موبارک اوروجلوق ارحمالراحمین آیی
حاضیرلایان:اکبرسعادت
آنا دیلیمیز:باش سوز، اوروجلوق آییندا،نفسلریمیز اونون سحر یئللریایله دویونلهنیب. ایفطار چاغلارینین موناجاتلارینین شوقی اورگیمیزده آخیر.اوروج اینسانا ایلاهی نعمتلرین دگرینی بیلمگی و اونلاری تقدیر ائتمگی اویردر. قناعتی اؤیرهدیر. بونلار سایهسینده اینسان اوجا اللها قارشی مسئولیتلرینی داها لاییق بیر شکیلده یئرینه یئتیرمه تلاشی ایچینه گیرر.
حضرت پیغمبرین بیر حدیثسینده الله هر عبادتین قارشیلیغیندا بیر دگر تعیین ائدرکن، اوروج عبادتینین قارشیلیغینی ساییلا بیلمهیهجک اولچوده توتموشدور. بو مزموندا بونو سویلمک مومکوندور کی، اوروج عبادتی بیر طرفی ایله بیرباشا روحا خیظاب ائدرکن، دیگر یانییلا اجتماعیدیر.
بیر یونو ایله بشر-الله مناسیبتلرینی بیرباشا ایلگیلندیریرکن، دیگر طرفدن بشری مناسیبتلرین اوست نقطهسینه تماس ائتمکدهدیر.بو گونکو آیا عایید اولان دعالار ادبیاتیمزدا ایل لر بویی یازیلیب و اوخونوب..آشاغیدا یازدیغیم دعالار بیر قیسمی دیر..اومودوم دار فایدالاناسیز..
ائی آللاه احسان و یاخشیلیق ائتمگی بو گونده منه سئودیر، و منده اَیریلیک و ایطاعتسیزلیکلره قارشی ایکراه یارات، غضب و آلوولانان اودو منه حرام, ائت یاردیم ائتمگینه خاطیر، ائی کؤمک ایستهینلرین دادینا چاتان!
ائی آللاه! منی بو آی اوز ریضایت مرزینه یاخینلاشدیر, و اوندا منی غضب و اینتیقامیندان اوزاق ساخلا, و منه توفیق وئر اوندا سنین آیهلرینی اوخویوم, سنین رحمتینله ائی رحم ائدنلرین رحم ائدنی
ائی آللاه منه اوندا هوش و آییقلیق عطا ائله, و منی سَفئه لیکدن و ضلالتدن اوزاق ساخلار و منیم اوچون بوتون خئیرلردن –کی اوندا اوز کریمینله ائندیرمیسن- قیسمت ائله, ائی کرم صاحیبلرینین کرم صاحیبی!
ائی آللاه سنین امرینی یئرینه یئتیرمک اوچون اوندا منی گوجلندیر, و اوندا ذیکرینین شیرینلیگینی منه دادیزدیر, و اوندا منی سنین کرمینه شوکر ائتمک اوچون حاضیرلا, و منی او گونده اؤز قوروماغینلا و ستارلیغینلا قورو, ائی گورنلرین گورنی !
ائی آللاه منی بوگون باغیشلانمیشلاردان قرار وئر, و منی بو گونده اوز ایطاعتکار و صالح بندهلریندن قرار وئر, و اوندا منی اوز مهربانلیغینلا یاخین دوستلاریندان قرار وئر, ائی مهربانلارین مهربانی
ائی آللاه منی بو گونده سنه عوصیان ائتمک اوچون اوز باشیما بوراخما, و منی جزا تازیانهسی ایله وورما, و بو گونده منی سنین غضبینه سبب اولانلاردان اوزاق ساخلا, احسان و سایسیز نعمتلرینین حقّینه, ائی ایستهینلرین ایستک لرینین سونو !
آللاهیم، منه بو گونون اوروجونو توتماغا و عبادت ائدهرک گئجهسینی اویاق قالماغا کومک ائت، و بو گونده اونون گوناه و بودرمهلردن اوزاقلاشدیر، سنی داواملی ذیکر ائتمگی منه قیسمت ائله، ایستدیگینی موفق ائتمگینه خاطیر ائی یولونو آزمیشلارین بلدچیسی ائی آللاه بو آیدا منه یئتیملره مهریبانچیلیغی، آجلارا طعام وئرمگی، سلامی آشکار ائتمگی و کرامت اهلی ایله اوتوروب-دورماغی نصیب ائله، عطالارینا خاطیر ائی آرزو ائدنلرین پناهی!
آللاهیم! بو گون گئنیش رحمتیندن منه پای وئر، و پارلاق بورهانلارینلا بیلهمه یول گوستر، منی آلیب دا ان قاپساملی موتلولوغونا گوتور، محبتینین حاققینا ای ماراقلیلارین آرزوسو.
ائی آللاه منی بو آیدا سنه توکول ائدنلردن ائت، و سنین یانیندا کاما چاتانلاردان و اوغور الده ائدنلردن ائت, و سنین درگاهینا یاخین اولانلاردان ائت، احسانینا خاطیر ائی آختارانلارین مقصدی!
ائی آللاه منی بو آیدا عئیبلری اورتمک و هر جور پیس ایشلردن چکینمکله زینتلندیر، منی احتیاج میقدارینا قانع اولماق و کیفایتلنمک لیباسینا بورو، عدالت و اینسافا وادار ائت، منی قورخدوغوم هر بیر شئیدن قورو و آماندا ساخلا، قوروماغینا خاطیر ائی قورخانلاری قورویان!
آللاهیم! بو گون منی یاخشی اینسانلارلا یولبیر اولماغا باشاریلی قیل و کؤتو اینسانلارین یانداشلیغیندان اوزاقلاشدیر و رحمتینله بیلهمه (ابدی) یئرلشیم ائوینده یئر وئر. تانریلیغینین حاققینا ای دونیالارین تانریسی.
آللاهیم! بو گون منی یاخشی ایشلره دوغرو آپار، گرکلریمه و آرزولاریما قوووشتور، ای آچیقلاماغا و سورماغا احتیاجی اولمایان، ای دونیاداکیلارین اورکلرینده اولانی بیلن، محمد (ص) و آری–دورو اهل بیتینه اسنلیکلر گوندر.
نوشته شده توسط admin در دوشنبه, ۰۱ تیر ۱۳۹۴ ساعت ۵:۳۳ ق.ظ