ایگید لرین سئر داشی
حاضیرلایان:اکبرسعادت
بس دی فلک داها چکمم نازییین
آغلاتمارام اوردگییین قازییین
گویلو خوش اولانا گؤندر سازییین
منیم گویلوم پریشاندی آغلارام
آنادیلیمیز:کاظیم خان بئی،مشهدی ریضا اوغلو ۱۲۸۰گونه ش ایلی اورمونون قوشچو کندینده دونیا یه گه لدی. قوشچو انزه ل محالینین ان موهوم که ندیدیر و ایندیلیک ده شهره چئوریلیب. خان گوزه ل سسه صاحبیدی کی آتاسیندان ایرثه آلمیشدی و آذربایجان آشیقلاریندان ساییلاردی.
بیرینجی دونیا ساواش لاری اسناسیندا ۱۳۲۵-۲۶ایلله رینده ایلک اونجه حاج ناظیم آقا ایله بیرلیک ده اونجه عوثمانلی اوردوسویلا کی کوردله ره یاردیم ادیب و اونلارین الین اهالینین قتل و تالانین دا آچیق قویموشلار چاتیشمایا گریر.
بو ساواش جامال آباد ، قوشچو و گلوان کندله رینده باش وریر.مارشیمون وان جیلولارینین باش چی سینین قه تلینده ن سونرا کی سالماسین کوهنه شهرینده سیمیتقو نون وسیله سیله باش توتدو و اورمو، سالماس شهرله رینده ارمنی و جیلو بیرلیک له رنین وسیله سیله بویوک بیر سوی قیریما تورک اهالینین علیهینه مونجر اولدو، کاظیم خان و توفنگ چیلری انزل ماحالینین اهالیسین قیرخلار قالاسینا ییغیب و دوشمانین قتلین دن ساخلاماغی باشاردی. دفعه له رجه ارمنی و جیلو بیرلیک له ری بو طبیعی یاریم آدا نی چنبره آلیب و توپ و آغیر سیلاح لارلا قوشاتماغا چالیشدیلار آمما ساواشی قازانا مادیلار.
کاظیم خان بیر داهی سرکرده و سرداریدی و بو داشین ایچینده توپ ، توفنگ و چشیتلی بومبالار اوز باشاراجیلیقیلا ایعمال ادیردی. عوثمانلی اتحاد اسلام اوردوسونو دیخالتیله ارمنی – جیلو بیرلیک له ری دارماداغین اولوب و اهالی حتمی اولومدن قورتولدولار. بو دفعه اونلارین گتدیین دن سونرا کورد اشقیاسی اونلارین یرینه گچیب و سیمیتقونون سرکردله لیگیله اورمو ، سالماس و گونی آذربایجانین توپراقلاری و اهالیسی بویوک بیر موصیبته دوچار اولدولار.
بو کز بیر داها اهالی و اونلارین قهرمان باشچیسی قیرخلار قالاسی ( کاظیم خان داشیندا ) ییغیلیب و دوشمانی گری پوسگوردولر.اقبال السلطنه اورمو والیسی اوز دیرایت سیزلیگیله کاظیم خانی سیمیتقویا تحویل ورر و بله لیکه او بویوک جنگاور سیمیتقونون اسیری اولور ، آمما بویوک بیر جسارت له دوشمانین الیندن قاچیر و سیلاح سیز و آج اوزونی چهریق قالاسیندان کاظیم خان داشینا یتیرر..
ریضاشاهین ظهوروندان سونرا و سیمیتقونون قتلیندن سونرا دولت بیرلیکلری بو قهرمان و میلی شخصیتی حصره توتوب و تسلیم اولمایا چالیشیرلار، آمما کاظیم خان ریضا شاهین ماهیتین تشخیص وره رک قیرخلار قالاسینا قاییدیب و تحصون ائدر. بیر گجه قالادان قاییقلار واسیطه سیله شرفخانا بندرینه گدیب و گجه دن ایستیفاده ائدرک سپهبد جهان بانی نی گجه یوخودا غافل گیر ادیب و اوز اوستون نیظامی ذکاسین گوستریر. آنجاق بیر اوزون موددت محاصیره و آجلیق و بیر چوخ چتینلیکدن سونرا ۱۳۴۲هجری قمری ایلینده سرلشکر امیر طهماسبی اوردوسو طرفیندن چنبره آلیندیغی زامان،اوزونون دوزتدیگی بومبانین پاتلاییشیلا بیر حادثه ده شهید اولور. کاظیم خان بیر قهرمان کیمی اولور و قیرخلار قالاسیندا دفن اولونور.
ایگیدلرین سئر داشی بلی،بوراسی کاظیم خان داشی دیر،ایگید لرین سئر داشی
دونن،بوگون،صاباح،هرآن قهرمانلار یولداشی. کاظیم خاندا بو قهرمانلاردان اولاراق آدی خالقی طرفیندن بو باشی بلالی ایگید پرور داشا، قالایا لایق گورونور.
»اورمیه تاریخینین« یازیچیسی، محمد تمدن، سیمیتقو فیتنه سینده اورمودان کوچوب کاظیم خان داشینا گئدرکن یازیر:«کاظیم خان داشی، گورمه لی منظره لردن ساییلان بیر قالادیر، بو داش گولون ان درین نقطه سینده قرار تاپیب و بیر ایستراتژیک مووقعیه مالیک دیر، کئچمیش ده آدی قیرخلار هابئله بیر قاپی آدلانیب…»محمد تمدن«، کیتابیندا، قالانی توصیف ائتمه دن اول، کاظیم خانا راجیع یازیر: کاظیم خان قوشچونون غیرتلی اینسانلاریندان بیری بو قالایا قوشچی، قره باغ، گوورچین قالا و…ایگید لرین بیر یئره توپلامقلا، اطراف کندلری هابئله داشا پناه گتیرنلری، سیمیتقونون قولدورلاری هوجوموندان قورویوب ساخلیر.چوخ آدلیم سندلی،اولان»اورمیه،عالم یاندیریجی محاریبه ده«کیتابینین، یازیچیسی »رحمت ال.. خان معتمدالوزاره« ده جیلولوق ایله سیمیتقولوق فاجیعه سینه توخوناراق اورمونون دهشتلی منظره لریندن بیریسینی بئله وصف ائدیر: »اورمی دان کاظیم خانین یاشادیقی قیرخلار داشینا ۱۰فرسخ بلکه ده چوخ یولدور،بو یولون کندلری بوتون لیکده اورمی کویشنینین ان آباد پارچالاریندان ساییلیردی،و نوفوس باخیمیندان کمال حدینده یدیر،آما ایندیلیکده بو یولون بویوندا کندلر بوتون داغیلیب و بوتون بو کندلرده بیر اینسان دا ساکین دئییل،یئرلی ساکین لر بوتون اولوب یادا قاچقین دوشوب لر، باغلار داغیلیب،اکین یئرلری تیکانلیق ایله قمیش لیق اولوب،بو وضعیتله برابروحشی حیوانلاراو جومله دن دونقوزلار بو یئرلرده مسکن سالیب« هر حالدا قونودان کنارا چیخمایاق، »محمد تمدن«، کاظیم خانا قوناق اولوب،قالانی یاخیندان گوروب بوتون دلیک دئشیین تانییاندان سونرا گؤردیک لرین بئله یازیر: قالایا گئدن یول ان عجایب لردن ساییلیر بللی دئییل بو داش یول اینسان الیله سالینیب یوخسا طبیعت الیله، یول یوخاریا ساری گئدیکجه انی آزالیر ونهایت۶ متره یئتیشیر،»تمدن«، گؤردوکلرینین داوامیندا یازیر: داشین اتکیندن یوخاری یا باخاندا ۲۰۰ مئتر اوندورلیگینده سال داش گورونور، عینی حالدا اوستن آشاغی یا باخاندادا یئنه بیر بوتون قایا گورونور کی دنیزین اوزوندن اوسته ساری قالخیب،بو قالانین دالانیندان آلتی مئتیرلیک بیر یولا راست گلدیک کی ۲۰۰ مئتیر اوزون لیکده دنیزه ساری گئدیب سانکی آرادا قیریلیب، کاظیم خانین امریله بو آرادا بیر کورپو سالینیب، بو کورپونو گؤتورمه ده قالانین یولو تمامیله باغلانیر.
»تمدن« هابئله قالانین یازی داشلارینا ایشاره ائدره ک یازیر: قالادا اسکی زامانلاردان قراوول لیک لار واریمیش، کاظیم خان اونلاری سهمانلییب، بو قراوول داشلارینین بیرینده کی آغ مرمر داشدان زینت تاپمیش دیر گوزل نسخ خطیله بو عیبارت یازیلمیش دیر»اظفر علی ال..السلطان الاعظم الحطاغ الحسین …«اورمیه تاریخینین یازیچیسی هابئله آرتیریر، قالادا چوخلو پارلاق آغ مرمرایله قبیرداشلاری گورونوردی کی اوزلری گوزل خط ایله قازیلمیشدی، سونرالار ۱۳۴۹ جی ایلده بو داشلاردان یادداشت گوتوروب عکس سالماق اوچون گئده نده هئچ بیری سین گوره نمه دیم، کند اهالیسینین دئدیگینه گوره اجنوی اولکه لردن گلیب آپارمیش دیلار،البته داشلاردان بیرین سویا دوشوب دئییب، یئرین گورسدیردیلر»تمدن«ایدامه ده قالا دا بویوک بیر قویودان سوز آچیر و کاظیم خانین تیکدیقی بینایا راجیع یازیر:
نوشته شده توسط admin در دوشنبه, ۲۲ دی ۱۳۹۳ ساعت ۶:۲۸ ق.ظ
