اورگیم او گونلری ایسته ییر
کوچوره ن:اکبرسعادت
آنادیلیمیز :خان نه نه مین ائوینه گئدنده جانیمی بیراوزل دویغو بورویو ائشیدمیشم دییرلر غریب دویغو، آما بورادا اوتورارکن بوتون ائشیکده کی زادلار دیرکی گوزومه اوزگه گلیر . آدامدا بئله بیر آنلام یارانیرکی ، سوواق عطیری یاکریملر سسی و گونشین گونئی دوین گولوشی یالنیز بو ائوین حیطینده یاییلیر .
من اوشاقلیغیمی بو ائوده کئچیردمیشم . بلکه بلکه کی یوخ حتما، بورانین لوطف ایله یاخشیلیغی او یاخشی ـ پیس آنیلارا گوره دیرکی بورادا منیم باشیما گلیبدیر و روحومدا و هر زادیمدا اثر قویوبدور . بو گون کونلوم ، او صاندیقچایا ساری کی خان نه نه م اوشاقلیق شئی ـ شویومو اونون ایچینه قویوبدور گئتمک ایسته ییر . اورگیم او گونلری ایسته ییر . مدرسه نی اویناماقلاری و چیرپیشمالاری . اسکی زامالارا قاییتماق شاید بو گون منه گرک دئییل.
( نئجه کی چوخلو آداملار قاییتمازلار و البت بونلارین قارشیندا بیر سیرادا واردیلارکی تانرینین هر آنین کئچمیش آنیلاریندا گزمکه کئچیردیرلر .) آما بیر تانیش گوج منی ایجبار ائدیر ، بیراوزل لوطف ایله ـ شیرینلیق بو ایشده آنلامیشام صاندیقچانین قیفیلین آچماقدان توت اویناتمالیلار ایله دفترلر و ایمتاحان ورقه لرین یئر اوزونده داغیتماقدان چیخ . بو ایشین شیرینلیقیندان باشقا آرادا آیری اونم ده واردیر .
هر ایمتاحان ورقه سین گوردوکجه فیکیرله نیرم ، اوجا بیر قیشقیرتیه بنزییرکی منی غیفلتین آغیر یوخوسوندان اویاتماق و سویوق سوسلوقدان قورتارماق ایسته ییر . باخ بونا بیرینجی کیلاسین حساب ورقه سیدیر . بیرینجی صحیفه سی : آنامین یازقیسی دیر ، منیم آدیم ایله سوی آدیم ، اول » ب « کیلاسی ، … مدرسه سی . مدرسه نین آدین دئمیرم ، همیشه تاپماجا قوشماقی سئوردیم . سونرا اوزونوز آدین حدس وورارسینیز . ایکینجی صحیفه : یالنیزنومره لر و اونلارین آرالاریندا اولان خطلر ، صحیفه نین آشاغیسیندا اولان بیر گوزل ۲۰ کی او زامان منی چوخ ماراقلاندیران ایدیر . اوچونجو صحیفه و بیر باشقا ۲۰ یالنیزسونونجو ورقه لرده ،ایکی اوچ نومره ۲۰ دن آز واریمدیرکی ایندی منه داها اوتانمالیدیر .
البت او زامان ائله آداملاردا وار ایدیلار ایلک صحیفه لرده بو نومره لردن آلمیشدیلار، ایندی اونلاردان هئچ خبریم یوخدور . ائله بیله سن کی زامانین محبت سیز کئچمه سینین قارشیندا داوام ائده بیلمه ییبلر . بو بیریسینه باخ ، بئشینجی کیلاسین اینشا دفتری دیر … نئچه دیقه سوسقون و قوروموش اونا باخاراق دفتری باغریما باسیب و گوزلریمدن ایختیارسیز یاش آخدی . او گونلرین آنیلاری بئینیمده دیریلدی ، او گونلرین اوشاق یانا خایاللاری .
بالا بالا دویغولاریم باش قالدیردی ، یئنه دفتری باغریما باسیب و بو دفعه چیگینلریم آغلاماق گوجوندن تیتیردی . دئیه بیلمیرم ، وای کی نه گونلر ایدی . او دوشونجه لرکی گئجه لر بئینیمده بئجردردیم ، پاک و ریاسیز معصومیتدن دولغون، البت خطالی و محدود .
نه دوشونجه لر صاحیبی ایدیم، نه اوشاق یانا و شیرین ، ایسه یالنیش بیر باخیش یاشاییشه گوره واریم ایدی . هر دن بیرده گورردین ، معصوملوق اوزوندن ائله بیر ایش گورردیم کی آتامین سیللیسی قولاقیمین دیبین قیزدیراردی و من ده اونون آغریسندان یوخ ، بلکه بونا گوره کی نییه آتام اورک پاکلیغیمی قبول ائتمه دن منی موقصیر ساییر ، آغلاردیم . بو آغلاماق شاید اوز ایشتیباهیما واقیف اولمادان ایدی . حتی ایندی ده بوندان بئله کی آرخایین بیلیرم کی ، او زامان یالنیشلیق مندن ایدی ، او پاک و داها پا ک اورک لنملریمین یادینا دوشرکن ، گوزلریمین بولاغیندان یاش ، آخار سولار تک آخیر .
یاخشی ، کئچک ، بو بیریسینه باخ ، ایملا ورقه سیدیر نمره سین دئمک دن اوتانیرام ، آما بیر دوغرودور ، اون بئش . من ورقه می گیزله دیب و یا اوستون باسدیرمادیم چون یالنیشلیق مندن دئییل دی . شاید او دورانین کئچیریلمه سی و بئله بیر قیشقیرتی لازیم ایدی تا من ایشیمده جیددی اولام . البت دئمیرم نومره لریم اوندان بری چوخ دوزلدی آما کئچدی . اونودمارام کی کیلاس بیرلریمدن نئچه سی بئله نومره لردن چوخ آلاردیلار ، آما کیتمان ائلردیلر . همیشه ورقه لرین گیزلتمکده چالیشاردیلار و اونلاری ایتیرردیلر . آما اونلاری ایتیررکن اوزلری زامانین دالغالی دنیزینده ایتیلدیلر ، و بو گون بوندان کی دئییم بو منیم کی دیر هئچ قورخوم یوخدور ،بوندان بئله کی :ایندی او یانلیشلیقلار گوزومه گولمه لی و آلچاق گلیرلر . آما بو ورقه لر او زامانا تعلوق اولان بیر شئی لردیلر و بو دوغرونو گوستریرلرکی من ده بیر گون ائله ایدیم و ایستر ایستمز ایندی کی وارلیغیم او زامان کی اوشاق یانا و یالنیشلیقلاریله وارلیغیمین منطیقی و آگاهلیق ایله داوامیدیر ـ بیر نئچه ایندی بیلمه هاساد اولان حساب و علوم سورغولاریندا اوشاق یانا یالنیشلیقلار ـ بونلاردان کئچرک بودا واردیرکی او ورقه لره قاییدیش و اونلارا باخماق منه یئنی بیر روحیه وئریرکی بوگونکو ایمتاحانلاری داها شیدیرغی کئچیردم . اصلاً بیلیرسینیز، من بوگون داها چالیشمادان و تانیش اولمادان دیرکی اوشاقلیق صاندیقچاما ساری گئدیرم .
بو گون ووجودو اولمایان بیر کس صاندیقچاسینا ساری گئدرمی ؟ و ها بئله او کیمسه کی اؤز اوشاقلیقین اونودسا ، اونا ایمتاحانین اونودماسی چتین دئییل . اونا مدرسه نین اولماغینی و ایمتاحانین آلینماسینی اونودماق چوخ راحاتدیر .
» دئمک بئله دیر کی هر کیمسه کئچمیشلرین اونودسا اوزون داها راحات اونودار . «
نوشته شده توسط admin در شنبه, ۲۲ آبان ۱۳۹۵ ساعت ۷:۳۱ ق.ظ
