تورک میللتی
حاضیر لایان:اکبرسعادت
ای فیض رسان عرب و تورک و عجم
من تورک زباندان التفات ائیله مه کم
آنا دیلیمیز: انسان بو گونکی شکلده بیردن بیره تاپیلمایب و یا یارانمایبدر ،بلکه یوز مینلر و شاید میلیونلارجا ایللر دولانیب، داغلار، قاره لر، یئرلر دگیشیب و انسان چوخ ایلک و ابتدائی حالیندان یواش یواش بو گونکی حالینا یئتیشیبدر.
انسانلارین بیر کوکدن ،بیر نقطه دن تاپیلدیغلاری بو گون داها قبول اولونماق دادیر، و بو نقطه و مرکز هر یئردن اول آسیادیر ، بونا گوره هیچ بیر اجداد یوخدور کی تورک و مغول اجدادیندان اونلاردا اثر اولماسین .
دوغرودر کی نئچه مین ایل میلاددان اول دنیانین هر یانیندا یئرتوتان و زمان زمان حکومت قیلان تورک و مغول ملتلری ،سو و هوا اثرینده اولکی قیافه لرین الدن وئریب و یا گئتدیکجه دیللری دگیشیب ، آنجاق بونلار ایله بئله بوتون دنیا تورکلرینین سویی بیردیر و بیر آز درین باخیمدا فورا تانینماقدادیر .
یاشایش وسیله سی قوزئی ( شمال ) چینده , آلتای داغلاری حوالیسیندا چاخماق داشیندان توره نیبدیر ( اود ) ون، قوزئی چینده تاپیلماغی و چاخماق کلمه سینسن تورکجه اولدوغو اوز اوزونه گوستریر کی بو ابتدائی وسیله نی یئنه ده تورکلر تاپیپلار و بو ( اود ) او گونه قدر باشقا بیر یاندا تاپیلمادیغی اوچون ، و تورکلرین الی ایله تاپیل دیغینا گوره اونلارین دنیا اوزونده ان بیرینجی تاپیلمیش انسان اولدوقلارین آید ینلاشدیریر ، و بونلارین باشقا ، نئچه مین ایللر بوندان اول ، بوتون آلاسکادا , سیبیرییه ده، چینده ، شمالی و جنوبی و اورتا آمریکادا و اوروپادا و روسیه نین شرقینده و جنوب شرقینده ، یئرلشن تورک ، تاتار ، مغول اجدادیندان قالان و تاپیلان تاریخی اثرلر و داش دوره سیندن چیخان میراثلار، اونلارین ان اول تاپیلمیش انسان اولدوغون گوستریر.
بونی آچیقلاماق لازم و گرکدر کی تورک فقط و حله او دگیل کی تورکجه دییرو تورکجه دانیشیر، بلکه حله چوخ ملتلر واردیرکی آیری دیلده دانیشدیغلاری حالدا یئنه ده تورک،و مغول اجدادینداندرلار، او جمله دن اوسترالیالیلار ،وولغالیلار، مجارلار، و ییئتناملیلار ،ایسقیمولا،ژاپونلولار , افغانلیلار و یوزلرجه بو جوره قوم و قبیله لر.بو گون دنیانین ، باشاباشیندا اوست اوسته اوچدن دورت میلیاردا یاخین جمعیت واردر کی ، بو جمعیتین یارسی تورک، مغول و تاتار اجدادینداندیر ،یئنه ده بونون یارسی چینده،مغولستاندا ؛ آسیانین شرقینده ، اورتاسیندا ،شمالیندا ، جنوب شرقینده و هابئله اوسترالیادا و آمریکادا .سئوئت ( شوروی ) اولکه لرینده آسیا قسمتلرینده اولان چوخلی تورک ، مغول ،تاتار اجدادی قیسساجا اولاراق بونلاردیر .
تورکلرین ان قدیم و یا اسگی بیر اولوس و یا ملیت اولدوقلارین بیلمک اوچون ، بوتون دنیانین هر یانیندا جوربه جور ملتلرین تاریخلریندن یوز لرجه دکرلی و قیمتلی خبر اله گتیرمک اولار ،بوخبرلرهر یئره ده و هر ملتین یانیندا باشقا بیر بویاقدا و آیری بیربیچیمده اولدوقلاری اوچون ،گرکدیر کی انسان ،تورکون جوربه جور آدلار ایله تانیندیغیندا بیلسین .
چونکی دنیانین هر یانیندا تورکه ، تورک دئمزلر ،بلکه بویوک تورک ، و مغول ملتلری دنیانین هر بیر ملتینین یانیندا ، بیر باشقا آد ایله تانین ماقدادرلار ، بئلئیکی چین تاریخ یازانلاری ، نئچه مین ایل میلاددان اول تورک ملتلرین چینده ( هیونگ یو – هیون – هون ) یازییلار ، اوروپادا و روسیه اوروپاسیندا چوخ زمان تاتار بیلیب و بوتون کتابلاریندا تاتار ذکر ائدیبلر ، ها بئله اوزاق آسیادا مغول و اورتا آسیادا و آفریقادا تورک یازیبلار.تورکلر، دنیاینین لاپ قدیم و اسگی ملتلریندندیرلر ، اورتا آسیانین غربی شمالیندا آرال گولی ایله خزر دنیزی آراسین آنا یورت ائتدیکلری زمانلار ،تاریخده اوز ارین آیدین گوسترمیشلر.
بورادا ، اوزلرینه اویغون و مخصوص ؛ گوزه ل و زنگین یاشایش و معاریف میدانا گتیریب و اوزون زمانلار یا شادیقدان سونرا ائل ائل، اولوس اولوس اورتا آسیانین هر یانینا یاییلمیشلار .
زمان زمان بو یئرلردنده آشاراق مخصوصا غربه طرف جوربه جور گوزه ل و بویللی یئر لرده ،یئنیدن یورتلار قوروب و توپلی توپلی ، و گوجلی گوجلی دولتلر و مدنیت لر قوروموشدولار .ایلک چاغدا ، اورتا چاغدا ، یئنی چاغدا ، دنیا اوزرینده بویوک روللاری و چوخلی ، اهمیتلری اولموشدر ،و ان قدیم تاریخلرین گوستردیگینه گوره ، عمومی بیر ،حالدا ( هون ) آدی ایله تانینمیشدلار .هونلارین ، ایچینده لاپ قدیم قبیله و لاپ مهم اولوس اولانی ( اوغوز ) لار ایمیشلر کی اورتا آسیانین ، شمال بولگه لرینده بویوک عائله و خاندانلار و دولت لر قورموشدولار .اوغوز لاردان قوپان ( اویغورلار ) آسیانین جنوب بولگه لرینده زنگین حاکمیت لر و مدنیتلر قورموشدولار .
قدیم اوغوزلارین ایچینده بویوک بیر قبیله وار ایمیش کی آدی ( تورک ) ایمیش و آسیانین شرقی جنوبوندا قدرتلی حکومت قورموشدولار کی سونرا لار بوتون آسیا دا اولان اوغوزلارین ، و اویغورلارین تمسیلچیسی و یا سنبولی اولموشدولار .اوغوز و ایغور آدلاری افاده اولوب و ایشلتمک ایله برابر، بوتون اورتا آسیا خلقلرینه تورک آدی وئریلمیشدر کی چینلیلر اونلارا ( توکیو ) دییرمیشلر و سونرالار تورکلردن قوپان جوربه جور قبیله لردن ان قولبودا قلیسی , سلجو قلو لار و عثمانلیلار ایدیلر کی بوتون اوروپادا ، آسیادا آفریقادا تورک آدی ایله تانینماقدا ایدیلر .
تمدن و حاکمیت نظریندن ، تورک دنیاسینی میلاد تاریخی، آلتنجی یوز ایله کیمی اوغوزلارا .
سگیزینجی یوز ایلین اورتالارینا کیمی تورکلره ، اون بیر ینجی یوز ایله کیمی اویغورلارا سنبول ائتمک اولابیلر .و یئنه ده، اوغوزلاردان سونرا گلن امپراطورلار، یعنی سلجوقلو لار ،و عثمانلیلار ، غزنویلر، خارزملر ، امیر تئیمورلار ، آق قویونلولار، قره قویونلولار ، صفویلر ، شیروانشاهلار ، جلایرلر ،افشارلار ،قاجارلار و بیر چوخ تورک ملت و امپراطورلاری ،عموما دنیا اوزرینده گوزه ل تورک آدی ایله تانینماقدادیرلار .و یئنه ده اوزاق آسیادا ، هون و تورک توره سیندن اولان بویوک چنگیزخان، و بویوک قازانخان ، شاهروخ، بورکی یاریق ، محمد خدابنده ( اولجایتو ) و ها بئله هندوستاندا ، اکبرشاه، جهانشاه عموما مغول کبیر آدی ایله تانینماقدا دیرلار ، آنجاق بوگون ، بوتون دنیا تورکلرینین ان بویوک تمثیلچیسی و تکجه مستقیل بیر تورک دولتی اولان تورکییه جمهوریتیدر .و سئوینج ایله گرک کی بوگون , ایکینجی تورک دولتی وجوده گلیب و بویوک الله دان دیلک ائتمه لییک کی اوچونجو سوده تئز گلسین.
نوشته شده توسط admin در دوشنبه, ۲۸ اردیبهشت ۱۳۹۴ ساعت ۵:۰۲ ق.ظ
یاشاسین