منیم هردرده درمانیم علی دیر
اکبرسعادت
منیم عالمده سولطانیم علی دیر
منیم میر جهانبانیم علی دیر
نه دارا تانیرام من نه ا سکندر
منیم فغفور خاقانیم علیدیر
آنادیلیمیز:موسلمان، سن گوزللییه گئدن یولو تیکمهیه طالب اولان، قالخ و اوزونه بیر باخ! حیات بیر آلداتما آلتی کیمی سنی سندن اوغورلاییر. زامان سنین لئهینه ایشلهمک یئرینه علئیهینه ایشلهییر. ترصینه چئویرمک ائله آساندیر کی. بیراز گوزیاشینا بولانمیش کونلون اورگین اولسون، بسدیر…اوروج، روح ایله بدن مباریزهسینده عقل و ایراده صاحبی اولان اینسانین آغیرلیغینی روحدان یانا قویماسی معناسینی وئرر.اوروج بیر معنادا ایراده و صبر تحصیلیدیر. اوروجلو کیمسه صاباحدن آخشاما قدر نفسینین آرزولارینا ست چکمکله گوناها قارشی دوزوم گوجو قازانار. حیات اینسان اوچون هر زامان راحت و شن اولمایا بیلر. بعضن چتینلیکلری ده اوزو ایله گتیرمکدهدیر. اوروجون قاتدیغی دگرلرله صبر آلیشان آدام، حیاتینین چتینلیکلرینی آسانلیقلا آشا.اینسان حیاتی، ماده و روحون سنتزیندن عبارتدیر. شخصیت طرازلیق و سویه آختاریشی، جوشغون روحلو حقیقت یولچولارینین ایشیدیر.
حقیقتلر ده اینجی کیمیدیر. دایاز یئرلرده دئییل، درینلیکلرده تاپیلار. مسلمانلارین و ایسلام دونیاسینین ایچینه دوشدوگو بحرانلاردان خلاص اولماسینین چارهسی، بو نقطهدهدیر. اؤز اؤزوندن اوزاقلاشان اینسان عالمین سیرلرینی کشف ائتسه بئله، بو شکیلده ایچ دینجلییه چاتماسی مومکون اولمایاجاق. چونکو قلبلر آنجاق او اوریین ایدارهسینی الینده توتان اللهین نظره آلیندیغی یئرده خوشبخت اولار. جغرافی کشفلر، صنایع اینقیلابی و سون زامانلارداکی تکنیکی اینکیشافلار اینسانلیغین گوزونو قاماشدیرمیشدیر. روحی ایشیقدان کیفایت قدر نسیبینی آلابیلمهین اینسانلیق اوچون بو وضعیت، چوخ جاذیبهدار حالا گلمیشدیر. عصریمیزین اینسانی آرتیق اوز حقیقت و ماهیتینین نه اولدوغونو دوشونمهیه بئله احتیاج حیس ائتمهمهکدهدیر. او اوزونو اوزوندن چوخ داها آشاغی مرتبهده اولان اشیانین منطیقی ایله و یا حیوانلارین داورانیش شکیللرینی آراشدیراراق قاوراماغا چالیشیر. اینسانین هم وارلیق، هم بیلگی، هم ده اخلاقی دیرلر باخیمیندان اللها بورجلو اولدوغونو و بو وضعیتین فرقینده اولمالارینی خاطیرلادیر. توحید اینانجی یانیندا اجتماعی امین-آمانلیغین قورونماسینی هدفلر. اهمیتیندن اوتری گوندریلن پیغمبرلرین وظیفهسی، اینسانلیغی اونوتدوغو حقیقتله یئنیدن تانیش و اینسانجا یاشاماغین یوللارینی اویرتمک اولموشدور. حضرت پیغمبر، اوزونون گوزل اخلاقی تاماملاماق اوچون گوندریلدیگینی بیان ائدرکن، اجتماعی دیرلرین تملیندکی یوکسک بیر هدفه ایشاره ائتمکدهدیر. بو ایفاده پیغمبریمیزین اینسان یئتیشدیرمه ایشینین، یالنیز اینانجلا محدود قالمادیغینی، حیاتین بوتونونو احاطه ائتدیگینی گوستریر.
بو حالدا دین اینسانی بیر بوتون اولاراق مخاطب آلماقدا، اونون بوتونونه خیطاب ائتمکدهدیر. پیغمبر ده بوتون حیاتی اینسانلیغا نومونه اولموشدور. چونکو اینسان مادی و معنوی یونلری ایله بیر بوتوندور. ایسلامی دیرلر عینی زاماندا اینسانی دیرلردیر. اینسانلیغین اوزویله دینجلیک تاپاجاغی مادی و معنوی عنصورلار، یارادیجیلاری طرفیندن اینسانلیغا گوندریلمیشدیرعبادتلر قلبین دیری قالماسی اوچون موختلیف واسطهلردیر. تمیز، دوغرو دوزگون، دوروست، گوزل و ساغلام عبادت اوره یه حیات و حیات دولوسو راحتلیق بخش ائده بیلر. بونون خاریجینده اولان عبادت ایسه شکیل فورما، ریتوال و یا عادت کیمی قالیر. چوخ گومان کی، بئله عبادت ائدهنین ده داخیلی دئییل خاریجی گؤرونوشو فرقلهنیر.
ناماز قیلارکن ان اونملی اولان قلبین حیسس ائتمهسی، قارشیسیندا دورولانین عظمتینی درک ائدهرک تیترهمهسی، اوخونولان آیهلری تفککور ائتمهسی، روکو و سجدهلرده تمکینلی اولماسی و تام اوزونو نامازا حصر ائتمهسیدیر.قدر گئجه سی نه ائده ک؟
قدرگئجه سی بیر گئجه دی کی قران بو گئجه ده نازل اولوب و تاری اوز گؤندریلمیشی محمد(ص) قلیبینه قرانی بو گئجه نازل ائدیب
قدر گئجه سی ایلده بیر گئجه اولار و بللی اولماز کی هانسی گئجه قدر گئجه سیدی او بیر گئجه دی کی بوتون زمانلاردان افضل ودیرلیدی و اونی مین آیدان فضیلتلی و دیرلی یازیبلار او ایلده بیرگئجه اولار کی تانری او گئجه دونیا اهلینه خاص باخیشی اولار و بوگئجه تارینین رحمتی بنده لرینه یاخینلاشار.قدر گئجه سی بیر گئجه دی امما ایلدن ایله فرق ائدر اونی اوروجلوقدا بیر گئجه بیلیبلر امما آیری آیلاردا وگئجه لرده یازیلیب اوروشلوقون ۱۹ یا۲۱ یا ۲۳ ی روایتلر و ایماملار سوزلرینده چوخ یاخیندی و اوروجلوقون ۱۷ سی ۱۵ ی ۲۷ سی وآخیر گئجه سیده دئیلیب بونی کی قدر گئجه سی هانسی گئجه دی تکجه تاری بیلیر و ایماملار کی تاری اولارا اجازه وئریب دونیانی ایشلرینه یتیشسینلر
شعه لر نظرینه بو گئجه ده بوتون عالمین وار یوخی وانسانلارین ایشلری و گوردوخلاری ایمام خدمتینه یتیشر و ایمام بوتون انسانلارین ایشلرینه باخار بو گئجه ده انسانلارین ودونیانی بیرایلده اوز وئردیقی ایشلر دئیلیب ویازیلار و بو ایشلر انسانلارین باشینا گلر
قدر کلمه سی عربی لغتده یانی بیر زادین بیلینجاقی و مشخص اولماسی قدر یانی بیر اندازه و بیر مشخص بیرزاد کی انسانین باشینا گلر انسانلارین هرسینین بیر اندازه سی وقدری وار کی او بوگئجه مشخص اولار
قدر گئجه سینده اویاق قالماق و تارینین عبادت ائتماق و دعا ائتماق و قران اوخوماق بیزیم اوچون دئیلیب و بو گئجه ۱۰۰ رکعت نماز قلیب و تارینی عبادت ائدللر تاری بو گئجه بنده لرینه یاخین اولار واولارین ایشلرینه یتیشر و اونا گوره بوگئجه یاخچی قدری و باشاگلیمی اله گتیرماق اوچون اویاق قالماق لازیمدی
قدر گئجه سی کیمسه عبادت ائدسه ائله بیر مین ای عبادت ائدیب وقران اوخویانلار ونماز قیلانلار بو گئجه ده ائله بیر مین ای قران اوخویوب ونماز قلیبلار بو گئجه جوشن کبیر دعاسی و زیارت عاشورا اوخونوب وقران باشا قویاللار و تاریدان یاخچی باشا گلیم ایستللر
قدر گئجه سی دونیانین باشاگلیمی بیلینر وتاری امری بوگئجه بیرایللیق باشاگلیملری یازار بو گئجه بوتون انسانلارین ایشلری و گوردوخلاری ایمام خدمتینه یتیشر. غسل ائتمک. غسل ائدرکن بئله نیّت ائتمهلیدیر: “احیا گئجهسینین غسلونو ائدیرم قربتا الی الله”. بو غسلون بویوک ثوابی واردیر.سحره قدر اویاق قالیب عبادتله مشغول اولماق. سحره قدر اویاق قالیب عبادتله مشغول اولماغین معناسی بودور کی، انسان دئییر: “ایلاهی، سن بو گئجه منه قرآن نازل ائدیرسن و منده بو گئجه سحره قدر اویاق قالیب اونو قارشیلاییرام.”
مسجده گئتمک. مسجده گئتمگین معناسی بودور کی، انسان اوز مقصدینی تعیین ائدیر. یعنی: “ائی اللهیم، بو گئجه من فساد و پوزغونلوق اولان یئرلره گئده بیلردیم. لاکن من سنین راضیلیغینی قازانماق اوچون سنین ائوینه گلمیشم و گلهجک خوشبختلیگیمی معینلشدیریرم.”
قدر گئجهسینین نمازی، قدر گئجهسینده قیلینان نمازین بویوک شرافتی واردیر. قدر گئجهسینین نامازی شام و خیفتن نامازلاری ایله صبح نامازی آراسینداکی واختدا قیلینیر. قدر گئجهسینین نمازینین قایداسی بئلهدیر: نیت: “قدر گئجهسینین نمازینی قیلیرام قربتاً الی الله”.
صبح نمازی کیمی ایکی رکعتلیدیر. لاکن هر حمد سورهسیندن سونرا ۷ دفعه مبارک “اخلاص” سورهسی اوخونمالیدیر. نمازی قورتاردیقدان سونرا آلینی سجدهیه قویاراق یئتمیش دفعه “استغفرالله و اتوب الیه” دئییلیر. امام صادق (ع) بویورور: “هر کس بو نمازی قیلدیقدان سونرا سجدهیه گئدیب یئتمیش دفعه ” استغفرالله و اتوب الیه” دئیرسه، سجدهدن قالخمامیش الله تعالا اونون اوزونون و آتا- آناسینین گناهلارینی باغیشلایار.
نوشته شده توسط admin در چهارشنبه, ۰۹ تیر ۱۳۹۵ ساعت ۴:۰۹ ق.ظ