اوروج صبرین یاریسیدیر
حاضیرلایان :اکبرسعادت
ای کاش من اولایدیم قوربان سنه اوروجلوق
لاییقدی قوربان اولسون بو جان سنه اوروجلوق
آنادیلیمیز:اینسان ایکی ضدین بیر یئرده اولدوغو بیر وارلیقدیر. بدن ایله روح، ماده ایله معنا ایچ ایچهدیر. اینسانین خوشبختلیگی بو ایکی فرقلی عنصورون تعادولوندا توتولماسینا باغلیدیر. مادی ایستیقامتیمیز داها آچیق اولدوغو اوچون روحی گوجلریمیزی گولگهلمکدهدیر. بو تمایل دواملی و تأثیرلی اولسا، اینسان روحونون گلیشمهسینه مانع توردیلمیش اولار. اوروج، روح ایله بدن مباریزهسینده عقل و ایراده صاحبی اولان اینسانین آغیرلیغینی روحدان یانا قویماسی معناسینی وئرر.اوروج بیر معنادا ایراده و صبر تحصیلیدیر. اوروجلو کیمسه صاباحدن آخشاما قدر نفسینین آرزولارینا ست چکمکله گوناها قارشی دوزوم گوجو قازانار. حیات اینسان اوچون هر زامان راحت و شن اولمایا بیلر. بعضن چتینلیکلری ده اوزو ایله گتیرمکدهدیر. اوروجون قاتدیغی دگرلرله صبر آلیشان آدام، حیاتینین چتینلیکلرینی آسانلیقلا آشا. بونا گوره اولمالیدیر کی، حضرت پیغمبر “اوروج صبرین یاریسیدیر” دئمیشدیر.
او بیری طرفدن اوروجون اینسان ساغلاملیغینا مثبت تأثیرلری اولدوغو متخصصلر طرفیندن دیله گتیریلمکدهدیر. اوروج خصوصیله معده و هضم سیستملرینین استراحت ائتمهسی و داها سونراکی وظیفهلرینی داها یاخشی یورودهبیلمسی اوچون وئریلمیش یاخشی بیر استراحت. گوزل بیر پرهیز خصوصیتیندهدیر. حضرت پیغمبرین “اوروج توتون کی، ساغلام اولارسینیز” سوزو اوروجون اینسان ساغلاملیغینا اولان فایدالاری اوزرینه دئییلمیش بیر سوزدور. بو سببله اوروج، روحلا بیرلیکده بدنی ده حدیندن آرتیق مصرفین گتیردیگی روحی و فیزیکی خطالیقلاردان قورویار.
اوروجلوق دوعالارین آردی:
تانریم! اوغورلولوق وئر بوگون منی یاخچیلار ایله باریشیغا و اوزاق ائت منی اوندا پیسلر ایله یولداشلیغا و اؤز سئوی (مهر) ایله منی دینج (آرامش) ائوینه ساری یئرلشدیر، اوز آللاهلیغیوا ای اوچوتلولارین (جهانیلرین) بیتنمیشی (معبودی).
ائی آللاه بو آیدا منه اوزلرینی سنین قارشیندا کیچیلدن موتیع اینسانلارین اطاعتینی نصیب ائت، قلبیمی توبه ائتمک اوچون سنین قارشیندا ایطاعتکار و تواضوعکار اولانلارین توبهلرینده اولدوغو کیمی آچ، پناه وئرمگینه خاطیر ائی قورخانلارین سیغیناجاغی!
آللاهیم! منی اویات بو گون، دانلارینین (سحرلرینین) برکتلرینه و اورهییمی آیدینلات دانلار ایشیغینین ایشینلاریلا، و قوللوغونا آل بو گونون ایزلرینی ایزلهمهیه بوتون عضولاریمی، ایشیغینین حاققینا ای عاریفلرین کونلونو ایشیقلاندیران.
آللاهیم! بو گونون برکتلریندن پاییمی بول ائله و یولومو قولایلاشدیر خیرلرینه یئتیشمهیه و یاخشی ایشلرین قبول اولماغیندان الیمی کسمه، ای آچیق آیدین حاققا یول گوسترن!
آللاهیم! بو گون اوزومه آچ اوچماغین (جنتین) قاپیلارینی و قاپات بیلهمه الوولار قاپیلارینی و قرآن اوخوماغا منی باشاریلی قیل، ای اینانانلارین اورهگیینه دینجلیک ائندیرن.
آللاهیم! بو گون موتلولوقلارینا دوغرو منه بیر قیلاووز قیل و منه دالاشماق اوچون شیطانا یول وئرمه و جنتی دینجهلیش یوواسی و یئرلشیم یئری قیل. ای ایستهینلرین ایستهیینه یوخ دئمهین!
آللاهیم! بوگون اردمینین قاپیلارینی آچ اوزومه و برکتلرینی ائندیر منه، سنی سئویندیرن نسنهلره منی باشاریلی قیل! منی جنتلرینین اورهگینه یئرلشدیر، ای آرادا قالانلارین چاغیریشینا جاواب وئرن.
آللاهیم! بو گون منی سوچلاردان یویوب، عیبلردن آریت؛ سینا قلبیمی اورکلرین تقوالاریلا، ای سوچلولارین یانلیشلارینی گورمزدن گلن!
آللاهیم! بو گون سنی راضی ائدهن نسنهلری ایستهییرم سندن و سنی اینجیدهن نسنهلردن سیغنیرام سنه و سنه اطاعت ائتمک و عصیان ائتمهمک اوچون سندن باشاری دیلهییرم، ای دیلهینلره الی آچیق داورانان.
آللاهیم! بو گون منی اولیالرینی سئوهن و دوشمانلارینا دوشمان و سونونجو پیغمبرینین گلهنکلرینه (سنتلرینه) اویان کیمسهلردن قیل. ای پیغمبرلرین اورکلرینی قورویان!
آللاهیم! بو گون چابامی جزالاندیر و سوچلاریمی باغیشلانمیش قیل و ایشلریمی قبول ائدیب عیبلریمی اورتورولموش قیل، ای ائشیدهنلرین ائشیتگنی.
آللاهیم! بو گون قدر گئجهسینین فضلینی منه پای وئر و ایشلریمی چتینلیکدن راحاتلیغا یونلت، عوذورلریمی قبول ائت و سوچلا آغیرلیغی قالدیر اوزهریمدن، ای یاخشی قوللارینا شفقتلی اولان.
آللاهیم! بو گون نوافیلدن (مستحب عمللردن) منیم پاییمی چوخالت و دیلکلریمین سونوجلانماسیلا منه کرامت قیل، سنه دوغرو اولان آراچلار آراسیندان منیم آراجیمی یاخینلات، ای یالوارانلارین اصراری باشینی قاتمایان.آللاهیم! بو گون منی رحمتینه بورو، و بیلهمه باشاری ایله عصمت سون، اورهگیمی تهمت قارانلیقلاریندان آریت، ای ایناملی قوللارینا مهربان اولان!آللاهیم! بو گون اوروجومو بگهنیلمیش و قبول اولموش اوروجلاردان قیل، سنین و رسولونون سئودیگی بیر اوروج، داللاری کوکلره دایالی؛ مولامیز محمد و اونون آری-دورو اوولادینین حاققینا! و بوتون اووگولر دونیالارین ربی اولان آللاها اوزلدیر.اومورام سایین اوخوجولار بیزی ده دوعادان اونوتمایالار…
نوشته شده توسط admin در دوشنبه, ۰۸ تیر ۱۳۹۴ ساعت ۵:۰۷ ق.ظ