ساری کوینک
رامین_جبرائیلی_اندریان »یاشار«
آنادیلیمیز:آذربایجان ادبیاتیندا اوزونه اوزل یئر آلمیش ائل اینانجلی سوزلردن بیری ده، »ساری کوینک« سوزودور!
ان اسکی چاغلاردان بو گونه دک بیر چوخ شاعیرلریمیزین شعرلرینده ساری کوینک سوزونو گورمک اولار.»آنام سنه قوربان آی ساری کوینک«ساری کوینک شعرلری¬نین یا او شعرلره بسته¬لنن ماهنیلارین آلت قاتیندا ائل اینانجلاری¬نین بیر بوتاسی یا داها دوغروسونو دئسک تورک اینانجلاری¬نین بیر بولومو وار اولماقدادیر.»ادبیاتین اوزو ده اینانج، کوکو ده اینانج«ساری کوینک سوزونده اولوسوموزون دوغا گوجلری¬نین ان باش سیراسیندا یئر آلان گونش اینانجی یاشاماقدادیر.»گونش ساری کوینه¬گینی چیخارتسین دئیه اوزان ساری گئیینمیش«اینانجلارا گوره ساری بویا گونشین بویاسیدیر. پاییزلا قیشین سویوق چاغلاریندا، گونشین ان گوجسوز چاغلاریندا میللتیمیز گونشین سارالماسی اومودسوزلوقلارا یول آچیب هر بیر کسی یاشاییش آلاویندان اوزاق توتا بیلمه¬سین دئیه، گونشله ایلگیلی بیر چوخ ایشلرله تورنلر یارادارمیشلار.»گونش اوچون بیزده ساری گلین، ساری کوینک، ساری شیله وار«گونشین سارالیب، گوندوزلرین گئجه¬لردن قیسا اولدوغو کئچیجیدیر دئیه، ساری کوینک گئییب ائلده دولانماقلا گونش ده منیم تک آیاق اوسته¬دیر! اومودسوز اولماغین آنلاییشینا جان وئرمک ایمیش. یئری گلمیشکن آرتیرمالیییق ادبیاتیمیزلا، ائل آراسی سویله¬نیلن سوزلره باخدیقدا گوروروک ساری کوینک عادی بیر گئییم دگیل هر بیر کس گئیسین.»ساری کوینک اوزل چاغلاردا اوزل آداملارین کوینه¬گیدیر«ائل آراسی خوش باخیلمایان گئییملردن بیری ده، ساری بویالی گئییملردیرلر.»دلی قیرمیزینی سئور گیج سارینی«معلوم اولان عادی چاغلاردا ساری کوینک گئیمک مثبت انرژی داشیمادیغی اوچون خوشلانماییر.»پالتارین دا اوغورلو- اوغورسوزو اولموش اولور«
نوشته شده توسط admin در شنبه, ۰۷ اسفند ۱۴۰۰ ساعت ۱۱:۱۸ ق.ظ
