بیر یول دا سن سسله بیزی

میـن یول سنی چـاغیرمیشام بیـر یول‌دا سـن سسـله منی
حاضیرلایان :اکبرسعادت
آنا دیلیمیز: باش سوز،۱۲ آیین بیر آیی،الله هین رحمت آیی دیر.و بو آیین ان گوزل گونلری قدر گئجه لری دیر.الله هین او گئجه بنده لره بیر خاص محبتی وار.الله بویورو کی من بو گئجه توبه قاپیسین اینسانلارا آچیرام و اومودوم وار اونلار توبه ائدیب و اوز پیس عمل لرین دن کناره قویوب و دوز یولو گئتسین لر.
بو بیزلره بیر بویوک فرصت دیر.هر یاشدا اولور اولسون،اوشاق اولورسا یا دا بویوک.قوجا یا داکی جوان.آنجاق بو گئجه بیر آیری گئجه دیر.اوره ک لر ده بو گئجه جوشا گلیر.هرکس بیر نیت نن الله هین قاپیسینا گلیر.آغلاماق نان بو گئجه اوره ک لر دوم دورو آخاجاق.
بو گئجه لر ده واراقلاندی…اومورام الله دان کی بیزلری بیر سری چاغیرسین.و ائتدییمیز معصیت لری قلم عفو چکسین.امین
ائله همن بو گئجه لرده دیر کی الله هین ملائکی بیزلری گوروب و دانیشاجاق.هرکس بیر نحونن اوز اوره ک سوزون دئدی او گئجه.یارب بیزلری صالح بنده لرین دن خطا ب وئر…اومورام یاخشی عمل لرنن تانریا گون به گون یاخینلاشاق.آمین!
هله ده نفس آلیرسینیزسا بیر دوشونون! هله نه قدر یاشایا بیلرسینیز؟ حیاتا گلیش سببینیزه نظر یئتیرین. هارداسینیز؟ کیملرله‌سینیز؟ خوشبختسینیزمی؟ سیزی سیزدن بئله یاخشی تانییان ربینیزی، نه قدر تانیییرسینیز؟ اوزونوزه سوال وئرمکدن قورخمایین. اوزونوزو تانییین، او سیزی ربیمیزه آپاراجاقدیر. گئج اولمادان کیم اولورسونوزسا اولون، نه ائتمیسینیزسه هتدا نه قدر پیس عمل ائتمیشسه‌نیز، تووبه ائتمیی باجارین. ربیمیز سیزی باغیشلایاجاقدیر، سیز اونون یوللاریندا ایلرله‌دیکجه. بیر کیمسه سیزه، هئچ بیر قارشیلیق گوزله‌مه‌دن اللرینی اوزادیر. موسلمان بیر قورو کلیمه‌دیر اینسانا یوکلنن، سرحدلرینیزی آشین و دوشونون گوزلرینیزی باغلادیقدا؛ سیزده اولان فرقلیلییه بیر باخین. دیَیشمک سیزی یاخشیلیغا و گوزللییه آپاراجاقدیر. سیز ایسته‌میی بیلین، هر شئی سیزین الینیزده اولاجاقدیر. تکی اینسان اولسون اونون امرینه عمل ائدن. رمضان آیی تانرینین اوز آیی دیر..قرآن آیی دیر . بو آیا دئیللَر قرآن یازی . نئجه کی بو آیدا دیر کی قرآن نازل اولموش . بو آی دا تانرینین رحمت قاپلاری آچیلیر و هرکس کی مایوس اولسا اونون ارحم الراحمین قاپیسینا اوز گتیریر. بو آی باغیشلاماق و باغیشلانماق آیی دیر و قدر گئجَه سی بو آیین عزیز گولی دیر . قدر گئجه سیندا کی قرآن نازل اولموش خالقین بوتون گوناهلارین باغیشلاییر. خلقین تقدیری و سرنوشتی بیر ایل عرضینده یازیلیر .
بو گئجه نین قدرینی بیلمَه ک بیر بویوگ معامله دیر . خوش اونلار حالینا کی بو گئجَه نین قدرینی بیلیللَر اویاق قالیللار و تانری درگاهیننن عذر ایستللر . تانری دان اومودوم وار، واروموزا رحمت یاقا و واریمیزین گوناهلاریمیزی باغیشلایا و بلمیزه بیر صحت و سلامت وئرَه و عمروموزی عزتینن اوزالدا .
تاریدان ایسته ییره م مریض لَرَه سلامت رختی گِیدیرَه و مسلمانلارا هریئردَه کی واردیلار و ظلم اولیر بئلَه لَرینه اوز بویوک لیگینه ظلم آغاجینی باشلاریندان گوتوره مخصوصا اویغور تورک لری چین ده کی بو گونلَر اولوم له ال ایاقدا دیلار.گونده لیک کتک آلتیندا جان وئریرلر . تانری دان ایسته ییره م ظلم آغاجینی ریشه دَن قوررودا … قدر گئجَه سیندَه بیربیرَه داها ائدَگ .غسل ائتمک. غسل ائدرکن بئله نیّت ائتمه‌لی‌دیر: “احیا گئجه‌سی‌نین غسلونو ائدیرم قربتا الی الله”. بو غسلون بویوک ثوابی واردیر.
سحره قدر اویاق قالیب عبادتله مشغول اولماق. سحره قدر اویاق قالیب عبادتله مشغول اولماغین معناسی بودور کی، انسان دئییر: “ایلاهی، سن بو گئجه منه قرآن نازل ائدیرسن و من‌ده بو گئجه سحره قدر اویاق قالیب اونو قارشیلاییرام.”
مسجده گئتمک. مسجده گئتمگین معناسی بودور کی، انسان اوز مقصدینی تعیین ائدیر. یعنی: “ائی الله‌یم، بو گئجه من فساد و پوزغونلوق اولان یئرلره گئده بیلردیم. لاکن من سنین راضی‌لیغینی قازانماق اوچون سنین ائوینه گلمیشم و گله‌جک خوشبختلیگیمی معین‌لشدیریرم.”
قدر گئجه‌سی‌نین نمازی، قدر گئجه‌سینده قیلینان نمازین بویوک شرافتی واردیر. قدر گئجه‌سی‌نین نامازی شام و خیفتن نامازلاری ایله صبح نامازی آراسین‌داکی واختدا قیلینیر. قدر گئجه‌سی‌نین نمازی‌نین قایداسی بئله‌دیر: نیت: “قدر گئجه‌سی‌نین نمازینی قیلیرام قربتاً الی الله”. صبح نمازی کیمی ایکی رکعتلی‌دیر. لاکن هر حمد سوره‌سین‌دن سونرا ۷ دفعه مبا‌رک “اخلاص” سوره‌سی اوخونما‌لی‌دیر. نمازی قورتاردیقدان سونرا آلینی سجده‌یه قویا‌راق یئتمیش دفعه “استغفرالله و اتوب الیه” دئییلیر.
امام صادق (ع) بویورور: “هر کس بو نمازی قیلدیقدان سونرا سجده‌یه گئدیب یئتمیش دفعه ” استغفرالله و اتوب الیه” دئیرسه، سجده‌دن قالخمامیش الله تعالا اونون اوزونون و آتا- آناسی‌نین گناهلارینی باغیشلایار.”
قرآنی باشا قویوب الله تعالا ، پیغمبرین و اماملارین آدلارینا آند وئرمکله الله تعالا گناه‌لاری‌نین باغیشلانماسینی، دنیا و آخرت ایستکلرینی بیلدیرمک. بو عملین معناسی الله تعالا انسان اوچون گوندردیگی کتابی باشی اوسته قورویوب ساخلاماق دئمکدیر. یعنی: “ائی الله‌یم، سن منه حرمت ائدیب کتاب گوندریرسن، من‌ده اونو اوزوم اوچون رهبر و یول گورسه‌دن تعیین ائدیر و اونو همیشه باشیم اوستونده قورویوب ساخلایاجاغام”.
حضرت پیغمبر (ص) بویورور: “هر کس قرآنی اوزونه رهبر ائتسه، قرآن اونو جنته آپارار. هر کس قرآنی آرخادا قویسا و اونو اوزونه رهبر ائتمه‌سه، قرآن اونو جهنمه طرف یونلدر.” (یعنی، هر کیم قرآنی اوخویوب اونا عمل ائدرسه و اونا تابع اولارسا، قرآن اونو جنته آپاریب چیخارار. لاکن قرآنا تابع اولمایان شخص، قرآن اوخوماغینا باخمایا‌راق، جهنمه واصل اولار.)
قرآنی باشا قویوب الله تعالا و ۱۴ معصوما آند وئرمگین معناسی بودور کی، “ائی الله‌یم، من سنه و سنین ان ایستکلی بنده‌لرینه آند وئریب توبه ائدیرم و سندن اوز ایستک و احتیاجلاریمی دیله‌ییرم.
بو فورصتدن لاییقینجه ایستیفاده ائدک!الله بیزی شکیل و فورمادان باشقا هئچ بیر شئی دیَیشمه‌ین عبادتلردن قوروسون!
عبادتلر اخلاقیمیزی، نفسلریمیزی، فیکیر و دوشونجه‌لریمیزی، حالیمیزی و وضعیتیمیز، عمل و رفتارلاریمیزی موسبته دوغرو دیَیشدیرسین!الله بیزه ائله بیر عبادت نصیب ائتسین کی، اونون حقیقی حیکمت و مقصدلرینه نایل اولا بیلک!
آمین!یا رب!