چیلله آخشامی نییه قارپیز کسیرلر
بهروز ایمانی
آنادیلیمیز: روایته گؤره چوخ- چوخ بوندان قدیملرده ساوالان داغی اته یینده یئرلشن ، ساری قایا آدیندا بؤیوک بیر کند واریمیش.
بو کنده توپلاشان بیر نئچه طایفا همیشه بیر-بیرلری ایله مهربان،چوخدا صمیمی یاشارمیشلار. یوخاری قولولار ائلیندن اولانیاشار خان آدیندا بیرگنج ایگید داییما زور دئیه نلری ازیب،یوخسوللارین آرخاسیندا دایانار،یای –یازی،پاییز قیشی،آت چاپیب،اووچولوقلا مشغول اولارمیش. پاییزین سون گونلرینده،یاشار خان یولداشلاری ایله بیر گه شکارا چیخیرلار
بو آندا اونلارین قاباغینی آغ پالتارلی-قارا گؤزلو قورخونج بیرگؤرکم آلیر، ایگیدلره ده بئله دئییر:
بوندان سورا بو یئرلره آیاق باسمایین،چونکی داغ-دره نی،چؤل-تپه نی،قارا-شاختایا بورویوب، بوتون کند اهلینی ایسه سویوقدان اؤلدوره جه یم.
یاشار خان قیلینجین چکیب،اونو وورماق ایسته یینده،آتی بیردن بودرویوب،ییخیلیر.جانیینی سویوق-شاختا آلمادان یولداشلارینداگؤتوروب،کنده قاییدیر. گنج لر ائلجه بیله نین یانینا گئدیب،ماجرانی ائل آغ ساققالینا سؤله ییرلر. ائل آغ ساققالی نین مصلحتی ایلهبوتون کند اهلی توپلاشیب،بؤیوک چیلله دئییلن بو قورخونج تاپینتیدان اؤزلرینی قوروماق اوچون همین آخشام، دئمک پاییزین سون گئجه سینی شن لیکله کئچیرمک قرارینا گلیرلر. بئله لیکله سوفره لر بزه نیر، یای مئیوه لری اورتالیغا دو.زولور،اونلارین یانیندا قارپیزین خصوصی یئری اولور.قارپیز یای مئیوه سی هم ده سوقلوق-سرینلیک وئر ه ن مئیوه دیر. اونلار بئله بیر مراسیم قورماقلا چیلله یه آندیریرلار،بیز سندن هئچده قورخموروق، سویوغو لاپ جانیمیزادا چکیریک.ساولان ائللری قارپیزی کسیب،یاش-قورو مئیوه لر یئیندن سونرا، شن لیک ائدیرلر.بو عادت-عنعنه همین گونلردن بیر دب کیمی باشقا ائللریمیز آراسیندا دا یاشاییر، دونیانین بیر چوخ ملت لری طرفیندن ده منیمسه نیلیر.
بوگؤزل عادت-عنعنه روانی –فلسفی باخیمندادن دا چوخ دیرلی بیر وارلیقدی. بوکیمی مراسیم لر تکجه ایلنمک دئییل، هم ده یاشامین چتین لیکلرینه دؤزوب، دایانماق کیمی آنلاملاری دا آندیریر……
چیلله گلیر یوردوما
اوشاقلار ماهنی سؤله لر
نوشته شده توسط admin در چهارشنبه, ۲۹ آذر ۱۳۹۶ ساعت ۷:۰۳ ق.ظ
