بایرام کیمی چاغیریر

اکبرسعادت
آنا دیلیمیز:جنت گورکملی اولکه یه آغیر بیر سکوت چوکوب. قارین آلتیندان باش داشی لار گویرمکده دیر. قبیرلرین اوستوندن اوتلار اوتانجاق- اوتانجاق بویلانماقدادیر. یاسلی آنالارین دالغین باخیشلاریندا کده ر قایناشیر.
او خاطیره یاتاغی اولان داخمالارین یئرینده دوشوب قالان چوروموش دیرک لر، اوست اوسته قالانمیش تورپاقلار، داشلار، کسه ک لر کوچه لرین پوزولموش گورکمی یایداکی آغیر زلزله فاجیعه سینی خاطیرلادیر
وعده یئلین اسدیـیینی گوره بیلمه¬سم ده اونون ائتگی¬لرین شهرده گورمک اولاردی گورنلر دئییردیلر یئل آغاج¬لاری یئریندن چیخاردیردی. یئلدن سونرا هاوا قیزمیش ایمیش. هاوانین قیزماغی سوبالارین سوندورولمه¬سینه سبب اولموشدو. قاپ-باجا دا آچیلمیش دی هاوانین قیزقینلیغی دا کئچمیش¬دی، هاوا سویوق¬لاشمیش¬دی.
گون اورتایا بیر ایکی ساعات قالاندان صاباح سحره دک نارین قار یاغدی، بیر دیللی قارین یاغماغی هر یئری آغ گئییندیریب بایرام هاواسی نی قیش هاواسینا دَییش¬دیردی.
ارکن گول آچمیش آغاج¬لاری سویوق یاندیردی، قار، بویلانمیش آرپا بوغدالاری دا یئره سردی. هاوانین تئز قیزماغی آغاج-لاری آلداتمیش دی، آلدانانلار دا پای¬لارینی آلدیلار. دوزون سوروشسان ائله بیز ده آلدانمیشدیق اؤزوموزله ایستی پالتار گوتورمه¬میشدیک.
قارلی سویوغا باخمایاراق بایرام قاپی¬لاری دویوب اوره¬کلره یئرله¬شیردی. هر کس اوز دورومونا باخاراق بایرامی قارشیلاییردی. کئچمیشده بایرام گلدیکده هر ائوده یومورتا بویاناردی، ایندی ده هر کس اوز ایسته¬دیـیی، یادا یوخ یایین جاهازلاریندان آلدیق¬لاری کیمی حاضیرلیق ائدیردی.
ایندیکی زامان¬لارین ایلگی¬لنمه آلتلرین چئشیتلی اولدوغونا گوره، دب¬لر ده چئشیتلی¬لنیب.
هر کسین بیر جئب تیلفونو وار، ایسته¬دیـیی آداملارا سوز-ساوونو یوللویور. چوخ آدام دوزور گلن مئساژلاری یوللویور، نئجه چیخدیغی دا وئجینه دئییل. بازاری آددیملادیق¬دا بایرام سوفراسینا حاضیرلیق هر بیر شئی دن چوخ گوزه چارپیردی. ایکی جانلی نین سوفرادا اولدوغو بازاری دا جانلاندیرمیش دی. سوت¬امر گویرتی¬لرله یئنی یئتمه بالیق¬لار قیزاران بازاری یاشیللاتمیش¬دیلار. باهارین نفسی اونلاردا چوخ دویولوردو. برکتلرین یئددیسین بیر مئساژ کیمی یاخشی بایراملیق اولا بیلردی کی اولدو.
بایرام آخشامی یومورتالاری بویویوب یازماق¬لا یئنی ایلین قارشیسی¬نا گئتدیک. ۳۰- قیرخ بویانمیش یومورتالاری یازماق یاخشی آنلاری هیزلی سووشدوروب، ایلین دونمه¬یینی ده سووشدوردو.
سولارین فیشارینین آزالماسی چوخلارینی حامامدا ساخلامیش¬دی. تئلفونلار دا ایکی-اوچ ساعات قاریم قاریشیق ایدی، هر کسی توتوردون توتموردو، دئیه¬سن هامی بیربیرین توتورموش تئلفونلار دا گیجه¬للندیک¬لریندن هئچ کیمه یول وئرمیردیلر.
بایرام گوروشلری باشلاندیغیندان ائولره گئت گللر آچیلدی، هر ائوی شوبه¬لمک ۱۰ دیقه چکیردی، الیمیزی ووردوق¬دا بیر شیرنی، مئیوه چای هئچ اولماسا ایکی-اوچ دنه آجیل آغیزدان ایچری گئدیردی. نه اولوردو
ایکی-اوچ ائوی شوبه¬له¬مه¬میش قارینلار قاریشیردیلار، زَفتین آلانلار دا بایرام چیخمامیش یا دونیالارین دَییشمه¬لی¬دیلر، یا دا قارین¬لارین دیش¬لرین، دامارلارینداکی قان¬لارین. دئیه سن هر کس آند ایچیب هر ائوه گیردیکده بیر شئی دادسین، آخی ایلده بیر دؤنه قوناق گئدیردی اونو دا بیر شئی دادماسایدیلار گور نه اولاردی!؟ بو آرا دا ناهار، شاما دا کی چاغیریلسایدین نه ائده بیلردین!؟
یازدیغیمیز یومورتالار بتر ماراق چکیردیلر، هر کس گلدیک¬ده ائله یازیلمیش یومورتالاردان بیرینی ساخلاماق اوچون گوتوروردو گوتوردوکده ده یومورتانین نئجه و نیـیه بویاماغیندان سوز گلیردی، برکتلرین یئددیسیندن سوز آچیلیردی داها دا ماراق¬لار چوخالیردی.
هر ائوده برکتلرین یئددیسین سوفرالارا نیـیه¬لیـیین بیلمه¬دن یئرلشدیریردیلر. آینا، بالیق گوی، یومورتا، آلما، پول، چورک هر ائوده اولوردو. چوخلاری تئلویزیوندان ائتگی¬لندیک¬لری اوچون قوندارما هفت¬سین ده بازاردان آلیردیلار سوفرالارینین یانینا قویوردولار ، نه اوچون قویدوق¬لارین دا سوروشدوق¬دا بیلمیردیلر.
اوشاق¬لارین گوزلرینده بایراملیق دیله¬یین گورمک اولوردو، من ده چالیشیردیم یادیمدان چیخماسین.منده اولان بو گونکو گوزلر یاش¬لانیب ایشیق¬لارین ایتیرسه¬لر ده اوشاق¬لیق هاواسیندان هله ده هاوالانیر لار. گله جک ده ده هاوالاناجاق¬لار، گوزلر تورپاغا دا گومولسه¬لر هاوالاناجاق¬لار بئله.معجز آذربایجانین قدرتلی و گورکملی طنز یازاری ایدی کی یوز نئچه ایل بوندان اول بوتون شعر لرینده او زامانین ایجتماعی وضعیندن و خالقین جهالتیندن تنقید ائدیب. خانلارین و پوللولارین ظولمو و یوخسول عائله لرین پیس وضعیتده یاشاییشلاری اونون شعرلرینین اساسی و اونملی موضوع سودور. او جامعه نین طبقه اختلافینی بو ایکی بیت ده کامیل حالدا شرح وئریب.
بو بیت لرده او زامانین جامعه سینی گوستریر کی ایکی طبقه دن تشکیل تاپیب دیر. بیر طرف خان لار، ملاک لار و تاجیرلر کی جامعه نین رفاه لی و پوللو و ظالیم اقلیت طبقه سی، او بیری طرف ده کی جامعه نین اکثریت یوخسول طبقه سی کی شاعیر اوزو بو طبقه نین نماینده سی دیر.
بایرام گونلری تامام گوزه لیگینن؛ یوخسول عائله لره بیر نیسگیللی زاماندیر و تاسف کی ایندی ایراندا بو طبقه اکثریت دیلر! معجز بو نیسگیلی، بو حسرتی و بو دردی اگر چه طنز صورتینده، آمما نه گوزل سویله ییبدیر! بیر حالدا کی بیز مونترالدا یاشایان ایرانلی لار، ایراندان اوزاق توشمک اوچون، بو دردین آجیسینی آنلیا بیلمیریک.
بئله بیر بایرام گونلرینده،یوخسول لارین آهی بیزه،اوره ک سیخینتی سی گئتیریر.
یادیمدان چیخمامیش دئییم چوخ یئری آختاردیم؛ ازیک قیزیل پالچیق، بزه¬نمیش ناخیشلی دووار آختاردیم تاپاندیم، سیز تاپساز منه یوللایین.
بایرام یولدادی،اگر بازارا چیخساز بونی کامل حس ائدرسیز چون،بایرامین خریدلری باشلائیب و جماعتی حرکته گتیریب، هرکس اوزونه و اوشاغینا تازا وسائل آلماخدادی و بو باهالیخدا کاسیب جماعت دن احوال بولن یوخدی.
ای کاش هامیمیزین بو مسائله یه خصوصا بو گونلرده دیقتیمیز اولسون .گلن گونلرینیز ده خئییرلی اولسون.