طبیعت جاوانلاشیر
اکبر سعادت
آنا دیلیمیز: قیش چیخدی، اوزو قارالیق کوموره قالدی. بیرده بیز قالدیق، بیر قالاق آرزی دیلک. بیر دونیا حسرت. بیر بولوک اوره‌ک، و…باخ بیزیم ضرب مثللریمیز بئله¬جه مین ایللیکلرین تجربه¬سیدیر کی، اولو بابالاریمیز سونراکی نسیل-لره یادیگار قویوب. لازیم اولاندا گورونمه¬ین ایش هئچواخت گورونمز. نئجه دئیرلر، الدن قالان ایلنن قالار. چتین گونلرده اوز قایغیسینا قالمایان آداملارین گونو ایت گونونه دونر، ایت کورلوغو چکر. ایت کورلوغو چکمک ایسته¬مه¬ین جاماعات یاز گلمک همن چول- باییرا چیخیر، یازلیق ایشینی گورور.
انسان یاراندیغی گوندن طبیعته باغلی دیر. طبیعت دیر کی انسانا الهام وئریر.باغلار دا گول لر، مئشه لر داغلار دا شلاله لر،سولار چوللر ده داشلار چایلار یاشل لاشیب طبیعته یاشیل یاپراقلار گوزل غنچه لر آخار سولار قین قوشلار ساری بولبولر گنیش یاشیل چمنلر هدیه ائدیر. یانی بوجور کی هر طرفه باخیرسان یاشیل گورونور.علی الخصوص دوغما دیاریمدا؛شانلی آذربایجان…گوزه للیک لر اولکه سی آدلانان یورد. بویوک تارینین قدرتیله طبیعت اوز قیزقین محبتین بیز انسانلارا هدیه وئریب. بولبولر چهچه چالیب وقین گوشلار باهارین وگونشن یتشمسین بیزلره خبروئریر. گونش داهادا شغیب گوزل وآیدین نورلرین طبیعته وبیز انسانلارا هدیه ائدر.باهارین گلمه سی وگونشین سئچر ماسی بیزی چالشماقا چاغیر.بو فصیل ده یئر اوزون یوخوسوندان دورور و اینسانلاری تانرینین نعمت لرین داها دا گورمه یه چاغیریر. یاز گلیر و گلنده قوجا طبیعته دئییر کی: یاز گلیب یئنهده یئــــــر نفس چکیب اسنه یه جک، یوخودان اویانیـــــر…قارداشلاریم باجیلاریم بیزلر نه قدر غفلت یوخوسوندا یاتیپ واوره ک لریمیزی قارانلیق دا و سویوق دا یاشاداجاییق؟نه زامانا قدر پوزقون یللر و غم لی اوبالار باساجاق؟اورمو گولون یادیما سالیر بو یاز گونلری…بیر زامان یاز فصلینده اورمو گولو بیزه گولوردو…دورنالار چال چاغیرا باشلاییب.آرزی لار قوشو قانادلانیردی. دورنالار،چؤللــــرده گاه گولوردولر ماوی گـؤی گاه اوچوب قانادلانیردیلار .اوردا بیر گون داغـلارین دوشونـدن فیشقیران سولار، یاشاییش نغمهسین اوخـوردولار. آنجاق بو سوزلری دئمک دن ایسته ییرم دئییم کی،بو طبیعت دیر کی بیر گون قوجالار و الدن گئدیر.اما اوندا بو قدرت وار کی یئنه تئزه شدن جاوانلاشا… قـوجـا طبیعت بیر گون اولار کی یام یاشیل ایـپکــدن گئیینـیب پالتـارلارین یایـلاغــلار.بو اینساندی که قوجالیب جاوانلاشماز…طبیعت بیزه بیر بویوک درس اویره دیر.باهارگلیر، دونیا تزه‌لنیر، طبیعت یئنی‌لشیر، امّا بیز نئجه؟! تزه‌لیکده‌ن، یئنی لشمکده‌ن، دوزلوک ده‌ن دوغرولوقدان بیزیم‌ده خبریمیز وارمی؟ بیزده آغ بیرچک آنالارین صداقتلی اوره‌یی کیمی صاف بیر اوره‌یه صاحاب اولموشوق؟ یوخسا…! نه یه؟! باهار گلیر، دونیا میزا نئجه باخمیشیق. بوراجاخ نه ائتمیشیک؟!گله‌جک نسله‌نه توحفه میز واردیر؟ نئچه سرمایا…! نه جوره‌طبیعت! نه دوشونجه؟…باهار گلیر… هارداییق، کیمیک، …!؟
آرزیم وار کی ، یئر یوخوسوندان دوران کیمی، بیزده بو غفلت یوخودان دوراق…تانری تکجه بیز اوچون یئر گویو یارادیب.من بویوک تاری دن استیریم که بیز انسانلارین اوره گ لرمیزده عشق ومحبت
اوتین یانار ایلین کن محبت شعله لرین داهادا الولاندرسین.بیزلری بیری بیریمیزه محبت لی ومهربان ائدسین.کوهنه غم لری ودومانلی غصه لری بیزلرین اوره ک لرمیزدن قووسون.گئچن گون لریمیزی ثمرلی وگله جاق گون لریمیزی آیدین ائدسین.
محبت گول لرین بیزلرین دیللریمیزده قرمزی غنچه لرکیمی ویاشیل یاپراق لارکیمی شکوفا ائدسین.قانان انسان لاری قانمیان انسان لارین الینده گرفتارائدمسین.تانری اوزقدرتیله ظلو م وستم ائدن لری نابود ایلسین و زور قاپلارین میخلاسین.
قانان وادب لی ومعرفت لی و چیخارلی انسان لارا یارو یاور اولسون.کیشی صفت انسانلاری نامردانسانلارا محتاج ائدمسین.
نوشته شده توسط admin در چهارشنبه, ۱۹ فروردین ۱۳۹۴ ساعت ۴:۴۲ ق.ظ
ای چئویرن اورکلری گؤزلری
دولاندیران ای گئجه گوندوزلری
ای یئنی دن دَییشدیرن حاللاری
دَییشدیر اَن یاخشی حالا بیزلری …
تانریدان گؤزل دَییشیملر دیلَمک گؤزلدیر. آنجاق اؤزوموزده یئنی لَشماغا و یاخشی حالا دَییشماغا تلاش ائتمَلییک و بو دَییشیمی اورکدن ایستَمَلییک .