گول و اونون اهمیتی
یازان:امین گنج پرور
طبیعت و اونون گؤزللیکلری هر زامان انسانا الهام قایناغی اولموش و انسانین گؤزل اثرلر یارادا بیله‌جگینه سبب اولموشدور.روگز Rutgersاونیوئرسیته‌سینین پروفسورلارینین آراشدیرمالاری گؤستریر: “طبیعت و گول سبب اولور انسان گونه چوخ جانلی بیر شکیلده باشلایا.”
دؤرد یئنی آراشدیرما:
۱-گول انسانین یاشاما مثبت یاناشماغینا یاشامدان راضیلیق الده ا‍‍‍‍ئتمگینه و یاشامین منفی حسیاتیندان اوزاقلاشماغینا سبب اولور.
۲-گول یولداشلیق و باریش سیمگه‌سیدیر. بیر بیره گول وئرمک ایله شادلیق و سئوینجیمیزی پایلاشیریق.
۳-البته هر رنگده گولون اؤزونه مخصوص معناسی واردیر، اؤرنگین:
قیرمیزی گول عشق و علاقه و قارا گول تسلیت و اوزونتو سیمگه‌سیدیر.
۴-گول یالنیز انسانین حسیاتیندا اثر قویمایاراق اونون اجتماعی یاشامینی دا ائتگیله‌ییر.
مختلف یئرلرده گولون اؤزونه خاص اؤنمی واردیر و هر اؤلکه‌نین اؤزونه مخصوص بیر گول سمبولو وار. اؤرنگین:
مکزیک: کاکتوس، هلند: لاله، اسپانیا: نار گولو ایران: قیرمیزی گول، یونان: بنؤوشه و آذربایجان: قرنفیل.
بونو دا بیلمه‌لی‌ییک هر گولون اؤزونه خاص معناسی واردیر. اؤرنگین:
یاسمن گولو: شادلیق، لاله:عشق و علاقه، باشاق(سونبول):غم و حسرت، خاشخاش: سوستلوق، ارکیده:۲۵۰۰۰ نوعدا هوس و طمع آغ رز ایله قیرمیزی رزون ترکیبی: قوتسال سئوگی مظهری، بوتون آچیلمیش رز: تعهد و سئوگی سیمگه‌سیدیر.
هر گوله خاص بیر آنلام وئرمکده ایلک ملت یونانلیلار اولموشدور.چین اؤلکه‌سینده گیلاس گولونون آنلامی دونیانین فانیلیگیدیر. البته گوللرین ساییسی دا چوخ یوکسک بیر اؤنم داشی‌ییر. اؤرنگین:۱ گول چلنگی: دگر و سئوگی ۳ گول چلنگی: سایقی و ۷ گول چلنگی: عشق و علاقه سیمگه‌سیدیر.گونئی آمریکانین دا کوتایی اونیوئرسیته‌سینین آراشدیریجیلارینین آراشدیرمالاری گؤستریر: هر کیمسه‌یه گول تحفه ائدیلسه ایستر-ایسته‌مز ۳ عکس‌العمل گؤسترر:۱-سایقی، گولوش۲-دوستلوق و صمیمیت۳-هیجان و بیر اؤزل سؤزآراشدیرمالار گؤستریر هر کیمسه‌یه گول وئریلسه ۵ ثانیه ایچینده اراده‌سیز بیر شکیلده بو ۳ عملی ائده‌جکدیر. بو گؤستریر گول انسانین بئینینده ده اثر قویور.
نوشته شده توسط admin در چهارشنبه, ۲۷ فروردین ۱۳۹۳ ساعت ۴:۱۸ ق.ظ
