کورنا، مدرسه و اوشاق‌لار
گونش امانی
آنادیلیمیز: عزیز اوشاق¬لار بو گون¬لر سیزین کیمی ایکی دانا نازلی بالا منیم¬له اورک سؤز¬لرینی پایلاشدیلار. اولارین دویغو-لاری چوخ ائشیتمه¬لی اولدوغو اوچون سیزین¬له پایلاشماق ایسته¬دیم. اگر سیزده ایستییرسیز بیری ایله دانیشاسیز و اوره¬ییزده اولان سؤز¬لری، بیری ایله پایلاشاسیز بؤیوک¬لردن ایستیین سؤز¬لریزی مونجوقدان بیزه گؤندرسین¬لر. منیم آدیم گونش دی. اونلارا دئسز سیزین سؤال¬لاریزی منه یازارلار، منده باشارسام اؤزوم سیزه جواب وئررم، باشارماسام، بیری¬لریندن سوروشوب، جوابیزی دئیه¬رم. همده من اوشاق¬لارین اورک سؤز¬لرینی ائشیتمه¬یی چوخ سئوه¬رم آخی اوشاق¬لار اؤز¬لری ده، سؤز¬لری ده چوخ سئومه¬لی دیر.من له دانیشان اوشاق¬لارین بیری¬نین آدی »آتیلا بویه« بیری¬نین ده آدی »ارسلان نامدار« دیر. ایندی بو دانیشیق-لاری اوخویا بیلرسیز.آتیلا بویه- ایکینجی کلاس اؤیرنجی¬سی
آتیلا: بیزیم مدرسه¬میزین بعضی تیکه¬لری چوخ یاخجی دی، بعضی تیکه¬لری پیس
من: آهان؟ مثلاً هانسی تیکه¬لری یاخجی دی؟
آتیلا: بیزیم مدرسه¬میزین حیه¬طی چوخ بؤیوک دی. اوردا بیز قاچان- قاچان اویناردوخ، زنگ تفریح ده یولداش-لاریمنان دانیشاردیم. چوخ قشح ایدی.من: پیس تیکه¬لری نه ایدی؟آتیلا: بعضی اوشاق¬لار چوخ گوجلو دولر، اما پیس اوشاق ایدیلار. اولار منی وورادیلار. بیر دفعه ایکیسی یاپیشدی قول¬لاریمنان، ایکیسی قیچ¬لاریمنان، بیری ده قارنیمی تپیک¬لدی.من: ای وای! آخی نییه؟آتیلا: بیلمیرم کی! منیم بیر دانا قدرت¬لی یولداشیم وار آدی »امیرعلی« دی، همان بو همسایامیز، »حسین« آغانین اوغلو، اگر او اولماسایدی ایندی بلکه منیم گؤزوم ده یوخ ایدی. بیردانا اوشاق ایستییردی مدادین ایتی اوجونو وورسون گؤزومه او قویمادی.من: آتیلا بو ایل نئچه¬نی اوخویاجاقسان؟آتیلا: دوم اوخویاجایدیم. اما مدرسه¬یه گئتمییه¬جاغام.من: نییه؟آتیلا: من تیلویزیوننان باخاجام. کرونایا گؤره هم مامام اجازه وئرمیر، هم بابام اجازه وئرمیر، همده ائویمزده باجیم وار کنکورو قورتاریب، داداشیم وار دانشگاهین گئچیردیب، بابام وار قشح گئچیبدی هامیسینی، مامام وار گئچیبدی، آخی دا منه اولار اؤرگدللر دا. ایندی ده کی کرونا واردی مامام گیلده اجازه وئرسه¬لر من اؤزوم گئتمه¬رم.من: نییه؟آتیلا: قورخورام دا!من: نه دن؟آتیلا: بابا! بیزیم مدرسه خلوت اولور دا… بیر عالمه اوشاق اولور. ششم-ا جان واردی، هامیسی دا اوخویوللار. اؤزوده کی بیر دانا یوخدی. مثلاً اول یک، اول دو، اول سه … دوم یک، دوم دو، دوم سه … بوجوسونا گئدیر.من: آهان یعنی اوشاق چوخدی. شلوغ دی. خلوت دییل.آتیلا: بلی. شلوغ دی. یعنی قورخورام بیرینین کروناسی اولسا ایکی هفته دن سونرا بللی اولور، ایکی هفته بیلینمه¬سه گلسه مدرسه¬یه، اوندا بلکه منده توتدوم… او احتمال وار. سونرا گللم اولینده داداشیما وئررم. دادشیم گئدر آبجیمه وئرر، آبجیم گلر ماماما وئرر، مامام گلر باباما وئرر، بوجور- بوجورسونا تمام خانواده توتار و باشیمیز بلایه گیرر.من: گؤیلون ایستییردی کرونا اولمویئیدی مدرسه¬یه گئدئیدین؟آتیلا: هن چووووووخ! مدرسه¬میزده چوخ قشح دوست¬لاریم وارایدی. سرویس ده گلنده گونده بیر نفر قاباقدا شوفرین یانیندا اوتوراردی. من اوتوراندا آغا شوفرنن دانیشاردیم. درس اوخوماغی سویردیم. مثلا ریاضی¬نی سویردیم. مثلا بیر گون کلا ریاضی ایدی. ریاضی یه علاقه¬م چوخ چوخ دی. سویه¬رم یوخودان تئز دورام ولی دورانمیرام. مامامین یادیننان چیخیر منی تئز اویالدا. بعضاً صبح ساعات آلتی دا دوروب، گئدیروخ. مامام بئشده دورور. منی آلتی دا اویالدیر. تر- تله¬سیک پالتارلاریمی گئیردیم. اوزومو یویاردیم، بیر دفعه¬سینده دستشوشی¬ده یوخلامیشدیم. سرویسیمیز قاپیدایدی دوت… دوت… ووردو بیردن- بیره دیسکیندیم، اویاندیم.من: (گوله- گوله) توالت ده یوخلامیشدین؟!!!آتیلا: بلی. بیردن- بیره اویاندیم، چیخدیم تئزدن گییندیم. یولدا گئده- گئده کؤینه¬ییمین قولونو گییردیم همده تیکه¬می ییردیم. بیزیم کلاسدا بیر دانا »سروری« وارایدی دییردی: چهارمی اشتباه اوخوموشام، گلمیشم اوله، بورانی قورتاردیقدان سونرا، گئده¬جاغام پنجما. اونون قوّه¬سی چوخ ایدی. سوم¬لارنان جنگ ائلییردی. ولی یالان دییردی. او گرک دوم اوخاردی، اما بیرده قالمیشدی اول ده. سوم¬لارنان تره¬زی تایینا گیریردی. یعنی سوم¬لاری ایته¬لییردی! حیه-طیمیز کاشی ایدی. بیرین ایته¬لدی الیمی توتدوم آللاها شوکور باشی یئره چیرپیلمادی.من: آتیلا ایندی منیم ایشیم وار، ایستییرم گئدم اگر بیر سؤزون وار دئ دوروم گئدیم.آتیلا: ایندی منیم چوخ آرزیم وار کرونا قورتولا. تمام بو پیس شئی¬لر اولسادا، گینه ده ایسته¬رم گئدم مدرسه¬مه.من: ان شاء الله قورتولار گئدرسن. فقط دا آبجی¬نن درس¬لریوی اؤرگش ها! آتیلا: باش اوسته. اؤرگشرم.ارسلان نامدار- ایلک اوخول اؤیر،نجی¬سی.من: آغا ارسلان مدرسه نجور ایدی؟ گئتمیشدین؟ارسلان: من اول گون گئتدیم مدرسه¬یه. بیزه ایکی دانا شوکولات وئردیلر. یانیندا دا بیر دانا تراش دندانی وئردیلر. اوینادوخ- ائله¬دوخ، شعر اؤرگشدوخ. سورا بیر دانا نقاشی چکدوخ تابلو دا. من دونن اورا گئدنده، نم- نییه یادیمنان چیخدی کیف آپارام. اونا گؤره ده ایسته¬دوخ نقاشی چکاخ من دفترده چکمه¬دیم، ائله تابلونون اؤزونده چکدیم.من: نه چکدین؟
ارسلان: بیر دانا هزار پا چکدیم. سورا دا اوتوردوخ، دانیشدوخ. بیردانا ها زنگ تفریح ده ایکی دیقه¬لیق گئدوخ، نم- نییه کلاسی ایتیردیم. دا کلاسی تاپانمادیم. بیردانا معلیمیمیز گلدی، بیله¬می آپاردی کلاسا.من: معلیمیزین آدی نه دی؟ارسلان: معلیمیمیز بیر دانا چوخ- چوخ مهربان قیزدی اما آدی یادیما گلمیر.من: مدرسه¬یه چوخ آدام گلمیشدی؟ارسلان: چوخ- چوخ آدام گلمیشدی. دا حیه¬طیمیزده یئر قالمامیشدی. اونا گؤره ده چوخ خوش گئچدی. اوینادوخ، نم نققده بیله¬مه خوش گئچدی. حیطیمیزده بیر دانا گُل یئری وارایدی. بیر دانا والیبال یئری وارایدی. والیبال تورو، گُل تورو.من مدرسه¬یه گئدنده بیر دانا یولداشیم وارایدی کی، اوننان قدیم پیش¬دبستانی¬یه گئدنده، تانیشمیشدیم. آدی »طاها قهرمانی« ایدی. آخیرده آنام- بابام گلدی، قاچدوخ ائوه.من: سحر اول گئدنده، نجور گئتدیز کلاس¬لارا؟ارسلان: اول سالن دا گئدنده بیزه بیردانا خمیردندان مدادتراش نان، ایکی دانا شوکولات وئردیلر.من: بس الیزه بیرزاد وورمادیلار؟
ارسلان: ضدعفونی ده ائلییردیلر. اول ده دئدیلر کی، بیردانا تغذیه دن- زاتدان کی گتیریب¬سیز، یئره دوشسه، دا یئمییین، آتین زیبیله. ال¬لریزی بیر یئره ووراندا هئی- هئی ضدعفونی ائلیین. منیم الکل-وم یوخ ایدی، اونا گؤره آپاریردیم معلم ووروردو. یوخسا آیری گون ائلییه بیلسم ژل آپارارام. کئف ائله¬دوخ…. ائله¬دوخ …. ائله¬دوخمن: گیره- گیره سیزی تب¬سنجی ائله¬دیلر؟ارسلان: هوم من: نجور؟ارسلان: اوینادوخ … اوینادوخ من: تب¬سنجینی دئمیسن؟
ارسلان: تبیمی ده آلدیلار. بئله¬لردن ها توتوللار، تبی گؤرسه¬دیر. نم نییه بعضی سومی کلاس¬لار گلدیلر، ایکی آدام. اولارین تبین آلدیلار گؤردولر وای ده¬ده! بولارین تبی وار!!!
من: اوندا نه ائله¬دیلر؟ارسلان: تئز اولارین آنا- بابا¬لارین چاغیردیلار، اولاری آپارسینلار یا دا دئدیلر اگر ایستییرسیز مدرسه د ه قالالار، اوشاق¬لاردان اوزاق توتون. بهداشتیمیز دا بو ایدی: هر کس بیر دانا نیمکت ده اوتوروردو. یانی تک- تک اوتوروردولار.
من: نظریوه بو بهداشتی ایش¬لر نه اوچون دیر؟
ارسلان: کرونا یا گؤره دی دا. کرونا ایندی آدام توتسا، بیز بئش یوز، آلتی مین نفروخ. اوندا ائلییه بیلر دونیا کرونا اولا. ائی بئله (او تعداد) ها همکلاسیم کرونا توتسا، منظور، یانی دا دونیا کلّا دا گئتدی. کرونانین دا هضمی چوخ- چوخ اولدو.من: سن ایندی کرونادان قورخوسان؟ یا قورخمورسان؟ارسلان: قورخورام!
من: نییه قورخورسان؟ارسلان: قورخمورام! یوخ قورخمورام. دییلر: ائله کرونادان قورخسان، ائله کرونا گیرر سیزین معده¬زه ائله فورا آدام ناخوشلادی گئتدی.من: آهان بس قورخماسان، ممکن دور توتمایاسان!ارسلان: بلی.من: آهان، یاخجی بس من بونو سنن اؤرگشدیم. ایسته¬سم توتمایام داها نه ایش گؤره بیلرم؟ارسلان: ماسک وور، قشح- قشح ایش¬لر گؤر. ال¬لریوی ضدعفونی ائله.من: سن مدرسه¬¬یه نئچه گون گئدیبسن؟ارسلان: اول گون گئتدوخ ساعات ?? ده قئییتدوخ. دا اوننان سورا گئتمه¬میشم.من: ایستییردین گینه گئده¬سن؟
ارسلان: سویوردوم اولسون. یولداش¬لاریمی تانییام، مدرسه¬می تانییام، معلیمیمی تانییام. قاچام- اوینویام. اوجور منه کئیفلی اولاردی. اما ایندی ایسته¬میرم گئدم. ایسته¬میرم کرونا بترلشه.من: ارسلان من سنن دانیشاندا چوخ شئی¬لر اؤرگشدیم. اگر بیر سؤزون یا آرزین وار دئ، دا من گئدیم.ارسلان: آرزی ائلییرم کئشکی کرونا قوتولسایدی، من گئدردیم مدرسه¬مه .من: ان شاء الله قورتولار گئدرسن. آدیوی دا منه دییرسن؟ نئچه¬نی اوخویورسان؟
ارسلان: من »ارسلان نامدار«ام، اولی اوخویورام، مدرسه¬مین آدی »پرواز« دی.من: آغا ارسلان ساغول من له دانیشدین.
نوشته شده توسط admin در دوشنبه, ۳۱ شهریور ۱۳۹۹ ساعت ۱:۲۰ ب.ظ
