بایرامعمی
آنا دیلیمیز: بیرگون وارایدی بیر گون یوخ¬ایدی، بیرآل-وئرچی¬کیشی آروادی ایله یاشاییردیلار. کیشی بیر گون بیر چووال کیشمیش آلیب ائوه گتیردی.
آروادی کیشمیشلردن یئمه¬سین بایراما قالسین دئیه آروادا دئدی: -آیآرواد بو کیشمیشلر بایرام¬عمینیندیر،گلیب آپاراجاق. او زامان بیر آز دا کیشمیش¬دن بیزه وئرر. او گونون صاباحیندان آرواد چیخیب قاپی آغیزیندا دایاندی گلیب ـ گئدن کیشی¬دن سوروشدو: -¬بایرامعمی سیزسیز؟ نئچه گوندن سونرا بیرحیله¬چی کیشییه راست گلدی. کیشی آروادا دئدی: -هن،من بایرامعمییم! آرواد دئدی: -آی کیشی نییه کیشمیشلری گلیب آپارمیرسان؟ ایندی هاردان گلیرسن؟ کیشی دئدی: -جهنمدن گلیرم! آرواد دئدی: -جهنم¬ده نهخبر؟ کیشی وئردی: ـ سنین آتا-آناوی فلکه باغلامیشدیلار «نه یئمیسه¬ن تورشولو آش» کؤتک ووروردولار! آرواد باشینا چیرپاراق دئدی:ـ آی کیشی اونلاری جهنم¬دن نئجه قورتارماق اولار؟ کیشی جاواب وئردی: ـ شاید پول-پله ایله قورتارماق اولدو! آرواد تئز گئدیب کیشیسی دال یانا قویدوغو پوللاری گتیریب،بایرامعمییه وئریب،دئدی: ـ آی کیشی بو پوللاری آل، تئز گئت منیم آتا-آنامی جهنمدن قورتار. همی¬ده کیشمیش چووالینی¬دا آپار!ساغ¬اول. کیشی پوللاری آلیب،کیشمیش چووالین آرخاسینا گؤتوروب یولا دوشدو.
کیشی یاواش گئتمهسین دئیه،آرواد آرخادان سسلهییب دئدی: -آی کیشی گل بیرآت وئریم؛سن بو یاواشلیغا کی گئدیرسن آتا-آنامی جهنمده یاندیریب کول ائیلهرلر. آرواد کیشیسی¬نین آتین گتیریب بایرامعمییه وئردی.کیشی آروادین داها ساده¬لیگین بیلیب، آروادا دئدی: ـ¬آی باجی بیر گیلیم¬ده گتیر آتا چول ائیلهییم،بلکه کیشمیش چووالی زویوب دوشمهسین. آرواد تئز بیر گیلیمده گتیریب بایرامعمییه وئردی. بایرامعمی گیلیمیآلیب، پالان ائدیب کیشمیش چووالینی آتا چاتیب، پوللار دا جیبینده یولا دوشدو. گون¬اورتاچاغی کیشی ائوه قاییتدی،آرواد سئوینجک اَرینی قارشیلاییب،دئدی: -آی¬کیشی دئدین بایرام¬عمی کیشمیشلری آپاراندا بیر آز دا بیزه وئرهجک. بایرام¬عمی کیشمیشلرین هامیسینی آپاردی آنجاق بیزه هئچ زاد وئرمهدی! کیشی ¬ایشین نئجه اولدوغوندان خبردار اولاندان سورا باشینا دؤیوب،دئدی: -آی¬آخماق آرواد،کیشمیش اؤزوموزن ایدی.
ا یندی ¬دئ گؤروم او کیشی هاردان گلیب، هارا گئدیردی. تئز دئ دالیسیجا گئدیم! آرواد سادهلیکله دئدی: -جهنمدن گلیردی. دئییردی جهنمده منیم آتا–آنامی فلکه باغلاییبلار¬ دؤیورلر، سنین ایذنینله او دال¬یانا قویدوغون پوللاری¬دا او کیشییه وئردیم گئدیب آتاـ¬آنامی جهنم¬ده فلک دن قورتارا! کیشی سؤزلری ائشیدن کیمی تئز ایستهدی آتینی مینیب بایرام¬عمینین آردینجا گئتسین آنجاق گؤردو ساده آروادی آتی¬دا او کیشییه وئریبدی.
کیشی گؤرور باشینا بؤیوک بؤرک کئچیب تئز گئچیب قونشونون آتینی آلدی،حیلهچی کیشینین آردیجا گئتدی. اؤزونو بایرام¬عمی آدلاندیران کیشی پوللار، کیشمیش چووالی گیلیم و آتی هئچدن اَلینه کئچمهسیندن سئوینه-سئوینه گئدیردی. یولون اورتاسیندا چؤنوب دالینا باخاندا،گؤردو بیرآتلی چاپاراق گلیر. حیلهچی کیشی فراستله آنلادی بو گلن آتلی او آروادین اَریدیر. تئز حیله قوروب او یاخینلیق¬دا اولان دَییرمانا گئچدی،دَییرمانچی¬یا دئدی: -او گلن آتلی¬نی گؤرورسن؟شاهینآدامیدیر. او بیر کئچل آختاریر باشین شاها آپارسین.
اگر ایستهییرسن باشیوی قورتاریب سالیم قالاسان پالتارلاریوی منله دَییش، اؤزونده او سو یولوندا گیزلن.منده اونو باشدان ائله¬رم گئدر. دَییرمانچی کیشی گئییملرین حیلهچی کیشی ایله دَییشیب سو یولونا کئچدی. حیلهچی کیشی دَییرمانچینین گئییملرین گئییب دَییرماندا ایشه باشلادی. آتلی دَییرمانچییا چاتیب بایرامعمینین سوراغین توتدی. بایرامعمی دَییرمانچی گئییمی اَینینده اَلی ایله سو یولون گورستدی. یانی بایرامعمی اوردادیر. کیشی سو یولونا گیردی، دَییرمانچی کیشیدن ایسته¬دی ائشیگه چیخسین. دَییرمانچی کیشیده اَلینده کی بیچاغی باشینا چیرپارکن دئدی: -¬سندن¬ده ائله¬رم ا?زومدن ده! کیشی سوروشدو: -آی کیشی نهدئییرسن؟ کچل دئدی: بو کچل باشی شاهادا وئرمه¬رم! سندن¬ده ائله¬رم اؤزومدن¬ده!
کیشی کچله دئدی: -اوغلان شاه کیمدیر؟ سنین کئچل باشیووی کیم نئیلیر؟ دَییرمانچی دئدی: -مگر سن منیم کئچل باشیمی شاها آپارماق اوٍچون گلمهمیسن؟! کیشی فراستله بیلدی ائشیکدهکی کیشی هامان یالانچی بایرامعمیدیر. اونلارین ایکیسینیده توولاییب¬دیر. دَییرمانچییا دئدی:-آی کیشی سو یولوندان ائشیگه چیخ،او کیشی ایکیمیزی ده توولایبدیر. سندن¬ده ائله¬ییب مندن¬ده! اونلار ائشیگه چیخیب،گؤرورلر کیشی، دَییرمانچینیندا اونلارین پوللارینی گؤتوروب آرادان چیخیبدیر.
نوشته شده توسط admin در دوشنبه, ۱۸ خرداد ۱۳۹۴ ساعت ۴:۵۰ ق.ظ