تانریدان سونرا هئچ کس یوخ ایدی
زهره وفایی
آنادیلیمیز:بیری وار ایدی بیری یوخ ایدی . تانریدان سونرا ، هئچ کس یوخ ایدی . درین بــیر مئشه ده ، بیر اودون سیندیران قوجا وار ایدی . اونون بیر ده قارىســی وار ایدی . آنـجاق بو قاری – قوجانین اوشاقلاری یوخ ایدی . اودونچو، هر گون سحر تئزدن آیــاغا قالـخیب ، بالتاسینی گــؤتوروب ، مئشه یه گئدیردی . گـون اورتایا چاتاندا ، قارىسـی اونون ناهار یئمه یینى بیر بوقچایا باغـلاییب ، مئشه یه آپاریردی . آخشام چـاغی اودونچو، ائوینه گلیب ، بیر تیکه چؤره ک یئییب یاتیردی . ایـللر وار ایدی بو قاری – قوجا بو سایاق یاشاییردیلار .
گونلرده بیر گون قاری ننه ائولرینین قــاباغیندا ایله شیب و نــوخودلاری آریدیردی . بـــیر ده یادینا دوشدو کی ائولادی یوخدور . اوره کدن بیــــر آه چکدی . آه ، نوخودلارین بیرینه توققوشدو . نــوخود یئریندن اوینادی . بــیر آن قاری گؤردو نوخــود قول – قیش – باش چیخارتدی و بیر بالاجا اوغــلان اوشاغی کیــمی قاری ننه نین برابرینده دایاندی . و دئدی : آی ننه نــه یه آه چکیرسن ؟ قاری اینانیب – اینانماز دئــدی : آی نوخود ! منیم ائـولادیم یوخدور ! نوخود گولوب و دئدی : آی ننه مــــنیم آدیم نوخود دئییل ! منــــیم آدیم بیستیلىدیر ! قالدی کی من بو گوندن سنه ائـولاد اولارام ! تــکجه سن آه چکمه !
قاری سئوینیب و تئزجه بیستیلىیه پالتار تیکیب و بیر ده بیر گــیرده کان قابیغینی بوشالـدیب و بیستیلىیه یاتاق یــئری تـیکدی . آمما بیستیلی یاتـماق ایسته میردی . تئز – تئز آناسیندان ســـؤزلر سوروشوردو . قاری اودونچونون ناهار یئمه یینى بوقچایا باغلاییب ، بیستیلىنی اووجــونا آلیب مئشه یــه گئتمک ایســته دی . بیستیلی سوردو : نه ریه گئدیریک آی ننه ؟ قاری دئــدی : سنین قاغانا ( آتا) یئمک آپاریریق . بیستیلی دئدی : ائیله سه وئر من آپاریم !
قاری گولوب دئـدی : آی اوغول بوقچایا گوجـون چاتارمـی ؟ بیستیلی ىنین اووجوندان یـئره آتیلیب و درحال بوقـچانی باشینا آلیب یولا دوشدو ! قـاری هویوخ – هویوخ اونا باخیردی !اودونچو بالتاسینی یئره قویوب قارىنین گلمه یینى گودوردو . بــیردن گؤردو یئمک بوقچاسـی اؤز اؤزونه آیــاق توتوب گلیری . بیر آز دیققـتله باخدی بـــیر کس گؤرمه دی . آنجاق بوقـچا گلیب اونا چاتدی . و بـیر آندا اونون آلتیندان بیر نوخود قده ری اوشاق چیخدی! ( سلام قاغا ! یورولما! ) دئدی !! و سونرا حال قضییه نی اودونـچویا دئیب و : قاغاجان !
بوندان بئله من سیزین اوغلونوزام ، داها سن و ننه م چالیشمایاجاقسیز ! مــن سیزین تامام ایشلریزی گؤره جه یم . اودونچو دوغروسو اینانمادی . آمـما بیستیلی بالتانی گؤتوروب بئش – اون آغاج قیراندان سونرا ، قوجا ایناندی کی بیستیلی دوغرو دئییبدیر. آمما دئدی : آی اوغــــول مــن بو گونه دک اودون سیندیرماقلا گئچینمیشه م سن گئت بــیر صنعت اؤیره ن و بیر یاخشــی صنعتکار اول !
آ نجاق تکجه آشاغی باشدا اولان شهره گئتمه !بیستیلی سوروشدو : آی قاغا ندن آشاغــــی باشدا اولان شهره گئتمه ییم ؟ آتا ( او شهرین بیر ظالــیم حاکیمی واردیر . او ، سنه لر بوندان اؤنجه منـیم اون پانابات پولومـــــو آلیب و قایتارماییبدیــر ، او اوزدن من بئله یوخسول قالمیشام . سن ده باشــــــقا شــهره گئت و صنعت اؤیره ن ) دئدی . بیستیلی آزجا فیکیرله شدی و دئدی : ایندی آخشام اولدو ، ائــــوه گئده ک !
ننه بــیزلری گؤزلـه ییر ! صاباح اولسون بو بــاره ده دانیشاریــق . آنجاق آتا – بالا ائوه گلیب او گئجه چــوخلو دئییب – دانیشیب و گــولدولر و نهایت یاتدیلار .سحر ایسه قاری سئوینجک آیاغا قـالخیب گیرده کان قابیغینا ســاری گئتدی تــا بیستیلىنی اویاتسین . آمما نـه گؤرسه یاخشىدیر ؟ بـعلی … بیستیلی یـــوخ ایدی . او گئتمیــشدی . قاری آغلاماغا باشلادی . اونون سسینه قوجـا یوخودان آییلدی .
حقیقت ماجرانـی بولدو . و سونرا قاریا دئدی : من بیله لی بیستیلی آشاغی شهره گئدیبدیر . او ، ظالیم حاکیــمه راست گلسه بیر ده ائوه قاییتماغی مومـکون دئییل ! یقین حاکیم اونو اؤلدوره جـــکدیر . او داها قایتمایاجــاقدیر . قاری بو سؤزلری ائشیدنده داهـا اوجادان آغلاییردی . آمــما نه فایدا داها بیستیلی گئتمیشدی ! دیگر طرفدن بیستیلی بیر بوخچا اؤزونه یئمک گؤتوروب مئــشه دن آشاغىیا گئتدی .. گئتدی … گئتدی و نهایت آشــــاغی شهره یئتدی . کوچــه لری بیر به بیر ســوووب حاکیمین سارایینا یــــاخینلاشدی . بــالاجا اولدوغونا گــؤره حاکیمین گودوکچولری اونــــــــــو گؤرمه دیلر . بیستیلی بیر – ایکی – اوچ د ئییــــــب سارایین ان اوجا دیوارینا آتیلدی ! بیر نـفس آ لیب و اوجــادان باغیرماغا باشــلادی : دده م دئدی بیستینی وئرسـبن ! آلتینی یئییب اوستونو وئرســیـن ! …دده م دئــدی بیستینی وئرسین ! آلتـــــینی یئییب اوستونو وئرسین !
. حاکیم اوتاغیندا ایله شیب و چوخلو یئمکلر دؤوره سینه ییغیب ، یـــئمه یه مشغول ایدی . بیردن بیره بــــــــو سسی ائشید یب ، آجیقلانیب و آیاغا قالخدی . گودوکچـــولرینه دئدی : تئز گئدین و بــــو دلی – دیوانه نی توتون و بورایـا گتیرین ! گـودوکچولر قاچیب ، بیر نردیــــــــوان گتیریب ، دیوارا چیـخیب و بیستیلىنـی توتوب حاکیمه ساری گتیردیلر . حاکیم باخــــدی بیر بالاجا نوخود بویوجا اوشاقدیر گولدو ! چوخلو گولدو ! سونرا دئــدی : بونو سارایین حیه طینده اولان بؤیوک سو گؤلونه آتین تا بوغولسون و بیز ده اونون بوغولماغینا گـــوله ک !! گودوکچولر بیستیلىنی سویا آتدیلار . بیستیلی بیر – ایکی – اوچ دئــــــدی ، آغزینی آچدی و گــــولون تامام سویون هوپوردوب ، قارنینا آلدی .
یئنه آتیلیب دیوار باشینا چــــــیخیب و باغــــــیردی : دده م دئدی بیستینی وئرسین !آلتینی ییئییب اوستونو وئرسین ! حاکیم غضبله نیب گودوکچــولره یئنه دئدی : اونو توتون ! چــــــوخلو اودون ییغین ! یاندیرین و اونــو اودون ایچینه سالین تا یانـــــــسین و بیز اونون یانماغینا گوله ک !! گودوکچولر تئزجه اودون ییــغیب ، اود یاندیریب و بیستیــــلىنین ال – آیاغینى باغلایــــیب ، اوزاقدان اودون ایچـینه آتدیلار . آمما اوشاقلار ! بیستیلىنین قــارنی سویلا دولموشدو . اونا گؤره ده بیر – ایکی – اوچ د ئییب ، قارنیندا اولان ســـــــویو اودون ایچینه پـوفله ییب و اود تامام ســوندو ! یئنه دیوار باشــینا آتیلیب و دئــــدی : دده م دئدی بیستینی وئرسین ! آلتینی یئییب اوستونو وئرسین ! حاکیم داها غئیظدن هلاک اولوردو . یئنه بــــویوردو بیستیلىنــی توتوب یانینا گتیرســینلر .
بیر آز فیکیرله شیب و دئـــــدی : آشپز باشىیا دئیین بیر یئکه قازان آش پیشیرسین و بو نوخـودو سالسین او قازاندا پیــشسین و سونرا گتیرین من اونو یئییم ! آشپزباشی بیر یئکه قازان آش قویدو و بیستـــیلىنین ال – آیاغینى باغـــلاییب و قازانا سالدی . بیر ساعات قاینایاندان سونرا آشی بیـر کاسایا چکیب و حاکیـمه گتیردی .
حاکــیمسه سئوینجک آشی ایچــیب و بیر راحات نفس آلار ! آمما اوشاقــلار بیستیلی یامان بــــیر اوشاق ایدی . بیر – ایکی – اوچ د ئییب حاکیمین قارنیندان بــیر تپیک ووروب و اونون قارنینى یــیرتیب و دیشارىیا چیـــخار !! یئنه دیوار باشینا آتیلـیب و دئیه ر : حاکیمین قــــارنی ییرتیلدی ، منـــیم یاخام قورتولدو ! … حاکیم داها آز قالسین آغلاییردی . یئنه گودوکچولـره دئیه ر اونو توتوب و یانینا گتیرسینلر . بــو دؤنه حاکیم دئیه ر : آی بـاش بلاسی ! منـدن نه ایستیرسن ؟ بیـستیلی دئیه ر : سن منــیم آتامدان اون پانابات پول آلیـــبسان? وئر گئدیم . حاکیم فیکیرله شر و اؤز اؤزونه دئیه ر : بو نوخود بویوجا اوشاق نه قده ر پول و جــواهیر گؤتوره بیلر ؟
یاخشىسی بودور دئییم اونو آپــاریب منیم خزینه مه سالسینلار سونرا حـاکیم گودوکچـولره دئیه ر : بو بیستیلىنی آپارین و منیم خزینه مــه سالین ، هر نه قده ر پـــول گؤتوره بیلسه گؤتورسون و ســونرا ساراىدان دیـــشارىیا بوراخین ! گودوکچولر بیستیلىنی گتیریب خــــزینه یه سالارلار . آمما … بیستیلی بیـــــر – ایکی – اوچ دئییب هر نه قیزیل – جـواهیر – میرواری … وار ایدی قارنینا آلار !
حاکیم بو ایشه مات قالار! آمما داها چاره سی یوخ ایدی . بیستیلىنـی بوراخار و بیـستیلی سئوینجک مئشه یه قاییدار قاری و قوجا اونو گؤرمکدن چــوخ خوش اولارلار . بیـسـتیلی سه اوددوغو خزینه نی اودونچونون ائوینه تـــؤکر و ایللرجه شاد یاشایارلار ! –سیزده خوش یاشایین عزیز اوشاقلار!
Arazazarbaijzn.anadilimiz@gmail.com
نوشته شده توسط admin در شنبه, ۱۸ فروردین ۱۳۹۷ ساعت ۷:۰۹ ق.ظ
