شاد یاشاماغین اصولی
حاضیرلایان:اکبرسعادت
یامان آغیر دردیمیش
آی گولوم سنی سئومک!
منی مندن آلارمیش
نه بیلیم سنی سئومک!
آنادیلیمیز:بو گونکو دونیانین ایلگی دونیاسی اولدوغو اوچون، ایلگیلهنن کیمسهلر گوندمده اوزلرینی سرگیلهدیکلری اوچون، ایلگیلنمهینلره سرگیلنمک ایمکانی وئرمیرلر. گوندهلیک، هفتهلیک، آیلیق قازئتهلردن توتوب دوشرگهلر، تئلویزیونلار، رادیو، سینمالار کیتابلار، میتینگلر، آچیق اوتوروم کونفئرانسلارا دک سرگیلنمک نسنهلرینی اولوشدورورلار. سرگیلنمک نسنهلهری ایله ایلگیلهننلر واقتلارینی بو ایلگیلنمهیه قویدوقدا، ایشلهدیکلهرینه واقت قالمیر. ایشلهینلر ده ایلگیلنمهیه واقت ائلهمیرلر. بیزیم ماراقلی دوروموموز بودور. دونیادا گئدن سرگیلنمکلردن بیزه پای قالسا، گوزه گلمز اولچو ده قالار. بو گوزه گلمهین پایدا دا سرگیلنمکلر ایله ایلگیلنمهینلهره بیر چیمدیکلیک ده پای قالمیر. سرگیلنمکلهره یول وئریلیب-وئریلمهدیـیینه باخمایاراق ایلگیده اولان کیمسهلهری ایزلهمهیه ایمکان واردیر. سرگیلهنن کیمسهلهری سرگیلنمکلریینین یئترلی اولوب-اولمادیغینی نظره آلمادان، سرگیلندیکلرینده اوزلرینه آز اولسا بئله، ایلگیلهننلهره چاتدیریرلار.یان یوورهمیزده بیرلری اولور، ایستهییریک اونلاری چوخلاری ایلا پایلاشاق…
هر زاد کیمی شاد یاشاماغیندا اوزونه مخصوص اصوللاری وار، اونلار اولمادان شادلیغا چاتماق اولماز. عالیملر شادلیق اوچون موختلیف تعریفلر دئییبلر. مثلا ارسطو دئییر: »عادی اینسانلار لذّتی شادلیق بیلیرلر، موفق اینسانلار دوزگون عملی شادلیقلا برابر بیلیرلر و عالیملر تفکورلی و آختاریشلی حیاتی شادلیغا موعادیل بیلیرلر«. جانلاک شادلیغین حیاتدا لذتلر ساییسینا باغلی اولدوغونو اینانیر. موعاصیر عالیم »مکگیل« ده شادلیغی ایرضا اولموش مئییللرین لذتلرینده بیلیر. برتراند راسل دئییر: »رغبت، شاد یاشاماغین لاپ عمومی علامتیدیر«.بعضیلریده همیشه گولماغی و دئییشمهسیز بیر حیاتی شادلیق بیلیرلر. آما شادلیقدان داها کامیل تعریف وئرمک اولار.شادلیق، شخصی حیاتدا قالارگی خوشبختلیک حیسی، اوزونه و آیریلارینا فایدالی اولماق و آرزولارا چاتماقدیر. بو تعریف چوخ ایدهآلا اوخشاسا دا اینسان الی چاتماز دئییل.
شاد یاشاماغین اصولو:
اوز دیرلرینی تانیماق
آیریلارین یاخشیلیقلارینین قدرینی بیلمک
بدنین تربیتی
آللاه نعمتلریندن لذت آلماق
اؤزوندن و آیریلاریندان شادلیق گوزلهمک
حیاتدان ایستگی بیلیب اونون یولوندا ایقدام ائتمک.
ایندیه قدر فیکیر وئرمیسیز کی یاخشی حیسیمیز اولاندا آیریلاریدا اولدن داها یاخشی نظره گلیرلر؟ آرخایین اولون دونیا بیزیم اینعیکاسیمیزدیر.بوتون دوشونجه و ایشلریمیزین نئجهلیگی اوزوموزه نئجه باخماغیمیزدان آسیلیدیر. تجروبهلر، موفقیتلر، اوغورسوزلوقلار و اوزوموز بارهده اولان فیکیرلر هامیسی اؤزوموزدن اولان ذهنیمیزدهکی تصویری یارادیر.
بونا گوره حیاتی نه قدر سئودیگیمیزی و دقیقا نه قدر موفق اولماغیمیزی ذهنیمزدهکی تصویریمیز تعیین ائلیر.همیشه گوزلهدیگیمیز شئیی جذب ائلیریک. دونیا اوزوموزو لاییق بیلدیگیمیز کیمی بیزیمله یاناشیر. اینسانین اوزوندن اولان ذهنیندهکی تصویری ترموستات کیمی عمل ائلیر و اونون داورانیشلاری بو تصویرین محدودهسینده حیاتا کئچیر. بو مسأله ناخوشلوق ساییلان تکبوردن فرقلیدیر. بونون معناسی اؤز سئورلیگین موثبت معناسیدیر. بو اوز سئورلیک بیزی اوزوموز و آیریلارین ایستکلرینه احتیرام قویماغا گوج وئرر. ائله کی بیز موفقیّتلریمیزین تعریف اولدوغوندا اوزوموزدن چیخماریق و ضعیف نوقطهلریمیزدن بدحال اولماییب اونلارین گوجلندیرمهسینه چالیشاریق. بو آیریلارین تعریفیندن تأثیر آلمادان اوز دَیَرلریمیزین قدرینی بیلمک معناسینداندیر.آیریلارین بیزیمله داورانیشلاری همن بیزیم اؤزوموزله اولان یاناشمامیزدیر. رابیطه قوردوغوموز اینسانلار، بیزیم اوزوموزه احتیرام قویوب قویمادیغیمیزی چوخ تئز تشخیص وئررلر. بیز اوزوموزه احتیرایم قویورساق اونلاردا بو ایشی گورهجکلر. چالیشمالیییق اوزوموزو احتیراما لاییق بیلک. غم حیسیمیزی آغلاماقلا گوستردیگیمیز کیمی شادلیغیمیزیدا گولر اوزلو اولماقلا گوسترمهلیییک. اینانمالیییق کی بیر زای آلما بیر قوتو ساغ آلمانی زای ائلر.
اینسان او زامان وجدانی راحت اولاجاق دیر کی خالقینا،اطرافیندا کی لارا محبت ائتسین.بیر نردبان کیمی خالقین دا یوخاریا آپارسین.بونو اویره شمه لییک کی بی تفاوت اولمویاق.اوز وطن داشلاریمیزا خور باخمایاق.
اگر بیر بیریمیزی سئوسه ک داها جامعه ده هئچ نیگرانچیلیق یوخدو…داها نزاع یوخدو…و اوندادیر کی دادگاهلاریمیز بوم بوش قالار و گونو گوندن آرتیق پیشرفتیمیز اولار.من بئله بیلیرم کی هامی میز بیر بیره اعتمادیمیز وار و سئویریک بوتون اینسانلاری…سئویب و سئویله جه ییک.من الله دان همیشه بویوک آرزیم بودور کی منه و خالقیما سئویب و سئویلمه نین دوز یولون گوسترسین.عشق و احتیراما لاییق اولدوغوموزو اینانمالیییق. ذهنیمیزده اولان تصویریمیز ساغلام اولامازسا شادلیغی رد ائلر. ذهنیمیزدن کئچن هر فیکیر بدنیمیزین شیمیایی ترکیبلرینه اثر قویار. موثبت اولارسا بیزی سئویندیرر منفی اولارسا غملندیرر.
رفتار اولگوسونو دگیشدیرمک .شاد یاشاماغین ایلک آددیمی، رفتار اولگوسونو دگیشدیرمکدیر. راحاتلیقلا اله گلمهسهده ایمکانسیز دئییل. حیاتیمیزین هر هانسی مرحلهسینده اولساق بئله، اونا ال تاپماغا ایمکان وار. همیشه اوزوموز بارهده موثبت دوشونمهلیییک.بوتون وارلیغیمیز، بو »آن«لاردیر. ذهنیمیزین دینجلیگی و شخصی موفقیّتیمیز، آنلاردان نئجه ایستیفاده ائلهمگیمزه باغلیدیر.
دونن نه اولوب و صاباح نه اولا بیلره باخمایاراق ایندیکی آندا یاشاماغیمیز موهیمدیر. »ایندی«ده یاشاماق اونو ائشیگه آتماق یئرینه اونو اورگه یاتیم ائلهمک معناسیندادیر.گولنده هر زاد جیسمیمیز و ذهنیمیزین نفعینه اولور. گولماق آغریلارا تسکینلیک وئرر. شادلیق هونری چتینلیکلره لاپ تئز زماندا گوله بیلمک گوجونه صاحیب اولماق معناسیندادیر. موشکوللره لاپ تئز گوله یبلن اینسان اومیدسیزلیگی داها تئز اؤزوندن اوزاقلادا بیلیب گولوش درمانیندان داها یاخشی ایستیفاده ائده بیلر. گولمک جیسمی ساغلاملادیب عؤمرو اوزون ائلر.
بونلاری دئمه دن سوز بودور کی،بیر میلت اوزوی هم ائلیه بیلر خوشبخت چیلییی اله گتیرسین و یا هم ده کی اوز جاهلیتینده قالسین و گونو گوندن یازیقلاشسین.نزاکت، کیبارلیق، ظریفلیک و یومشاق خاصیتلی اولماق اخلاقین نورمالارینین تظاهرودور. اینسان، اونا قارشی حیاتا کئچیریلن پیسلیگی بئله یاخشی بیر خیسلتله دف ائتمهلیدیر. الله تاالا بویورور: “یاخشیلیقلا پیسلیک عینی اولا بیلمز!دایماایسته د?ـ?م بـو اولـوب کـو، قوهوملوقـدا، دوسـتلوقدا، قلـم داش ل?قـدا، امکداشل?قدا ک?مسه ن?ن اوره یینه توخونمویام.بو دونیا اوره ک سیندیرماغا هئچ ارزشی یوخدور.کئشکه هیچ کس اوره ک سیندیرماسین..بیر کسین قلبین قیرماسین..الله دان آرزی ائده ک کی بیزه بئله بیر حیات وئرسین.بوجور کی عومرو باشا باش اینسانلارین اوره ک لرین اله گئتیره ک.هامینی اوزوموزدن راضی سالاق.
نوشته شده توسط admin در شنبه, ۱۸ دی ۱۳۹۵ ساعت ۶:۳۹ ق.ظ