آچار

میترا داور
سون بولوم
آنادیلیمیز: ائله بئله سینه کی فرشین اوستونده آیاق قابی لاقدم ویریردی دئدی : البته نقشه سی چوخ گؤزل دی .
من ایندی یه جان هئچ فرشین اوستونده بیر قادین سیماسینی گؤرمه میشه م کی .
قیفیل ساز کیشی کی صندلین اوستونده اوتوروموشدو سانکی ایل لر ایدی کی منی تانی ییری . نییه مندن بوقدر سورغو سوآل ائدیردی و بوکی او ائده بیلردی منیم آچاریمدان بیرینده اؤزونه دوزلده .
دئدیم : نئچه اولدو ؟
– قابیلی یوخدو . فقط اگر بیر چای وئرسن .
سونرا قاه قاه گولدی . بنزیردی او کیشی یه کی کئچن هفته گیزلیجه بیزیم آپارتمانین پیلّه لریندن یوخاری چیخیردی . چرشنبه سوری گئجه سیدی . قونشو لار بیر اود یاندیرمیشدیلار گل گؤره سن . الکتریک لر ده کسیک ایدی . بیلردیم کی اوغورلوقلارین چوخو ائله بو گئجه لر اولار . تکجه بیر لحظه ائشی یه چیخماغیم گؤره ر دی . قارانلیق دا کیم کیمه ایدی … هر حالدا آشاغی گئتمه دیم .
ایکی قاشیقی بیر بیرینه چالیب دئییردی : نه یین واردی تؤکه سن منیم تورباما ؟
اونو ندا باخیشی ائله فرشه تیکیلمیشدی .
دئدی : دوغرودان هئش فیکیرلش می سن کی بیری ایشین گوجون بوراحت لیق دا نییه بوراخایر کی گله مثلن بیری نین ایشین …
دئدیم : ایشین بودوردا ائله ، همده کی اؤزون ایصرار ائتدین .
– ایشیم آچار قیفیل ساتماق دی . بوراحاتلیق دا کی دوشمه رم کوچه باجایا .
– زحمت چکیب سن . نئچه اولدو .
– هله منی آنلاماییب سان . بیله مه یاخشی باخگینا . شاید یادان گله ! البته سنده یانلیش بیر ایش گؤروب سن .!
بیلیرسن آدام گرک قاپیسینی غریبه بیر کیشی نین اوزونه آچمایا . البته من غریبه دئییلم ها ! یاخشی کی باخسان منی خاطیرلارسان.
اوزونه باخیب تومدوم .دئدی : یادان گلمه دی؟
دئدیم : کیشی لر هامیسی بیر بیرینه اوخشورلار.
دئدی : دوغرودان ؟دئدیم : نئچه اولدی ؟
– قابیلی یوخدی . .. دوغرودان ! او پاس کسمیش قیفیلی نان آچاری نئنیردین ؟
– بئله سینه ائله گؤزوم دوشدو .
– بئله سینه ائله ! بیلیرسن او آچار نئچه یه دَیَر ؟ او بیرخزینه نین آچاری دیر کی ایرانین بؤیوک فرش لریندن بیری اوردادی . .. من بو فرشی آلیرام .
– ساتمیرام .– نئچه ؟– ساتمیرام .
– دئمه دین نه جور فرشین نقشه سینی چیخاردیب سان ؟ دئمک کی بو ایپلیک دن چیخمیش فرشین اوقدر ده ارزیشی یوخدی کی اوننان اؤتور قورخاسان ، آما من آلیرام .
– ساتان دئییله م . نئچه اولدی ؟
– منیم قوناغیم اول !
آیاق قابیمی قویدوم قاپی نین آراسینا کی قاپی کیپ لن مه یه . سونرا گئتدیم یاتاق اوتاغینا . نئچه دنه اسکناس کیفیم دن چیخاریب قویدوم میزین اوستونه . قاپی نین قاباغیندا دوروب دئدیم : هر نئچه ائله رگؤتور .
اوائله بایاقکی کیمی صندلین اوستونده اوتورموشدو . دئدی : دئمه دین فرشی نئچه یه ساتیرسان ؟دئدیم : آغا منیم ایشیم وار . تشریف آپارین یوخسا …
– نئیله یه بیلرسن کی ؟
بلوچیان جنابلارینین قاپی سینا زول سالدیم . شاید ایندی آپارتمانیندایْدی و قاپی نین گؤزوندن منه باخیردی . چیغیرسایدیم بس ایدی . چوخ واختلار دادتپمه میش ده یاردیمیما گلردی . دونن کی آچار قیفیل دا سیندی ، تئزراق چیخدی ائشی یه و سینیق آچاری چیخارتدی و سونرا او توربانان دولو آچارلاردان …
صندل دن دوردو آیاغا . قاپی نین آغزیندا قارشی قارشی یا
دوروب دئدی : فیکیرلرین ائله گینه . سونرا لار بیله ن باش ویررام .
دئدیم : یاخشی یوخولار گؤره سن !
دئدی : سونوندا بیرگون یولون قبیساتانلیقا دوشه جک کی !
آیاقی نین سسینی ائشیدیردیم کی اوزاقلاشیردی . قیفیل ساز کیشی نین آیاق ایزی فرشین اوستونده بللی ایدی . او ایپ لرین اوستونده کی ، ایپلیک لری چیخمیشدی .