دوشونمک یاساقدیر
کوچوره ن:اکبرسعادت
دوشونورم
دوشوننمیرم.
سانکی ایستهییرم دوشونم
دوشوننمیرم.
دویغولاریم قول ـ بوداقدیر.
دوشوننمیرم.
بیلیرسن نییه؟
دوشونمک یاساقدیر.
آنادیلیمیز:دوشونمک، اینسان طبیعتینین ان تمل(پایه) ائلئمئنتی اولاراق قبول ائتدیگیمیز بیر فاکتدیر.
بو دوغروسو بئلهدیرمی؟ دوشونمک دئدیکده نهیی نظرده توتوروق؟ عئینی فیکیرلرین داواملی گلیب-گئتمهسی حقیقی بیر دوشونجه چالیشماغیدیر می؟
“بئینیمه بیر فیکیر گلدی”- دئدیگیمیز چاغ، بو فیکیر هارادان گلیر، هارادا دایاناجاق و هارا گئدهجکدیر؟ یارادیجی و یئنی دوشونجهلر نئجه مئیدانا گلیر؟ ایش حایاتیندا بونو نئجه قوللانا بیلریک؟هر نسهنی دیلهیینجه، دوشونجهلری اونونلا یوندشلمهلی، چونکی دیلک، یارانان بیر جسم دیر سانکی. دوشونجه ایسه، اونو احیا ائدیب جانلاندیران روح کیمی دیر. دیلکله دوشونجه یوندشلشینجه، ایستهکلرین دوغوشونا تانیق اولور انسان. بو ایکیسی تاراز اولمایینجا، نیسگیلدن باشقا هئچ نه توختاماییر اله. بئله ایسه، ساغلاملیق ایستهین، ناخوشلوغا، وار- دولت ایستهین یوخسوللوغا، خوشبختچیلیک ایستهین بدبختچیلیگه دوشونمهمهلیدیر. و….
ایستمهدیکلریمیز یا دا سئومهدیگیمیز دوروملار و قوشوللار، اونلارا دوشونهرک چاغیردیغیمیز و اوز دوشونجهمیزله یاراتدیغیمیز کالبدلاردیرلار. اونلار اوز- اوزلوکلرینده روحلاری اولمادیقلاری اوچون یاشامیمیزا گیریب بیزی اینجیده بیلمزلر. آنجاق بیز اونلارا دوشوننده، اونلارا گوره دانیشاندا بو جانسیز صورتلره جان باغیشلاییب یاشام بخش ائدیر افعی ایلان کیمی اوز جانیمیزا سالیریق. دئمک اورهییمیز و دوشونجهمیزدن موغایات اولمالیییق کی، یارادیجی گوجلری ایله افعیلر، عقربلر اودلار، جهنملر یارادیب اوزوموزو اونلارین توزاغینا سالیب اسیر ائتمهیک. اونلارین یئرینه گوزللیک، یئنیلیک، سئوینج و سئوگی یاراتمالیییق کی، اوزوموز ده داد آلاق یاشامدان چئورهمیزدهکیلر ده.آنا بطنینده یئرلشن اکیزلر، اول بیر-بیرلرینی تانیمیرلار. هفتهلر کئچدیکجه اونلار دا اینکیشاف ائدیرلر. اللری، آیاقلاری، داخیلی اورقانلاری عمله گلمهیه باشلادی. بو زامان اطرافیندا اولانلاری حیسس ائتمهیه باشلادیلار. اولدوقلاری راحت، اعتبارلی یئره وردیش ائتدیکجه، سئوینجلری آرتدی. بیر-بیرلرینه بئله دئییردلیلر: “آنا بطنینده اولماغیمیز، بورادا یاشاماغیمیز نه قدر گوزلدیر، ائله دئییل؟ حیات نه قدر گوزلمیش قارداشیم”.
معین اولونموش قالیب لرله یاشایان اینسانین یوخسول چرچووهسینین سینیرلی اولدوغونو اویرندیگی بیلیکلرین اونو ایرهلی آپارماق یئرینه حایاتینین داها دا دارالتدیغینی باشا دوشمک چتین دئییل. بو سببدن، تحصیلین یالنیز اینسانلارین ذهنی استوروکتورو(دوزه نی-ساختار) اینکیشاف ائتدیرمهیه یونلدیگینی، آما ذهنین دوغال اعتیباری ایله بو جهدین ده ایستهنیلن سونوجو وئرمهدیگینین شاهیدی اولاریق. ذهن، موجود اینفورماسییانی قوللانماقدا یئتهنکلی اولسا دا یئنی بیر شئی یاراتماقدا یئترلی سی قدر باجاریقلی دئییلدیر.
ذهنه داها چوخ بیلیک وئرهرک بونا ال تاپماق مومکون دئییل.ایش حایاتیندا، ایداره ائتمه اوزره وئریلن تحصیلی آراشدیرارکن ماراقلی نوآنسلارلا(اینجه ده گیشیک لر) قارشیلاشدیم. ذهنی داها کسکینلشدیرمک و تجهیز ائتمک حاقدا یئتهنی قدر بیلیک اولسا دا، بو اینفورماسییالارین وئریملیلیغی نه قدر آرتیرماسی بحث ائدیب دانیشیلمالیدیر. بو چهلیشکینین(ضدیت)تمل سببلریندن بیری “یارادیجی دوشونجه”نین نئجه ایشلهدیگینه اونم وئرمهمکدیر.یارادیجی دوشونجهنین مئیدانا گلمهسی، ذهنینده سورهکلی موجود اولان اوتوماتیک دوشونجه قالیبلرین اورتادان قالدیریلماسییلا مومکوندور.یئنی فیکیرلر، آنجاق ذهنین سوسان چاغی دوغولور. اوشاقلیقدان ایش حایاتیمیزا قدر اوزانان بیر حایات یولوندا آلدیغیمیز تحصیللره دیقت یئتیرسک گورهریک کی، ذهنی دورغونلوقلا سوسدورماق بیر یانا دورسون، بیزه ذهنیندهکی سس-کویو نئجه آرتیرا بیلهجگیمیز اویرهدیلمیشدیر. بو سس-کویه “دوشونجه” آدینی وئرمک ایسه بیزی “بوخوولایان” باشلیجا فاکتوردور.قونویا ساده سورغولارلا داوام ائدک.
“عاغیلینیزا گلن دوشونجهلری ایستهدیگینیز چاغ دایاندیرا بیلرسینیزمی؟”
“دوشونجهلری عاغیلینیزا سیزمی چاغیریرسینیز، یوخسا اونلارین چوخلوسو اوزلری گلیرلر؟”
بو سورغولارین جاوابلاری،بیزیم “یارادیجی دوشونجه” پروسئسهسینده هانسی لئوئلده اولماغیمیزی معین ائدهجکدیر.
ذهن، اوتوماتیک دوشونجه قالیبلرینی “کئچمیش” و “گلهجک” کیمی قبول ائدیر.
حالبوکی یئنی فیکیرلر، نه کئچمیش، نه ده گلهجک چاغدا وار اولا بیلمزلر. یئنی فیکیرلر یالنیز ایچینده اولدوغوموز “آن“دا موجود اولا بیلرلر.بیز “ایندیکی آندا” یاشاساق و بئله گؤرونسکده، فیکیرلریمیز هر زامان یا کئچمیش یا دا گلهجگه عاییددیر.
بیزی “ایندی“ده ساخلایاجاق واسیطهلرین ان بویوگو “نَفَس“ایمیزدیر.نفس آلدیغیمیزا دیقت وئردیکده ذهنیمیز دورغونلاشماغا باشلایار چونکی بیز آنجاق “ایندیکی” آندا نفس آلیب-وئریریک. نفس بیزی “ایندی“ده ساخلاییر. بیر مودت بوتون دیقتیمیزی نفس آلماغیمیزا یونلتسک ذهنیمیزین داها درین سوسقونلوقدا باتماغینی حیس ائدهریک. بونو حیس ائتدیکجه ایچیمیزده بیر راحاتلیق و یئنیلیک دویغوسو دا اورتایا چیخاجاقدیر. بئله بیر سوسقونلوق و بوشالما دورومونون آردینجا شعوروموزو دوشونجهیه دوغرولتساق، ذهنیمیزده مئیدانا گلهجک یئنی فیکیرلره حئیرتلنه بیلریک.اوزللیکله ایداره ائتمه دوروموندا اولان اینسانلار، ذهنی دورغونلاشدیرمانی اویرنمهلیدیرلر. بونون رئاللاشماسی، بیزنئس یونوملو رادیکال قرارلاردا، اورونون(محصول) تکمیللشدیریلمهسی بولومونده، یئنیلیکلرده ایداره ائتمه ایستراتئژیلرینده، دوغرو قرار قبولوندا، مارکالاشمادا. کریتیک(بحرانی) نقطهلرده دولغون و بارلی دوروما فیکیرلرین یارانماسینی تامین ائدهجکدیر.
بو یاشامین قوجاغیندا دوغولان فیکیرلر ایچدن ایچه هئچ بیر چئلیشکی ایله اوزلشمهدیکلری اوچون، اینسانین دورومودا گرگین وضعیت آلمایاجاقدیر. هر حالدا اینسانا قالان، نئجه یاشماق دیر. نئجه یاشاماق ایسه دوروموندان آسیلی اولور. هر نه دورومدا اولور اولسون، یئنه، بیر بالاجا نئجه یاشاماق سئچیمی اونا قالیر. یاشاماغی سئچدییی سورج عومروندن سوووشور. عومرونون بیر قیسمینی حالسیزلیقلا اوغراشانلارا، یاشام طرزی سئچیمی قالمیر. ایستهمهدیی واقت، یاشام طرزینین سئچیمی سونوجلانمادان حایات بیتیر. گئرییه قالان سئچیمی اولمایان بیرلرینین خاطیرهلری قالیر دئمک ایستیردیم کی قالمیر. تکجه سئچیملرینی بللندیرنلرین خاطیرهلری قالیر. دوغولماقلاریلا اولمکلرینی بللندیرنمهسهلر ده، نئجه یاشادیقلارینی بللندیریرلر، نئچه ایل یاشادیقلارینا باخمایاراق.
نوشته شده توسط admin در چهارشنبه, ۱۵ شهریور ۱۳۹۶ ساعت ۶:۰۴ ق.ظ