اسلامدا فالچیلیک
کؤچوروب، حاضرلایان: احمد اسدی
مسلمان جمعیت‌لری فال و سِِحر کیمی موضوعلاردا اجنبی مدنیت‌لرین و اینانج‌لارین تأثیری آلتینا دوشموش، بو حاللار گئت-گئده آرتمیشدیر. شبهه‌سیز کی، بورادا انسانین گیزلی اولانا، بیلینمه‌ینه قارشی حس ائتدیگی ماراغین و گله‌جکده اؤزو و اطرافی حاقیندا بیلینمه‌ینلری بیلمک ایستگی‌نین بؤیوک رولو واردیر.
بئله ایشلرله مشغول اولان انسانلارین اطرافیندا علم آدام‌لاری‌نین و جمعیتده معین سویه‌یه گلن‌لرین اولماسی چوخ ماراقلی‌دیر. دولایی‌سی ایله بئله حادثه‌لر بیلیگین آزلیغیندان دگیل حقیقی دینی معلومات و دوشونجه آزلیغیندان ایره‌لی گلیر. بونلاری اؤیرنمه¬یین یولو ایسه اسلام دینی‌نین اؤیره¬نیلمه‌سی و اؤیره-دیلمه‌سی‌دیر.
اسلامدا غیب عقل و حس‌لر واسطه‌سیله بیلینمه‌ین وارلیق عالمی کیمی گؤستریلیر. مطلق غیبی بیلمک ایسه یالنیز آللاها مخصوصدور. اوندان باشقاسی غیبی بیلمه¬دیگی کیمی حضرت پیغمبر (ص) ده غیبی یالنیز آللاهین بیلدیرمه‌سیله بیلمیشدیر.
ملک‌لرین بیلیب انسانلارین بیلمه¬دیگی انسانلاردان بیری‌نین بیلیب دیگرلری‌نین بیلمه¬دیگی مسئله‌لر کیمی نسبی غیب عالمی ایسه آللاهین اذنی ایله انسانلار طرفیندن بیلینیر. غیب عالمیندن خبر وئرن انسانلار حاقیندا حدیثلره آغیر و خبردار ائدیجی ایفاده‌لر ایشله¬دیلیر.
گله‌جک حاقیندا اؤیره¬نمک، بخت و قسمتی بیلمک مقصدیله کارت، قهوه فینجانی و نوخوددان استفاده ائده‌رک، عینی زاماندا اوووجا باخا‌راق گلجه¬گی بیلدیرمگه فال، همین ایشلرله مشغول اولانا فالچی، کاهن و یا مئدیوم (گویا روح‌لارلا علاقه یارا‌دان) دئییلیر. اسلام دینینده جاهلیه عادت‌لریندن حساب ائدیلن فال اوخلاری ایله قسمت آختارماق قاداغان ائدیلمیش (»مائده« سوره‌سی، ۵/۳)، کاهن‌لیک و فالچیلیغین بوتون نؤعلری حرام بویورولموشدور.
بعضی حدیثلر معین دلیل‌لره اساسلانا‌راق مثبت شرحلرین اویغون قبول ائدیلمه‌سینه باخمایا‌راق اومودسوزلوق و اوغورسوزلوق حس‌لرینه قاپیلماق دوغرو حساب ائدیلمه¬میش‌دیر. عقل و اراده‌سی‌نین کؤمکی ایله انسانی بو سبب‌لره باغلی اولماقدان اوزاقلاشدیران بئله آنلاییش‌لار اسلام دینینه ضددیر. بونلاری کنارلاشدیران فال و فالچی‌لیق – دوز فالی، قهوه فالی، قورغوشون اریتمک، اوووج فالی، قورآن و کتاب فالی دینیمیز طرفیندن قاداغان ائدیلمیش‌دیر.
فالین نؤعلرین‌دن بیری ده اولدوز و بورج فال‌لاری‌دیر. اسلامدا آسترونومیا علمینه اهمیت وئریلمیش، لاکن سما جسم‌لری‌نین حرکتلرینه باخا‌راق بونلاردان دونیا‌داکی حادثه‌لرین و انسانلارین گلجه¬گی ایله باغلی نتیجه‌لر چیخارماقلا مشغول اولان نجوم ایسه مثبت یاناشیلمامیشدیر. چونکو اولدوز و بورج فالی هم اسلام دینی‌نین توحید اینانجینا، هم ده “مطلق غیبی یالنیز آللاه بیلیر” کیمی اساس پرینسیپه ضددیر.
اسلام دینینده سونرا‌دان اولا‌جاق حادثه‌لر حاقیندا “خبر وئرمک” معناسیندا اولان کهانت ده همین سبب‌لرله قاداغان ائدیلیر، بونو ائدن انسانلار (کاهن‌لر) و اونلارین دئدیکلرینه اینانان‌لار حاقیندا جنته گیرمه¬مک۵ و عبادت‌لرین ثوابینی قازانماماق کیمی آغیر و قینانان ایفاده‌لر ایشله¬دیلیر.جیندارلیق دا غیبدن خبر وئرمه¬یین بیر نؤعودور. جین انسانین حس اورقان‌لاری ایله بیلینمه‌ین، شعور و ایراده‌یه صاحب اولان، ایلاهی امرلرله حرکت ائدن وارلیقدیر. انسانلار کیمی آللاها عبادت ائتمک اوچون یارادیلان جین‌لر انسان‌لارلا مقایسه‌ده فرقلی خصوصیت‌لره مالک اولسا‌لار دا، غیب عالمینی بیلمیرلر.
حدیثلرده ده جین‌لرله باغلی تفسیلات‌لی معلومات وئریلمیر. بیلمک لازم‌دیر کی، جین‌لر حاقیندا آیه و حدیثلرده بیلدیریلنلر خارجینده¬کی معلومات‌لار قدیم ایران، تورک و هند مدنیت‌لریندن کئچمیش‌دیر.
مؤمن آللاهین اجازه‌سی اولما‌دان جین ده داخل اولماقلا، هئچ بیر وارلیغین ضرر وئره بیلمه¬یجگینه اینانما‌لی، جین و دیگر وارلیقلاردان گلمه احتیمالی اولان ضررلردن آللاها سیغینما‌لی قورآن اوخوما‌لی، اسلاما تام عمل ائتمه‌لی‌دیر. بئله کی، حضرت پیغمبریمیز (ص) جین‌لرین انسانا تأثیرینه قارشی »آیه الکرسی«نی و »معاوضتین« آدلانان »فلق« و »ناس« سوره‌لرینی اوخوماقلا بو مسئله‌ده انسان‌لارا نمونه گؤسترمیش‌دیر.
دیلیمیزده باشدا سِحر، گؤزمونجوغو (دعا کیمی شئی‌لر) تاخماق و جیندارلیق کیمی مادی-معنوی واسطه‌لردن منفی یؤنده استفاده ائده‌رک بعضی مقصدلری حیاتا کئچیرمک سیی اولا‌راق قیمتلندیریلن سِحر، عرب دیلینده ایسه “سحر” سؤزو ایله ایفاده ائدیلیر. سِحر ایسه ماگیا و حیله یولو ایله انسانلاری تأثیره سالا‌راق طبیعت قانونلارینا ضد حادثه‌لر گؤسترمگه چالیشماق و انسانلاری آلداتماق صنعتی کیمی بیلدیریلیر. قورآندا پیغمبره گؤندریلن وحیین حاق اولدوغو سِحرله هئچ بیر علاقه‌سی‌نین اولمادیغی پیغمبرلرین ده سِحرباز حساب ائدیلمه¬یجگی بیلدیریلمیش، سحربازلارین یالانچی اولدوقلاری قید ائدیلمیش‌دیر.
سِحر یئددی بؤیوک گوناهدان بیری‌دیر.
سِحرین حقیقی اولماسی و تأثیر درجه‌سی ایله باغلی مذاکره‌لر بیر کنارا، اسلام عالم‌لری‌نین فکرینجه، آللاهین دیلمه‌سی خارجینده بو هئچ کیمه ضرر وئره بیلمز. مسلمانین سِحرله مشغول اولماسی و یا سِحر ائتدیرمه‌سی حرام‌دیر. سِحرین تأثیریندن خلاص اولماق اوچون آللاها سیغینماق، عبادت و دعا ائتمک، یوخسوللارا صدقه وئرمک لازیمدیر.
نوشته شده توسط admin در سه شنبه, ۱۵ بهمن ۱۳۹۲ ساعت ۵:۵۸ ق.ظ
