیقی سارایا گؤتوردو. سارای دا شاهین خیدمتچی¬لری صاندیغی سودان آلیب آغزینی آچاندا گؤزل بیر قیز ایله راستلاشدیلار. سارای خیدمتچی¬لری، نارانی دیری بیلیب تئز صاندیغدان چیخاردیلار.
خبر پادشاها چاتدی. پادشاه امری وئردی: – نارا موعالیجه اولونسون! شاهین اؤزل حکیمی نارانی موعالیجه آلتینا آلدی. نئچه گ?ندن سورا نارا ساغالدی. نارا ساغالاندان سورا پادشاه نارا ایله ائولندی. چوخ کئچمه¬دی کی نارا بویلو اولدو. دوققوز آی، دوققوز گ?ن، دوققوز ساعات نارانین بویلولوغوندان کئچدی بیر اوغلو اولدو. شاهین امر ایله سارای دا نئچه گ?ن شنلیک قورولور. او یاندان نارا خاتین¬ین ننه¬لیگی ائشیدیر، نارا اؤلمه¬ییب، یاشاییر شاه ایله ده ائولنیبدیر.
ننه¬لیک یئنه¬ده گیجیکیندن بیر فئل قوشاراق، کیشی¬سینی گؤتوروب شاهین سارایینا گلدی. پادشاه ایله ناراخاتین، کیشی ایله آروادین پیسلیک¬لریندن واز کئچیب اونلاری باغیشلادیلار، سارایا آلدیلار. نارانین امری ایله آتاسین-ننه¬لیگین یاخشیجاسینا قارشیلاییب اونلارا قوناقلیق وئردیلر. آما گئجه چاغی هامی یاتدیقدان سورا، ذاتی پیس ننه¬لیک یاواشجا ناراخاتین¬ین اوغلونون باشین کسیب، بیچاقی ناراخاتین¬ین جیبینه قویدو. صاباح پادشاه ایشدن خبردار اولدو. اوغلون اؤلموش گؤردو؛امر وئردی: -هامی تفتیش اولسون. سارای¬ین گؤزتچی¬لری هامینی تفتیش ائتدیکدن سورا بیچاق نارانین جیبیندن چیخدی. ناراخاتینی قاتیل بیلدی. پادیشاه امر وئردی: -ناراخاتین¬ین گؤزلرینی چیخاریب، باشی کسیلمیش اوشاغی دا قوجاغینا وئرین، سارای¬دان ائشیگه آتین!
سارای گؤزتچی¬لری پادیشاهین اَمرین یئرینه یئتیردیلر. ناراخاتین باش گؤتوروب چؤللره باش قویدو. چؤللرده آوارا سرگردان اولان نارا، یورغونلوقدان آرخ قیراغیندا اوتوردو. ناراخاتین سؤیکندیگی آغاج باشیندا، ایکی گؤیرچین اوتورموشدور. گؤیرچینلرین بیری او بیرینه دئدی: -کاشکه بو قیز بیزیم دیلیمیزی باجارایدی، بیز اوچاندا قانادیمیزدان دوٍشن لَلگی گؤزونه سورتوب گؤزلرین یئرینه قویاردی همی¬ده اوشاغین کسیلمیش باشینی یاپیشدیرایدی. ناراخاتین بو سؤزلری ائشیتدی. گؤیرچینلر اوچان زامان د?شن لَلگی گوتوردو. نارا لَلگ ایله اول اؤز گؤزلرین یئرینه قویدو، سورا اوشاغی¬نین کسیلمیش باشینی یاپیشدیردی. ناراخاتین همین یئرده آرخ کناریندا بیر ائو تیکیب اوغلو ایله یاشاماغا باشلادیلار. ایللر کئچدی. بیر گ?ن قضادان پادشاهین یولو نارانین ائوی¬نین یانیندان دوشدو. پادیشاه بورادا بیر گ?ل بئجرن اوغلانا راستلادی. پادیشاه نارانین ائوی¬نین باغچاسی گ?للرینه تماشایا دایاندی.
نارانین اوغلو شاهین گ?للردن خوشو گلدیگینی حیس ائدیب پادیشاها دئدی: -شاهیم اگر ایسته¬رسه گ?للردن دَره بیلر.پادشاه دئدی:-آخی بو گوللری نئجه ده¬َریم، سنین اونلارا نه قدرزحمت چکدیگینی بیلیرم!اوغلان کی کئچمیش حادیثه¬لری آناسیندان ائشیتمیشدی شاها دئدی:-بس بیر آنا نئجه قییا بیله¬ر اؤز اوغلونون باشینی کسسین؟
بو سؤز ایله شاه اوغلون، آروادین تانیدی. پادشاه ایشیندن پئشمان اولدو. نارا ایله اوغلو پادیشاهی باغیشلادیلار. شاه، اوغلون “ناییب”، نارانی “ملکه” ائتدی. ناراخاتین-¬ین آتاسی ایله ننه¬لیگین ده اؤلدوروتدوردو.
نوشته شده توسط admin در دوشنبه, ۲۸ اردیبهشت ۱۳۹۴ ساعت ۵:۰۳ ق.ظ
