اصلان ایله انسان نغیلی
چئویردی: #سما
آنادیلیمیز:اصلان دئدی:-اوز گناهیندیر. دیشین وار، اوْوساریوی قیر و گئت. بو بوْیدا چول، اوْ بوْیدا اوْرمان.
آت دئدی:-بلی دوْغرو دور. آما چولده، اوْرماندا دا قورد وار، قاپلان وار، اصلان وار…
اصلان ددی:-یاخشی، یاخشی، چوْخ دانیشما آرتیق! منیم مهم ایشیم وار یوْخسا بیلیردیم سنینله نئیله‌یم. آنجاق بو گون بوتون حیوانلارین اوجونو (انتقامینی) انساندان آلماق ایستیرم.اصلان بیر آز دا یوْل گئتدی، بیر مزرعه‌یه یئتیشدی. گوردو بیر کیشی آغاجین تخته‌لرینی بیربیرینه باغلیر، بیر بالاجا اوْغلان اوشاغی دا اوْنا یاردیم (کمک) ائدیر و دال بوداقلاری دسته‌له‌ییر.اصلان اوز اوزونه دئدی:-دییه‌سن بو کاراگلمزلر ده انسان دگیللر آما سوْروشماقدا فایده وار. سوْروشمام بیلیمین آچاریدیر دییرلر.گئدیب قاباغا ایشله‌ین کیشیدن سوْروشدو:-انسان سَنسن؟کیشی قوْرخوپ دئدی:-بلی منم اصلان خان. من همیشه سیزین حالیزی هر کسدن سوْروشارام.اصلان دئدی:-چوْخ یاخشی، من گلمیشم گورم سن کیمسن کی بوتون حیوانلاری اینجیدیرسن و هامی سندن قوْرخور؟!کیشی دئدی:-اختیاریز وار قربان. من ندیر اینجیتمک ندیر؟! کیم بونو سیزه دیییپ؟ بیزدن هر کیم قوْرخوپ دئمک اوزو قوْرخاقدیر یوْخسا من بوتون حیوانلارا ارادتیم وار. من اوْنلارا خدمت ائیلرم. اصلا بیزیم ایشیمیز خدمت ائیلمکدیر فقط جماعتده انصاف یوْخدور، آدامی» قدرینی بیلمیرلر. بس سیز نیه جماعتین سوزونه اینانیرسیز؟ سیزدن گوزله‌مزدیم، سیز هامیدان باشسیز، گرک هامیدان چوْخ آییق ساییق اوْلاسیز.
اصلان دئدی:-من گوردوم فیل، اینک، دَوه و آت هامیسی سندن شکایت ائدیرلر، میمونلارلا چاققاللار ایسه سندن قوْرخورلار، دییرلر انسان بیزی یازیق ائیله‌ییپ.کیشی دئدی: عزیز جانیرا آند اوْلسون سیزه یانلیش بیلگی وئریپلر. همن یئکه‌پَر خاصیّتسیز فیل منیم محبتلریمدن اوتانسین گرک. بیز بو وحشی حیوانی اوْرماندان شهره گتیریریک، انسانلارلا تانیشدیریریق، اوْنا یئمک وئریریک، حیوانلار باغچه‌سینده اوْنو ساخلاییپ اوْنا قوللوق ائدیریک. همن دَوه‌نی بیر ساخلاییپ
قوْرویوروق، اوْنا قالاجاق یئر وئریریک، ائو دوزَلدیریک. یونلری‌نین اوزانماسی‌نین نه فایداسی وار؟ بیر دوه‌لرین یونو ایله گیییمسیز انسانلارا پالتار حاضرله‌ییریک. آتا گوموشدن، قیزیلدان اوْوسار یاپیریق، گلین کیمی بَزه‌ییریک. آیریجا، بیز زوْرلا بیریندن ایش چکمیریک کی. اینَگی، ائششَگی آپاریپ اوتوروروک چوله اوزلری قاییدیپ گلیرلر دوز گیریرلر طویله‌یه.
بیری اورکدن راضی اوْلمازسا نَدن قاییدیپ گلسین کی؟! سیز اوْنلارین .سوزلرینی تک‌طرفلی ائشیتمیسیز. باخین، بورادا بیر آت وار، ایندیجه اوْنو بوراخاجام. اوْرمانا گئدرسه، سیز هر نه بویورساز قبولومدور. ملاحظه بویورون، بیز اصلان و قاپلان بئلینه هیچ یوک قوْیاریق‌می؟ یوْخ. گویلوز اوْلماسا بیز زوْر ائتمه‌ریک کی. هیچ منیم گوجوم بیر فیلی اینجیتمگه چاتار می؟ بیر یومروق آتسا محو اوْلارام.اصلان دئدی:-گورونور یاخشی باشاریرسان دانیشاسان.کیشی دئدی:-دانیشماق شرط دگیل کی. بیز ایشیمیزی دوْغرو یاپیریق. اینانین بیزیم ایستَگیمیز ساده‌جه خدمت ائیلمکدیر. حتّی بو گون بویله بیر فکره دوشموشدوم کی، قوللوغوزا گلم و سیزه بیر ائو تیکمَگی اونَرم. آخی سیز حیوانلارین سَروَریسیز، بویو?گوسوز. بوْینوموزدا چوْخ حقّیز وار.اصلان سوْروشدو:-ائو نئجه بیر شیءدیر؟
کیشی دئدی:-اجازه ویرسز همن ایندی دوزَلدَرم، سیز ده بیز انسانلارین نه قدر خوْش نیّتلی، اییی قلبلی اوْلدوغوموزو گوررسیز. بویورون نئچه دقیقه آغاج کولگه‌سینده دینجیزی آلین.کیشی شاگردینی چاغیردی:-آی اوْغلان، اوْ تخته‌لری، چکیشی، میخلاری گوتور گتیر بورایا!
اوْغلان دولگرلیک (نجّارلیق) اسبابلارینی حاضرلادی، کیشی ده تئز بیر بویوک قفس دوزلتدی و اصلانا دئدی:-بویورون! بو بیر ائودیر. فایده‌سی بودور کی، کیمسه‌نین سیزه مزاحم اولماماسینی ایستیه‌نده گیررسیز بو ائوین ایچینه، قاپیسینی دا باغلارسیز و راحت راحت یاتارسیز. یا دا اوشاقلاریزی بورادا ساخلارسیز. بو ائوده ایکن یاغیش باشیزا یاغیپ سیزی ایسلاتماز، یا گونش سیزی یاندیرماز. داغدان بیر داش دیغیرلانیپ دوشرسه، سیزین اوزَرینیزه دوشمز یا یئل ووروپ بیر آغاجین یوداغینی سیندیرسا سیزین باشیزا دوشوپ سیزی اینجیتمز. سیزین کیمی حیوانلار سلطانینا بیر ائوین اوْلماسی چوخ واجبدیر.البته هر جور ائو دوزَلتمک اوْلار؛ کیچیک ائو، بویوک ائو. ایندی سیز بویورون بو ائوین ایچینه گوروم سیزین اندازه‌لریزه اویورمو.
اصلان ها فکرلشدی گوردو انسان ائیله ده قوْرخمالی بیری دگیل، چوْخ دا مهرباندیر. بونا گوره ده هیچ اورکمه‌دن، قوْرخمادان گئدیپ گیردی قفسین ایچینه. کیشی تئز گئدیپ قفسین قاپیسینی باغلادی، دئدی:-سیزین بوردا تشریفیز اوْلسون من انسانین صنعتینی سیزه گوستریم.
کیشی شاگردینه دئدی:-دیوار دالیندا اوْد? یاندیر، آفتابه‌نی ده گتیر بورایا.سوْنرا اوزو گلدی قفسین یانینا و اصلانلا قوْنوشماغا داشلادی:-هن، بو کی دییرلر انسان ائیله‌دیر، بویله‌دیر، فلاندیر بهماندیر بونا گوره‌دیر کی انسانین جسمی چوخ گوجلو اوْلماسا دا بئینی حیوانلاردان یاخشی چالیشار. سیز انسانی چوخ حقیر بیلیپ ده گلمیسیز باشی‌نین دریسینی سوْیماغا، انتقام آلماغا! دوْغرودور کی سیزین دیشلریز و جایناقلاریز وار و تهلکه‌لیدیر ده آنجاق انسانین دا یوز جوره اختراعلاری وار کی اوزونه فایده‌لی، دشمنلرینه ضررلیدیر. ایندیجه من بالاجا بیر آفتابه ایله سنین باشیوا ائیله بیر بلا گتیرَرم کی، عمرون وار ایکن اونوتمازسان و بیر داها انتقام فکرینه دوشمزسن.
کیشی بونو دیییپ اوجا سسله باغیردی:-آی اوْغلان اوْ آفتابه‌نی گتیر!کیشی آفتابه‌نی آلدی و قاینار سویو توکدوو اصلانین اوست باشینا. اصلان باغیریپ چابالیردی امّا هر نه ائیردی قفسدن چیخا بیلمیردی. ائله کی اصلانین هر یئری قابار چالدی کیشی دئدی:-باخ، من سنی بو قفسده ساخلاییپ باشیوا هر اوْیون گتیره بیلرم امّا ائتمیرم. حتّی قفسین قاپیسینی دا آچیرام کی گئدیپ اوْرمانداکی حیوانلارا خبر آپاراسان بیر داها انسانلارلا بوْی اولچوشمه‌سینلر. پیس فکرلر ائیله‌سن ده بیل کی آفتابه‌دن داها پیس یوز جور آیری اسبابلاریم وار. قانین اوز بوْینووادیر.
کیشی قفسی آچدی آصلام تو دابانا قوّت قاچدی، دالیسینا دا باخمادی. اصلان گئتدی گیردی اوْرمانا. بدنی‌نین یانیقلاری‌نین عذابیندان اولوردو. ایکی اوْچ دانه آیر اصلان اوْنو گوروپ حال قضیّه‌نی سوْروشدولار. اصلان ماجرانی تعریفلَدی:-بو ایشلری انسان باشیما آچدی.
اصلانلار دئدیلر:-سن بوْش یئره انسانلا دانیشمیسان کی اوْ دا سنی آلدادیپ. انسان سنی تکباشیوا گوروپ بو اوْیونو باشیوا گتیریپ. اوْندان انتقام آلمالیییک. بیرلیکده اوْلسایدیق گوجوْ چاتمازدی. دوشون یوْلا گئدیپ اوْنونکون اوْنا وئرک.-بس گئده‌لیم.اوندن اوچ تازه نفس اصلان، آرخادان دا یانان اصلان دوشدولر یوْلا قاچا قاچا گلیپ همن مزرعه‌یه یئتیشدیلر.
نوشته شده توسط admin در شنبه, ۱۰ اردیبهشت ۱۴۰۱ ساعت ۸:۳۴ ق.ظ
