شیعه‌لیک مهدویت
“بیز ضعیفله دیلمیش کسلره نعمت بخش ائتمگی و اونلاری یئر اوزونون صاحبی ائتمگی اراده ائتدیک” قصص سوره‌سی، آیه ۵
شیعه‌لیکده مهدویتین آیریجا بحث اولونماسی‌نین سببی بیزیم بیر مسلمان شیعه اؤلکه‌سی اولماغیمیزدیر. دونیادا آز اؤلکه‌لر وار کی، اها‌لی‌سی‌نین موطلق اکثریتی شیعه اولسون کی، اونلاردان بیری ده بیزیم اؤلکه دیر. شیعه‌لیک یوردوموزون ملی-معنوی دگرلری‌نین اساسینی تشکیل ائدن عامل‌لردن بیری اولماقلا یاناشی تاریخیمیزده بؤیوک رول اویناییب.
چوخلو یئرلرده قئید اولوندوغو کیمی، هر ایکی مسلمان طریقت‌لری – شیعه‌لرله سوننولر مهدویت باره‌ده واحد اعتقادا مالکدیرلر. آنجاق بورادا بیر نئچه فرق وار کی، اونلار اوزرینده دایانماق ایستردیک. بیرینجی‌سی، شیعه‌لر مهدی‌نین(عج) آرتیق آنا‌دان اولوب و مین ایلدن آرتیق قئیبده یاشایان ۱۲-جی امامین(ع) اولدوغونو دئییر‌لر. ایکینجی‌سی شیعه‌لیک ظهور دؤورو باره‌ده گلمیش روایت‌لره مجازی معنا‌لار وئریر.
اسلام تعلیمینه اساساً مطلق حاکمیت یالنیز آللاها مخصوص‌دور. ایلاهی پیغمبرلر(ص) و ایمام‌لار(ع) آللاهین انسان‌لارا گؤندردیگی ائلچی و حاکم‌لردیر. انسان‌لار بو حکومتی قبول ائدیب ائتمه¬مکده آزاددیرلار و ایلاهی اولیا‌لارین حتی دینی حاکمیتی زور گوجونه برقرار ائتمه‌لری یول وئریلمزدیر. کئچمیشده آللاه دایم یئر اوزرینه اؤز پیغمبرلرینی گؤندرسه ده انسان‌لار اکثر حال‌لاردا جاهللیک نتیجه سینده ایلاهی گؤستریش‌لره اوز چئویریب اؤز ایسته-دیک‌لریمی کیمی یاشاماغی اوز توتوب‌لار. نهایت حضرت محمدین(ص) تمثالیندا پیغمبرلر سلسله‌سی سونا چاتدی. بونا اساس سبب ایسه بشریتین یئنی مرحله‌یه، آزاد شکیلده دینی احکام‌لاری اؤیرنمک مرحله‌سینه قدم قویماسی ایدی. ایلاهی گؤستریش‌لرین شرحی و تطبیقینده سهوه یول وئریلمه¬مه‌سی اوچون الله امام‌لار تعیین ائتدی. پیغمبرلردن فرقلی اولا‌راق امام‌لار ایلاهی گؤستریش‌لر گتیرمیرلر. عکسینه اونلاری دوزگون آشیلاییب تطبیق ائتمه‌لی ایدی‌لر.
آنجاق انسان‌لار یئنه ده ایلاهی اولیا‌لاردان اوز دؤندردیگینه گؤره الله بشریته اؤز ایسته¬دیگی کیمی انکیشاف ائتمگه شرایط یاراتدی. ۱۲-جی امامین(عج) غیبه چکیلمه‌سی ده ائله بو سببدن اولدو. آرتیق انسان‌لار آللاهین نماینده‌سی ایله بیرباشا علاقه‌دن محروم اولدو و اؤزلری دوزگون یول آختارماق مجبوریتینده قالدیلار. بشریت بوتون کئشمکئشلی یوللاردان کئچدیکدن سونرا مختلف عقیده‌لری سیناقدان کئچیردیکدن سونرا ایلاهی بیر یول گؤستره‌نین ضروری‌لیگینی آنلایا‌جاق. انسان بوتون مادی-تکنیکی انکشافا باخمایا‌راق معنویاتیندا بوشلوق حس ائده‌جک مادی و معنوی دوروم آراسیندا اویغونسوزلوغون آرا‌دان قالدیریلماسیندا گوجسوز اولا‌جاق. محض بشریتین آللاه طرفیندن گؤندریلن رهبری قبول ائتمگه حاضر اولدوغو زامان مهدی(عج) ظهور ائده‌جک.
غیبه چکیلمک(غیبت) اسلام عنعنه‌سینده یئنی‌لیک دگیلدی. قوران اؤزو عیسینین(ا) اؤلمدیگینی و قئیبه چکیلدیگینی بیان ائدیر. مهدی‌نین(ا.ف) قئیبه چکیلمه‌سی‌نین بیر نئچه سببی وار. بون‌لاردان بیرینجی‌سی الله یئر اوزونو بیر آن بئله اؤز نماینده‌سینده مهروم ائده بیلمز. ایمامین(ا.ف) قئیبده اولماسی اونون الچاتماز اولماسی دئمک دئییل.
ایمامین(ا.ف) بیر چوخ حال‌لاردا انسانین اؤزونون بئله خبری اولما‌دان اونا یول گؤسترمه‌سی دینده قبول اولونور. همچنین مؤمن بنده‌لر دایم اؤز رهبرلرینین ساغ اولدوغونو، اونون دستک و محبتینی اؤز اوزرلرینده حس ائتمه‌سی اوچون غیبت مسئله سی بؤیوک اهمیت کسب ائدیر. بو انسانلاردا اومود، اؤزونه اینام و قطعیت حس‌لری یارا‌دیر.
نوشته شده توسط admin در دوشنبه, ۲۷ آبان ۱۳۹۲ ساعت ۷:۲۷ ق.ظ
